သမ္မတကြီး၏ နှစ်သစ်ကူး ခြိမ်းချောက်စကား
တူမောင်ညို (၂၀၁၄ ခုနှစ်၊ ဇန်နဝါရီ ၂ ရက်)
သမ္မတမိန့်ခွန်းဆိုတာတွေကလည်း ကြောင်ချေးကဲ့သို့ပင်။ ပျော့ပျော့နှင့် နံလွန်းပေ၏။
ယခုနှစ်သစ်၊ ဇန်နဝါရီ(၂)ရက်၊ သမ္မတ(ဗိုလ်)ဦးသိန်းစိန်ရဲ့ မိန့်ခွန်းက နှစ်သစ်ဝင် – ဝင်ချင်း ဆောက်နဲ့ထွင်းဆိုသလို ချော့ သလိုလိုနဲ့ ခြိမ်းချောက်နေပါပေါ့လား။
သမ္မတ(ဗိုလ်)ဦးသိန်းစိန်ရဲ့ မိန့်ခွန်းတစ်ခုလုံး ၏ အနှစ်ချုပ်ဆိုလိုချက်မှာ –
“၂၀၀၈ အခြေခံဥပဒေ”ကို အခြေအနေ၊ အချိန်အခါ အလိုက်သာပြင်ဆင်ရေးသားရမယ်။
“၂၀၀၈ အခြေခံဥပဒေ” ထဲက ဘယ်အခန်း၊ ဘယ်ပုဒ်မ၊ ပုဒ်မခွဲ၊ ဇယား စတာတွေကို ဘယ်အချက်အလက်တွေက ဘယ် အခြေအနေ၊ ဘယ်အချိန်အခါရောက်မှ ပြင်ဆင်ရမယ်၊ ဦးစားပေးပြင်ဆင်ရမယ့် (က)စာရင်း နဲ့ ဦးစားပေး (ခ) စာရင်း ဘယ်လိုခွဲထား တယ်၊ ဘယ်လိုပြင်မယ်။ ဘယ် ဟာ ဖြုတ်မယ်၊ ဘယ်လိုအစားထိုးမယ် ဆိုတာတွေကို (ဒီဇင်ဘာလ ၂၈ မှ ၃၀ ရက်နေ့ထိအစည်းအဝေး မှာ) ငါတို့ကြံ့ဖွံ့ပါတီ က “အားလုံး” အကွက်ချ စဉ်းစား၊ ပြင်ဆင်၊ဆုံးဖြတ်ထားပြီးပြီ။
အဲဒီလို ငါတို့ကြံ့ဖွံ့ပါတီက အကွက်ချ စဉ်းစား၊ ပြင်ဆင်၊ ဆုံးဖြတ်ထားသမျှကို ပထမအဆင့်အဖြစ် “၁၀၉ဦးကော်မတီ” ထဲမှာ ချပြမယ်။ “၁၀၉ ဦးကော်မတီ” ထဲပါတဲ့ ကျန်တဲ့ပါတီအဖွဲ့အစည်းအချို့က နငယ်အမြှီးတပ်ချင်သပ ဆိုရင် လွတ်လပ်စွာ တပ်နိုင်သည်။
အဲဒီ“၁၀၉ဦးကော်မတီ”ကနေတဆင့်“လွှတ်တော်”သို့ တင်ပေးမယ်။ “လွှတ်တော်”ထဲက အများစုဖြစ်တဲ့ ကြံ့ဖွံ့အမတ်နဲ့စစ်သား အမတ်တွေအများစုက “စည်းကမ်းပြည့်ဝသောဒီမိုကရေစီ” နည်းလမ်းနဲ့အညီ ဆုံးဖြတ်မယ်။ မင်းတို့အားလုံးနာခံကြ။ ငါတို့ ချမှတ် သတ်မှတ်ပေးထားတဲ့ လမ်းကြောင်းအတိုင်းလိုက်ပါ မလျှောက်လှမ်းသူ၊ သွေဖယ်သူသည် အစွန်းရောက်သူဖြစ်တယ်။ နိုင်ငံရေး အကျပ် အတည်း တစ်ခုဆီသို့ ဦးတည်စေသူဖြစ်တယ်။ ထိပ်တိုက်ရင်ဆိုင်သူဖြစ်တယ်။
အဲဒီလမ်းကြောင်းကို “တည်ဆဲဥပဒေဘောင်” ထဲကနေ၊ စည်းကမ်းရှိရှိ၊ အေးအေးဆေးဆေးလိုက်ပါ လျှောက်လှမ်းကြ။ မဟုတ်ရင်တော့ အားလုံးဘေးတွေ့မယ်လို့ ပြောတာဖြစ်သည်။ ခြိမ်းချောက်တာဖြစ်သည်။
ထို့အပြင် ဒီချုပ်၏ အခြေခံဥပဒေပြင်ဆင်ရေးလှုပ်ရှားမှု၊ ဒီချုပ်ဥက္ကဋ္ဌ ၏ “လေးဦးလေးသွယ်” တွေ့ဆုံရေးတောင်းဆိုမှု တွေနဲ့ ပတ်သက်ပြီးလည်း အချိန်ဘရိတ်အုပ်ကြဖို့ ယခုကဲ့သို့ ထည့်သွင်းပြောသွားသည်။
“အထူးပြောကြားလိုသည့် ကိစ္စရပ်ကတော့ ဖြစ်သင့်ဖြစ်ထိုက်သည့် နိုင်ငံရေးဆန္ဒများကို လက်ရှိနိုင်ငံရေးအခြေအနေက ဖြည့် ဆည်းပေးနိုင်သည်ထက် ပိုမိုမျှော်မှန်းဆောင်ရွက်ပါက နိုင်ငံရေး အကြပ်အတည်းတစ်ခု ဖြစ်ပေါ်ပြီးလက်တွေ့ဖြစ်နိုင်ချေရှိသည့် အခွင့် အလမ်းများပင် ဆုံးရှုံးသွားနိုင်သည်ကိုသတိချပ်ပြီး ဉာဏ်အမြော်အမြင်ရှိသော နိုင်ငံရေးရွေးချယ်မှုများ ပြုလုပ်ကြရန် တိုက်တွန်း” တယ် လို့ ပြောနေပါတယ်။
ဉာဏ်အမြော်အမြင်မရှိဘဲ၊ မိုက်မဲသော နိုင်ငံရေးရွေးချယ်မှုတွေကိုဘယ်သူတွေ လုပ်နေပါသလဲ။
ကြံ့ဖွံ့ပါတီ၊(ကာလုံ)၊ ကြံ့ဖွံ့အစိုးရ၊ လွှတ်တော်၊ စစ်တပ်၊ “အခြေခံဥပဒေလေ့လာသုံးသပ်ရေး ၁၀၉ ဦးကော်မတီ”တို့က ချမှတ် ပေးသောရွေးချယ်မှုသာလျှင် “ဉာဏ်အမြော်အမြင်ရှိသောနိုင်ငံရေးရွေးချယ်မှု” ဖြစ်ပြီး၊ ဒေါ်အောင်ဆန်းစုကြည် နှင့် အမျိုးသားဒီမိုကရေစီ အဖွဲ့ချုပ်မှ ပြောဆို၊ လှုပ်ရှားနေကြသည့်ကိစ္စများသည့် “ ဉာဏ်အမြော်အမြင် ကင်းမဲ့သောနိုင်ငံရေးရွေးချယ်မှု” တွေဖြစ်နေပါသလား။
ဒါ့အပြင် သမ္မတ(ဗိုလ်) ဦးသိန်းစိန်က “လူ့အဖွဲ့အစည်းတစ်ရပ်လုံးရဲ့နိုင်ငံရေး၊ စီးပွားရေး၊ လူမှုရေး လိုအပ်ချက်များနဲ့ သဟဇာတ ဖြစ်အောင် အခြေအနေ၊ အချိန်အခါအလိုက် ပြင်ဆင်ရေးသားရမယ်” တဲ့။
နေပါအုံး။ အဲဒီလို “လူ့အဖွဲ့အစည်းတစ်ရပ်လုံးရဲ့နိုင်ငံရေး၊ စီးပွားရေး၊ လူမှုရေး လိုအပ်ချက်တွေရှိနေပြီ”ဆိုတာကို ဘယ်သူက / ဘယ်ပါတီအဖွဲ့အစည်းက ဘယ်လိုပုံစံနဲ့ ဘယ်လိုနည်းလမ်းတွေနဲ့ အကဲဖြတ်၊ သတ်မှတ်၊ အဆုံးအဖြတ်ပေးမှာလဲ။
“ပြင်ဆင်ရမယ့်အခြေအနေ၊ အချိန်အခါဆိုက်ရောက်နေပြီ ပြင်ဆင်ကြတော့ဟေ့” လို့ဆိုပြီး ဘယ်သူက /ဘယ်ပါတီ၊ အဖွဲ့ အစည်းက အမိန့်တော်မြတ်ကို ချမှတ်ပေးမှာလဲ။
ပြင်ကြဖို့လိုပြီဘယ်နေ့၊ဘယ်ရက်မှာပြင်ဆင်ကြ။ ဘယ်အချက်ကိုဘယ်လိုပြင်ကြ၊ ဘယ်ပုဒ်မကိုဘယ်လိုဖြုပတ်ပယ်ပြီး၊ဘယ်လို အစားထိုးကြ။ ဘယ်ဇယားကို ဘယ်လိုဖြည့်စွက်ကြဆိုတဲ့ အဆုံးအဖြတ်အခွင့်အာဏာသည် ကြံ့ဖွံ့ပါတီ၊ (ကာလုံ)၊ ကြံ့ဖွံ့အစိုးရ၊ လွှတ် တော်၊စစ်တပ်၊ “အခြေခံဥပဒေလေ့လာသုံးသပ်ရေး ၁၀၉ဦး ကော်မတီ”တို့၌သာရှိပါသည်။ကျန်အတိုက်အခံပါတီများသည် “ကန့်ကွက်ခြင်း/ စင်ပြိုင်အဆိုတင်သွင်းခြင်းဖြင့်” ၄င်းတို့၏ ဆုံးဖြတ်ချက်ကို “ဒီမိုကရေစီနည်းလမ်းကျပါသည်” ဟူသော မိတ်ကပ်အလှချယ်ပေးရန်မျှသာ အခွင့်အလန်းရှိပါသည်။
၂၀၁၅ ရွေးကောက်ပွဲကို “၂၀၀၈ အခြေခံဥပဒေပြင်သည်ဖြစ်စေ၊ မပြင်သည်ဖြစ်စေ၊ ဝင်ကို – ဝင်မယ်” လို့ အမျိုးသား ဒီမိုကရေစီအဖွဲ့ချုပ်၊ အတွင်းရေးမှူး၊ အီးစီလူကြီး၊ ပြောခွင့်ရပုဂ္ဂိုလ်ကြီးဦးဉာဏ်ဝင်းက ရဲရဲကြီးရင်ကော့ ဒူးတုပ်ကာ အာမဘန္တေခံထားပြီ မဟုတ်ပါလား။ ဘာလို့ခြိမ်းချောက်နေရပြန်တာလဲ။
အသေးစိတ် ဘယ်လိုအကြံပြုချက်တွေပါရှိနေသလဲ မသိပေမယ့်၊ အချက်အလက်ဆိုတဲ့ရှုဒေါင့်ကနေပြောရရင် “၂၀၀၈ အခြေခံ ဥပဒေ” ၊ အခန်း (၁)အခြေခံမူများ၊ အခန်းတစ်ခုတည်းအတွက် ပြင်ဆင်လိုကြတဲ့အချက်ပေါင်းက တစ်သိန်းကျော် (၁၄၀၆၂၄) နဲ့ အများ ဆုံးဖြစ်ပါတယ်။ ဒါဟာ ပြင်ဆင်လိုတဲ့သူတွေရဲ့ ဆန္ဒတစ်စုံတစ်ရာကို ထင်ဟပ်နေတဲ့အချက်ဖြစ်ပါတယ်။
သို့ပေမယ့် ဘယ်လိုပင် ပြင်ဆင်လိုတဲ့ အချက်တွေများနေပါစေ၊ ဘယ်လိုပဲဆန္ဒပြုနေပါစေ။ ဘယ်အချိန်ဘယ်အခါမှာ ဘယ် အခန်း၊ ဘယ်ပုဒ်မကို ဘယ်လိုပြင်/ဖြုတ်/ဖြည့်မယ်ဆိုတာကို ပထမဦးစွာ ကြံ့ဖွံ့ပါတီထဲမှာ ဆုံးဖြတ်ပြီးသွားပြီဖြစ်သည်။ ဒုတိယအဆင့် ဇကာတိုက်မှာကတော့ “အခြေခံဥပဒေလေ့လာသုံးသပ်ရေး ၁၀၉ ဦးကော်မတီ” ဖြစ်ပါတယ်။ အဲဒီ “၁၀၉ ဦး” ကော်မတီက ဇကာတိုက် လို့ တင်ကျန်သမျှကို “ပြည်ထောင်စုလွှတ်တော်” က ထပ်ဆင့် ဇကာတိုက်ဦးမှာ ဖြစ်ပါတယ်။
ယခုလို ကြံ့ဖွံ့ပါတီ၊(ကာလုံ)၊ ကြံ့ဖွံ့အစိုးရ၊ လွှတ်တော်၊ စစ်တပ်၊ “အခြေခံဥပဒေလေ့လာသုံးသပ်ရေး ၁၀၉ ဦးကော်မတီ” တို့ အဆင့်ဆင့်ဇကာတိုက်ပြီး စိတ်ကြိုက် ပြင်ဆင်မည့် “၂၀၀၈ အခြေခံဥပဒေ” ပြင်ဆင်ရေးဆိုသည်မှာ အတုအယောင်ပြင်ဆင်ရေးသာ ဖြစ် မြဲဖြစ်မည်။
See more at: http://moemaka.com/archives/34805#sthash.J5XkwyUH.dpuf
အခြေခံဥပဒေပြင်ဆင်ရေး သမ္မတ ဦးသိန်းစိန် ထုတ်ဖော်ပြောဆို
RFA News, 2January 2014 —- လူ့အဖွဲ့အစည်းတရပ်လုံးရဲ့ နိုင်ငံရေး၊ စီးပွားရေး၊ လူမှုရေး လိုအပ်ချက်များနဲ့ သဟဇာတဖြစ်အောင် အခြေအနေ အချိန်အခါအလိုက် ဖွဲ့စည်းပုံ အခြေခံ ဥပဒေကို ပြင်ဆင်ရမှာဖြစ်တယ်လို့ သမ္မတ ဦးသိန်းစိန်က ဒီကနေ့ထုတ်ဖော် ပြောကြား လိုက်ပါတယ်။
အစိုးရပိုင် သတင်းမီဒီယာတွေမှာ ဒီကနေ့ ထုတ်လွှင့်ခဲ့တဲ့ သမ္မတလစဉ် ရေဒီယိုမိန့်ခွန်းမှာ အခုလို ထည့်သွင်း ပြောကြားလိုက်တာဖြစ်ပြီး ဖွဲ့စည်းပုံအခြေခံ ဥပဒေပြင်ဆင်ရေးနဲ့ ပတ်သက်လို့ သမ္မတရဲ့ သဘောထားကို လူသိ ရှင်ကြား ပြောကြားသင့်တယ်လို့ ဝေဖန်မှုတွေရှိလာချိန်မှာ ဦးသိန်းစိန်က ပထမဆုံးအကြိမ်အဖြစ် အခုလို ထုတ်ဖော် ပြောကြားလိုက်တာလည်းဖြစ်ပါတယ်။
” ဖွဲ့စည်းပုံအခြေခံ ဥပဒေပြင်ဆင်ရေးကိစ္စနဲ့ ပတ်သက်ပြီးတော့လည်း ကျွန်တော်ရဲ့ သဘောထား ရပ်တည်ချက်ကို ပြောကြားလိုပါတယ်၊ အသက်ဝင်တဲ့ ဖွဲ့စည်းပုံ အခြေခံဥပဒေ တစ်ရပ် ပိုင်ဆိုင်ဖို့ဆိုရင် လူ့အဖွဲ့အစည်း တစ်ရပ်လုံးရဲ့ နိုင်ငံရေး၊ စီးပွားရေး၊ လူမှုရေး လိုအပ်ချက်များနဲ့ သဟဇာတဖြစ်အောင် အခြေအနေ အချိန်အခါလိုက် ပြင်ဆင်ရေးသားရမယ်ဆိုတဲ့ အခြေခံမူကို ကျွန်တော်အနေနဲ့ ဆုပ်ကိုင်ထားရမှာဖြစ်ပါတယ်”
ဖွဲ့စည်းပုံ အခြေခံဥပဒေ ပြင်ဆင်ရေးနဲ့ ပတ်သက်လို့ ဒေါ်အောင်ဆန်းစုကြည်နဲ့ အမျိုးသား ဒီမိုကရေစီအဖွဲ့ချုပ် NLD ပါတီက လူထုဆန္ဒသဘောထား ရယူပွဲတွေကျင်းပပြီး ပြင်ဆင်ရေး တောင်းဆိုနေတာကိုလည်း ဦးသိန်းစိန်က အမည်နဲ့တကွ အသိမှတ်ပြု ထည့်သွင်း ပြောကြားထားပါတယ်။
၂၀၀၈ ဖွဲ့စည်းပုံ အခြေခံ ဥပဒေကို ပြင်ဆင်ရာမှာ အဓိကထား ပြင်ရမယ့် အပိုင်း ၃ ပိုင်းကို ပြောကြားရာမှာ ငြိမ်းချမ်းရေးနဲ့ တိုင်းရင်းသား စည်းလုံးညီညွတ်ရေးအတွက် လိုအပ်သလို ပြင်ဆင်၊ ပယ်ဖျက်၊ ဖြည့်စွက်ရမယ့် အပိုင်း၊ ဒီမိုကရေစီစံနှုန်းတွေ၊ တန်ဖိုးတွေနဲ့ ကိုက်ညီအောင် ပြင်ဆင်ရမယ့်အပိုင်းနဲ့ သမ္မတ အရည်အချင်းနဲ့ ပတ်သက်လို့ ပြင်ရမယ့်အပိုင်းတွေဖြစ်တယ်လို့ ဦးသိန်းစိန်က ပြောပါတယ်။
” တတိယပိုင်းကတော့ နိုင်ငံရေး ဦးဆောင်မှုဆိုင်ရာ အရည်အချင်းသတ်မှတ်မှုအတွက် လိုအပ်မယ့် ဖွဲ့စည်းပုံ အခြေခံဥပဒေပြင်ဆင်ရေး ကိစ္စရပ်ပင်ဖြစ်ပါတယ်၊ ဒီကိစ္စနဲ့ ပတ်သက်တဲ့ ကျွန်တော်ရဲ့ သဘောထားကတော့ မည်သည့်မြန်မာနိုင်ငံသား တိုင်းရင်းသားတစ်ဦးကိုမှ မြန်မာနိုင်ငံကို နိုင်ငံရေးအရ ဦးဆောင်နိုင်ခွင့်ကို ကန့်သတ်တားမြစ်တာမျိုးတွေ မဖြစ်စေလိုတဲ့ နိုင်ငံရေး စေတနာရှိသလို တစ်ဖက်ကလည်း မိမိတို့ အမျိုးသား အကျိုးစီးပွားနဲ့ မိမိတို့ နိုင်ငံရဲ့ အချုပ် အခြာအာဏာကို မထိပါးစေမယ့် သင့်တင့် လျှောက်ပတ်တဲ့ အကာအကွယ်ပေးနိုင်တဲ့ အခြေခံမူများရှိရန်လည်း လိုလားပါတယ်”
ဦးသိန်းစိန်က သမ္မတအရည်အချင်းနဲ့ ပတ်သက်လို့ သဘောထားကွဲလွဲမှုတွေရှိနေရာမှာ နိုင်ငံရေး အကြပ် အတည်း တခုအထိ ရောက်ရှိမသွားအောင် နိုင်ငံရေးရွေးခြယ်မှုမှန်ဖို့လိုတယ်လို့လည်း သတိပေးထားပါတယ်။
အခြေခံဥပဒေပြင်ဆင်နိုင်ရေး ၄ ပွင့်ဆိုင်တွေ့ဆုံဆွေးနွေးရေးနဲ့ ပတ်သက်လို့ ဦးသိန်းစိန်က အရိပ်အမြွက် ပြောကြားရာမှာ “မတူညီတဲ့ နိုင်ငံရေး အင်အားစုတွေရဲ့ ကွဲပြားတဲ့ လိုလားချက်တွေ၊ သဘောထား ရပ်တည်ချက်တေ သိမ်မွေ့စွာ ချင့်ချိန်ဖြည့်ဆည်းဆောင်ရွက်နေရတဲ့အတွက် အားမလို အားမရ ဖြစ်မှုတွေ ရှိလာတာကို သဘာဝကျတယ်လို့ နားလည်လက်ခံတဲ့အကြောင်း၊ ဒီအခြေအနေတွေ အားလုံးကို နိုင်ငံရေး အရှိတရားအနေနဲ့ အပြန်အလှန်နားလည်မှု ပေးဖို့ တိုက်တွန်းကြောင်း ပြောကြားထားပါတယ်။
နိုင်ငံတော်သမ္မတ ဦးသိန်းစိန်ရဲ့ ဒီနေ့ ပြောကြားတဲ့ မိန့်ခွန်းထဲက ကောက်နှုတ်ချက်တစ်ချို့နဲ့ သမ္မတမိန့်ခွန်း အပေါ် လေ့လာသူတစ်ချို့ရဲ့ အမြင်ကို RFA သတင်းထောက် မဇင်မာဝင်း တင်ပြထားတာ နားဆင်နိုင်ပါတယ်။
ကြံ့ခိုင်ရေး အခြေခံဥပဒေ ပြင်ဆင်ချက်
ဒ်ါအောင်ဆန်းစုကြည် သမ္မတ ဖြစ်ရန် ခက်ခဲဆဲ
ထက်နိုင်ဇော်| December 31, 2013 | Hits:3,712
၂၀၀၈ ဖွဲ့စည်းပုံ အခြေခံ ဥပဒေတွင် ပါရှိသည့် ပုဒ်မ ၅၉(စ) အပါအ၀င် အချက် ၅၀ ကျော်ကို ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ(ကြံ့ခိုင်ရေးပါတီ)က ပြင်ဆင်ရန် စီစဉ်နေသော်လည်း ဒေါ်အောင်ဆန်းစုကြည် သမ္မတ ဖြစ်လာရေးအတွက် ခက်ခဲနေဆဲ ဖြစ်သည်ဟု သိရသည်။
ဒီဇင်ဘာလ ၂၇ ရက် မှ ၃၀ ရက် အထိ ကျင်းပခဲ့သော ကြံ့ခိုင်ရေး ပါတီ ဗဟို ကော်မတီ အဆင့် အစည်းအဝေးတွင် ဖွဲ့စည်းပုံ အခြေခံ ဥပဒေ ပြင်ဆင်ရေး အတွက် အချက် ၇၃ ချက် တင်ပြရာ၌ ၂၂ ချက်ကို ပယ်ဖျက်၍ ၅၁ ချက် ကို ပြင်ဆင်ရန် အတည်ပြုခဲ့ကြောင်း ကြံ့ခိုင်ရေး ပါတီက ပြောသည်။
ပြင်ဆင်ချက်များ ထဲတွင် သမ္မတ အရည်အချင်း ပြင်ဆင် သတ်မှတ်ခြင်း အပါအ၀င် တိုင်း ဒေသကြီးနှင့် ပြည်နယ် ၀န်ကြီးချုပ်များကို သမ္မတက တိုက်ရိုက် ခန့်အပ်ခြင်း မဟုတ်ဘဲ သက်ဆိုင်ရာ တိုင်းဒေသကြီးနှင့် ပြည်နယ် လွှတ်တော်များက ရွေးချယ်ခွင့် ရရှိ စေရန်၊ ခရိုင်နှင့် မြို့နယ် အုပ်ချုပ်ရေးမှူးများကို ဥပဒေ ပြဋ္ဌာန်း၍ တာဝန်ပေး ဆောင်ရွက်ရန် ဆိုသော အချက်များ ပါဝင်ကြောင်း လည်း ကြံ့ခိုင်ရေး ပါတီ ဗဟိုကော်မတီဝင် ဦးလှဆွေက ပြော ပြသည်။
ဖွဲ့စည်းပုံ အခြေခံဥပဒေပါ သမ္မတဖြစ်ခွင့် အရည်အချင်း သတ်မှတ်ချက်တွင် ပါဝင်သည့် ပုဒ်မ ၅၉(စ)တွင် တရားဝင် သားသမီး တဦးဦး၏ ဇနီးနှင့် ခင်ပွန်းသည် နိုင်ငံခြားသား မဖြစ်စေရဆိုသော အချက်ကို ကြံ့ခိုင်ရေး ပါတီက ပြင်ဆင်ပေးရန် လွှတ်တော်သို့ တင်သွင်းမည်ဟု သဘောတူခဲ့သော်လည်း အမျိုးသား ဒီမိုကရေစီ အဖွဲ့ချုပ်(NLD)ဥက္ကဌ ဒေါ်အောင်ဆန်းစုကြည် သမ္မတဖြစ်လာ ရန် အတားအဆီးများစွာ ရှိနေသေးကြောင်း မြန်မာ့ နိုင်ငံရေး လေ့လာသူများက ပြောဆိုကြသည်။
NLD နေပြည်တော် ခရိုင် ဥက္ကဋ္ဌ ဦးမင်းသူက ဒေါ်အောင်ဆန်းစုကြည်သည် သူ၏ သားနှစ်ဦးကို မွေးဖွားခဲ့သည့် အချိန်တွင် မြန်မာ သံရုံးသို့ သွားရောက်ပြီး နိုင်ငံသား မှတ်ပုံတင် ခဲ့ကြောင်းကို ၁၉၈၉ ခုနှစ်က ပြုလုပ်သော ဒေါ်အောင်ဆန်းစုကြည်၏ ပထမဆုံး သတင်းစာဆရာများနှင့် တွေ့ဆုံပွဲတွင် ထုတ်ဖော် ပြောဆိုထားကြောင်း၊ သားနှစ်ဦးလုံးမှာ မြန်မာနိုင်ငံသားများ ဖြစ်ကြောင်းကို ရှင်း လင်း ခဲ့ကြောင်း ဧရာဝတီသို့ ပြောသည်။
ဒေါ်အောင်ဆန်းစုကြည်၏ သား ၂ ဦးသည် ယခုအခါ ဗြိတိန်နိုင်ငံသားများ ဖြစ်ကြပြီး မွေးဖွားချိန်မှ ၁၉၈၉ ခုနှစ် အထိ မြန်မာနိုင်ငံ သားများ ဖြစ်ခဲ့ကြောင်း၊ သို့သော် နောက်ပိုင်းတွင် နိုင်ငံရေးအရ တပ်မတော် အစိုးရက မြန်မာနိုင်ငံသား အဖြစ် ရုပ်သိမ်းခဲ့သည့် အတွက် ၎င်းတို့နှစ်ဦးကို (Stateless) နိုင်ငံမဲ့ ဖြစ်မသွားစေရန် ဗြိတိန်နိုင်ငံက နိုင်ငံသား ပေးခဲ့ခြင်း ဖြစ်ကြောင်း သိရသည်။
“ကျနော့် အမြင်အရ ဒေါ်အောင်ဆန်းစုကြည်ရဲ့ ခင်ပွန်း မိုက်ကယ်အဲရစ်က သေသွားပြီ ဆိုတော့ ပြဿနာ မရှိတော့ဘူး။ ဒါပေမယ့် သူ့ရဲ့သားနှစ်ယောက် မြန်မာနိုင်ငံသား ခံလိုက်ရင် ရပြီ။ ဒါဆို သူ သမ္မတအဖြစ် အရွေးခံခွင့် ရှိပြီ”ဟု ဦးလှဆွေက ဧရာဝတီသို့ ပြော သည်။
မြန်မာ့နိုင်ငံရေး လေ့လာသူ ဒေါက်တာ ရန်မျိုးသိမ်းကမူ လက်ရှိ အာဏာရ ပါတီဖြစ်သော ကြံ့ခိုင်ရေး ပါတီ၏ သဘောထား တခု တည်းနှင့်သာ ဒေါ်ဆောင်ဆန်းစုကြည် သမ္မတ မဖြစ်နိုင်ဘဲ ဖြတ်ကျော်ရမည့် အဆင့်များစွာ ရှိနေသေးကြောင်း၊ လွှတ်တော်ထဲတွင် ယင်းအချက်ကို ပြင်ဆင်ရန် မဲခွဲဆုံးဖြတ်မှု အပါအ၀င် ပြည်လုံးကျွတ် ဆန္ဒခံယူပွဲများ ပြုလုပ်ရမည် ဖြစ်ကြောင်း ဧရာဝတီသို့ ပြော သည်။
နိုင်ငံရေး သဘောအရ ကြံ့ခိုင်ရေး ပါတီ အနေဖြင့် သမ္မတ အရည်အချင်း ကန့်သတ်ချက်ကို ပြင်ဆင်ပေးလိုကြောင်း သဘောထား ရှိသည်ဟု ထုတ်ပြရုံသာ ဖြစ်ကြောင်း ၎င်းက ဆက်ပြောသည်။
သမ္မတ ဖြစ်ခွင့် ပုဒ်မကို ပြင်ဆင်နိုင်ရန် လွှတ်တော်ထဲတွင် အမတ်ဦးရေ ၇၅ ရာခိုင်နှုန်းကျော် ရှိရန် လိုအပ်သည့် အတွက် တပ်မတော်၏ သဘောထားမှာ အရေးကြီး လာကြောင်း ဒေါက်တာ ရန်မျိုးသိမ်းက ပြောဆိုသည်။
“ကြံခိုင်ရေး ပါတီက ပြင်ပေးဖို့ သဘောတူရုံလောက်နဲ့ ဒေါ်စု သမ္မတ မဖြစ်နိုင်သေးဘူး။ လွှတ်တော်ထဲမှာ ဒီကိစ္စကို ပြန်ဆွေးနွေးရင် တပ်မတော်သား လွှတ်တော် ကိုယ်စားလှယ်တွေ ရှိတယ်။ ကြံ့ခိုင်ရေး အပါအ၀င် တခြားပါတီတွေနဲ့ တိုင်းရင်းသားတွေ ထောက် ခံဦး။ တပ်မတော်သား လွှတ်တော် ကိုယ်စားလှယ် တယောက် မထောက်ခံရင် ဘာမှလုပ်လို့ မရဘူး။ လွှတ်တော်က သဘောတူ သွားရင်တောင် ဖွဲ့စည်းပုံမှာပါတဲ့ အချက် ၇၄ ချက်လောက်က တနိုင်ငံလုံးမှာ လူထု ဆန္ဒခံယူပွဲ လုပ်ပြီး ပြင်မှရမယ်” ဟု ဒေါက်တာ ရန်မျိုးသိမ်းက ဆိုသည်။
တနိုင်ငံလုံးတွင် ပြည်လုံးကျွတ် ဆန္ဒခံယူပွဲ ပြုလုပ်၍ မဲပေးပိုင်ခွင့် ရှိသည့် လူဦးရေ အားလုံးထောက်ခံမှ သာလျှင် ပြင်ဆင်နိုင်မည် ဖြစ်သောကြောင့် ဒေါ်အောင်ဆန်းစုကြည်မှာ သမ္မတ ဖြစ်နိုင်ခြေ နည်းပါးသည်ဟုလည်း ၎င်းက ပြောသည်။
တပ်မတော် အနေဖြင့် ၂၀၀၈ ဖွဲ့စည်းပုံ အခြေခံ ဥပဒေ ပြင်ဆင်ရေး ဆွေးနွေးပြီး ဖြစ်သော်လည်း အသေးစိတ် မထုတ်ပြန်နိုင် သေး ကြောင်း ၊ သို့သော် မကြာမီ ထုတ်ပြန်ပေးသွားမည် ဖြစ်ကြောင်း ၂၀၀၈ ဖွဲ့စည်းပုံ ပြင်ဆင်ရေး တပ်မတော်သား ကိုယ်စားလှယ် အဖွဲ့ ခေါင်းဆောင် ဗိုလ်မှူးချုပ် ဝေလင်းက ဧရာဝတီသို့ ပြောကြားသည်။
NLD ပါတီကလည်း ၂၀၀၈ ဖွဲ့စည်းပုံပြင်ဆင်ရေးကို စီစဉ်နေကြောင်း၊ ဖွဲ့စည်းပုံ အခန်း(၁၂)၌ ပြင်ဆင်ခွင့် ပေးထားရာ ထိုအခန်း (၁၂) ကိုပင် ပြင်ဆင်ရန် လိုအပ်ကြောင်း NLD ပြောရေးဆိုခွင့်ရှိသူ ဦးဉာဏ်ဝင်းကလည်း ပြောသည်။
“အခန်း(၁၂)ကိုလည်း ပြင်ဖို့လုပ်မှာပါ။ ဟို ၇၅ ရာခိုင်နှုန်းကျော် ဆိုတာလည်း ပြင်ရမယ်။ ကျနော်တို့ ၅၉(စ) ကိစ္စအပါအ၀င် ပြင် ရမယ့် အကြောင်းတွေ အားလုံးကို မကြာခင်ထုတ်ပြန်ပေးဖို့ ရှိပါတယ်”ဟု ဦးဉာဏ်ဝင်းက ဆိုသည်။
ဖွဲ့စည်းပုံ အခြေခံဥပဒေ ပြင်ဆင်ခြင်း အခန်း(၁၂)တွင် ပုဒ်မ ၇၀ ကျော်ကို ပြင်ဆင်လိုပါက ပြည်ထောင်စုလွှတ်တော် ကိုယ်စားလှယ် အားလုံး၏ ၇၅ ရာခိုင်နှုန်းကျော်က ပြင်ဆင်ရန် သဘောတူလက်ခံပြီးနောက် ပြည်လုံးကျွတ်ဆန္ဒခံယူပွဲ ကျင်းပ၍ ဆန္ဒမဲပေးပိုင်ခွင့်ရှိသူ အားလုံး၏ ဆန္ဒမဲဖြင့်သာ ပြင်ဆင်ရမည်ဟု ဖော်ပြထားသည်။
ဒီဇင်ဘာလ ၂၉ ရက်တွင် NLD ပါတီ၏ ၂၀၁၃ ခုနှစ် အတွက် ဒုတိယအကြိမ် ဗဟို ကော်မတီ အစည်းဝေး ကျင်းပခဲ့ပြီး ၂၀၀၈ ဖွဲ့စည်းပုံ အခြေခံ ဥပဒေကို ပြင်ဆင်သည် ဖြစ်စေ၊ မပြင်သည် ဖြစ်စေ NLD ပါတီ အနေဖြင့်၂၀၁၅ ရွေးကောက်ပွဲတွင် ၀င်ရောက် ယှဉ်ပြိုင်မည် ဖြစ်ကြောင်း ဦးဉာဏ်ဝင်းက အစည်းဝေး အပြီးတွင် ကျင်းပသော သတင်းစာ ရှင်းလင်းပွဲ၌ ပြောဆိုသည်။
“ဒီလို အခြေအနေမှာ မပြင်ဘဲနဲ့ ရွေးကောက်ပွဲ မ၀င်သင့်ဘူးဆိုတာ သဘောတရားရေး အရ ပြောတာ။ ဒေါ်စုက NLD အတွက် ပြောခဲ့တာ မဟုတ်ဘူး။ သဘောတရားရေးအရ ပြောခဲ့တာ။ ဒီနေ့အစည်းဝေးက NLD ရွေးကောက်ပွဲဝင်မ၀င် ဆုံးဖြတ်တဲ့ အစည်းဝေး မဟုတ်ဘူး။ ရွေးကောက်ပွဲ ၀င်ဖို့ အရင်ကတည်းက ဆုံးဖြတ်ပြီးသား။ ဒါကြောင့် ၀င်ဖြစ်အောင် ၀င်မယ်လို့ ကျနော် ပြောတာ” ဟု ဦးဉာဏ်ဝင်းက ဆိုသည်။
NLD ပါတီသည် ယင်း၏ ပြိုင်ဖက်ပါတီ ကြံ့ခိုင်ရေး ပါတီနှင့် နှလုံးရည်အရ ယှဉ်ပြိုင်သွားမည်ဖြစ်ပြီး တိုက်ပွဲများ ဆက်လက် ပြင်း ထန်မည် ဖြစ်ကြောင်း၊ NLD အနေဖြင့် ပုဒ်မ ၅၉(စ) အပါအ၀င် ဖွဲ့စည်းပုံ အခြေခံ ဥပဒေတွင် ပြင်ဆင် လိုသော အချက် ၁၆၈ ချက် ရှိကြောင်း ထုတ်ပြန် ပြောဆိုသည်။
၈၈မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းက ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးနှင့်ပတ်သက်ပြီး အကြံပြုချက် များကို ဖွဲ့စည်းပုံ အခြေခံဥပဒေ လေ့လာ သုံးသပ်ရေး ကော်မတီသို့ ဒီဇင်ဘာလ ၂၄ ရက်က ပေးပို့ခဲ့သည်ဟု ထုတ်ပြန်သည်။
အကြံပြုချက်များတွင် ဒေါ်အောင်ဆန်းစုကြည် သမ္မတ အဖြစ် အရွေးခံနိုင်မည့် ပုဒ်မကို ပြင်ဆင်ပေးရန် တောင်းဆိုမှု မပါဝင်ဘဲ တိုင်းရင်းသား နိုင်ငံရေး အင်အားစုများနှင့် တွေ့ဆုံ ဆွေးနွေးမှု ၊ ပြည်ထောင်စု လွှတ်တော်၏ ဖွဲ့စည်းပုံ အခြေခံ ဥပဒေ လေ့လာ သုံးသပ်ရေး ဖြစ်စဉ် ၊ ရှစ်လေးလုံး ဒီမိုကရေစီ အရေးတော်ပုံ ငွေရတု အခမ်းအနားမှ ဆုံးဖြတ်ထားသော အမျိုးသား အင်အားစု အားလုံး ပါဝင်သည့် ညီလာခံ တရပ် ဖြစ်ပေါ်လာရေး ကြိုးပမ်းနေမှု ဖြစ်စဉ်များ အားလုံးကို ဆက်စပ် ညှိနှိုင်း၍ ဖွဲ့စည်းပုံ အခြေခံ ဥပေဒေ ပြင်ဆင် ပြောင်းလဲမှုများကို ဥပဒေကြောင်းအရ ခိုင်မာစွာ အတည်ပြုနိုင်ရန် အကြံပြုထားသည်။
ဖွဲ့စည်းပုံ အခြေခံဥပဒေ ပြင်ဆင်ရန် ခက်ခဲ တင်းကျပ်လွန်းပါက ဥပဒေအရ ဖြေရှင်းနိုင်မှု မရှိဘဲ သွေးထွက် သံယိုမူများ၊ အုံကြွမှုများဖြင့် ပြောင်းလဲရသည့် အခါ နိုင်ငံ အတွက် များစွာသော နစ်နာဆုံးရှုံးမှုများ ဖြစ်ပေါ်စေနိုင်သည်ဟု ယင်း အကြံပြုစာတွင် ပါရှိသည်။
၂၀၀၈ ဖွဲ့စည်းပုံ အခြေခံ ဥပဒေ ထောက်ခံ ဆန္ဒ ခံယူပွဲကို ၂၀၀၈ ခုနှစ် မေလ ၁၅ ရက်တွင် တပ်မတော် အစိုးရက မြို့နယ်ပေါင်း ၂၇၈ မြို့နယ်တွင် ပြုလုပ်ခဲ့ရာ လူဦးရေ ၉၉.၀၇ ရာခိုင်နှုန်း တက်ရောက်ခဲ့ပြီး ယင်းတို့အနက်မှ ၉၂.၄ ရာခိုင်နှုန်းက ထောက်ခံခဲ့ကြောင်း ထိုအချိန်က ပြည်လုံးကျွတ် ဆန္ဒခံယူပွဲ ကျင်းပရေး ကော်မရှင် ဥက္ကဋ္ဌ ဦးအောင်တိုး က ကြေညာခဲ့သည်။
ပြည်ခိုင်ဖြိုး ပြန်ပြင်လိုတဲ့ ဖွဲ့စည်းပုံအချက်များ
31.12.2013
၎ ရက်ကြာ နေပြည်တော်မှာ ကျင်းပခဲ့တဲ့ ပြည်ခိုင်ဖြိုးပါတီရဲ့ ဗဟိုကော်မတီ အစည်းအဝေးအတွင်း ၂၀၀၈ ဖွဲ့စည်းပုံမှာ ပြင်ဆင်ရမယ့် အရေးပါတဲ့ အချက် ၃ ချက်ဖြစ်တဲ့ သမ္မတဖြစ်ခွင့် အရည်အချင်းကိစ္စ၊ တိုင်းရင်းသားတွေရဲ့ အခွင့်အရေးနဲ့ တပ်မတော်ရဲ့ အခန်းကဏ္ဍတွေကို ပြင်ဆင် ဖြည့်စွက်ဖို့ အခြေအတင် ဆွေးနွေခဲ့တယ်လို့ အစည်းအဝေး တက်ရောက်ခဲ့တဲ့ ဗဟိုကော်မတီဝင်တွေက ပြောပါတယ်။ အသေးစိတ်ကို ရန်ကုန်အခြေစိုက် ဗွီအိုအေသတင်းထောက် ကိုအောင်ရဲမောင်မောင် က သတင်းပေးပို့ခဲ့ပါတယ်။
၂၀၁၅ ရွေးကောက်ပွဲမတိုင်ခင် ပြင်ဆင်ဖို့ လိုအပ်တယ်လို့ ပြောဆိုမှုတွေရှိနေတဲ့ စစ်အစိုးရလက်ထက်က ရေးဆွဲခဲ့တဲ့ ၂၀၀၈ ဖွဲ့စည်းပုံ ပြင်ဆင်ရေးနဲ့ ပတ်သက်ပြီး ပြည်ခိုင်ဖြိုးပါတီ ဗဟိုကော်မတီ အစည်းအဝေးအတွင်း ဆွေးနွေးခဲ့ရာမှာ အချက်ပေါင်း ၂၂ ချက်ကို ပယ်ဖျက်ဖို့နဲ့ ၅၂ ချက်ကိုတော့ ပြင်ဆင် ဖြည့်စွက်ဖို့ သဘောတူ ဆုံးဖြတ်ခဲ့တယ်လို့ ပြည်ခိုင်ဖြိုးပါတီရဲ့ ဗဟိုကော်မတီဝင်လည်းဖြစ်၊ ပြည်သူ့လွှတ်တော် ကိုယ်စားလှယ်တဦးလည်းဖြစ်တဲ့ ဦးလှဆွေ က ပြောပါတယ်။
၂၀၀၈ အခြေခံ ဥပဒေရဲ့ အခန်း ၃ ပုဒ်မ ၅၉ (စ) ရဲ့ နိုင်ငံတော်သမ္မတဖြစ်ခွင့် အရည်အချင်းကိုလည်း အကန့်အသတ်နဲ့ ပြင်ဆင်မယ်ဆိုပြီးတော့ ပြည်ခိုင်ဖြိုး ဗဟိုကော်မတီ အစည်းအဝေးမှာ ဆုံးဖြတ်ခဲ့တယ်လို့လည်း ဦးလှဆွေက ပြောပါတယ်။
၂၀၀၈ အခြေခံ ဥပဒေရဲ့ အခန်း ၃ ပုဒ်မ ၅၉ (စ) ရဲ့ နိုင်ငံတော်သမ္မတဖြစ်ခွင့် အရည်အချင်းကိုလည်း အကန့်အသတ်နဲ့ ပြင်ဆင်မယ်ဆိုပြီးတော့ ပြည်ခိုင်ဖြိုး ဗဟိုကော်မတီ အစည်းအဝေးမှာ ဆုံးဖြတ်ခဲ့တယ်လို့လည်း ဦးလှဆွေက ပြောပါတယ်။
“၅၉ (စ) က ကျနော်တို့က ဒီလိုပါ။ သားမက်တွေ၊ ချွေးမတွေကို ဖြေလျှော့ပေးထားတာပေါ့နော်။ ဥပမာဗျာ ပွင့်ပွင့်လင်းလင်း ပြောရရင် ဒေါ်အောင်ဆန်းစုကြည်ကို မူတည်ပြီး ကြည့်လိုက်ပေါ့နော်။ အဲဒီတော့ ဒေါ်အောင်ဆန်းစုကြည်ကို သူ့ယောက်ကျားက Michael Aris သူကသေသွားပြီ။ သေသွားတာ ဖြစ်တဲ့အတွက်ကြောင့် ကျနော်က မြန်မာနိုင်ငံအတွက် အန္တရာယ်ဖြစ်အောင် လုပ်နိုင်တဲ့ပုဂ္ဂိုလ် မဟုတ်ဘူးလို့ ကျနော်ယူဆတယ်။ အဲဒီတော့ သူ့မှာသား ၂ ယောက်ရှိတယ်။ သား ၂ ယောက်က မြန်မာနိုင်ငံသား ခံယူလိုက်ပေါ့။ ဒါဆိုရင် သူက ပြီးသွားပြီ။ သူတို့ရဲ့ ချွေးမတွေရှိတယ်။ ချွေးမတွေကို ဒါကို ဘာမှမဆိုင်ဘူးဆိုပြီး ဖြေလျှော့ပေးလိုက်တယ်။ အခြေခံဥပဒေထဲမှာ။ ချွေးမ ၂ ယောက်က ဘာမှ အကျုံးမ၀င်ဘူးပေါ့ဗျာ။ ဦးမြင့်ဆွေကို ဒုသမ္မတ ပေးမယ်ဆိုတုန်းက သူ့ချွေးမက သြစတြေးလျသူ ဖြစ်လို့ဆိုပြီးတော့ မပေးဘူးလေဗျာ။ တကယ်လို့ Kim Aris နဲ့ Alexander Aris တို့ရဲ့ သူတို့မိန်းမ ၂ ယောက်က ချွေးမတွေက နိုင်ငံခြားသူ ဖြစ်နေတယ်ဆိုရင် ကျနော်တို့ အခြေခံဥပဒေက ခွင့်ပြုမယ်။”
တိုင်းရင်းသားတွေဘက်က မကြခဏ ပြောဆိုနေကြတဲ့ အာဏာခွဲဝေ ကျင့်သုံးရေးနဲ့ သယံဇာတ ခွဲဝေကျင့်သုံးရေးတွေကိုလည်း ပေးနိုင်သမျှ ပေးဖို့ အချက်တွေကိုလည်း ဆွေးနွေးပြီး ပြင်ဆင်ဖို့ ထည့်သွင်း ဆုံးဖြတ်ခဲ့ကြတယ်လို့ ဦးလှဆွေ က အခုလို ပြောပါတယ်။
“ဇယား ၂ ပေါ့၊ ဇယား ၂ ဆိုတာ ပြည်နယ်နဲ့ တိုင်းတွေမှာရှိတဲ့ ရွှေတို့၊ ဘာတို့ သတ္ထုတူးဖော်ခွင့် အသေးစား၊ အဲဒါတွေ အကုန်လုံးကိုပေးမယ်၊ တိုင်းဒေသကြီးတွေကို။ အဓိကကတော့ဗျာ၊ တချို့ဝန်ကြီးချုပ်တွေက နည်းနည်းStrong ဖြစ်တယ်။ ဒါမပြင်နိုင်ဘူး၊ ဘာညာပေါ့။ ဥပမာဗျာ ၂၆၂ ဆိုရင် ဒါက၀န်ကြီးချုပ်ကို သမ္မတက nominate လုပ်တာကိုး။ ကျနော်တို့ကပြောတယ်။ သမ္မတက nominate လုပ်တာ မကောင်းပါဘူး။ လွှတ်တော်ကိုယ်စားလှယ်တွေကပဲ သူတို့အချင်းချင်းက ဘယ်သူ ၀န်ကြီးချုပ် လုပ်သင့်တယ်ဆိုတာ အဲဒီလို ရွေးပြီးတော့မှ သမ္မတရဲ့ အတည်ပြုချက်ယူတာ ကောင်းပါတယ်။ အဲဒါ အတည်ဖြစ်သွားတာပေါ့နော်။ အတည်ဖြစ်သွားတဲ့ အခါကျတော့ တချို့ဝန်ကြီးချုပ်တွေက အဲဒါကို မကြိုက်ဘူး။ ဒါပေမဲ့ တကယ်တန်းကျ တိုင်းရင်းသားတွေ လိုချင်တာ အဲ့ဒါပဲလေ။ သူတို့ဝန်ကြီးချုပ် သူတို့ရွေးချင်တာပေါ့ဗျာ။”
တိုင်းရင်းသားတွေဘက်က မကြခဏ ပြောဆိုနေကြတဲ့ အာဏာခွဲဝေ ကျင့်သုံးရေးနဲ့ သယံဇာတ ခွဲဝေကျင့်သုံးရေးတွေကိုလည်း ပေးနိုင်သမျှ ပေးဖို့ အချက်တွေကိုလည်း ဆွေးနွေးပြီး ပြင်ဆင်ဖို့ ထည့်သွင်း ဆုံးဖြတ်ခဲ့ကြတယ်လို့ ဦးလှဆွေ က အခုလို ပြောပါတယ်။
“ဇယား ၂ ပေါ့၊ ဇယား ၂ ဆိုတာ ပြည်နယ်နဲ့ တိုင်းတွေမှာရှိတဲ့ ရွှေတို့၊ ဘာတို့ သတ္ထုတူးဖော်ခွင့် အသေးစား၊ အဲဒါတွေ အကုန်လုံးကိုပေးမယ်၊ တိုင်းဒေသကြီးတွေကို။ အဓိကကတော့ဗျာ၊ တချို့ဝန်ကြီးချုပ်တွေက နည်းနည်းStrong ဖြစ်တယ်။ ဒါမပြင်နိုင်ဘူး၊ ဘာညာပေါ့။ ဥပမာဗျာ ၂၆၂ ဆိုရင် ဒါက၀န်ကြီးချုပ်ကို သမ္မတက nominate လုပ်တာကိုး။ ကျနော်တို့ကပြောတယ်။ သမ္မတက nominate လုပ်တာ မကောင်းပါဘူး။ လွှတ်တော်ကိုယ်စားလှယ်တွေကပဲ သူတို့အချင်းချင်းက ဘယ်သူ ၀န်ကြီးချုပ် လုပ်သင့်တယ်ဆိုတာ အဲဒီလို ရွေးပြီးတော့မှ သမ္မတရဲ့ အတည်ပြုချက်ယူတာ ကောင်းပါတယ်။ အဲဒါ အတည်ဖြစ်သွားတာပေါ့နော်။ အတည်ဖြစ်သွားတဲ့ အခါကျတော့ တချို့ဝန်ကြီးချုပ်တွေက အဲဒါကို မကြိုက်ဘူး။ ဒါပေမဲ့ တကယ်တန်းကျ တိုင်းရင်းသားတွေ လိုချင်တာ အဲ့ဒါပဲလေ။ သူတို့ဝန်ကြီးချုပ် သူတို့ရွေးချင်တာပေါ့ဗျာ။”
အခုလို အခြေခံဥပဒေ ပြင်ဖို့ ပြည်ခိုင်ဖြိုးပါတီက ဆောင်ရွက်တာဟာ ၂၀၁၅ မှာ လူကြိုက်များအောင်လုပ်ဖို့ ဖြစ်တယ်လို့ အများက ပြောဆိုနေတဲ့အပေါ်မှာ ဘယ်လို သဘောထားရှိလဲ ဆိုတာနဲ့ ပတ်သက်ပြီး ဦးလှဆွေ ကို မေးကြည့်တဲ့အခါမှာတော့ သူက အခုလို ဖြေပါတယ်။
“အခြေခံဥပဒေကို ပြင်ပေးမှသာလျှင် ပြည်ခိုင်ဖြိုးပါတီဟာ ပိုပြီးလူကြိုက်များမှာပေါ့ဗျာ၊ မဟုတ်ဘူးလား။ ပြင်နိုင်လေ ကောင်းလေပေါ့၊ ဟုတ်တယ်မို့လား။ ဒီလိုမျိုးဆွေးနွေးကြတယ်။ ဒါကြောင့်မို့လို့ ပြည်သူလူထုက ဘာလိုချင်တာလဲ၊ ဘယ်အချက်တွေ မကြိုက်တာလဲ ဆိုတာကို ကိုယ်စားလှယ်တွေ ဆွေးနွေးကြတယ်။ ဆွေးနွေးတော့မှ ဒီအချက်တွေကိုတော့ လူထုကထောက်ပြတဲ့ အချက်တွေဖြစ်တယ်ဆိုပြီးတော့ ကျနော်တို့ အသည်းအသန် ဆွေးနွေးကြတယ်ဗျာ။ အပြင်းအထန် ပြောကြတယ်။ တကယ့်ကို debate ပဲ။ အထဲထဲမှာကို ငြင်းကျခုန်ကျ၊ ပြောကြဟောကြနဲ့ အတော်ကလေးကို ဒီမိုကရေစီကျပါတယ်။”
“အခြေခံဥပဒေကို ပြင်ပေးမှသာလျှင် ပြည်ခိုင်ဖြိုးပါတီဟာ ပိုပြီးလူကြိုက်များမှာပေါ့ဗျာ၊ မဟုတ်ဘူးလား။ ပြင်နိုင်လေ ကောင်းလေပေါ့၊ ဟုတ်တယ်မို့လား။ ဒီလိုမျိုးဆွေးနွေးကြတယ်။ ဒါကြောင့်မို့လို့ ပြည်သူလူထုက ဘာလိုချင်တာလဲ၊ ဘယ်အချက်တွေ မကြိုက်တာလဲ ဆိုတာကို ကိုယ်စားလှယ်တွေ ဆွေးနွေးကြတယ်။ ဆွေးနွေးတော့မှ ဒီအချက်တွေကိုတော့ လူထုကထောက်ပြတဲ့ အချက်တွေဖြစ်တယ်ဆိုပြီးတော့ ကျနော်တို့ အသည်းအသန် ဆွေးနွေးကြတယ်ဗျာ။ အပြင်းအထန် ပြောကြတယ်။ တကယ့်ကို debate ပဲ။ အထဲထဲမှာကို ငြင်းကျခုန်ကျ၊ ပြောကြဟောကြနဲ့ အတော်ကလေးကို ဒီမိုကရေစီကျပါတယ်။”
၂၀၀၈ ဖွဲ့စည်းပုံ အခြခံဥပဒေမှာ ပါရှိတဲ့ တပ်မတော်ရဲ့ အခန်းကဏ္ဍနဲ့ ပတ်သက်ပြီးတော့လည်း ပြည်ခိုင်ဖြိုးပါတီက ပြင်ဆင်ဖို့ ကြိုးစားခဲ့ပေမဲ့လည်း မူလရှိနေတဲ့ လွှတ်တော်ထဲက တပ်မတော်သား ၂၅ ရာခိုင်နှုန်းကို ဖယ်ထုတ်ဖို့မရှိဘဲ အုပ်ချုပ်ရေးနယ်ပယ်မှာ ကာကွယ်ရေး၊ ပြည်ထဲရေးနဲ့ နယ်စပ်ရေးရာ ၀န်ကြီးဌာနက လွဲလို့ တပ်မတော်က လူတွေ ရွေးကောက်ပွဲမ၀င်ဘဲ ၀န်ကြီးမဖြစ်လာဖို့၊ ပြီးတော့ တပ်မတော်သား လွှတ်တော်ကိုယ်စားလှယ်တွေကိုလည်း လွှတ်တော်သက်တမ်း ၅ နှစ်လုံးလုံး မကြာခဏ လဲဖယ်တာတွေ မလုပ်ဖို့ကိုလည်း ပြင်ဆင်ချက်တွေထဲမှာ ဖြည့်စွက်ခဲ့တယ်လို့ ဦးလှဆွေ ပြောပါတယ်။
“တပ်မတော်အခန်းကဏ္ဍမှာ ကျနော်တို့ ၂၅ ရာခိုင်နှုန်းကို untouched ပါ၊ လုံးဝမထိဘူး ဒီအတိုင်းထားမယ်။ တပ်မတော်သား လွှတ်တော်ကိုယ်စားလှယ်ဟာ ၀န်ကြီးဖြစ်တဲ့အခါမှာ သူဟာ တပ်က တာဝန်တွေကို မထမ်းဆောင်ရဘူးလို့ ကျနော်တို့က ကန့်သတ်လိုက်တယ်။ ဥပမာဗျာ ဗိုလ်ချုပ်ကြီး ဝေလွင်ဆိုရင် စစ်ထောက်ချုပ်လည်းလုပ်တယ်၊ ကာကွယ်ရေးဝန်ကြီးလည်း လုပ်တယ်ဗျာ။ ဒါမျိုးဆိုရင် ကျနော်တို့က ကာကွယ်ရေးဝန်ကြီးပဲ လုပ်ရမယ်၊ စစ်ထောက်ချုပ် မလုပ်ရဘူးဆိုတဲ့ သဘောမျိုး ကန့်သတ်လိုက်တယ်။”
လက်ရှိ အချိန်မှာတော့ ၂၀၀၈ ဖွဲ့စည်းပုံ ပြင်ဆင်ရေးနဲ့ ပတ်သက်ပြီး ပြည်ထောင်စု လွှတ်တော်က လွှတ်တော်ကိုယ်စားလှယ် ၁၀၉ ဦးနဲ့ ဖွဲ့စည်းပုံ လေ့လာ သုံးသပ်ရေး ကော်မတီကို ၂၀၁၃ ခုနှစ်ထဲမှာပါ ဖွဲ့စည်းခဲ့တာပါ။ အဲဒီကော်မတီကနေ နိုင်ငံရေးပါတီတွေနဲ့ ပြည်သူတွေ က ပြင်ဆင်ချင်တဲ့ အချက်တွေကို ဇန်န၀ါရီလ ၃၁ ရက်နေ့မှာ နောက်ဆုံးထား တင်ပြဖို့ ပြောဆိုထားတာလည်း ဖြစ်ပါတယ်။
ဒေါ်အောင်ဆန်းစုကြည် သမ္မတဖြစ်ခွင့် ၅၉ စ ပြင်ဆင်ရန် ကြံခိုင်ရေးပါတီဆုံးဖြတ်
နေပြည်တော်၊ ဒီဇင်ဘာ ၃၀
ဒေါ်အောင်ဆန်းစုကြည် သမ္မတအဖြစ် ဝင်ရောက် အရွေးခံနိုင်ရေး အဟန့်အတား ဖြစ်နေသဖြင့် ပြင်ဆင်ပေးရန် နိုင်ငံရေးပါတီ အချို့နှင့် အနောက်နိုင်ငံ အစိုးရအချို့က တောင်းဆိုထားသော ဖွဲ့စည်းပုံ အခြေခံဥပဒေပါ ပုဒ်မ ၅၉(စ)ကို ပြင်ဆင်မည်ဟု ဒီဇင်ဘာလ ၃၀ ရက်နေ့က ကျင်းပသော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဗဟိုကော်မတီ အစည်းအဝေးက ဆုံးဖြတ်လိုက်ကြောင်း အဆိုပါ ပါတီ၏ ဗဟိုကော်မတီဝင် ဦးလှဆွေက ပြောကြား သည်။
ယင်းအချက်ကို ပြင်ဆင်ရန် ကြံ့ခိုင်ရေးပါတီ ဗဟိုကော်မတီအစည်း အဝေးတွင် မဲခွဲ ဆုံးဖြတ်ခဲ့ခြင်း ဖြစ်ကြောင်း ၄င်းက ရှင်းပြသည်။
ယင်းအချက်ကို ပြင်ဆင်ရန် ကြံ့ခိုင်ရေးပါတီ ဗဟိုကော်မတီအစည်း အဝေးတွင် မဲခွဲ ဆုံးဖြတ်ခဲ့ခြင်း ဖြစ်ကြောင်း ၄င်းက ရှင်းပြသည်။
ဖွဲ့စည်းပုံ အခြေခံဥပဒေ ပုဒ်မ ၅၉ (စ)တွင် နိုင်ငံတော်သမ္မတနှင့် ဒုတိယသမ္မတ များသည် မိမိကိုယ်တိုင်သော်လည်း ကောင်း၊ မိမိ၏ မိဘတစ်ပါးပါးသော်လည်း ကောင်း၊ မိမိ၏ဇနီး သို့မဟုတ် ခင်ပွန်းသော် လည်းကောင်း၊ မိမိ၏ တရားဝင် သားသမီး တစ်ဦးဦး သော်လည်ကောင်း၊ ထိုတရားဝင် သားသမီးတစ်ဦးဦး၏ ဇနီး သို့မဟုတ် ခင်ပွန်းသော်လည်းကောင်း နိုင်ငံခြား အစိုးရ၏ ကျေးဇူးကို ခံယူစောင့်ရှောက် ရိုသေသူ သို့မဟုတ် နိုင်ငံခြားသား လက် အောက်ခံသူ သို့မဟုတ် တိုင်းတစ်ပါး၏ နိုင်ငံသားမဖြစ်စေရဟု ပြဋ္ဌာန်းထားသည်။
ယင်းအချက်ကို ကြံ့ခိုင်ရေးပါတီက နိုင်ငံတော် သမ္မတနှင့် ဒုတိယသမ္မတ များသည် မိမိကိုယ်တိုင်သော်လည်း ကောင်း၊ မိမိ၏မိဘ တစ်ပါးပါးသော်လည်း ကောင်း၊ မိမိ၏ဇနီး သို့မဟုတ် ခင်ပွန်းသော် လည်းကောင်း မိမိ၏တရားဝင် သားသမီး တစ်ဦးဦး သော်လည်းကောင်း၊ နိုင်ငံခြား အစိုးရ၏ ကျေးဇူးတော်ကို ခံယူစောင့်ရှောက် ရိုသေသူ သို့မဟုတ် နိုင်ငံခြားသား လက်အောက်ခံသူ သို့မဟုတ် တိုင်းတစ်ပါး၏ နိုင်ငံသား မဖြစ်စေရဟု ပြင်ဆင်လိုက်ကြောင်း ဦးလှဆွေက ပြောကြားသည်။
"သားသမီး အတွက်ကတော့ ကန့်သတ်ချက် ဖြစ်နေသေးတယ်။ ချွေးမတွေ သမက်တွေကို လျှော့ပေးဖို့ ပါတီက လွှတ်တော်သို့တင်ပြမယ်။ ချွေးမတွေ သမက်တွေ နိုင်ငံခြားသားဖြစ်လို့ ပြဿနာ မရှိဘူးပေါ့။ ဒေါ်အောင်ဆန်းစုကြည်က သားတွေကို မြန်မာနိုင်ငံသား ခံယူပေးလိုက် ရင် သူ ၂၀၁၅ မှာ သမ္မတ ဖြစ်နိုင်သွားပြီ၊ သူ့အမျိုးသားက မရှိတော့ဘူး ဆိုတော့ ဘာမှပြောစရာ အကြောင်းမရှိတော့ဘူး" ဟု ဦးလှဆွေက ဆိုသည်။
ယင်းအချက်ကို ကြံ့ခိုင်ရေးပါတီက နိုင်ငံတော် သမ္မတနှင့် ဒုတိယသမ္မတ များသည် မိမိကိုယ်တိုင်သော်လည်း ကောင်း၊ မိမိ၏မိဘ တစ်ပါးပါးသော်လည်း ကောင်း၊ မိမိ၏ဇနီး သို့မဟုတ် ခင်ပွန်းသော် လည်းကောင်း မိမိ၏တရားဝင် သားသမီး တစ်ဦးဦး သော်လည်းကောင်း၊ နိုင်ငံခြား အစိုးရ၏ ကျေးဇူးတော်ကို ခံယူစောင့်ရှောက် ရိုသေသူ သို့မဟုတ် နိုင်ငံခြားသား လက်အောက်ခံသူ သို့မဟုတ် တိုင်းတစ်ပါး၏ နိုင်ငံသား မဖြစ်စေရဟု ပြင်ဆင်လိုက်ကြောင်း ဦးလှဆွေက ပြောကြားသည်။
"သားသမီး အတွက်ကတော့ ကန့်သတ်ချက် ဖြစ်နေသေးတယ်။ ချွေးမတွေ သမက်တွေကို လျှော့ပေးဖို့ ပါတီက လွှတ်တော်သို့တင်ပြမယ်။ ချွေးမတွေ သမက်တွေ နိုင်ငံခြားသားဖြစ်လို့ ပြဿနာ မရှိဘူးပေါ့။ ဒေါ်အောင်ဆန်းစုကြည်က သားတွေကို မြန်မာနိုင်ငံသား ခံယူပေးလိုက် ရင် သူ ၂၀၁၅ မှာ သမ္မတ ဖြစ်နိုင်သွားပြီ၊ သူ့အမျိုးသားက မရှိတော့ဘူး ဆိုတော့ ဘာမှပြောစရာ အကြောင်းမရှိတော့ဘူး" ဟု ဦးလှဆွေက ဆိုသည်။
ယင်းသို့ ကြံ့ခိုင်ရေးပါတီက လွှတ်တော်သို့ တင်ပြပေးမည် ဟုဆိုသော်လည်း ပြည်ထောင်စုလွှတ်တော်၏ ဆုံးဖြတ်ချက်သာ အတည်ဖြစ်မည် ဖြစ်ကြောင်း၊ အခြေခံဥပဒေ ပြင်ဆင်ရာတွင် ပုဒ်မ ၉၅ (စ) ပြင်ဆင်ခြင်း ရှိ မရှိကို စောင့်ကြည့်ရ ဦးမည် ဖြစ်ကြောင်း NLD ပါတီ၏ပြောရေး ဆိုခွင့်ရှိသူ ဦးဝင်းမြင့်က ဆိုသည်။
၂ဝဝ၈ ဖွဲ့စည်းပုံ အခြေခံဥပဒေတွင် ပါဝင်သည့် နိုင်ငံတော်သမ္မတ အရည်အချင်း သတ်မှတ်ချက် ဖြစ်သော ပုဒ်မ ၅၉ (စ) သည် ဒေါ်အောင်ဆန်းစုကြည်ကို အဟန့်အတား ဖြစ်နေသောကြောင့် ပြင်ဆင်ရန် လိုအပ်ကြောင်း ပြည်ထောင်စု ကြံ့ခိုင်ရေး နှင့် ဖွံ့ဖြိုးရေးပါတီဥက္ကဋ္ဌ သူရဦးရွှေမန်းက ပြောကြားထားသည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီသည် ၂၀၁၀ ရွေးကောက်ပွဲတွင် မဲအများဆုံး အနိုင်ရရှိထားပြီး လွှတ်တော်တွင်း ကိုယ်စားလှယ်ဦးရေ အများဆုံး ရှိသည့် နိုင်ငံရေးပါတီတစ်ခု ဖြစ်ပြီး ပြည်သူ့လွှတ်တော်တွင် ၂၅၉ ဦးနှင့် အမျိုးသား လွှတ်တော်တွင် ၁၂၉ ဦး ရှိသည့်အပြင် ပြည်ထောင်စု လွှတ်တော်က ဖွဲ့စည်းထားသော အခြေခံ ဥပဒေ လေ့လာသုံးသပ်ရေး ကော်မတီတွင်လည်း ကိုယ်စားလှယ်ဦးရေ အများဆုံးပါဝင်သည့် ပါတီတစ်ခုဖြစ်သည်။
ယင်းကြောင့် ပြည်ထောင်စု လွှတ်တော်၌ အဆုံးအဖြတ် ခံယူရာတွင် ကြံ့ခိုင်ရေး ပါတီ၏ သဘောထားမှာ အရေးကြီးသည့် အခန်းကဏ္ဍတွင် ရှိနေကြောင်း နိုင်ငံရေး လေ့လာသူများက သုံးသပ်သည်။
သို့သော် အချို့သော အခြေခံဥပဒေ ပုဒ်မများ ပြင်ဆင်ရာတွင် ပြည်ထောင်စု လွှတ်တော်ရှိ ကိုယ်စားလှယ်အားလုံး၏ ၇၅ ရာခိုင်နှုန်းကျော်က ပြင်ဆင်ရန် ထောက်ခံ သဘောတူမှသာ ပြည်လုံးကျွတ် ဆန္ဒခံယူပွဲ ပြုလုပ်ကာ ပြင်ဆင်ရမည် ဆိုသော အခြေခံ ဥပဒေ အခန်း(၁၂)ပုဒ်မ ၄၃၆(က)အရ အခြေခံ ဥပဒေပုဒ်မ ၅၉(စ)ကို ပြင်ဆင်ရန် တပ်မတော်သား ကိုယ်စားလှယ် အနည်းဆုံး တစ်ဦး ထောက်ခံမှသာ ပြင်ဆင်နိုင်မည် ဖြစ်သည်။
သို့သော် အချို့သော အခြေခံဥပဒေ ပုဒ်မများ ပြင်ဆင်ရာတွင် ပြည်ထောင်စု လွှတ်တော်ရှိ ကိုယ်စားလှယ်အားလုံး၏ ၇၅ ရာခိုင်နှုန်းကျော်က ပြင်ဆင်ရန် ထောက်ခံ သဘောတူမှသာ ပြည်လုံးကျွတ် ဆန္ဒခံယူပွဲ ပြုလုပ်ကာ ပြင်ဆင်ရမည် ဆိုသော အခြေခံ ဥပဒေ အခန်း(၁၂)ပုဒ်မ ၄၃၆(က)အရ အခြေခံ ဥပဒေပုဒ်မ ၅၉(စ)ကို ပြင်ဆင်ရန် တပ်မတော်သား ကိုယ်စားလှယ် အနည်းဆုံး တစ်ဦး ထောက်ခံမှသာ ပြင်ဆင်နိုင်မည် ဖြစ်သည်။
ပြည်ထောင်စုလွှတ်တော် အခြေခံ ဥပဒေ လေ့လာသုံးသပ်ရေး ကော်မတီက စိစစ်တွေ့ရှိချက် များကို အခြေခံပြီး ၂၀၀၈ အခြေခံဥပဒေကို ပြင်ဆင်မည် ဆိုပါက တပ်မတော်သား လွှတ်တော်ကိုယ်စားလှယ်များ အနေနှင့် ကန့်ကွက် မည်မဟုတ်ကြောင်း တပ်မတော်သား လွှတ်တော် ကိုယ်စားလှယ်များ ကိုယ်စား ပြောရေးဆို ခွင့်ရှိသူ ဗိုလ်ချုပ်ဝေလင်းက ဒီဇင်ဘာ ဒုတိယပတ်တွင် ပြောဆိုထားသည်။
0 comments:
Post a Comment