သြစတြေးလျ နိုင်ငံခြားရေး ၀န်ကြီး မြန်မာပြည်သွားမည်

ဂျွန်လ ၃၀ ရက်နေ့

ယခုအပတ်အတွင်း သြစတေးလျ နိုင်ငံခြားရေးဝန်ကြီး (Julie Bishop) မြန်မာနိုင်ငံနဲ့ လာအိုနိုင်ငံကို ပထမဦးဆုံးအကြိမ် သွားရောက်မယ် လို့ သြစတေးလျ နိုင်ငံခြားရေး ဝန်ကြီးဌာနက ထုတ်ပြန်ပါတယ်။ မြန်မာနိုင်ငံကို အင်္ဂါနေ့မှာ ရောက်မယ်လို့ သြစတေးလျနိုင်ငံခြားရေး ဝန်ကြီးဌာန တာဝန်ရှိသူတစ်ဦးက ပြောပါတယ်။

မြန်မာနိုင်ငံမှာတော့ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်အပါအဝင် သမ္မတဦးသိန်းစိန်နဲ့ မြန်မာအစိုးရအဖွဲ့ဝင်တွေကို တွေ့ဆုံမယ်လို့ ပြောပါတယ်။ လာအိုနိုင်ငံမှာတော့ ပညာရေး၊  စီးပွားရေး ဖွံ့ဖြိုးတိုးတက်မှု၊ အမျိုးသမီး စွမ်းဆောင်မှု မြင့်မားရေးတွေဟာ အဓိက ဦးစားပေးတွေ ဖြစ်မယ်လို့ သတင်းထုတ်ပြန်ချက်မှာ ဖော်ပြထားပါတယ်။ မြန်မာနိုင်ငံရဲ့ စီးပွားရေး ဖွံ့ဖြိုးတိုးတက်ရေး၊ ပြုပြင်ပြောင်းလဲရေး အထူးသဖြင့် ငြိမ်းချမ်းရေးနဲ့ တည်ငြိမ်ရေး ရရှိဖို့အတွက် ပညာရေး အခွင့်အလမ်းတွေ များများရ ဖို့ သြစတေးလျအနေနဲ့ အရေးကြီးတဲ့ အခန်းကနေ ပါဝင်နေပါတယ်။
ဒီလို အလည်အပတ် ခရီးစဉ်အတွင်းမှာ မြန်မာနိုင်ငံရဲ့ ပြုပြင်ပြောင်းလဲရေး လုပ်ဆောင်နေတာနဲ့ ဒီနှစ်အတွက် အာဆီယံဥက္ကဋ္ဌ ရာထူးအတွက် သြစတေးလျထောက်ခံမှုကို ဆက်ပြီးပြသွားမယ်လို့ ပြောပါတယ်။ နောက်ပြီး သြစတေးလျ စီးပွားရေး ကိုယ်စားလှယ်တွေနဲ့ တွေ့ဆုံပြီး ကုန်သွယ်ရေးနဲ့ ရင်းနှီးမြှုပ်နှံမှု တိုးတက်စေဖို့ မြန်မာနဲ့ သြစတေးလျ အစိုးရတွေအနေနဲ့ ဘာတွေ လုပ်ပေးနိုင်မလဲဆိုတာ မေးမြန်းသွားပါမယ်။
မငြိမ်သက်မှုတွေ ဖြစ်နေတဲ့ ရခိုင်ပြည်မှာ လုံခြုံရေးနဲ့ လူသားချင်းစာနာမှု လိုအပ်ချက်တွေအတွက် သြစတေးလျက ငြိမ်းငြိမ်းချမ်းချမ်း ဖြေရှင်းဖို့ တိုက်တွန်းသွားမယ်လို့ သတင်းထုတ်ပြန်ချက်ထဲမှာ ဖော်ပြပါတယ်။ မနှစ်ကလည်း သြစတေးလျ နိုင်ငံခြားရေး ဝန်ကြီး ဘော့ ကား (Bob Carr) မြန်မာနိုင်ငံကို နှစ်ရက်ကြာလည်ပတ်ခဲ့ပါတယ်။ ဒေါ်အောင်ဆန်းစုကြည်လည်း မနှစ်က သြစတေးလျကို သွားရောက်လည် ပတ်ခဲ့ပါတယ်။

ဗွီအိုအေ (မြန်မာဌာန)

30.06.2014 20:00

Read More

ခြေဥ ပြင်ဆင်ရေး ထောက်ခံသူ လက်မှတ်ပေါင်း သုံးသန်း NLD ရရှိ

ဂျွန်လ ၃၀ ရက်နေ့

၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ပေးဖို့ တစ်လအတွင်း လက်မှတ်ရေးထိုးသူပေါင်း ၃သန်း ကျော် ရှိနေပြီဖြစ်ကြောင်း အမျိုးသားဒီမိုကရေစီ အဖွဲ့ချုပ်က ဒီနေ့ ကြေညာချက်ထုတ်ပြန်လိုက်ပါတယ်။

ပြည်နယ်နဲ့ တိုင်းဒေသကြီး ၁၄ ခုက အမျိုးသားဒီမို ကရေစီအဖွဲ့ချုပ်ရုံးတွေမှာ စုဆောင်းရရှိတဲ့ လက်မှတ်တွေကို ရေတွက်ထားတာဖြစ်ကြောင်း အမျိုးသားဒီမိုကရေစီအဖွဲ့ချုပ် ဗဟိုအလုပ် အမှုဆောင် ကော်မတီဝင် ဦးထွန်းထွန်းဟိန် က ပြောပါတယ်။

“ကျနော်တို့ တစ်ပြည်လုံးအတိုင်းအတာနဲ့ပေ့ါ ဒီ ၂၉ ရက်နေ့မှာ တစ်လပြည့်မြောက်ပါပြီ၊ တိုင်းနဲ့ပြည် နယ်တွေမှာ သူတို့စုဆောင်းပြီး ရရှိထားတဲ့လက်မှတ် ကို ပြည်သူတွေကို ကျနော်တို့သိအောင် တိုင်းနဲ့ပြည် နယ် ၁၄ ခုမှာ လက်မှတ်ဘယ်လောက်ရနေတယ်၊ ၁၄ ခုထဲက တင်ပေးတဲ့လက်မှတ်တွေကို ကျနော် တို့ပေါင်းပြီးတော့ ကြေညာချက်ထုတ်လိုက်တာပါ၊ ကျနော်တို့ ရန်ကုန်တိုင်းကပဲ ၆ သိန်း၊ ဒုတိယကတော့ ဧရာဝတီတိုင်းနဲ့ မန္တလေးဖြစ်ဖို့ များပါတယ်ခင်ဗျ၊ ဘယ်နေရာကနေပဲ လက်မှတ်ထိုးထိုး တစ်ကြိမ်ပဲထိုးပေးပါလို့ မေတ္တာရပ်ခံထားတယ်”
အဲ့ဒီထဲမှာ ရန်ကုန်တိုင်းဒေသကြီးက လက်မှတ်ပေါင်း ၆ သိန်းကျော်နဲ့ လက်မှတ်အများဆုံး ရရှိထားတာဖြစ်ပြီး မန္တလေးနဲ့ ဧရာဝတီတိုင်းတို့က ဒုတိယအများဆုံးဖြစ်တယ်လို့ သိရပါတယ်။
ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ရေး လူထုလက်မှတ်တွေကို ပြီးခဲ့တဲ့ မေလ ၂၇ ရက်နေ့ကနေ လာမယ့် ဇူလိုင်လ ၁၉ရက်နေ့အထိ ကောက်ခံသွားမှာဖြစ်ပါတယ်။
လာမယ့် ဇူလိုင်လ ၁၂ ရက်နေ့ ပခုက္ကူမြို့နယ်မှာ ကျင်းပမယ့် ပုဒ်မ ၄၃၆ ပြင်ဆင်ရေး ဟောပြောပွဲကို အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် တက်ရောက်ဟောပြောမယ်လို့ သိရပါတယ်။
ဟောပြောပွဲ စီစဉ်နေတဲ့အကြောင်း အန်အယ်လ်ဒီ ပခုက္ကူမြို့နယ် ပြည်သူ့လွှတ်တော်ကိုယ်စားလှယ် ဦးပိုက်ကိုက အခုလိုပြောပါတယ်။
“၂ဝဝ၈ ဖွဲ့စည်းပုံ ပြင်ဆင်ပေးရေးမှာ လွှတ်တော်နဲ့ လက်ရှိအစိုးရအဖွဲ့ရယ်၊ ကာလုံးရယ်ဖက်က ပြောင်းလဲရေး အတွက်ကို ပြည်သူအားလုံး လက်ခံနိုင်တဲ့အနေအထားဆီကို ချဉ်းကပ်ဖို့အတွက် အားမလိုအားမရ အခြေအနေ တချို့ တွေ့ရတယ်၊ နိုင်ငံတော်သမ္မတ ဦးသိန်းစိန်နဲ့ ဦးရွှေမန်းတို့က ဘက်တစ်ဖက်၊ ကာလုံနဲ့ တပ်မတော် ကာကွယ်ရေးဦးစီးချုပ်က ဘက်တစ်ဖက်၊ ဒေါ်အောင်ဆန်းစုကြည်ရယ် နိုင်ငံရေးခေါင်းဆောင်တွေ တိုင်းရင်းသား အဖွဲ့အစည်း ခေါင်းဆောင်တွေက ဘက်တစ်ဖက် အားလုံးမျက်နှာချင်းဆိုင် ဆွေးနွေးပြီးတော့ ပြည်သူလူထုကို ပါသိရှိစေတဲ့ ပွင့်လင်းမြင်သာသော တွေ့ဆုံဆွေးနွေးမှုမျိုးလုပ်မှရမယ်လို့ ယုံကြည်ပါတယ်”
ပုဒ်မ ၄၃၆ ပြင်ဆင်ရေး ဟောပြောပွဲတွေကို လာမယ့် ဇူလိုင်လပထမပတ်အတွင်း  တောင်ကြီး၊ ကျိုင်းတုံနဲ့  တာချီလိတ်မြို့တို့မှာ ကျင်းပမှာဖြစ်ပါတယ်။

Read More

ပုဒ်မ ၄၃၆ ပြင်ဆင်ရေး ပဲခူးတိုင်း ပြည်မြိဲ့လူထုဟောပြောပွဲ

ဂျွန်လ ၂၉ ရက်နေ့

အမျိုးသားဒီမိုကရေစီအဖွဲ့ချုပ် နှင့် ၈၈မျိုးဆက် ( ငြိမ်းချမ်းရေးနှင့် ပွင့်လင်းလူ့အဖွဲ့အစည်း )တို့၏ ၂၀၀၈ ဖွဲ့စည်းပုံအခြေခံဥပဒေ ပုဒ်မ (၄၃၆) ပြင်ဆင်ရေး လူထုဟောပြောပွဲကို ပဲခူးတိုင်း၊ ပြည်မြို့၊ ရတနာမာန်အောင်လမ်းရှိ လေးထပ်ပြင်ကွင်းတွင် ယနေ့ ဇွန်လ၊ ၂၉ ရက် နံနက် ၉း ၃၀ က ကျင်းပခဲ့ရာ ပြည်သူ ၂၀၀၀ ကျော် တက်ရောက်ခဲ့ကြသည်။
အဆိုပါအခမ်းအနားတွင် အခမ်းအနားမှူးအဖြစ် ၈၈မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း)မှ မမီးမီးက ဆောင်ရွက်ပြီး အခမ်းအနား စတင်ဖွင့်လှစ်ပေးခဲ့သည်။

ထို့နောက် ၂၀၀၈ ဖွဲ့စည်းပုံအခြေခံဥပဒေ နှင့်ပတ်သက်၍ အမျိုးသားဒီမိုကရေစီအဖွဲ့ချုပ်မှ ဥပဒေပညာရှင် ဦးဌေးဦးက ရှင်းလင်း ဟောပြောခဲ့သည်။
ဆက်လက်၍ ၈၈မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း)မှ မင်းကိုနိုင်က ၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၃၆ သည် ပြည်သူ့ဆန္ဒ အစစ်အမှန်မပါဝင်သဖြင့် ပြင်ဆင်ရန်လိုအပ်ကြောင်း၊ ပြည်သူလူထု၏ ဆန္ဒ သဘောထား အစစ်အမှန်ကိုသာ ဖော်ထုတ်ကြဖို့လိုကြောင်း၊ ကိုယ်လိုချင်သည့် ခေါင်းဆောင်ကို ကိုယ်ကိုတိုင်က ရွေးချယ်နိုင်ရမည်ဖြစ်ကြောင်း ဟောပြောခဲ့သည်။
ထို့နောက် အမျိုးသားဒီမိုကရေစီအဖွဲ့ချုပ်၊ နာယက ဦးတင်ဦ်းမှ ပုဒ်မ ၄၃၆ ပြင်ဆင်ရေးနှင့်ပတ်သက်၍ ပြောကြားရာတွင် “မိန်းမနဲ့ ယောက်ျားနဲ့ တန်းတူအခွင့်အရေးရှိရမယ် ၊ ဒေါ်အောင်ဆန်းစုကြည် အတွက် နေရာမပေးရဆိုပြီး လုပ်ထားတာ သိသာတယ် ၊ ဟိုးအရင် ဖွဲ့စည်းပုံတွေမှာလဲ လွတ်လပ်ရေးရရင် တိုင်းရင်းသားအားလုံးအတွက် အခွင့်အရေးရှိရမယ် လို့ ဆိုပြီးသားဖြစ်တယ်။ အဖေအမေ တိုင်းရင်းသားစစ်စစ်ဖြစ်ပါလျက် တိုင်းပြည်မှာရှိသမျှ ရောင်းစားနေရင် နိုင်ငံတော်သစ္စာဖောက်လို့ မခေါ်ဘူးလား၊ တစ်ယောက်သာမယ် တစ်ယောက်နာမယ်ဆိုတဲ့ လုပ်ထားတဲ့ ဖွဲ့စည်းပုံ ဖြစ်နေတယ်၊ ဒါတွေအားလုံးခြုံကြည့်ရင် ပုဒ်မ၄၃၆က ပြင်ကို ပြင်ရမယ်” ဟု ဟောပြောသွားခဲ့သည်။
နောက်ဆုံးတွင် အမျိုးသားဒီမိုကရေစီအဖွဲ့ချုပ်မှ ဥပဒေပညာရှင် ဦးဌေးဦးက ၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၃၆ ပြင်ဆင်နိုင်ရေးအတွက် ပြည်သူလူထုမှ လက်မှတ်ရေးထိုး ပါဝင်နိုင်ရန် နည်းလမ်းများကို ရှင်းလင်းပြောကြားခဲ့ပြီး နံနက် ၁၁း ၂၀ နာရီအချိန်တွင် အခမ်းအနား အောင်မြင်စွာပြီးဆုံးခဲ့သည်။

Read More

ခြေ-ဥ ပြင်ရေး တပ်မတော်သားအမတ်တွေ ပါဝင်ဖို့ ဒေါ်စုတိုက်တွန်း

ဂျွန်လ ၂၉ ရက်နေ့

ဒီကနေ့ ရန်ကုန်မြို့မှာပြုလုပ်တဲ့ The State of the Tropics 2014 အစီရင်ခံစာ ထုတ်ပြန်တဲ့ အခမ်းအနားကို တက်ရောက်ဖွင့်လှစ်ပေးခဲ့တဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က အခြေခံဥပဒေ  ပြင်ဆင်ရေးအတွက် တပ်မတော်သား လွှတ်တော်အမတ်တွေကို တိုက်တွန်းခဲ့ပါတယ်။
ကမ္ဘာကြီးပူနွေးလာမှုအတွင်း အပူပိုင်းရပ်ဝန်းဒေသရဲ့ လက်ရှိ လူမှုရေး၊ စီးပွားရေး အခြေအနေ၊ ဇီဝဖြစ်စဉ်တွေရဲ့ အားသာချက်၊ အားနည်းချက်နဲ့ အနာဂတ်မှာ ရင်ဆိုင်ရလာနိုင်တဲ့ အခြေအနေတွေကို သုတေသန ဌာန ၁၂ ခုတို့ ၃ နှစ်တာ လေ့လာခဲံတဲ့ အစီရင်ခံစာ ထုတ်ပြန်တဲ့ အခမ်းအနားကို ဒေါ်အောင်ဆန်းစုကြည်က ဖွင့်လှစ်ပေးခဲ့တာ ဖြစ်ပါတယ်။ Reuters သတင်းတပုဒ်ကို အခြေခံပြီး မသိင်္ဂီထိုက်က ပြောပြပေးမှာပါ။
The State of the Tropics 2014 အစီရင်ခံစာ ထုတ်တဲ့ အခမ်းအနားကို ဒီကနေ့ ရန်ကုန်မြို့မှာ ကျင်းပတာကို ဒေါ်အောင်ဆန်းစုကြည် တက်ရောက်  ဖွင့်လှစ်ပေးခဲံတာပါ။ ဒီအစီရင်ခံစာနဲ့ ပတ်သက်ပြီး ကျွမ်းကျင် ပညာရှင်တွေရဲ့ သုံးသပ်ချက်တွေ၊ အလုပ်ရုံဆွေးနွေးပွဲတွေ ဆက်လက် လုပ်ဆောင်မှာလည်း ဖြစ်ပါတယ်။ The State of the Tropics 2014 အစီရင်ခံစာကို ဖွင့်လှစ်အပြီး သတင်းထောက်တွေရဲ့မေးခွန်းတွေကိုလည်း ဖြေကြားခဲ့ပါတယ်။
လာမယ့်နှစ် ရွေးကောက်ပွဲမှာ မြန်မာ့အတိုက်အခံ ခေါင်းဆောင် ဒေါ်အောင်ဆန်းစုကြည်အနေနဲ့ သမ္မတအဖြစ် ဝင်ရောက် အရွေးခံနိုင်မယ့် နည်းလမ်းဖြစ်လာစေနိုင်တဲ့ အခြေခံဥပဒေ ပြင်ဆင်ရေး လှုပ်ရှားမှုတွေနဲ့ပတ်သက်ပြီးလည်း ရိုက်တာသတင်းဌာနရဲ့မေးမြန်းမှုကို ဖြေကြားတာမှာ လွှတ်တော်တွင်းက စစ်သား လွှတ်တော်အမတ်များအနေနဲ့ အပြောင်းအလဲတွေ ဖော်ဆောင်ကြဖို့ တိုက်တွန်းခဲ့တာပါ။
ကျမတုိ့ အနေနဲ့ အခြေခံ ဥပဒေ ပုဒ်မ ၄၃၆ ကို မပြင်ဘူးဆိုရင်တော့ အခြေခံ ဥပဒေထဲမှာ ဘယ်ဟာကို ပြောင်းလဲနိုင်တယ်၊ ဒါမှမဟုတ်လည်း ဘယ်ဟာကို မပြောင်းလဲနိုင်ဘူးဆိုတဲ့ အပေါ်မှာ စစ်တပ်က အကြွင်းမဲ့နီးပါး လုပ်ပိုင်ခွင့်အာဏာ ရှိနေတယ်ဆိုတဲ့ အဓိပ္ပါယ်ပါဘဲ။ နောက်ပြီး အခြေခံ ဥပဒေထဲက ဘယ်အချက်တွေကို ပြင်မလဲ မပြင်ဘူးလဲ ဆိုတာကို ပြည်သူတွေ ရွေးကောက်တင်မြှောက်ထားတဲ့ ကိုယ်စားလှယ်တွေက ဆုံးဖြတ်သင့်တယ်လို့ ကျမ ထင်ပါတယ်- လို့ ဒေါ်အောင်ဆန်းစုကြည်က ပြောခဲ့တာပါ။
၂၀၀၈ ခုနှစ် ဖွဲ့စည်းပုံ အခြေခံဥပဒေထဲက ပုဒ်မ ၄၃၆ ကတော့ ဒီဖွဲ့စည်းပုံ အခြေခံဥပဒေထဲက အရေးကြီးတဲ့ ပုဒ်မပေါင်း ၉၀ လောက်ကို ပြင်ဆင်ဖို့မှာ ရွေးကောက်ခံမဟုတ်တဲ့ စစ်သား လွှတ်တော်အမတ် ၂၅ % လွှမ်းမိုးတဲ့ လွှတ်တော်ရဲ့ ကိုယ်စားလှယ် ၇၅ % ကျော် ထောက်ခံချက်၊ ဒီလို ထောက်ခံချက် ရပြီးရင်လည်း လူထုဆန္ဒ သဘောထား ကောက်ယူပြီး မဲဆန္ဒရှင် ထက်ဝက်ကျော်တို့က သဘောတူမှ ပြင်ဆင်နိုင်မယ်ဆိုတဲ့ ပြဌာန်းချက် ဖြစ်ပါတယ်။ ဒါကြောင့် အများစုက လက်ခံထားတဲ့ ၂၀၀၈ ခုနှစ် ဖွဲ့စည်းပုံ အခြေခံဥပဒေကို မဖြစ်မနေ ပြင်ဆင်ကြဖို့ဆိုတာမှာ ပုဒ်မ ၄၃၆ က အဓိက အတားအဆီး အဖြစ် အမျိုးသားဒီမိုကရေစီအဖွဲ့ချုပ်ပါတီက ကိုင်စွဲပြီး ပြင်ဆင်ရေးလှုပ်ရှားမှုကို နိုင်ငံတ၀န်း လုပ်ဆောင်နေတာ ဖြစ်ပါတယ်။
ပုဒ်မ ၄၃၆ ကို ပြင်ဆင်ခြင်းဟာဆိုရင် စစ်တပ်က လွှတ်တော် အမတ်နေရာတွေ ရယူနေတာ အပါအဝင် နိုင်ငံရေးမှာ စစ်တပ်ရဲ့အခန်းကဏ္ဍ၊ ဒေါ်အောင်ဆန်းစုကြည်ကို သမ္မတအဖြစ် ဝင်ရောက်ယှဉ်ပြိုင်နိုင်ခွင့်ကို တားဆီးထားတဲ့ ပုဒ်မ ၅၉( စ) စတဲ့ ပုဒ်မတွေကိုပါ ပြင်ဆင်ဖို့ လမ်းဖွင့်လိုက်တာ ဖြစ်ပါတယ်။ ၂၀၀၈ ခုနှစ်မှာ အတည်ပြုခဲ့တဲ့ ဖွဲ့စည်းပုံ အခြေခံဥပဒေမှာ မိသားစုဝင်တဦးဦး နိုင်ငံခြားသားတွေ ဖြစ်ခဲ့ရင် သမ္မတ၊ ဒုသမ္မတ ဖြစ်ခွင့်ကို တားမြစ်ထားတာ ဖြစ်ပါတယ်။ ဒီအပေါ်မှာတော့ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကတော့ ပုဒ်မ ၅၉ (စ) လုံးကို ပြင်ဆင်ရေး အဓိကမထားဘဲ ပုဒ်မ ၄၃၆ ကို ပြင်ဆင်ဖို့ မြဲတမ်း ဦးတည်လုပ်ဆောင်နေပါတယ်လို့ ပြောဆိုခဲ့ပါတယ်။ အခြေခံဥပေဒ ပြင်ဆင်ရေးအတွက် အဓိက အတားအဆီး ဖြစ်နေတဲ့ ပုဒ်မ ၄၃၆ ကို ပြင်ဆင်ရေး ဖြစ်နိုင်ခြေအပေါ်မှာလည်း ဒေါ်အောင်ဆန်းစုကြည်က အခုလို ပြောဆိုခဲ့ပါတယ်။
ဒီပုဒ်မ ပြင်ဆင်ရေးအတွက် ကျမအနေနဲ့ အကောင်းမြင် မျှော်လင့်နေတာမျိုးမဟုတ်ပါဘူး။ ကျမ အမြဲတမ်း စဉ်းစားတာကတော့ ကျမတို့ ကြိုးစားနေတဲ့ ဒီပန်းတိုင်ကို ရောက်ဖို့ အခက်အခဲတွေကို ဘယ်လောက် ရင်ဆိုင်လုပ်ဆောင်နိုင်မလဲဆိုတာနဲ့ ခက်ခဲပင်ပမ်းလှတဲ့ လုပ်ဆောင်စရာတွေကို ကျမတို့ လုပ်နိုင်စွမ်း ရှိနေတယ်ဆိုတာပဲလို့ - ပြောဆိုသွားပါတယ်။
အခု လက်ရှိမှာလည်း ဒေါ်အောင်ဆန်းစုကြည်ရဲ့ အမျိုးသား ဒီမိုကရေစီ အဖွဲ့ချုပ် ပါတီ NLD နဲ့ ၈၈ မျိုးဆက်တို့ ပူးပေါင်းပြီး အခြေခံ ဥပဒေ ပုဒ်မ ၄၃၆ ပြင်ဆင်ရေး အတွက် တနိုင်ငံလုံးကနေ ထောက်ခံလက်မှတ်တွေ စုဆောင်းနေကြပါတယ်။ ရွေးကောက်ပွဲတွေကတော့ နောက်နှစ် ၂၀၁၅ မှာ ကျင်းပတော့မှာ ဖြစ်ပါတယ်ရှင်။

မသိင်္ဂီထိုက်

29.06.2014 20:44

Read More

မကွေးကိုယ်စားလှယ်လောင်းတွေ အကြောင်း စရဖနဲ့ အထူးသတင်း တပ်ဖွဲ့ စုံစမ်းနေ

ဂျွန်လ ၂၈ ရက်

လာမယ့် ကြားဖြတ်ရွေးကောက်ပွဲမှာ မကွေးတိုင်းဒေသကြီးအတွင်း လစ်လပ်နေတဲ့ မဲဆန္ဒနယ် ၂ နေရာအတွက် ၀င်ရောက်ယှဉ်ပြိုင်မယ့် ကိုယ်စားလှယ်လောင်းစာရင်းတွေကို စစ်ဘက်ရေးရာ လုံခြုံရေးတပ်ဖွဲ့နဲ့ အထူးသတင်းတပ်ဖွဲ့က လိုက်လံ စုံစမ်းနေကြောင်း နိုင်ငံရေးပါတီတွေက ဒီကနေ့ ပြော ကြားပါတယ်။
မကွေးတိုင်းဒေသကြီး ရွေးကောက်ပွဲကော်မရှင် ဥက္ကဌနဲ့ မကွေးတိုင်းအတွင်းက နိုင်ငံရေးပါတီတွေ ဒီနေ့ တွေ့ဆုံ စဉ် တိုင်းရင်းသား စည်းလုံးညီညွတ်ရေးပါတီက
တင်ပြခဲ့တာဖြစ်ကြောင်း တွေ့ဆုံပွဲကို တက်ရောက်ခဲ့တဲ့ အမျိုးသားဒီမိုကရေစီအဖွဲ့ချုပ် မကွေးတိုင်း အတွင်းရေးမှူး ဦးနေမျိုးကျော်က ပြောပါတယ်။
"တိုင်းရင်းသား စည်းလုံးညီညွတ်ရေးပါတီ ကတော့ ထောက်လှမ်းရေးက တချို့ပါတီတွေကို ဘယ်ကိုယ်စားလှယ်တွေ ဝင်ပြိုင်မလဲဆိုတာကို စရဖနဲ့ SP တို့က မေးမြန်းနေတာနဲ့ ပတ်သက်ပြီးတော့ ဒါတွေကို ကော်မရှင်ကတဲ့ ပါတီတွေကို ထိန်းကျောင်းရုံတင်မကပဲနဲ့ ဒီလိုမျိုးဥပဒေပြင်ပကနေ မေးမြန်းမှုတွေကို လည်း တားမြစ်ပေးဖို့ တာဝန်ရှိတယ်လို့ အဲလိုပြောတာကို တိုင်းကော်မရှင်က ပြန်ပြောတာကတော့ ဒါတွေကို ပါတီတွေက ကိုယ်ပေးချင်ပေးနိုင်တယ်၊ မပေးချင်လည်း မပေးပဲနေနိုင်တယ်၊ မိမိပါတီရဲ့ ဆုံးဖြတ်ချက်နဲ့သာလျှင် ဆိုင်တယ်လို့ တိုင်းကော်မရှင်ဥက္ကဌက ပြန်ဖြေတယ်"
လာမယ့် ကြားဖြတ်ရွေးကောက်ပွဲနဲ့ ၂၀၁၅ ရွေးကောက်ပွဲတွေမှာ နိုင်ငံရေးပါတီတွေအနေနဲ့ မဲဆန္ဒရှင်တွေကို အသိပညာပေးတဲ့ လုပ်ငန်းတွေဆောင်ရွက်ဖို့၊ တည်ဆဲရွေးကောက်ပွဲ ဥပဒေတွေကို လိုက်နာကြဖို့ မကွေးတိုင်း ရွေးကောက်ပွဲကော်မရှင် ဥက္ကဌက နိုင်ငံရေးပါတီတွေကို ခေါ်ယူအသိပေးတာဖြစ်တယ်လို့ သိရပါတယ်။
တွေ့ဆုံပွဲကို မကွေးတိုင်း ရွေးကောက်ပွဲကော်မရှင် ဥက္ကဌ ဦးကြည်စိန်နဲ့ အဖွဲ့ဝင်တွေ၊ တိုင်းအတွင်းမှာရှိတဲ့ အမျိုးသားဒီမိုကရေစီအဖွဲ့ချုပ်၊ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ၊ အမျိုးသားဒီမိုကရေစီ အင်အားစု၊ တိုင်းရင်းသား စည်းလုံးညီညွတ်ရေးပါတီ စတဲ့ပါတီတွေက ကိုယ်စားလှယ်တွေ တက်ရောက်ခဲ့ကြပါတယ်။
မကွေးတိုင်းဒေသကြီးက ကမ္မနဲ့ ရေနံချောင်းမြို့နယ်တွေမှာ ပြည်သူ့လွှတ်တော်ကိုယ်စားလှယ် ၂ နေရာ လစ်လပ်နေပါတယ်။

Read More

တန့်ဆည်မှာ ပုဒ်မ ၄၃၆ ပြင်ဆင်ရေး ဆန္ဒပြတောင်းဆို

ဂျွန်လ ၂၈ ရက်နေ့

စစ်ကိုင်းတိုင်းဒေသကြီး၊ ရွှေဘိုခရိုင်၊ တန့်ဆည်မြို့ မှာ ထောင်နဲ့ချီတဲ့ ဒေသခံတွေဟာ ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ရေးအတွက် ဒီနေ့ ဆန္ဒပြတောင်းဆိုကြပါတယ်။
ဆန္ဒပြပွဲဦးဆောင်ခဲ့တဲ့ တန့်ဆည်မြို့နယ် အမျိုးသား ဒီမိုကရေစီအဖွဲ့ချုပ် ဥက္ကဌ ဦးမြင့်ထွန်းက ဆန္ဒပြရတဲ့ အကြောင်း RFA ကို အခုလို ပြောပါတယ်။

"၂ဝဝ၈ ဖွဲ့စည်းပုံ အခြေခံဥပဒေကို ပြင်မယ်ဆိုရင် ပုဒ်မ ၄၃၆ မပြင်ရင် မရဘူးလို့ ကျနော်တို့ ခံယူထားပါတယ်၊ ပုဒ်မ ၄၃၆ ပြင်မှသာလျှင် တခြားဥပဒေပုဒ်မတွေကို ပြင်လို့ရမှာဖြစ်တဲ့အတွက် အဓိကသော့ချက်ဖြစ်တဲ့ ဒီ ၄၃၆ ကိုပြင်ဖို့ လုပ်ရခြင်းဖြစ်ပါတယ်၊ ၂ဝဝ၈ အခြေခံဥပဒေသည် ဒီမိုကရေစီနဲ့ မညီတဲ့အတွက် တန့်ဆည်မြို့နယ် လူထုကလည်း ပြင်ချင်ပါတယ်ဆိုတာကို သက်ဆိုင်ရာတွေသိစေချင်လို့ ဖြစ်ပါတယ်၊ သက်ဆိုင်ရာ အာဏာပိုင် ကလည်း လူတွေရဲ့ဆန္ဒတွေကို လေးစားအသိအမှတ်ပြုလာရန်ဆိုတဲ့ ရည်ရွယ်ချက်နဲ့ အခုလိုထုတ်ဖော်ခြင်းဖြစ် ပါတယ်"
ဆန္ဒပြပွဲကို တန့်ဆည်မြို့နယ် အမျိုးသားဒီမိုကရေစီအဖွဲ့ချုပ်က ဦးဆောင်တာဖြစ်ပြီး တန့်ဆည်မြို့နယ်မှာ ရှိတဲ့ ကျေးရွာပေါင်း ၃၀ ကျော်က ထောင်နဲ့ချီတဲ့ ဒေသခံတွေ ပါဝင်ဆန္ဒပြခဲ့ကြပါတယ်။
တန့်ဆည်မြို့နယ် အမျိုးသားဒီမိုကရေစီအဖွဲ့ချုပ်ရုံးကနေ ရေဦး၊ ကလေးဝ လမ်းမတစ်လျှောက်ကနေ တန့်ဆည် မြို့တော်ခန်းမရှေ့အထိ လမ်းလျှောက်ချီတက်ခဲ့ကြကာ အမျိုးသားဒီမိုကရေစီအဖွဲ့ချုပ်ရုံး ရှေ့မှာ ဆန္ဒပြပွဲကို ရုပ်သိမ်းခဲ့ကြပါတယ်။
ပြီးခဲ့တဲ့ ရက်ပိုင်းအတွင်းကလည်း ရွှေဘိုခရိုင်အတွင်းမှာရှိတဲ့ ရေဦး၊ ကန့်ဘလူ၊ ခင်ဦး၊ ဒီပဲယင်းစတဲ့ မြို့နယ်တွေမှာလည်း ပုဒ်မ ၄၃၆ ပြင်ဆင်ဖို့ ဆန္ဒထုတ်ဖော်ခဲ့ကြပါတယ်။

Read More

သန္တိသုခအမှုစီရင်ချက် နိုင်ငံရေး အကျိုးသက်ရောက်မှု ရှိနိုင်ကြောင်း ကိုမင်းကိုနိုင် ပြောကြား
ဂျွန်လ ၂၇ ရက်နေ့ 

 ရန်ကုန်တိုင်း တာမွေမြို့နယ် မဟာသန္တိသုခကျောင်း တိုက်က သံဃာ ၅ ပါးအပေါ် စွဲချက်တင်ထားတဲ့အမှု အပေါ် တရားရုံးကစီရင်ချက်ဟာ မြန်မာ့နိုင်ငံရေး အပေါ်မှာ အကျိုးသက်ရောက်မှုတွေ ရှိနိုင်တယ်လို့ ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်က ပြော လိုက်ပါတယ်။

“ဒီတရားရုံးရဲ့ ဆုံးဖြတ်ချက်တွေဟာ အနည်းနဲ့ အများတော့ မြန်မာ့နိုင်ငံရေးကို ဂယက်ရိုက်မယ်ဆို တာတော့ ကျနော်ကြိုပြောနိုင်တယ်၊ အဲဒီတရားမျှတမှု မရှိခဲ့ဘူးဆိုရင် နောက်ထပ် နောက်ထပ်ပြည်သူလူထု ရဲ့ တုန့်ပြန်မှု၊ ဒကာ ဒကာမတွေရဲ့ တုန့်ပြန်မှု၊ သံဃာထုရဲ့ တုန့်ပြန်မှုကို မလွဲမသွေရင်ဆိုင်ရမယ်၊ ဒါကြောင့် ဘယ်လိုပဲဖြစ်ဖြစ် တရားအတိုင်းပဲ ဆုံးဖြတ်တာကို ပြည်သူတွေ လိုလားတယ်ဆိုတာကို ကျနော် ပြည်သူလူထုကိုယ်စား ပြောချင်ပါတယ်”
ဒီအမှုဟာ သာသနာညှိးနွမ်းစေမှုနဲ့ တရားစွဲဆိုခံထားရတဲ့ အင်္ဂလန် ဆရာတော် ဦးဥတ္တရက သာသနာတော် တစ်ခုလုံးနဲ့ သက်ဆိုင်နေတဲ့အတွက် ဘက်မလိုက်ပဲ အမှုမှန်ပေါ်ပေါက်တဲ့အထိ အသေအချာစစ်ဆေးဖို့ လိုအပ်ကြောင်း မိန့်ကြားပါတယ်။
ဆရာတော် ဦးဥတ္တရနဲ့ သံဃာ ၄ ပါးကို တာမွေတရားရုံးမှာ စစ်ဆေးအပြီး ဆရာတော် ဦးဥတ္တရက သတင်းထောက်တွေကို အခုလိုမိန့်ကြားခဲ့တာ ဖြစ်ပါတယ်။
“တကယ့်ကိုမှ သာသနာနဲ့ သက်ဆိုင်တဲ့ အမှုကြီးဖြစ်နေတယ်၊ သာသနာကြီးတစ်ခုလုံးနဲ့လည်း သက်ဆိုင်နေတယ်၊ မြန်မာနိုင်ငံမှာ မှီတင်းနေထိုင်ကြတဲ့ သံဃာတော် ၅ သိန်းနဲ့လည်း သက်ဆိုင်နေတဲ့ အမှုကြီးဖြစ်ပါတယ်၊ တမျိုးသားလုံးကလည်း စိတ်ဝင်စားနေတယ်ဆိုတာ ဘုန်းကြီးတို့သိပါတယ်၊ ဒါကြောင့် အမှုစစ်တဲ့နေရာမှာ ဥပဒေအမှန်ကိုပေါ်လာအောင် စစ်ဖို့ရန်အတွက် အရေးကြီးပါတယ်၊ ဒီအမှုမှန်ပေါ်ပေါက် လာအောင် တမျိုးသားလုံးကနေပြီးတော့ ညီညီညွှတ်ညွှတ်နဲ့ အမှန်တရားတွေ ပေါ်ပေါက်လာအောင် ဝိုင်းဝန်းကူညီဆောင်ရွက်ပေးကြပါလို့ မေတ္တာရပ်ခံပါတယ်”
မဟာသန္တိသုခဘုန်းကြီးကျောင်းမှာ သီတင်းသုံးနေတဲ့ အင်္ဂလန်ဆရာတော် ဦးဥတ္တရနဲ့ သံဃာ  ၄ ပါးကို ပြီးခဲ့တဲ့ဇွန်လ ၁၀ ရက်နေ့ညက သာသနာရေးဝန်ကြီးဌာန၊ ပြည်ထဲရေးဝန်ကြီးဌာနနဲ့ နိုင်ငံတော် သံဃာ့မဟာနာယကအဖွဲ့က ဖမ်းဆီးထိန်းသိမ်းခဲ့ပြီး သာသနာ ညိုးနွမ်းစေမှုနဲ့ တရားစွဲဆိုထားတာ ဖြစ်ပါတယ်။
ဒီကနေ့ တရားရုံးချိန်းမှာ သာသနာရေးဦးစီးဋ္ဌာနက တရားလိုတွေကို စစ်ဆေးခဲ့ပြီး လာမယ့်ဇူလိုင်လ ၄ ရက်နေ့ကို အမှုရုံးချိန်းအဖြစ် သတ်မှတ်လိုက်တယ်လို့ ဆရာတော် ဦးဥတ္တရက မိန့်ပါတယ်။
ဒီသတင်းကို RFA သတင်းထောက် ကိုမျိုးဇော်ကို သတင်းပေးပို့ထားတာကိုလည်း တဆက်ထဲ နားဆင်နိုင်ပါတယ်။
အသံဖိုင် နားဆင်ရန်နှင့် ရယူရန်

Read More

KNU ဥက္ကဋ္ဌဟောင်း ဗိုလ်ချုပ်ကြီး စော တာမလာဘော ကွယ်လွန်

 ဂျွန်လ ၂၇ ရက်

KNU ကရင်အမျိုးသားအစည်းရုံး ဥက္ကဋ္ဌဟောင်းလည်းဖြစ်၊ KNLA ကရင်အမျိုးသား လွတ်မြောက်ရေးတပ်မတော် စစ်ဦးစီးချုပ်ဟောင်းလည်းဖြစ်တဲ့ ဗိုလ်ချုပ်ကြီး စောတာမလာဘောဟာ ကြာသပတေးနေ့ညက ကွယ်လွန် သွားပြီ ဖြစ်ပါတယ်။ ဗိုလ်ချုပ်ကြီး တာမလာဘောဟာ စစ်ရေး၊ နိုင်ငံရေး နှစ်ခုစလုံးကို နားလည် သဘောပေါက်သူဖြစ်သလို KNU ရဲ့ မူဝါဒတွေနဲ့ပတ်သက်လို့ ခိုင်မာစွာ ရပ်တည် ဆောင်ရွက်ခဲ့သူဖြစ်တယ်လို့ လုပ်ဆောင်နေတဲ့ လုပ်ဖော်ကိုင်ဖက်တွေ က ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။

KNU ခေါင်းဆောင်ဟောင်း ဗိုလ်ချုပ်ကြီး တာမလာဘောဟာ အသက် ၉၄ နှစ်အရွယ်မှာ လူကြီးရောဂါနဲ့ ကြာသပတေးနေ့ည ၉ နာရီ ၂၃ မိနစ်က ထိုင်း - မြန်မာနယ်စပ် မဲစရီးယန်းမြို့က နေအိမ်မှာ ကွယ်လွန်သွားတာ ဖြစ်ပါတယ်။ ဗိုလ်ချုပ်ကြီး တာမလာဘောဟာ စစ်ရေးရော နိုင်ငံရေးပါ နှစ်မျိုးစလုံး နားလည် ကျွမ်းကျင်သူတဦးဖြစ်တယ်လို့ ကေအဲန်ယူ အရံဗဟိုကော်မီတီဝင်ဟောင်းလည်းဖြစ်၊ ဗိုလ်ချုပ်တာမလာဘောနဲ့ လုပ်ဖော်ကိုင်ဖက်လည်း ဖြစ်ခဲ့ဘူးတဲ့ ပဒိုဇော်နောင်က ပြောပါတယ်။
“ကျနော်အနေနဲ့ကတော့ ဗိုလ်ချုပ် တာမလာဘောနဲ့ ပတ်သက်လို့ကတော့ အဲ့ဒီ့မူပိုင်းဆိုင်ရာမှာ ရပ်တည်ချက် ခိုင်မာတယ်။ ကျနော် အဲ့ဒီ့လိုမြင်တယ်။ နောက်တချက်က သူက တပ်မှူး တစ်ယောက်ဖြစ်ပေမဲ့ နိုင်ငံရေး နားလည်တဲ့ တပ်မှူး တစ်ယောက်ပေါ့နော်။ တော်လှန်ရေး၊ နိုင်ငံရေး သဘောတရားတွေကို နားလည်တဲ့ ဗိုလ်ချုပ်တစ်ယောက်အနေနဲ့ ကျနော်မြင်တယ်။ ဘာဖြစ်လို့လဲဆိုတော့ သူ့ရဲ့ နိုင်ငံရေး ရပ်တည်ချက်တွေက တောက်လျောက် ခိုင်မာခဲ့တာကို တွေ့ရတယ်။ ကျနော်တို့ Gentleman's agreement ကာလမှာ ဗိုလ်ချုပ်မြတောင် သူ့ကို ဗိုလ်ချုပ်ရာထူးကနေ သူ့ကို ထုတ်လိုက်တာတွေ ရှိတယ်။ သူ့ရဲ့ရပ်တည်ချက်က အဲ့တုန်းကဆိုရင် ဗိုလ်ချုပ်မြတို့လည်း နည်းနည်းလေး သူတို့ ဒီမူပိုင်းဆိုင်ရာမှာ နည်းနည်းလေး ယိုင်လာတဲ့အပေါ်မှာ ဗိုလ်ချုပ် တာမလာဘောက မူနဲ့ပတ်သက်ပြီးတော့ အခိုင်အမာ ရပ်တည်တဲ့အတွက် သူ့ကို ထုတ်လိုက်တာတွေရှိတယ်။
ထုတ်လိုက်ပြီးတော့ ကျနော်တို့ ဗဟိုကော်မတီ အစည်းအဝေးပြန်ခေါ်ပြီးတော့ ကျနော်တို့ ဒီဗဟိုကော်မတီတွေက ဝိုင်းဝန်းဆွေးနွေးချက်အရ ဗိုလ်ချုပ်ကြီးမြက ဗိုလ်ချုပ်ကြီး တာမလာဘောကို ထုတ်လိုက်တဲ့ဟာကို ပြန်ပယ်လိုက်တာပေါ့နော်။ ဆိုတော့ အဲ့ဒီကာလမှာလည်း တကယ်ပဲ ခိုင်ခိုင်မာမာရှိတယ်။ သူ့ကို ရာထူးကထုတ်လည်း ထုတ်ပါစေ။ သူမတုန်လှုပ်ဘူးပေါ့နော်။”
၁၉၉၆ ခုနှစ်မှာ မြန်မာအစိုးရနဲ့ KNU အကြားပြုလုပ်တဲ့ ဆွေးနွေးပွဲကို ဗိုလ်ချုပ်ကြီးတာမလာဘောက ဦးဆောင်ခဲ့ပြီး အဲဒီ ဆွေးနွေးပွဲတွေမှာလဲ အဖွဲ့အစည်းရဲ့ မူဝါဒတွေအတိုင်း ခိုင်မာစွာ ရပ်တည် ဆွေးနွေးခဲ့သူဖြစ်တယ်လို့ အဲဒီ ဆွေးနွေးပွဲမှာ ကိုယ်တိုင် ပါဝင်ခဲ့တဲ့ ပဒိုဇော်နောင်က ပြောပါတယ်။  ဒါပေမယ့် လက်ရှိ KNU အဖွဲ့ကသွားနေတဲ့ နိုင်ငံရေးလမ်းစဉ်အပေါ် သဘောမကျဘူးဆိုတာကို မကွယ်လွန်ခင်မှာ ဗိုလ်ချုပ်ကြီး တာမလာဘောက သူ့ကို ပြောပြခဲ့တယ်လို့ ပဒိုဇော်နောင်က ပြောပါတယ်။
“နောက်ပြီးတော့ အခုလက်ရှိ KNU ငြိမ်းချမ်းရေးကိစ္စနဲ့ပတ်သက်လို့လည်း သူ့အမြင်တစ်ခုရှိတယ်။ အဲ့တာက တော်တော်လေး ထူးထူးခြားခြားလို့ပြောရမှာပေါ့နော်။ အခုလုပ်ဆောင်နေတဲ့ လုပ်ငန်းစဉ်တွေက တော်လှန်ရေးကို သစ္စာဖောက်တဲ့လုပ်ငန်းတွေပဲလို့ တချက်ပြောသွားတယ်။”
မေး။   ။ အခု KNU နဲ့ မြန်မာအစိုးရနဲ့ ဆွေးနွေးနေတဲ့ကိစ္စကိုလား ဒါမှမဟုတ် တိုင်းရင်းသားလက်နက်ကိုင်အဖွဲ့ အစည်းတွေ အားလုံးနဲ့ မြန်မာ အစိုးရနဲ့ ဆွေးနွေးနေတဲ့ကိစ္စလား ဒါမှမဟုတ် မြန်မာအစိုးရ လုပ်ဆောင်ချက်တွေကိုလား ဘယ်ကိစ္စကိုသူ့ကဆိုလိုချင်တာလဲ။
“ သူကတော့ အဓိက ကတော့ အခုလက်ရှိKNU ဘက်က သွားနေတဲ့ လုပ်ဆောင်ချက်တွေနဲ့ပတ်သက်ပြီး သုံးသပ်ပြတာပေါ့။
မေး- သူသဘောမကျဘူးပေါ့။
“တော်လှန်ရေးကို သစ္စာဖောက်တဲ့ လုပ်ရပ်တွေပဲလို့၊ အဲ့ဒီ့လို ကျနော့်ကို သူပြောတယ်။
မေး- သူသဘောမကျဘူးပေါ့။ အခုသွားနေတဲ့ လမ်းကြောင်းကို ။
“ဟုတ်တယ်။ သူ သဘောမကျဘူး။”
ဗိုလ်ချုပ်ကြီး တာမလာဘောဟာ ကရင်အမျိုးသားအစည်းအရုံး ဥက္ကဋ္ဌအဖြစ်နဲ့ ဗဟိုကော်မီတီသက်တမ်းတစ်ခု ၄ နှစ်ကြာ တာဝန်ယူခဲ့ပြီးနောက် အသက်အရွယ် ကြီးရင့်လာပြီဖြစ်တဲ့အတွက် သူ့အနေနဲ့ ဥက္ကဋ္ဌ ရာထူးကနေ အနားယူတော့မယ့် အကြောင်း ၂၀၁၂ ခုနှစ် နိုဝင်ဘာလကုန်ပိုင်းမှာ ကျင်းပတဲ့ ၁၅ ကြိမ်မြောက် KNU ကွန်ဂရက်မှာ တရားဝင်တောင်းဆိုခဲ့တာ ဖြစ်ပါတယ်။
ဗိုလ်ချုပ်ကြီး တာမလာဘော ကွယ်လွန်သွားတဲ့အတွက် KNU ကရင်အမျိုးသား အစည်းအရုံး အနေနဲ့ ၀မ်းနည်းကြောင်း ကြေညာချက် ထုတ်ပြန်ပြီး ဈာပန အခမ်းအနားကိုတော့ အဖွဲ့အစည်းအနေနဲ့ရော၊ ဘာသာရေးထုံးစံအရပါ ဆက်လက် ဆောင်ရွက်သွားမယ်လို့ ကြေညာချက်မှာ ဖော်ပြထားပါတယ်။

Read More

ပုဒ်မ ၄၃၆ ပြင်ဆင်ရေး ပဲခူးတိုင်းဒေသကြီး၊ ပဲခူးခရိုင်၊ ပဲခူးမြို့နယ် လူထုဟောပြောပွဲ
ကျင်းပ

ဂျွန်လ ၂၇ ရက်နေ့

အမျိုးသားဒီမိုကရေစီအဖွဲ့ချုပ် နှင့် ၈၈မျိုးဆက် ( ငြိမ်းချမ်းရေးနှင့် ပွင့်လင်း
လူ့အဖွဲ့အစည်း )တို့၏ ၂၀၀၈ ဖွဲ့စည်းပုံအခြေခံဥပဒေ ပုဒ်မ (၄၃၆) ပြင်ဆင်
ရေး လူထုဟောပြောပွဲကို ပဲခူးတိုင်းဒေသကြီး၊ ပဲခူးခရိုင်၊ ပဲခူးမြို့နယ်၊ဇိုင်းဂနိုင်း
မြောက်ပိုင်းရပ်ကွက်၊ ကမ်းနားလမ်းတွင် ဇွန်လ၊ ၂၆ ရက်၊ ၂၀၁၄ ခုနှစ် နံနက်

၉း ၃၀ က ကျင်းပခဲ့ရာ ပြည်သူ ၂၀၀၀ ကျော် တက်ရောက်ခဲ့ကြသည်။

အဆိုပါအခမ်းအနားတွင် အခမ်းအနားမှူးအဖြစ် ၈၈မျိုးဆက် (ငြိမ်းချမ်းရေးနှင့်
ပွင့်လင်းလူ့အဖွဲ့ အစည်း)မှ ကိုဇော်မင်းက ဆောင်ရွက်ပြီး အခမ်းအနား စတင် ဖွင့်လှစ်ပေးခဲ့သည်။
ထို့နောက် ဖွဲ့စည်းပုံအခြေခံဥပဒေ ပုဒ်မ ၄၃၆ အဘယ်ကြောင့် ပြင်ဆင်
သင့်ကြောင်းကို အမျိုးသားဒီမိုကရေစီအဖွဲ့ချုပ် ဥပဒေရေးရာပညာရှင် ဦးဌေးဦးမှ ရှင်းလင်း ဟောပြောခဲ့သည်။
ဆက်လက်၍ ၈၈မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း) မှ ကိုကိုကြီးက
၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၃၆ အား ပြင်ဆင်ရန်လိုအပ်ပုံနှင့် ငြိမ်းချမ်းရေး၊
တိုင်းရင်းသား တန်းတူရေး၊ ပြည်သူနှင့် အစိုးရ အဓိပ္ပါယ် နှင့် ဒီမိုကရေစီဖော်ဆောင်ရေးတို့ကို ရှင်းလင်း ဟောပြောခဲ့သည်။
ထို့နောက် အမျိုးသားဒီမိုကရေစီအဖွဲ့ချုပ်နာယက ဦးတင်းဦးနှင့် အမျိုးသားဒီမိုကရေစီအဖွဲ့ချုပ်
ပဲခူးတိုင်းဒေသကြီးတိုင်းဥက္ကဌ ကိုသိန်းဒန် တို့မှ ပုဒ်မ(၄၃၆ ) ပြင်ဆင်ရေး အရေးကြီးပုံများ
ကိုရှင်းလင်းဟောပြော ခဲ့ကြပြီး နေ့လည် ၁၂း ၃ဝ တွင် အခမ်းအနားကို အောင်မြင်စွာ
ကျင်းပ ပြီးစီးခဲ့သည်။

Read More

ပန်းပျိုးသူများ အခမဲ့ စာသင်ဝိုင်း
ဂျွန်လ ၂၇ ရက်နေ့

 လမ်းဆုံမီးပွိုင့်တွေမှာ ပန်းရောင်းနေကြတဲ့ ကလေးငယ်များအတွက် ရည်ရွယ်ပြီး ပန်းပျိုးသူများ အခမဲ့ စာသင်ဝိုင်းကို မန္တလေးမြို့ ၆၆လမ်း ၂၆x၂၇လမ်းကြား ရွှေပြည်မိုးကဖေးရှေ့မှာ ဇွန်လ ၂၅ရက်နေ့က စတင်ဖွင့်လှစ် လိုက်ပါတယ်။
မိသားစု စားဝတ်နေရးအရ ကျောင်းဆင်းချိန်အပြီး ပန်းရောင်းနေရတဲ့ ကလေးငယ်တွေ စာကျက်ချိန် ကောင်းမွန်စွာ ရရှိစေဖို့ ညနေ (၆)နာရီက စတင်ပြီး ကလေးတွေရဲ့ ပန်းတွေကို
လုပ်အားပေးလူငယ်များက ကလေးများကိုယ်စား လိုက်လံ့ ရောင်းချပေးပါတယ်။
အခုလက်ရှိ ကလေး (၇၅)ယောက်ကို ဆရာ၊ဆရာမ ၂၀က အခမဲ့ သင်ကြားပေးနေပြီး လုပ်အားပေး လူငယ် ၃၀လောက်က ပန်းများ ကူညီရောင်းချပေးနေတာကို ဇွန်လ ၂၅ရက်နေ့ မန္တလေးမြို့ ညနေပိုင်းမှာ တွေ့မြင်ကြရပါတယ်။

သတင်းဓာတ်ပုံ - အိမ်ခိုင်မြဲ

Read More

မြန်မာ့မူးယစ် စီးပွား အစိုးရ GDP ထက် ကြီးထွား

ဂျွန်လ ၂၇ ရက်နေ့

 ကမ္ဘာ့တ၀န်း တချို့ဒေသမှာ မူးယစ်ဆေးဝါး သုံးစွဲမှုပမာဏ မြင့်တက်လာပေမဲ့ အားလုံးခြုံ ကြည့်ရင်တော့ မူယစ်ဆေးဝါး သုံးစွဲမှုအခြေအနေဟာ တည်ငြိမ်မှု ရှိလာတယ်လို့ ကုလသမဂ္ဂက အစီရင်ခံစာ ထုတ်ပြန်လိုက်ပါတယ်။ မြန်မာနိုင်ငံမှာ ဘိန်းစိုက်ပျိုးမှု ဟာ ၂၀၀၆ ခုနှစ်ကုန်ပိုင်းကစပြီး တိုးတက်လာခဲ့ပြီး ၂၀၁၃ ခုနှစ်မှာ စိုက်ခင်း ဧကပေါင်း တသိန်းခွဲနီးပါးထိ ရှိလာခဲ့ကြောင်း၊ ဘိန်းဖြူ ထုတ်လုပ်မှု ဟာလည်း ၂၀၀၈ ကနေ ၂၀၁၁ ခုနှစ်ကာလ ထုတ်လုပ်တဲ့ ပမာဏကို ပြန်လည်
တိုးတက်လာခဲ့ကြောင်း UNODC ခေါ် ကုလသမဂ္ဂ မူးယစ်ဆေးဝါးနဲ့ ပြစ်မှုဆိုင်ရာရုံး ရဲ့ ၂၀၁၄ ခုနှစ်အစီရင်ခံစာမှာဖေါ်ပြလိုက်ပါတယ်။ တစ်ချိန်တည်းမှာပဲ ဒီကနေ့ ကျရောက်တဲ့ အပြည်ပြည်ဆိုင်ရာ မူးယစ်ဆေးဝါး အလွဲသုံးစားမှုနဲ့ တရားမ၀င် ရောင်းဝယ်မှု တိုက်ဖျက်ရေးနေ့ အဖြစ် မူးယစ်ဆေးဝါး မီးရှို့ဖျက်စီးတဲ့ အခမ်းအနားတွေကို ကျင်းပခဲ့ပါတယ်။ ကိုစည်သူနိုင်က ပြောပြပေးမှာပါ။

အာဖဂန်နစ္စတန်နိုင်ငံရဲ့ ဘိန်းစိမ်းထုတ်လုပ်မှုဟာ တန်ချိန် ၅၅၀၀ ရှိပြီး ကမ္ဘာ့ ဘိန်းစိမ်းထုတ်လုပ်မှုရဲ့ ၈၀% ဖြစ်ပြီး၊  မြန်မာနိုင်ငံရဲ့ ဘိန်းစိမ်းထုတ်လုပ်မှုဟာ ၁၂ နှစ်အတွင်း စိုက်ဧက တသိန်းခွဲထိတိုးလာတာ တွေ့ရတယ်လို့ UNODC ရဲ့ ဒီကနေ့ ထုတ်ပြန်တဲ့ အစီရင်ခံစာမှာဖေါ်ပြထားပါတယ်။ မြန်မာနိုင်ငံရဲ့ မူးယစ်ဆေးဝါးရောင်းဝယ်မှု လည်ပတ်ငွေပမာဏဟာ ခန့်မှန်းခြေ အမေရိကန်ဒေါ်လာသန်းပေါင်း ၉ သောင်းရှိတယ်လို့ အရှေ့တောင်အာရှနဲ့ ပစိဖိတ်ဒေသဆိုင်ရာ UNODC ကိုယ်စားလှယ် Jeremy Douglas ကပြောပါတယ်။

“ဒေါ်လာသန်းပေါင်း ၉ သောင်းဆိုတာဟာ မြန်မာနိုင်ငံ ရဲ့ တရားဝင် GDP ပြည်တွင်းအသားတင်ထုတ်လုပ်မှု ပမာဏထက်အများကြီးပိုပါတယ်။  အိမ်နီးချင်း မဲခေါင်မြစ်ဝှမ်းဒေသတောင်ပိုင်းနိုင်ငံတွေရဲ့ GDP ထက်လည်း အများကြီး သာပါတယ်။  ဒါကြောင့် ဒီငွေစီးဆင်းမှုဟာ ဒေသတွင်း စီးပွားရေး အင်အားအကြီးမားဆုံးဖြစ်နေပါတယ်။”
အာရှနိုင်ငံတွေမှာ မူးယစ်ဆေးဝါးသုံးစွဲမှုအခြေအနေကိုလည်း UNODC က အခုလိုသုံးသပ်ပါတယ်။

“ကမ္ဘာမှာ အာရှနိုင်ငံတွေဟာ ဆေးခြောက်ထက် Methamphetamine စိတ်ကြွဆေးပြားသုံးစွဲမှု အများဆုံးနိုင်ငံတွေဖြစ်ကြပါတယ်။ ဒီအရှေ့တောင်အာရှနိုင်ငံတွေ မှာ ဓါတုဆေးဝါးက ထုတ်လုပ်တဲ့ စိတ်ကြွဆေးတွေကို အများဆုံး သုံးလာတာတွေ့ရပါတယ်။”
တရုတ်၊ မလေးရှား ၊ မြန်မာနဲ့ ဗိယက်နမ် အပါအ၀င် ဒေသတွင်း အခြားနိုင်ငံတွေမှာလည်း  ဘိန်းဖြူ ထုတ်လုပ်နေဆဲ ဖြစ်တယ်လို့ ဆိုပါတယ်။ ရွှေတြိဂံနယ်မြေမှာ ၂၀၀၆ ခုနှစ်က စပြီး နှစ်စဉ် ဘိန်းအထွက်တိုးခဲ့တယ်လို့ အစီရင်ခံစာမှာ ဖော်ပြထားပါတယ်။
အဲဒီဒေသတွေမှာ တရားဥပဒေစိုးမိုးရေး၊ ကျန်းမာရေး၊ လူမှုရေး၊ စီးပွားရေး ဖွံ့ဖြိုးတိုးတက်မှုအတွက် နိုင်ငံတကာအသိုင်းအ၀ိုင်းရဲ့ ထောက်ပံ့ကူညီမှု လိုအပ်တယ်လို့ UNODC ကုလသမဂ္ဂမူးယစ်ဆေးဝါးနဲ့ ပြစ်မှုဆိုင်ရာရုံးရဲ့ အစီရင်ခံစာမှာ ဖော်ပြထားပါတယ်။

တစ်ချိန်တည်းမှာပဲ  အပြည်ပြည်ဆိုင်ရာ မူးယစ်ဆေးဝါး အလွဲသုံးစားမှုနှင့် တရားမဝင်ရောင်းဝယ်မှု တိုက်ဖျက်ရေးနေ့ အထိမ်းအမှတ်အဖြစ် မူးယစ်ဆေးဝါးများ မီးရှို့ဖျက်စီးပွဲကို ဒီကနေ့ မှာပဲ  ရန်ကုန်၊ မန္တလေးနှင့် တောင်ကြီးမြို့တွေမှာ တပြိုင်တည်း ပြုလုပ်ခဲ့ပါတယ်။ ၂၀၁၃ ခုနှစ် ဇွန်လကနေ ၂၀၁၄ ဇွန်လအထိ ဖမ်းဆီးရမိတဲ့  မူးယစ်ဆေးဝါး အမျိုးအစားမျိုးစုံကို မီးရှို့ဖျက်ဆီးခဲ့တာဖြစ်ပါတယ်။
 ရန်ကုန်မြို့ ရွှေပြည်သာ ရဲအကြပ်သင်တန်းကျောင်းမှာ မီးရှို့ဖျက်စီးခဲ့တဲ့ မူးယစ်ဆေးဝါးတွေမှာ စိတ်ကြွဆေးပြား၊ ဘိန်းဖြူ၊ ဆေးခြောက်၊ ဘိန်းစာမှုန့်နဲ့အခြား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးတွေ ပါဝင်ပြီးတော့ အမေရိကန်ဒေါ်လာ ၉.၇ သန်းတန်ဖိုးရှိတယ်လို့ ရဲတပ်ဖွဲ့က ပြောပါတယ် ။
မန္တလေးမြို့မှာ ဒေါ်လာ ၃၃ သန်းကျော်ဖိုး၊ တောင်ကြီးမြို့မှာ ဒေါ်လာ (၈၈) သန်းကျော်နဲ့ တစ်နိုင်ငံလုံးအနေနဲ့ စုစုပေါင်း အမေရိကန်ဒေါ်လာ ၁၃၀.၉၄ သန်း တန်ဖိုးရှိတဲ့ မူးယစ်ဆေးဝါးတွေကို မီးရှို့ဖျက်ဆီးခဲ့ကြတာပါ။ မြန်မာနိုင်ငံရဲ့ လက်ရှိ ဘိန်းစိုက်ပျိုးမှု အခြေအနေကို မူးယစ်ရဲတပ်ဖွဲ့ ရဲမှူးခင်မောင်သိန်းက အခုလိုပြောပါတယ်။
"ကိန်းဂဏန်းစာရင်းတွေအရ ဘိန်းစိုက်ပျိုးမှုလည်း များတယ်။ ဒါက တောင်သူတွေကို အစားထိုး သီးနှံဖွံ့ဖြိုးရေး လုပ်ငန်းတွေပေါ့။ ဆောင်ရွက်ဆဲဖြစ် တယ်။ နောက်တခါ ဒေသ အေးချမ်းမှု အတွက်က ညှိနှိုင်းဆွေးနွေးနေဆဲပဲ။ အငြင်းပွားမှုတွေ မပြီးသေးဘူး။ မပြီးသေးတဲ့အခါမှာ ထိန်းချုပ်မှု မလုပ်နိုင်သေးဘူး။ ဒီဘိန်းစိုက်တောင်သူတွေကို တခြားအသက်မွေးဝမ်းကျောင်း မလုပ်ပေးနိုင်သေးဘူး။ အဲ့ဒီ့အတွက် ခါတိုင်းထက်စာရင် နည်းနည်းလေး မြင့်တက်နေ တယ်ပြောလို့ရပါတယ်။ "
မြန်မာနိုင်ငံမှာ ဘိန်းစိုက်ပျိုးမှု ပပျောက်ရေးအတွက် အစားထိုးသီးနှံ စိုက်ပျိုးရေး ပညာပေးလုပ်ငန်းတွေနဲ့ လူငယ်တွေနဲ့ မူးယစ်ဆေးသုံးစွဲသူတွေကြားမှာလည်း ပညာပေးလုပ်ငန်းတွေကို စီမံကိန်းချ လုပ်ဆောင်နေကြောင်း မြန်မာနိုင်ငံရဲတပ်ဖွဲ့က ထုတ်ပြန်ထားပါတယ်။

မြန်မာနိုင်ငံမှာ ၁၉၉၉ ခုနှစ်က စတင်ကာ ဘိန်းစိုက်ပျိုးမှုနဲ့ အခြားမူးယစ်စေသောဆေးဝါး များ လျှော့ချရန် ၁၅ နှစ်စီမံကိန်း ရေးဆွဲ ဆောင်ရွက်ခဲ့ရာ အစောပိုင်းနှစ်တွေမှာ အနည်းငယ် ကျဆင်းခဲ့ပေမယ့် ၂၀၀၇ ခုနှစ်က စတင်ကာ တစ်နှစ်ထက်တစ်နှစ် ပိုမိုတိုးတက်လာကြောင်း ပြည်ထဲရေးဝန်ကြီးဌာန ဒုတိယ ၀န်ကြီးက ပြည်သူ့လွှတ်တော်အစည်းအဝေးမှာ ပြောဆိုခဲ့ဖူးပါတယ်။
ဒါကြောင့် ဘိန်းစိုက်ပျိုးမှု လျှော့ချရေး နောက်ထပ် ၅ နှစ် စီမံကိန်းကို ၂၀၁၉ ထိ သတ်မှတ်ထားတယ်လို့ ရဲတပ်ဖွဲ့ က ပြောပါတယ်။ မြန်မာနိုင်ငံရဲ့ ဘိန်းစိုက်ပျိုးထုတ်လုပ်မှုဟာ တိုင်းရင်းသားလက်နက်ကိုင်တွေနဲ့ ငြိမ်းချမ်းရေးဆွေးနွေးမှု မအောင်မြင်သေးသ၍ ပပျောက်ဖို့ မလွယ်ကူသေးကြောင်းလည်း နိုင်ငံတကာ အသိုင်းအ၀ိုင်းက ထောက်ပြ ဝေဖန်နေကြပါတယ်။

Read More

ဝန်ကြီးချုပ်အဖြစ်ရာထားခံရသူ ဗိုလ်ချုပ်မောင်မောင်အုန်း ရခိုင်ခေါင်းဆောင်တွေနဲ့ ရန်ကုန်မှာ တွေ့ဆုံဆွေးနွေး

ဂျွန်လ ၂၆ ရက်နေ့

 

နိုင်ငံတကာလူ့အခွင့်အရေး စံချိန်စံနှုန်းတွေကို ရခိုင် တိုင်းရင်းသားတွေအပါအ၀င် တိုင်းရင်းသားအားလုံး လေး စားလိုက်နာပြီး ပူးပေါင်းဆောင်ရွက်ဖို့ လိုအပ်ကြောင်း ရခိုင်ပြည်နယ် ၀န်ကြီးချုပ်နေရာ အတွက် အဆိုပြုခံထား ရတဲ့ ဗိုလ်ချုပ်မောင်မောင်အုန်းက ဒီကနေ့ ပြောလိုက် ပါတယ်။
ဒီကနေ့ ရန်ကုန်မြို့ မြန်မာ့ငြိမ်းချမ်းရေးစင်တာမှာ ရခိုင်ပြည်နယ်အရေးကိစ္စနဲ့ပတ်သက်တဲ့ ဆွေးနွေးပွဲမှာ ဗိုလ်ချုပ်မောင်မောင်အုံးက အခုလိုပြောခဲ့တာပါ။

"ကျနော်တို့န်ိုင်ငံသည် ကမ္ဘာ့ကုလသမဂ္ဂအဖွဲ့ဝင်နိုင်ငံ တစ်နိုင်ငံဖြစ်နေခြင်း ကျနော်တို့ သွားနေတဲ့ ဒီမို ကရေစီ လမ်းကြောင်းသည်လည်း ကိုယ့်ဟာကိုယ် ကိုယ့်ခြေထောက်နဲ့ ကိုယ့်အဖွဲ့နဲ့ ရပ်တည်သွားမှာ ဘယ်သူ့မှပြန်မပြောပဲနဲ့ သွားတဲ့လမ်းကြောင်းကနေ ဖယ်ထွက်ပြီးတော့ ယနေ့နိုင်ငံတကာနဲ့ သွားမယ် ပြီးတော့ ကျနော်တို့ နိုင်ငံတကာစံနှုန်းကိုလည်း ရခိုင်တိုင်းရင်းသားများ အပါအဝင် တိုင်းရင်းသား အားလုံးကလည်း အားလုံးညီညွတ်စွာ နိုင်ငံတကာစံနှုန်းတွေနဲ့အညီ လူထုရဲ့ ပြယုဒ်မျက်နှာစာ ကျနော်တို့ တိုင်းရင်းသားအားလုံးရဲ့ ဂုဏ်သိက္ခာဖြစ်တဲ့အတွက် နိုင်ငံတကာစံနှုန်းတွေနဲ့ ကျနော်တို့ စည်းစည်းလုံး လုံးနေကြပါ"
သမ္မတဦးသိန်းစိန်ဟာ ရခိုင်အရေးကိစ္စကို ကိုင်တွယ်တဲ့နေရာမှာ ဒေသခံရခိုင် တိုင်းရင်းသားတွေရဲ့ အကျိုးစီးပွားကို ပထမဦးစားပေးထားပြီး စီမံဆောင်ရွက်နေတယ်လို့လည်း ဗိုလ်ချုပ်မောင်မောင်အုန်းက ပြောပါတယ်။
ဒါအပြင် ရခိုင်ပြည်နယ်ဝန်ကြီးချုပ်ကို ရခိုင်တိုင်းရင်းသားဖြစ်ဖို့ တောင်းဆိုနေတာကို သူအနေနဲ့ နားလည်ကြောင်း ၊ နောက်တက်လာမယ့် အစိုးရသစ်လက်ထက်ကျရင် ရခိုင်ပြည်နယ်ဝန်ကြီးချုပ်ဟာ ရခိုင်တိုင်းရင်းသားသာဖြစ်သင့် တယ်လို့ ဗိုလ်ချုပ်မောင်မောင်အုန်းက ပြောပါတယ်။
ဒီကနေ့ ရခိုင်ပြည်နယ်အရေးကိစ္စနဲ့ပတ်သက်တဲ့ ဆွေးနွေးပွဲကို ကုလသမဂ္ဂအထွေထွေအတွင်းရေးမှူး မစ္စတာဘန်ကီမွန်း ရဲ့ အထူးအကြံပေးကိုယ်စားလှယ် Vjay Nambiar ၊ ရခိုင်ပဋိပက္ခစုံစမ်းစစ်ဆေးရေး အစီအရင်ခံစာ အကောင်အ ထည်ဖော်ဆောင်ရေး လုပ်ငန်းအဖွဲ့ဝင်တွေ၊ ရခိုင်နိုင်ငံရေးပါတီ ခေါင်းဆောင်တွေ တက်ရောက်ခဲ့ကြပါတယ်။
ဒီအကြောင်းနဲ့ပတ်သက်ပြီး RFA သတင်းထောက် ကိုမျိုးဇော်ကို တင်ပြထားတာကိုလည်း တဆက်ထဲ နားဆင်နိုင် ပါတယ်။

Read More

အချိုးကျ ကိုယ်စားပြု မဲစနစ် အမျိုးသားလွှတ်တော် အတည်ပြု

ဂျွန်လ ၂၆ ရက်နေ့

 မြန်မာနိုင်ငံမှာ ရှေ့လာမယ့် ရွေးကောက်ပွဲတွေအတွင်း မဲအချိုးကျ ကိုယ်စားပြု ရွေးချယ်တဲ့စနစ် လို့ခေါ်တဲ့ PR စနစ်ကို ကျင့်သုံးမယ့် အစီအစဉ်အပေါ် ကန့်ကွက်မှုတချို့ ရှိခဲ့ပေမဲ့လည်း လွှတ်တော်မှာ ဒီကနေ့ပဲ မဲခွဲအတည်ပြုလိုက်ပါတယ်။

အချိုးကျ ကိုယ်စားပြုစနစ်ကို ပြောင်းလဲကျင့်သုံးမယ့်

စနစ်နဲ့ပတ်သက်လို့ နိုင်ငံရေး အသိုင်းအ၀ိုင်းကြား အချေအတင် ပြောစရာတွေ ဖြစ်ခဲ့ရပေမဲ့ အမျိုးသားလွှတ်တော်က အတည်ပြုလိုက်တာပါ။ အပြည့်အစုံကိုတော့ ရန်ကုန်အခြေစိုက် ဗွီအိုအေသတင်းထောက် ကိုအောင်ရဲမောင်မောင် က သတင်းပေးပို့ထားပါတယ်။

အချိုးကျကိုယ်စားပြု (PR) စနစ်ကို လာမယ့် အထွေထွေ ရွေးကောက်ပွဲတွေမှာ ကျင့်သုံးနိုင်ဖို့အတွက် အမျိုးသား ဒီမိုကရေစီ အင်အားစုပါတီ (NDF) ရဲ့ အမျိုးသားလွှတ်တော်ကိုယ်စားလှယ် ဒေါ်ခင်ဝိုင်းကြည်က အဆိုပြုခဲ့တာပါ။ ဇွန်လ ၉ ရက် တနလာင်္နေ့က စတင်ပြီး ဒီအဆိုအပေါ်မှာ အမျိုးသားလွှတ်တော် ကိုယ်စားလှယ် အယောက် ၂၀ နဲ့ ၃ ရက်ကြာ ဆွေးနွေးအပြီးမှာပဲ အချိုးကျကိုယ်စားပြု (PR) စနစ် ကျင့်သုံးဖို့ သင့် မသင့် အမျိုးသားလွှတ်တော်အတွင်း မဲခွဲတဲ့နေရာမှာ ၁၁၇ မဲ၊ ၈၅ မဲနဲ့ အဆိုကို ထောက်ခံခဲ့တာ ဖြစ်တယ်လို့ အဆိုရှင် ဒေါ်ခင်ဝိုင်းကြည်က ဗွီအိုအေ ကို ပြောပါတယ်။

“အားလုံးပေါင်း လွှတ်တော်ကိုယ်စားလှယ် ၂၀၄ ဦးလာတယ်။ ၂၀၄ ဦးတက်တယ်၊ ဥက္ကဋ္ဌကြီးအပါအ၀င်ဆိုရင် ၂၀၅ ဦးပေါ့။ တကယ်လို့သာ အဲဒီ ၂၀၄ ဦးက ကန့်ကွက်တာနဲ့ ထောက်ခံတာ အတူတူဖြစ်နေမယ် ဆိုလို့ရှိရင်တော့ ဥက္ကဋ္ဌကြီးမဲကို ထည့်တွက်ရမှာပေါ့လေ။ အခုကတော့ ၂၀၄ ဦး အနက်ကနေ ထောက်ခံတဲ့လူက ၁၁၇ ဦး၊ ကန့်ကွက်တဲ့လူက ၈၅ ဦး၊ ကျန်တဲ့လူက ကြားနေပေါ့နော် အဲဒီ ၂၀၄ ဦးမှာ။ မဲ ၃ မျိုး ခွဲလိုက်တယ်လေ။”

ဒါပေမဲ့ တဘက်မှာတော့ ဒီ PR စနစ်ကို အပြင်းအထန် ဝေဖန်မှုတွေလည်း ရှိနေပါတယ်။ လွှတ်တော်တွင်း မဲခွဲတဲ့နေရာမှာလည်း အတိုက်အခံပါတီ NLD နဲ့ တိုင်းရင်းသားပါတီတွေရဲ့ ကိုယ်စားလှယ်တွေ ဒီအဆိုအပေါ်မှာ ထောက်ခံခြင်း မရှိခဲ့ပေမဲ့ အာဏာရပါတီကြီးဖြစ်တဲ့ ပြည်ခိုင်ဖြိုးပါတီနဲ့ တိုင်းရင်းသားစည်းလုံး ညီညွတ်ရေးပါတီ၊ NDF ပါတီတို့က အဓိက ထောက်ခံခဲ့တာကိုလည်း တွေ့ရပါတယ်။

ဒီအချက်နဲ့ ပတ်သက်ပြီး ဒေါ်ခင်ဝိုင်းကြည်ကတော့ သူမအနေနဲ့ ဒီ PR စနစ် ကျင့်သုံးဖို့ကို အမျိုးသားလွှတ်တော်ရဲ့ တိုင်းဒေသကြီး လွှတ်တော်ကိုယ်စားလှယ်တွေ ရွေးကောက်ပွဲ ယှဉ်ပြိုင်တဲ့နေရာမှာသာ ကျင့်သုံးဖို့ အဆိုပြုခဲ့တာဖြစ်တယ်လို့ သူမက အခုလို ပြန်ဖြေခဲ့ပါတယ်။

“ပြည်နယ်တွေက နည်းနည်း ရှုပ်ရှုပ်ထွေးထွေး ရှိတဲ့နေရာတွေ ရှိတယ်လေ။ လုပ်လို့ကိုင်လို့ သဟဇာတ မဖြစ်တဲ့နေရာတွေရှိတယ်။ အဲဒီလိုမျိုး နေရာတွေကျ မလုပ်နဲ့ပေါ့။ အန်တီက အဲဒီလိုပဲ ပြောခဲ့တာပါ။”

PR စနစ်ကို အမျိုးသားလွှတ်တော်ရဲ့ တိုင်းဒေသကြီးအဆင့် ကိုယ်စားလှယ်တွေ ရွေးချယ်တဲ့နေရာမှာ သုံးမယ်လို့ပြောပေမဲ့ ဒီ PR စနစ်ဟာ အင်မတန် ရှုတ်ထွေးပြီးတော့ တိုင်းရင်းသားဒေသတွေမှာသာ ကျင့်သုံးမယ်ဆိုရင် အခက်အခဲတွေ ရှိလာနိုင်တယ်လို့လည်း ပြည်သူ့လွှတ်တော် ကိုယ်စားလှယ် ဦးဖေသန်း က  သုံးသပ်ပါတယ်။

“အမျိုးသားလွှတ်တော်ဖြစ်ဖြစ်၊ ပြည်နယ်လွှတ်တော်ဖြစ်ဖြစ်၊ ပြည်သူ့လွှတ်တော်ဖြစ်ဖြစ် သူတို့က ၃ ပုံ ၁ ပုံလောက် တက်လာမယ်ဆိုတော့ အဲဒါတွေဟာ တရားဝင် ဖြစ်လာမှာပေါ့ဗျာ။ ဒါကြောင့် ကျနော်တို့ကတော့ တိုင်းရင်းသား ဒေသတွေမှာ ပိုပြီးတော့ အခက်အခဲရှိပါတယ်။ ပြည်နယ်မှာ ဆိုရင်လည်း အခက်အခဲရှိပါတယ်။ ပြည်ထောင်စုမှာ ဆိုရင်လည်းပဲ ခုနကပြောသလို၊ ကျနော်တို့ ဘယ်ပါတီမှ အပြတ်အသတ် အနိုင်မရပဲနဲ့ပေါ့နော် အစိုးရအဖွဲ့က အားနည်းသွားနိုင်တယ်။ အဲဒီအပေါ်မှာ တပ်မတော်ရဲ့ အခန်းကဏ္ဍက ပိုပြီးတော့ စိုးမိုးလာမယ်လို့ ကျနော်တို့ ယူဆတယ်။ အဲဒါကြောင့် ကျနော်တို့အနေနဲ့ PR စနစ်ကို ခြုံပြီးပြောရရင် PR စနစ်က အားနည်းချက်တွေ အများကြီးရှိပါတယ်။ ဒီအချိန်မှာ ပြည်သူတွေကလည်း PR စနစ်ကို ဘယ်လိုမှ နားမလည်နိုင်သေးပါဘူး။ ကျနော်တို့ လွှတ်တော်ကိုယ်စားလှယ်တွေ၊ နိုင်ငံရေး သမားတွေတောင်မှ နားမလည်နိုင်သေးတဲ့ PR စနစ်ရဲ့ မဲပေးပုံ အဆင့်ဆင့် ရှုပ်ထွေးပွေလီမှုတွေကို ကျနော်တို့ ပြည်သူတွေကို ချပြဖို့၊ ပြည်သူတွေက အဲဒါတွေကို ထဲထဲဝင်ဝင် နားလည်တတ်မြောက်ဖို့ဆိုတာ တော်တော့ကို ခက်ပါတယ်”

တဘက်မှာလည်း အမျိုးသားဒီမိုကရေစီအဖွဲ့ချုပ်ရဲ့ ပြောခွင့်ရှိသူလည်းဖြစ်၊ ဗဟို အလုပ်အမှုဆောင် ကိုယ်စားလှယ်လည်းဖြစ်တဲ့ ဒေါ်နန်းခင်ထွေးမြင့် ကတော့ PR စနစ် ကျင့်သုံးနိုင်အောင် လွှတ်တော်တွင်း ဆောင်ရွက်ချက်ဟာ မေးခွန်းထုတ် စရာ ဖြစ်နေတယ်လို့လည်း သူမက ပြောပါတယ်။

“ဟိုအရင်တုန်းကတော့ သူတို့မပြောကြဘူး၊ အခုမှ PR စနစ်ကို ဘာ့ကြောင့်ပြောကြလဲဆိုတာ ကျမတို့က လေ့လာမေးကြည့်တဲ့အခါမှာ သူတို့က တပါတီအာဏာရှင်ဖြစ်မှာ ကြောက်လို့တဲ့။ အဲဒါဆိုရင် ၂၀၁၀ တုန်းကရော ပြည်ခိုင်ဖြိုးပါတီ၊ တပါတီ အာဏာရှင် ဖြစ်မှာကြတော့ သူတို့ စိတ်မပူဘူးလား။ အမှန်တော့ ဒီ PR ဆိုတာ သူတို့ပြောရင် တိုင်းရင်းသား ဘာဖြစ်တယ်၊ ညာဖြစ်တယ် တိုင်းရင်းသားကို ဦးစားပေးတယ်တို့ ဘာတို့ပြောတယ်။ အမှန်က တိုင်းရင်းသား ပါတီငယ်လေးတွေအတွက် ဒါကပိုပြီးတော့ ဆုံးရှုံးမှု များတယ်လေ။ ကျမတို့ အမျိုးသားဒီမိုကရေစီအဖွဲ့ချုပ် ကတောင်မှ ဒီလောက်ထိခိုက်မှု မရှိဘူး။ ပါတီငယ်လေးတွေပဲ ထိခိုက်မှုရှိတာ။ အဲဒီတော့ သူတို့က သက်သက် ပါတီငယ်လေးတွေကို ဘယ်လိုလုပ်ချင်လို့လဲမသိ။ တိုင်းရင်းသားတွေကိုပဲ ချန်ခဲ့ချင်လို့လား၊ တခုခုအစီအစဉ်နဲ့ လုပ်တယ်လို့ပဲ ကျမကတော့ လက်ခံထားတယ်။ ဒါကတော့ မရိုးသားတာကတော့ အမှန်ပဲ။ ဒါကြီးကို သိလျက်သားနဲ့ သက်သက်ကြီး သူတို့ အင်အားကြီးသုံးပြီးတော့ လုပ်တယ်ဆိုတော့လည်း ဒါကမရိုးသားတဲ့ အထဲမှာ တချက်ပါတယ်။”

ဒီကနေ့ အမျိုးသားလွှတ်တော်မှာ ဒီအဆိုကို မဲခွဲအပြီးမှာတော့ ပြည်ထောင်စု ရွေးကော်ပွဲကော်မရှင်က လွှတ်တော်က အလိုရှိနေတဲ့အတိုင်း သူတို့အနေနဲ့ ဆောင်ရွက်ဖို့ ရှိတယ်လို့လည်း ပြန်လည် ပြောဆိုသွားခဲ့ပါတယ်။
ဒါကြောင့် ဒီအချိုးကျကိုယ်စားပြု (PR) စနစ်ကို လေ့လာဖို့အတွက် အမျိုးသားလွှတ်တော်မှာ ကော်မရှင်တရပ် ဖွဲ့ပေးခဲ့ပြီး ဥပဒေမူကြမ်းအတွက် မကြခင်မှာ ထွက်လာနိုင်ဖို့ ရှိတယ်လို့လည်း လွှတ်တော်ကိုယ်စားလှယ် အများက ပြောဆိုနေကြပါတယ်။

Read More

နောက်ပြန်လှည့်ဖို့ ရည်ရွယ်ချက်မရှိဟု သမ္မတပြောခွင့်ရ ပြော

ဂျွန်လ ၂၆ ရက်နေ့

 ပြီးခဲ့တဲ့သီတင်းပတ်တွေအတွင်း မဟာသန္တိသုခကျောင်းဖြစ်ရပ်နဲ့ စာနယ်ဇင်းတချို့ကို ရဲအထူးတပ်ဖွဲ့က ခေါ်ယူမေးမြန်းခဲ့တဲ့ အခြေအနေတွေကြောင့် မြန်မာ့ဒီမိုကရေစီ ပြုပြင်ပြောင်းလဲရေးဟာ နောက်ကြောင်းပြန်လှည့်ဖို့ အလားအလာ ဖြစ်လာပြီလားဆိုတဲ့ စိုးရိမ်ချက်တွေကို သမ္မတရဲ့ပြောရေးဆိုခွင့်ရှိသူက ပယ်ချပါတယ်။

 
မူပြောင်းပြီး လူဟောင်းတွေနဲ့ ပြုပြင်ပြောင်းလဲရေးကို အကောင်အထည်ဖော်နေတာကြောင့် နဂိုကတည်းက အသားကျခဲ့ပြီးသား လုပ်နည်းလုပ်ဟန်တွေ အခုချိန်ထိ တွေ့နေရတာဖြစ်တယ်လို့ သုံးသပ်တာမျိုးလည်း ရှိပါတယ်။ အပြည့်အစုံကို ဗွီအိုအေရဲ့ ရန်ကုန်သတင်းထောက် ကိုအောင်ရဲမောင်မောင်က သတင်းပေးပို့ထားပါတယ်။
 
အသွင်ကူးပြောင်းရေးကာလမှာ ဒီမိုကရေစီ ပြုပြင်ပြောင်းလဲရေး၊ အမျိုးသားရင်ကြားစေ့ရေးအတွက် သမ္မတဦးသိန်းစိန် ဦးဆောင်တဲ့ အစိုးရအဖွဲ့ ရည်မှန်းချက်ထား လုပ်ဆောင်နေတယ်လို့ အကြိမ်ကြိမ် ပြောဆိုနေပေမဲ့ ဒီဇွန်လအတွင်းမှာ ဖြစ်ခဲ့တဲ့ မဟာသန္တိသုခ ဘုန်းတော်ကြီးကျောင်းကိစ္စ၊ သံဃာတော်တွေကို အဓမ္မ လူဝတ်လဲ ဖမ်းဆီးတဲ့ကိစ္စနဲ့ သတင်းမီဒီယာတွေကို သတင်းရဲတပ်ဖွဲ့က မေးမြန်းမှုတွေလုပ်တဲ့ ကိစ္စကတော့ တိုင်းပြည်အတွက် စိုးရိမ်စရာ အနေအထားတွေ ဖြစ်တယ်လို့ မြန်မာ့အရေး လေ့လာသူတွေက ပြောဆိုပါတယ်။
 
သံဃာတော်တွေကို အင်အားသုံး ဆောင်ရွက်တဲ့ကိစ္စနဲ့ စာနယ်ဇင်းတွေကို ခေါ်ယူမေးမြန်းတဲ့ ကိစ္စတွေဟာဆိုရင်လက်ရှိ မြန်မာနိုင်ငံမှာ ပြဌာန်းထားတဲ့ ၂၀၀၈ ဖွဲ့စည်းပုံအရ ကြည့်မယ်ဆိုရင်တောင် ကိုက်ညီမှု မရှိသလို ပြုပြင်ပြောင်းလဲရေး၊ အမျိုးသားရင်ကြားစေ့ရေးတွေ ဆောင်ရွက်နေမှုမှာ နောက်ကြောင်းပြန်နိုင်တဲ့ သဘောထိတောင် စိုးရိမ်စရာ ကောင်းတယ်လို့ မြန်မာ့အရေး လေ့လာသုံးသပ်သူ ဒေါက်တာ ရန်မျိုးသိမ်းက ပြောပါတယ်။
 
“ဒီလိုပုံစံမျိုးဆက်ပြီး ခြေလှမ်းတွေ လှမ်းလာမယ်ဆိုလို့ရှိရင် ဒီမြန်မာအစိုးရရဲ့ ဒီမိုကရေစီ ပြုပြင်ပြောင်းလဲရေးနဲ့ အမျိုးသားပြန်လည်သင့်မြတ်ရေး လုပ်ငန်းစဉ်တွေအပေါ်မှာ သံသယဖြစ်ဖွယ် အနေအထားတွေကို တွေ့ရတယ်ဗျာ။ နောက်တဘက်က ခုနပြောတဲ့ ဗုဒ္ဓဘာသာ ရဟန်းတော်တွေကို ဒီလိုမျိုး လူဝတ်လဲတာ၊ ဗုဒ္ဓဘာသာကျောင်းတိုက်ကို ၀င်သိမ်းတာ၊ ဒါကလည်းပဲ တကယ်တမ်းသေချာ ဆန်းစစ်ကြည့်လို့ရှိရင် ကျနော်တို့ ဖွဲ့စည်းပုံအခြေခံဥပဒေထဲမှာပါတဲ့ ပြဌာန်းချက်တွေနဲ့ မလျော်ညီတာကို တွေ့ရတယ်ဗျ။ နောက်ပြီးတော့ ဟို ကျနော့်အမြင် ပြောရလို့ရှိရင်ပေါ့ဗျာ ဥပမာ - တရားနည်းလမ်းနဲ့ပေါ့ဗျာ ဓမ္မစက်နဲ့ ဖြေရှင်းလို့ရတဲ့နည်းလမ်းတွေကို အနေအထားတွေကို သူက အာဏာစက်နဲ့ပါ သူက ၀င်ပြီးတော့ ဖြေရှင်းတဲ့ပုံစံကို ချက်ချင်းလုပ်တဲ့ အနေအထားတွေ တွေ့ရတဲ့အခါကျတော့ အရင် အစိုးရလက်ထက်ကလုပ်တဲ့ ပုံစံတွေနဲ့ သိပ်ပြီးတော့ မကွဲလွဲတာကို တွေ့ရတယ်။ အဲ့ဒီအခါကျကတော့ ဒီအခြေအနေ ၂ ခုစလုံးကတော့ ပြောမယ်ဆိုရင် မြန်မာနိုင်ငံရဲ့ ဒီမိုကရေစီ အသွင်ကူးပြောင်းရေးနဲ့ အမျိုးသားပြန်လည်သင့်မြတ်ရေးအတွက်ကို စိုးရိမ်စရာရှိတဲ့ အနေအထား ၂ ခုလို့ ကျနော်ကတော့ မြင်တယ်။”
 
တချိန်တည်းမှာပဲ သမ္မတ ဦးသိန်းစိန်ရဲ့  ပြောခွင့်ရှိသူလည်းဖြစ်၊ ပြန်ကြားရေး ဒုဝန်ကြီးလည်းဖြစ်တဲ့ ဦးရဲထွဋ်ကတော့ ပြုပြင်ပြောင်းလဲရေးဟာ နောက်ဆုတ် ဖို့ထက် ရှေ့တိုးဖို့ပဲရှိပြီးတော့ အဲဒီလို ရှေ့တိုးတဲ့နေရာမှာ ပါဝင်ပတ်သက်သူတွေ ရဲ့ အမြင်ကျယ်မှုကလည်း အရေးကြီးတယ်လို့ ပြောပါတယ်။

“ကျနော်တို့ အစိုးရအဖွဲ့ရော၊ တပ်မတော်ရောက ပြုပြင်ပြောင်းလဲလုပ်ငန်းကို ရှေ့ ဆက်ပြီးတော့ ဆောင်ရွက်ဖို့ပဲ ကျနော်တို့က ဆုံးဖြတ်ထားတာ။ ဒီနေရာမှာတော့ ကျနော်တို့က ခုနပြောသလို ဟုတ်လား ရှေ့ကိုတော့သွားရမှာပဲ ရှေ့ကို သွားတဲ့လမ်းက မြန်မလား၊ နှေးမလား အနှောင့်အယှက် ရှိမလား၊ မရှိဘူးလား ဆိုတာတော့ ပါဝင်ပတ်သက်တဲ့သူတွေအားလုံး အမြင်ကျယ်ကျယ် လုပ်တဲ့အပေါ်မှာ မူတည်တာပေါ့လေ။ နောက်ကြောင်းပြန်လှည့်ဖို့ဆိုတာတော့ ကျနော်တို့ ဘယ်လိုမှ ဖြစ်နိုင်စရာမရှိဘူး။”
 
အစိုးရအဖွဲ့အနေနဲ့ လတ်တလော ဖြစ်သွားတဲ့ ဖြစ်ရပ်တွေအပေါ်မှာ ပွင့်လင်း မြင်သာမှုရှိရှိ ပြည်သူကို တိတိကျကျ ပြန်လည် ပြောဆို ဖြေကြားပေး တာမျိုးတွေ မရှိတဲ့အတွက် အစိုးရနဲ့ ပြည်သူအကြား သို့လောသို့လောတွေ များလာသလို ပြင်ပမှာလည်း ကောလာဟာလတွေ များလာတာဖြစ်တယ်လို့ မြန် မာနိုင်ငံ စာနယ်ဇင်းကောင်စီရဲ့ အတွင်းရေးမှူး ဦးကျော်မင်းဆွေ က ပြောပါတယ်။
 
“မဟုတ်တဲ့အကြောင်းပြချက်၊ မခိုင်လုံတဲ့အကြောင်းပြချက်၊ မဆီလျော်တဲ့အကြောင်းပြချက်နဲ့ ပြောနေတဲ့အခါကျတော့ သို့လောသို့လောတွေ ဖြစ်ကုန်တာပေါ့။ အဲ့တော့ အဓိကပြဿနာက ဘာလဲဆိုတော့ အစိုးရက ဘာလုပ်လုပ် မပွင့်လင်းတာ။ ပွင့်လင်းမြင်သာမှုမရှိတာ။ ပွင့်လင်းမြင်သာမှု မရှိတဲ့အတွက် ရိုးရိုးသားသား သတင်းထုတ်ပြန်မှု မရှိတဲ့အတွက် ဒါတွေက ထင်ယောင်ထင်မှားတွေဖြစ်၊ တမင်သက်သက် ရည်ရွယ်ချက်နဲ့လုပ်တယ်လို့ အပြောခံရတာတွေဖြစ်၊ ကောလဟာလတွေ ဖြစ်ကုန်တာလေ။”
 
အရပ်သားတပိုင်း အစိုးရအနေနဲ့ အရင် စစ်အာဏာရှင်လက်ထက်က အကျင့်တွေအတိုင်း လုပ်ဆောင်တာဟာ တိုင်းပြည်အုပ်ချုပ်သူတွေဟာ အရင် လူဟောင်းတွေထဲက အုပ်ချုပ်သူတွေကပဲ ဆက်ပြီး အုပ်ချုပ်နေတဲ့အတွက် အကျင့်ဟောင်းတွေ ပါနေတာဖြစ်တယ်လို့ သုံးသပ်သူကတော့ မြန်မာ့မီဒီယာအရေးနဲ့ မြန်မာ့နိုင်ငံရေး စောင့်ကြည့်သူ ဦးစိန်ဝင်း ဖြစ်ပါတယ်။
 
“ဘာကြောင့်ဖြစ်လဲဆိုတော့ အရင်လူဟောင်းတွေပဲ လုပ်ခဲ့ပြီးတော့ အရင် အကျင့်ဟောင်းတွေကိုပဲ ဆက်ပြီးတော့ စွဲကိုင်ထားလို့ပဲလို့ အဓိကကတော့ သူ့ရဲ့အကျိုးစီးပွား၊ ဟုတ်လား အရင်စနစ်တုန်းကလို ဟာမျိုးအတိုင်းနဲ့ပဲ သွားမယ်ဆိုလို့ အကျိုးစီးပွားတွေက ကျန်မြဲ ကျန်နေခဲ့တယ်ပဲဗျ။ အဲ့ဒါတွေကို မစွန့်ခွာနိုင်ခဲ့တာပဲ။ ပထမတော့ ထွက်လာခါစတုန်းကတော့ ဟုတ်လား ဒီဟာတွေ မရှိတော့ပါဘူး။ ကျနော်တို့ စနစ်သစ်ကိုသွားမယ်။ ဒါပေမဲ့ တကယ့်တကယ် လုပ်ရင်းလုပ်ရင်းနဲ့ အကျိုးစီးပွား ထိခိုက်မှုတွေ ဖြစ်လာတဲ့အခါကျတော့ ဇာတိရုပ်တွေက တခါတခါမှာ သွားပြီး ပေါ်လာတဲ့သဘော ဖြစ်တာပဲခင်ဗျ။”
 
ဇွန်လ ၁၀ ရက်နေ့က တာမွေမြို့နယ် မဟာသန္တိသုခ ကျောင်းတိုက်ကို အာဏာပိုင်တွေ ၀င်ရောက်စီးနင်းပြီး သံဃာတော် ၅ ပါးကို ဖမ်းဆီး ခေါ်ဆောင် သွားခဲ့တာပါ။ ဖမ်းဆီးခေါ်ဆောင်သွားတဲ့  သံဃာတော်တွေကို သင်္ကန်းဝတ်ကနေ လူဝတ်လဲပြီးတော့  တာမွေတရားရုံးမှာ အမှုစစ်ဆေးပြီးတော့ အာမခံနဲ့ ပြန်လွှတ်ပေးခဲ့ပါတယ်။
 
အစိုးရရဲ့သတင်းရဲတပ်ဖွဲ့အနေနဲ့ ဇွန်လ ၂၀ ရက်နေ့တုန်းက အစိုးရလက်နက်စက်ရုံကိစ္စ ရေးသားခဲ့တဲ့ UNITY ဂျာနယ်၊ ပြည်သူ့ခေတ် ဂျာနယ်၊ မြန်မာပို့စ်နဲ့ မြန်မာပိုစ့် ဂလိုဘယ်ဂျာနယ်၊ The VOICE ဂျာနယ်နဲ့ The VOICE သတင်းစာတွေကို မေးမြန်းမှုတွေ လုပ်ခဲ့တာလည်း ဖြစ်ပါတယ်။

Read More

အမျိုးသားဒီမိုကရေစီအဖွဲ့ချုပ် လူငယ်ညီလာခံကျင်းပမည်

ဂျွန်လ ၂၆ ရက်နေ့

အမျိုးသားဒီမိုကရေစီအဖွဲ့ချုပ်ရဲ့ ပထမအကြိမ် နိုင်ငံလုံးဆိုင်ရာ လူငယ်ညီလာခံကို လာမယ့် ဇူလိုင်လ ၅ ရက်နဲ့ ၆ ရက်နေ့တွေမှာ ပြုလုပ်မယ်လို့ ဒီနေ့ သတင်းထုတ်ပြန်လိုက်ပါတယ်။

အဲဒီညီလာခံကို ရန်ကုန်မြို့၊ ဗဟန်းမြို့နယ်က တော်ဝင်နှင်းဆီစားသောက်ဆိုင်မှာ ပြုလုပ်မှာဖြစ်ပြီး ပြည်နယ်နဲ့ တိုင်းအသီးသီးက ဗဟိုလူငယ်ညီလာခံကိုယ်စားလှယ် ၂၀၀ လောက် တက်ရောက်မယ်လို့
လူငယ်ညီလာခံကျင်းပရေးကော်မရှင် ဥက္ကဋ္ဌ ဦးမောင်မောင်ဦးက ပြောပါတယ်။
တနိုင်ငံလုံးက မြို့နယ် ၂၉၀ ကျော်မှာ အမျိုးသားဒီမိုကရေစီအဖွဲ့ (အန်အယ်လ်ဒီ) ရုံးပေါင်း ၂၈၀ ကျော်ဖွင့်ထားပြီး အဲဒီမြို့တွေ အားလုံးက လူငယ်ညီလာခံ ကိုယ်စားလှယ်တွေ တက်ရောက်ကြမယ်လို့ သူက ဆက်ပြောပါတယ်။
ညီလာခံကနေ ဗဟိုလူငယ်ဦးဆောင်အဖွဲ့နဲ့ ဗဟိုလူငယ်လုပ်ငန်းအဖွဲ့တွေကို ရွေးချယ်မှာဖြစ်ပြီး အန်အယ်လ်ဒီ လူငယ်ရေးရာတာဝန်ခံ ဒေါ်အောင်ဆန်းစုကြည်တက်ရောက်ပြီး အဖွင့်အမှာစကား ပြောမှာလည်း ဖြစ်ပါတယ်။
အန်အယ်လ်ဒီ အနေနဲ့ လူငယ်ညီလာခံ ပြုလုပ်နိုင်ဖို့ ၂၀၁၃ ခုနှစ် ဇွန်လကတည်းက စတင်ဆောင်ရွက်နေတာပါ။
By ပိုင်စိုး DVB

Read More

တပ်မတော်သား၊ ရဲတပ်သားတွေပါ ပုဒ်မ ၄၃၆ ပြင်ဆင်ရေးပါဝင်ဖို့ ကိုကိုကြီး တိုက်တွန်း

ဂျွန်လ ၂၆ ရက်နေ့

တပ်မတော်သားတွေနဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီဝင်တွေလည်း ၂၀၀၈ ဖွဲ့စည်းပုံ ကို ပြင်ဆင်တဲ့ ပုဒ်မ ၄၃၆ ပြင်ဆင်ရေးမှာ ပါဝင် လက်မှတ်ရေးထိုးကြဖို့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းခေါင်းဆောင် ကိုကိုကြီးက ဒီနေ့ တိုက်တွန်းလိုက်ပါတယ်။

ဒီနေ့ ပဲခူးတိုင်းဒေသကြီး  ပဲခူးမြစ်ကူးတံတားဘေးမှာ ကျင်းပတဲ့ ပုဒ်မ ၄၃၆ ပြင်ဆင်ရေးနဲ့ လက်မှတ်ရေး ထိုးပွဲမှာ ကိုကိုကြီးက အခုလို တိုက်တွန်းပြောကြား ခဲ့ပါတယ်။

“ခင်ဗျားတို့ကိုယ်ပိုင် လွတ်လပ်တဲ့ စဉ်းစားဆင်ခြင်ထုံ တရားနဲ့ အသိဥာဏ်နဲ့ ဆုံးဖြတ်ပါ၊ ကျနော်တို့ပြောနေ တာဟာ သမာသမတ်ကျတယ်၊ သဘာဝကျတယ်၊ ပြင် သင့်တယ်၊ ထောက်ခံသင့်တယ်လို့ထင်ရင် ဌာနဆိုင်ရာဝန်ထမ်းဖြစ်စေ၊ တခြားနိုင်ငံရေးပါတီများမှ နောက်ဆုံး ကြံ့ခိုင်ရေးမှ ပါတီဝင်များဖြစ်စေ၊ တပ်မတော်သား ကိုယ်စားလှယ်များဖြစ်စေ၊ သာမန်တပ်မတော်သားများဖြစ်စေ၊ ရဲတပ်ဖွဲ့ဝင်များဖြစ်စေ အားလုံးပူးပေါင်းဆောင်ရွက်ကြဖို့ ဖိတ်ခေါ်ပါတယ်”
ဒီနေ့ ဟောပြောပွဲကို အမျိုးသားဒီမိုကရေစီအဖွဲ့ချုပ်နဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့ အစည်းတို့ ပူးပေါင်းကျင်းပတာဖြစ်ပြီး အမျိုးသားဒီမိုကရေစီအဖွဲ့ချုပ် နာယက ဦးတင်ဦး၊ ဥပဒေပညာရှင် ဦးဌေးဦးတို့က ပုဒ်မ ၄၃၆ ပြင်ဆင်ရေးအတွက် ဟောပြောခဲ့ပါတယ်။
ဟောပြောပွဲကို ပဲခူးမြို့နဲ့ နီးစပ်ရာကျေးရွာတွေက ဒေသခံတစ်ထောင်ကျော်လောက် တက်ရောက်ပြီး ပုဒ်မ ၄၃၆ ပြင်ဆင်ပေးဖို့ လက်မှတ်ရေးထိုးခဲ့ကြပါတယ်။
ဒီသတင်းနဲ့ပတ်သက်ပြီး RFA သတင်းထောက် မဝေမာထွန်း သတင်းပေးပို့ထားတာကိုလည်း နားဆင်နိုင်ပါတယ်။

Read More

ဝန်ကြီးဌာန အချို့ငွေသုံးစွဲပုံ လွှတ်တော်ကော်မတီ စစ်မည်

ဂျွန်လ ၂၅ ရက်နေ့

 သာသနာရေးဝန်ကြီးဌာနအပါအ၀င် အစိုးရ၀န်ကြီးဌာနလေးခုရဲ့ ဘတ်ဂျက်သုံးစွဲမှုတွေကို ပြည်သူ့လွှတ်တော် အားကစား၊ ယဉ်ကျေးမှုနဲ့ ပြည်သူ့ဆက်ဆံရေး ဖွံ့ဖြိုးတိုးတက်မှု ကော်မတီက စတင်စစ်ဆေးနေပြီလို့ ကော်မတီ တာဝန်ရှိသူတွေက ဒီနေ့ ပြောပါတယ်။
ဝန်ကြီးဌာနတွေရဲ့ ဘတ်ဂျက်သုံးစွဲမှုကို တာဝန်ယူစစ်ဆေးမယ့် ပြည်သူ့လွှတ်တော် အားကစား၊ ယဉ်ကျေးမှု နဲ့ ပြည်သူ့ဆက်ဆံရေး ဖွံ့ဖြိုးတိုးတက်မှုကော်မတီရဲ့ ရုံးအဖွဲ့မှုး ပြည်သူ့လွှတ်တော် ကိုယ်စားလှယ်
ဦးခိုင်မောင်ရည်က အခုလိုပြောပါတယ်။
"ကျနော်တို့ဆီမှာ ဒီဌာနတွေနဲ့ ပတ်သက်ပြီးတော့ ဘတ်ဂျက်တွေ တောင်းခံသွားတယ်၊ ဒီစာရင်းဇယားတွေဟာ လွှတ်တော်ကို နှစ်စဉ်ပေးပို့ထားတာဖြစ်ပါတယ်၊ နောက်တစ်ကြိမ်မှာတင်ပြမယ့် ဘတ်ဂျက်တွေကို လွဲချော်မှု မဖြစ်စေဖို့ရယ်၊ ကျနော်တို့ ခွင့်ပြုလိုက်တဲ့ ဘတ်ဂျက်တွေဟာ အမှန်တကယ် သုံးစွဲ၊ မသုံးစွဲ ဆိုတာကို တိတိကျကျ သိရှိဖော်ထုတ်နိုင်အောင်ဆိုတဲ့ အနေအထားနဲ့ ဆောင်ရွက်ကြတာဖြစ်ပါတယ်၊ အခုအခြေအနေကတော့ သတိထားလုပ်ရတဲ့သဘောမျိုး ဖြစ်လာတဲ့အတွက် ဂရုတစိုက်ဆောင်ရွက်မှုဟာ ပြောမယ်ဆိုရင် ဒါပထမဆုံး သတိထားလုပ်ရတဲ့ အနေအထားမျိုးဖြစ်ပါတယ်"
အဲဒီကော်မတီဟာ သာသနာရေး၊ အားကစား၊ ယဉ်ကျေးမှုနဲ့ ပြန်ကြားရေးဝန်ကြီးဌာနတွေရဲ့ နှစ်အလိုက် ဘက်ဂျက်ငွေသုံးစွဲမှု စာရင်းတွေကို စိစစ်ရမှာဖြစ်ပါတယ်။
ပြည်သူ့လွှတ်တော် အားကစား၊ ယဉ်ကျေးမှုနဲ့ ပြည်သူ့ဆက်ဆံရေး ဖံွ့ဖြိုးတိုးတက်မှု ကော်မတီမှာ အဖွဲ့ငယ်တွေခွဲပြီး အဲ့ဒီဝန်ကြီးဌာန ၄ ခုကို အဖွဲ့လိုက်စိစစ်မှာဖြစ်တယ်လို့ သိရပါတယ်။
လက်ရှိမှာ သာသနာရေးဝန်ကြီးဌာန ၀န်ကြီးဟောင်း ဦးဆန်းဆင့်ကို ငွေကြေးအလွဲသုံးစားမှုနဲ့ ရမည်းသင်း အကျဉ်းထောင်မှာ ဖမ်းဆီးထိန်းသိမ်းထားပါတယ်။

Read More

PR စနစ် ဆွေးနွေးရင် မျှတအောင်လုပ်မည်လို့ ဦးရွှေမန်းပြော

ဂျွန်လ ၂၅ ရက်နေ့

 

အချိုးကျကိုယ်စားပြုစနစ် PR ကို လွှတ်တော်ထဲ မှာ ဆွေးနွေးစဉ်းစားတဲ့အခါ ညီညီမျှမျှဖြစ်အောင် ဆောင် ရွက်ပေးမယ်လို့ ပြည်ထောင်စုလွှတ်တော် နာယက သူရဦးရွှေမန်းက ဒီနေ့  ပြောကြားလိုက်ပါတယ်။
နေပြည်တော် ပြည်ထောင်စုလွှတ်တော် ဇဗ္ဗူသီရိ ခန်းမဆောင်မှာ သူရဦးရွှေမန်းနဲ့ လွှတ်တော် ကိုယ်စား လှယ်တွေ ဒီနေ့
သီးသန့်တွေ့ဆုံရာမှာ အခုလိုပြော ကြားခဲ့တယ်လို့ ဆွေးနွေးပွဲတက်ရောက်ခဲ့တဲ့ အမျိုးသား လွှတ်တော် ကိုယ်စားလှယ် ဒေါက်တာအေးမောင် က ပြောပါတယ်။
"တိုင်းရင်းသားတွေရဲ့ အခွင့်အရေးတွေ ဆုံးရှုံးနိုင်တဲ့ PR စနစ်ကို သူတို့သဘောပေါက်ပါတယ်၊ အဲဒါကြောင့် ဒီကိစ္စနဲ့ပတ်သက်လို့ အတတ်နိုင်ဆုံး ကြိုးစားဆောင် ရွက်ပေးမယ်၊ ဒီစနစ်ကိုတင်လာတဲ့ လွှတ်တော် ကိုယ်စားပြုတဲ့ပုဂ္ဂိုလ်တွေရဲ့ အခွင့်အရေးကလည်း ရှိနေတယ်၊ အဲဒါကြောင့် လွှတ်တော်ထဲမှာ ညီညီမျှမျှလည်းဖြစ်အောင် သူအတတ်နိုင်ဆုံး ကြိုစားမယ်၊ သူအတတ်နိုင်ဆုံး ဖြေရှင်းပေးသွားမယ်ဆိုတာမျိုး သူပြောပါတယ်"
အဲဒီစနစ်ဟာ လွှတ်တော်ထဲမှာ  တိုင်းရင်းသား ကိုယ်စားလှယ်တွေရဲ့ ကိုယ်စားပြုမှု အားနည်းသွားနိုင်တယ်ဆိုပြီး တိုင်းရင်းသားပါတီ ၂၀ နဲ့ စုပေါင်းဖွဲ့ထားတဲ့  တိုင်းရင်းသား ညီနောင်မဟာမိတ်များအဖွဲ့ NBF က ကန့်ကွက်ထားပါတယ်။
ဒီ PR စနစ်ကို အမျိုးသားလွှတ်တော် ကိုယ်စားလှယ်အများစုက ထောက်ခံခဲ့တာကြောင့် အမျိုးသားလွှတ်တော်မှာ အတည်ပြုခဲ့ပြီး ပြည်သူ့လွှတ်တော်မှာ ဆက်လက်ဆွေးနွေးဖို့ ရှိပါတယ်။
ပြည်ထောင်စုလွှတ်တော် နာယက သူရဦးရွှေမန်းနဲ့ ဆွေးနွေးပွဲကို အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ အန်အယ်လ်ဒီ ကိုယ်စားလှယ်တွေ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက ကိုယ်စားလှယ်တွေအပြင် တခြားနိုင်ငံရေးပါတီက လွှတ်တော်ကိုယ်စားလှယ်တွေလည်း တက်ရောက်ခဲ့ပါတယ်။
အဲဒီဆွေးနွေးပွဲကို တက်ရောက်ခဲ့တဲ့ အမျိုးသားလွှတ်တော်ကိုယ်စားလှယ် ဒေါက်တာအေးမောင်ကို RFA သတင်းထောက် ကိုကျော်သူ ဆက်သွယ်မေးမြန်းထားပါတယ်။

ဒေါက်တာအေးမောင်နဲ့ မေးမြန်းချက်

Read More

လယ်သမားအရေး ကူညီသူ နှစ်ဦး ထောင်မှပြန်လွတ်

ဂျွန်လ ၂၄ ရက်

 တရားမ၀င် စီတန်းလှည့်လည်ခြင်းဆိုင်ရာ ပုဒ်မ ၁၈ နဲ့ ထောင်ဒဏ် ၃ လ ချမှတ်ခံထားရတဲ့ လယ်သမား အရေး ကူညီဆောင်ရွက်သူ ဦးဝင်းချိုနဲ့ ဗိုလ်ကြီးဟောင်း ဦးနေမျိုးဇင်တို့ဟာ ဒီကနေ့ အင်းစိန်ထောင်ကနေ ပြန် လည်လွတ်မြောက်ခဲ့ပါတယ်။
အင်းစိန်ထောင်က ထွက်လာပြီးတဲ့နောက် ဗိုလ်ကြီးဟောင်း ဦးနေမျိုးဇင်က အခုလိုပြောပါတယ်။
"အခြေခံဥပဒေ ပုဒ်မ ၃၅၄ ပါ ပြဌာန်းချက်နဲ့
ငြိမ်းချမ်းစွာစုဝေးပြီးတော့ မိမိတို့ဆန္ဒကို ငြိမ်းချမ်းစွာ ဖော်ထုတ်ခဲ့ကြတာပါ၊ အခြေခံဥပဒေ ပုဒ်မအတိုင်း ရပိုင်ခွင့်မရှိပဲနဲ့ ငြိမ်းစုစည်ဆိုတဲ့ဥပဒေကို လိုသလိုအသုံးချပြီးတော့ အုပ်ချုပ်သူအဖွဲ့အစည်းက သူတို့ကျေနပ်တဲ့သူကို ခွင့်ပြုတယ်၊ ကျနော်တို့ကျတော့ ခွင့်မပြုဘူး၊ ခွင့်ပြုချက်မရှိဘဲနဲ့ ဆန္ဒပြလို့ဆိုပြီး ထောင်ချ ခဲ့ပါတယ်၊ ကျနော်တို့လွှတ်ဖို့ ၆ ရက် အလိုမှာပေါ့ဗျာ၊ တစ်လကို နှစ်ရက်လျော့ရက်ပေးတယ်ထင်ပါတယ်၊ ကျနော်တို့အခု ၂၄ ရက်နေ့မှာ လွတ်လာပါတယ်"
ပြီးခဲ့တဲ့ ဇန်နဝါရီလ ၁၈ ရက်နေ့က ဦးဝင်းချိုနဲ့ ဦးနေမျိုးဇင်တို့ဟာ ဧရာဝတီ၊ ပဲခူးနဲ့ ရန်ကုန်တိုင်းဒေသကြီးက လယ်သမား အယောက် ၅၀၀ လောက်နဲ့စုပေါင်းပြီး သိမ်းဆည်းခံထားရတဲ့ လယ်ယာမြေတွေပြန်ပေးဖို့နဲ့ ဖမ်းဆီးခံထားရတဲ့ လယ်သမားတွေကို လွှတ်ပေးဖို့ဆိုပြီး ရန်ကုန်မြို့ မြို့တော်ခန်းမရှေ့မှာ ဆန္ဒပြခဲ့ကြပါတယ်။
အဲ့ဒီဆန္ဒပြပွဲကို ဦးဆောင်ခဲ့တဲ့ ဦးဝင်းချိုနဲ့ ဦးနေမျိုးဇင်တို့ကို ဧပြီလ ၁ ရက်နေ့က ကျောက်တံတားမြို့နယ် တရားရုံးမှာ ပုဒ်မ ၁၈ နဲ့ ထောင်ဒဏ် ၃ လချပြီး အင်းစိန်ထောင်မှာ ဖမ်းဆီးခဲ့တာဖြစ်ပါတယ်။

Read More