ဆောင်းပါး ၁

အကြမ်းဖက်ပဋိပက္ခများအား ဥပဒေစိုးမိုးရေး အခြေခံမှ သုံးသပ်ခြင်း - အပိုင်း (၁)

ဦးအောင်ထူး (ရှေ့နေ)

ဒီမိုကရေစီကို အသွင်ကူးပြောင်းနေသည်ဟု ကြွေးကြော်ဖေါ်ဆောင်နေသော ဦးသိန်းစိန်အစိုးရလက်ထက်တွင် တိုင်းရင်းသားပြည်နယ်များ၌ စစ်မှန်သည့် ပြည်တွင်းငြိမ်းချမ်းရေးရရန် အလားအလာ မတွေ့ရသေး။ လက်နက်ကိုင်တိုက်ပွဲ မဖြစ်ပွားသည့် မြေပြန့်ဒေသများမှာပင် အကြမ်းဘက်ပဋိပက္ခများ တိုးများလာ၊ နိုင်ငံပြင်ပမှလည်း ဟိုကသည်က ခြိမ်းခြောက်မှုများ ပေါ်လာလျှက်ရှိနေကြောင်း တွေ့ရသည်။ တိုင်းပြည်လုံခြုံရေးတပ်ဖွဲ့များကို ထိတ်လန့်ရ၊ ဘာသာရေးအစွန်းရောက်များကို ကြောက်ရ၊ အကြမ်းဘက်သမားများ၏ အန္တရာယ်ကို သတိထားနေရနှင့် တိုင်းပြည်၏ ဒေသအမြောက်အများ၌ သာမန် လူထုပေါင်းမြောက်များစွာမှာ ယုန်သူငယ်များဘ၀သို့ ကျဆင်းနေရသည်။ ဥပဒေစိုးမိုးရေးသည် ပြိုကျတော့မည်လားဟု စိုးရိမ်ရသည်အထိပင် ယိုင်လဲ ချိနဲ့လာခဲ့သည်။ တိုင်းပြည်ငြိမ်းချမ်း၊ တည်ငြိမ်ကာ အခြေခံလူထု စီးပွားရေး တိုးတက်မှုရနိုင်ရေးအတွက် “စစ်မှန်သည့် ဥပဒေစိုးမိုးရေး အခြေခံများ” ကို တည်ဆောက်ရန်မှာ အရေးတကြီး လိုအပ်ချက် ဖြစ်လာသည်။

“စစ်မှန်သည့် ဥပဒေစိုးမိုးရေး အခြေခံများ” ဟူသော စကားလုံးကို သုံးစွဲရခြင်းမှာ ဥပဒေစိုးမိုးရေးအတု လွှမ်းမိုးသောကြောင့်ဖြစ်သည်။ စစ်အစိုးရအဆက်ဆက်သည် ဥပဒေစိုးမိုးရေးကို စကားလုံးအရ သုံးစွဲခဲ့သော်လည်း ယင်းမှာ မည်သို့အဓိပ္ပါယ်ရှိကြောင်းကို မည်သည့်အခါကမျှ လူထုကို ရှင်းပြခဲ့ခြင်းမရှိ။ ၂၀၀၈ ဖွဲ့စည်းပုံအခြေခံဥပဒေ၏ နိုင်ငံတော်အခြေခံမူများ ဟူသော ကဏ္ဍတွင်မူ ဥပဒေစိုးမိုးရေးကို စကားလုံးအရပင် ထည့်သွင်းမထားတော့။ အကြောင်းမှာ ယင်း၏ အနှစ်သာရများကို တိုင်းပြည်၏ အချုပ်အခြာဖြစ်သည့် ဖွဲ့စည်းပုံအခြေခံဥပဒေနှင့်အညီ ကျင့်သုံးလိုခြင်း မရှိသောကြောင့်သာဖြစ်ကြောင်း မှတ်ယူရပါတော့မည်။

ချုပ်ပြောရလျှင် မြန်မာနိုင်ငံ၌ “စစ်မှန်သည့် ဥပဒေစိုးမိုးရေး အခြေခံများ” အား လူထုတရပ်လုံး စနစ်တကျ လေ့လာခွင့် မရသေးပါ။ စစ်အစိုးရအဆက်ဆက်က ယနေ့အချိန်အထိ ကျင့်သုံးနေသော ဥပဒေစိုးမိုးရေးဟူသည်မှာ နိုင်ငံတကာ စံထားချက်များနှင့် ကိုက်ညီသည့် ဥပဒေစိုးမိုးရေး Rule of Law မဟုတ်။ အာဏာပိုင်များက ပြဌာန်းထားသည့် ပြည်တွင်းဥပဒေများအတိုင်း စိုးမိုးအုပ်ချုပ်ခြင်း Rule by Law အဆင့်တွင်သာ ရှိနေသေးကြောင်း တွေ့ရသည်။

“ရခိုင်ပဋိပက္ခတွင် လုံခြုံရေးတပ်ဖွဲ့များအား (ကက/ကြည်း) က တိုက်ရိုက်အမိန့်ပေးခဲ့ကြောင်း ကော်မရှင်၏ အစီရင်ခံစာအရ ပေါ်လွင်သဖြင့် ကာချုပ်မင်းအောင်လှိုင်တွင် တာဝန်ရှိသည်။ (ကာ/လုံ) အစည်းအဝေးခေါ်ပြီး ကာချုပ်မင်းအောင်လှိုင်ကို တာဝန်ပေးခဲ့ခြင်းဖြစ်ပါက (ကာ/လုံ) အဖွဲ့ဝင်အားလုံးတွင် တာဝန်ရှိသည်။ သို့မဟုတ်ဘဲ သမ္မတ ဦးသိန်းစိန်က ကာချုပ်မင်းအောင်လှိုင်အား ရခိုင်ပဋိပက္ခများကိစ္စ ဆောင်ရွက်ရန် တာဝန်ပေးခဲ့ပါက ဦးသိန်းစိန်သည် အကြီးအကဲ (၁) အနေဖြင့်လည်းကောင်း၊ ကာချုပ်မင်းအောင်လှိုင်သည် လက်အောက်ငယ်သား (၂) အနေဖြင့်လည်းကောင်း တာဝန်ရှိသည်။”

၁၉၈၂ ခုနှစ်တွင် ပြဌာန်း၍ ၂၀၀၄ ခုနှစ်တွင် ပြင်ဆင်ကာ ယနေ့တိုင် အတည်ပြု ကျင့်သုံးလျှက်ရှိသော တရုတ်ပြည်သူ့သမ္မတနိုင်ငံ၏ ဖွဲ့စည်းပုံအခြေခံဥပဒေ ပုဒ်မ (၅) တွင် အောက်ပါအတိုင်း တွေ့ရှိရသည်။

“တရုတ်ပြည်သူ့သမ္မတနိုင်ငံသည် အခွင့်အာဏာများအား ဥပဒေနှင့်အညီ ကျင့်သုံးသည်။ ဥပဒေစိုးမိုးရေးအောက်တွင် ဆိုရှယ်လစ်နိုင်ငံကို တည်ဆောက်သည်။” ယင်းပြဌာန်းချက်ကို လေ့လာလျှင် တရုတ်နိုင်ငံသည် ဥပဒေစိုးမိုးရေးကို ဖွဲ့စည်းပုံအခြေခံဥပဒေနှင့်အညီ ကျင့်သုံးနေပြီဖြစ်ကြောင်း ထင်ရှားသည်။ သို့ရာတွင် ယင်းမှာ မည်ကဲ့သို့သော ဥပဒေစိုးမိုးရေး ဖြစ်ပါသနည်း။

“တရုတ်နိုင်ငံသည် Rule by Law နှင့် Rule of Law ကို ပေါင်းစပ်ကျင့်သုံးနေခြင်းဖြစ်ကြောင်း၊” ဆွီဒင်နိုင်ငံ စတော့ဟုမ်းမြို့၊ စတော့ဟုမ်းတက္ကသိုလ် ဥပဒေပညာဌာနတွင် ၂၀၁၃ ခုနှစ်မေလ (၈) ရက်နေ့က ကျင်းပခဲ့သည့် နီးနှောဖလှယ်ပွဲ၌ တရုတ်နိုင်ငံ ပီကင်းတက္ကသိုလ် ဥပဒေပညာဌာနမှ ပါမောက္ခ Dr. Gong Renren က ပြောကြားသွားခဲ့သည်။ ၄င်း၏ အဆိုအရ တရုတ်နိုင်ငံသည် နိုင်ငံတကာ စံထားချက်များနှင့် ကိုက်ညီသည့် ဥပဒေစိုးမိုးရေးအဆင့်ကို မသွားနိုင်သေးကြောင်း သုံးသပ်နိုင်သည်။ သို့ရာတွင် ဤမျှပေါင်းစပ်ကျင့်သုံးခြင်းသည်ပင် တရုတ်နိုင်ငံအတွက် များစွာအကျိုးရှိကြောင်း ထင်ရှားသည်။ ဥပဒေစိုးမိုးရေး အခြေခံတွင် ယနေ့ တရုတ်နိုင်ငံသည် စည်းလုံးညီညွတ်မှု တည်ဆောက်နိုင်ရုံသာမက နိုးနေသော နဂါးကြီးအဖြစ် စီးပွားရေးအရ တိုးတက်ဖွံ့ဖြိုးလာလျှက်ရှိသည်။

Rule of Law နှင့် Rule by Law စကားလုံးနှစ်လုံး၏ ဆက်စပ်မှုနှင့် ကွာခြားမှုကို လေ့လာမိပါက “ဥပဒေစိုးမိုးရေး” ဟူသောစကားလုံးကို လွယ်လင့်တကူ သုံးစွဲ၍ မရနိုင်ကြောင်း ထင်ရှားပါသည်။ ဖြစ်နိုင်လျှင် နိုင်ငံတကာ စံထားချက်များနှင့် ကိုက်ညီသည့် ဥပဒေစိုးမိုးရေး ဟူသည်ကို လူထုကြီးတရပ်လုံး လေ့လာကာ တတ်နိုင်သမျှ လက်တွေ့ဖေါ်ဆောင်သင့်သော အချိန်ရောက်ပါပြီ။ စစ်အာဏာရှင်များ တည်ဆောက်ထားသည့် ဥပဒေဘောင်နှင့် ၄င်းတို့ စိတ်ကြိုက်ပြဌာန်းထားသည့် ဥပဒေများအတိုင်း စိုးမိုးအုပ်ချုပ်ခြင်း Rule by Law တို့အား တိုက်ဖျက်သင့်သော အချိန်သို့ ရောက်ပါပြီ။

ဤစာတမ်းငယ်တွင် ဥပဒေစိုးမိုးရေးကို အကျယ်တ၀င့်ရှင်းလင်းပြမည်တော့ မဟုတ်ပါ။ သို့ရာတွင် မျက်မှောက်ဖြစ်ပွားနေသော အကြမ်းဘက် ပဋိပက္ခများအား ဥပဒေစိုးမိုးရေး ရှုဒေါင့်မှ ထောက်ပြသုံးသပ်ပါမည်။ ထို့နောက် ယင်းတို့အား စနစ်တကျဖြေရှင်းကာ တိုင်းရင်းသားပေါင်းစုံလူထုကြီးတရပ်လုံး ငြိမ်းချမ်းမှု၊ တရားမျှတမှုနှင့် တိုးတက်ဖွံ့ ဖြိုးမှုတို့ ရနိုင်ရေးအတွက် နိုင်ငံတကာ စံထားချက် လမ်းကြောင်းတွင် မြန်မာနိုင်ငံအနေဖြင့် ကျင့်သုံးနိုင်ရေးအတွက် ဥပဒေစိုးမိုးရေးဆိုင်ရာ အခြေခံအကျဆုံး အဆိုပြုချက် အချို့ကို တင်သွင်းဆွေးနွေးသွားပါမည်။

၂၀၀၈ ခုနှစ် ဖွဲ့စည်းပုံအခြေခံဥပဒေသည် ဥပဒေစိုးမိုးရေး အခြေခံကို မတည်ဆောက်နိုင်ခြင်း။

မည်သည့်နိုင်ငံတွင်မဆို ဖွဲ့စည်းပုံအခြေခံဥပဒေသည် ဥပဒေအားလုံး၏ အချုပ်အခြာဖြစ်သည်။ ယင်း၏သဘောမှာ ဖွဲ့စည်းပုံအခြေခံဥပဒေနှင့် မညီသော တည်ဆဲဥပဒေမှန်သမျှကို ဖျက်သိမ်းပစ်ရသည်။ နောင်ပြဌာန်းမည့် ဥပဒေများသည်လည်း ဖွဲ့စည်းပုံအခြေခံဥပဒေနှင့် ကိုက်ညီရသည်။ သို့ဖြစ်၍ ဥပဒေစိုးမိုးရေး အခြေခံကို တည်ဆောက်လိုပါက ဥပဒေအားလုံး၏ အချုပ်အခြာဖြစ်သည့် ဖွဲ့စည်းပုံအခြေခံဥပဒေတွင် ယင်း၏ အုတ်မြစ်ကို ချမှတ်ရပါမည်။

ဥပဒေစိုးမိုးရေး၏ အခြေခံအကျဆုံးမူမှာ ပြစ်မှုကျူးလွန်သူကို အပြစ်ပေးရမည်ဖြစ်ပြီး လူတိုင်းဥပဒေရှေ့မှောက်တွင် တန်းတူခံစားခွင့်ရှိရမည်ဖြစ်သည်။ ဤမူကို အခြေခံအားဖြင့် ဥပဒေနှင့် နီးစပ်သူတိုင်း သိကြပါသည်။ အသစ်အဆန်း မဟုတ်ပါ။ ၂၀၀၄ ခုနှစ်တွင် ဗိုလ်ချုပ်ကြီးခင်ညွှန့်ကို ဖမ်းဆီးအရေးယူခဲ့စဉ်က ဗိုလ်ချုပ်ကြီးသူရရွှေမန်း (ယခုဦးရွှေမန်း) ကိုယ်တိုင်ပင် တိုင်းသိပြည်သိ ကြွေးကြော်ခဲ့သည်။

သို့ရာတွင် ဥပဒေစိုးမိုးရေး၏ အသစ်အဆန်း မဟုတ်သည့် ဤမူနှင့် စပ်လျှဉ်း၍ မည်သို့ လက်တွေ့ကျင့်သုံး အကောင်အထည်ဖေါ်သင့်သည်၊ မည်သည်တို့မှာ အဟန့်အတားဖြစ်နေသည်၊ ဤမူကို ဖေါ်ဆောင်နိုင်ရေးအတွက် မည်သည့်ဥပဒေများကို ဖျက်သိမ်း၊ ပြင်ဆင်၊ အသစ်ပြဌာန်းသင့်သည်၊ ဟူသည်တို့နှင့် စပ်လျှဉ်း၍ အလေးထားကာ ယခု လွှတ်တော်ဥက္ကဌနေရာတွင် ယူထားသော ဦးရွှေမန်းသည် လွှတ်တော်အတွင်း၌ မည်သည့်အခါကမျှ ဦးဆောင်ဆွေးနွေးခဲ့သည်ကို မကြားသိရပါ။ ဦးသိန်းစိန်အစိုးရက ဦးဆောင်ရန် ဆိုသည်မှာ ဝေလာဝေးပင်။

၂၀၀၈ ဖွဲ့စည်းပုံ ပုဒ်မ ၄၄၅ အပေါ် သုံးသပ်ချက်

ပြစ်မှုကျူးလွန်သူကို အပြစ်ပေးရမည်ဖြစ်ပြီး လူတိုင်း ဥပဒေရှေ့မှောက်တွင် တန်းတူခံစားခွင့်ရှိရမည် ဟူသည့် မူကို ဖွဲ့စည်းပုံအခြေခံဥပဒေက အာမခံရပါမည်။ မဆန့်ကျင်စေရပါ။ သို့ရာတွင် ၁၉၈၈ ခုနှစ်မှစ၍ အာဏာသိမ်း အုပ်ချုပ်ခဲ့သည့် သက်တမ်းကာလအတွင်း ဖြစ်ပွားကျူးလွန်ခဲ့သည့် ပြစ်မှုများနှင့် စပ်လျှဉ်း၍ စစ်အာဏာရှင်တို့၏ တာဝန်ရှိမှုကို ဖုံးကွယ်ကာ “မည်သည့် တရားရုံးတွင်မျှ တရားစွဲဆိုခွင့် မရှိစေရ” ဟူသည်ကို ၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၄၅ တွင် ပြဌာန်းထားသည်။ ယင်းမှာ ကိုယ့်ကိုယ်ကို အကြွင်းမဲ့ လွတ်ငြိမ်းချမ်းသာခွင့်ပေးထားခြင်းဖြစ်သည်။ အဆိုပါပြဌာန်းချက်မျိုးကို ကမ္ဘာပေါ်တွင် တည်ဆဲ ဖွဲ့စည်းပုံအခြေခံဥပဒေများ၌ မည်သည့်နိုင်ငံတွင်မျှ မတွေ့ရပါ။ ယင်းအပေါ် ဥပဒေအထောက်အကူပြု ကွန်ယက်မှ ဆွေးနွေးမှုအား ၂၀၁၃ မေလ (၇) ရက်နေ့တွင် ဘီဘီစီမှအသံ လွှင့်သွားသည်ကို ဤလင့်ခ်တွင် နားဆင်ပါ။ https://docs.google.com/file/d/0BzC8VZhwp11AbTdrNlVyQ1FUb0k/edit?usp=sharing

ပုဒ်မ ၄၄၅ ပြဌာန်းချက်သည် လူတိုင်း ဥပဒေရှေ့မှောက်တွင် တန်းတူရေး ဟူသည့် အခြေခံမူကို အဆင့်နှစ်ဆင့်အရ ဆန့်ကျင်လျှက်ရှိသည်။ ပထမအဆင့်မှာ စစ်အစိုးရအာဏာပိုင်ဟောင်းများသည်သာ အကြွင်းမဲ့ လွတ်ငြိမ်းချမ်းသာခွင့် ရနေကြသည်။ အခြားသာမန်ပြည်သူများ မခံစားရပါ။ ဒုတိယအဆင့်မှာ ပြစ်မှုကျူးလွန်သူခြင်းတူပါက န၀တ၊ နအဖ စစ်အစိုးရအဖွဲ့ဝင်များသာ လွတ်ငြိမ်းခွင့်ကို ခံစားကြရသည်။ ၄င်းတို့၏ အမိန့်ပေးမှုအရ သက်ဆိုင်ရာမှုခင်းများ၌ မြေပြင်တွင် ကြီးကြပ်ကွပ်ကဲ ဖေါ်ဆောင်ခဲ့ကြသည့် အခြားစစ်ခေါင်းဆောင်များ၊ အုပ်ချုပ်ရေး အာဏာပိုင်များမှာ အဆိုပါ အခွင့်အရေးကို ခံစားခွင့် မရကြပါ။ အချိန်မရွေး တရားစွဲခံရနိုင်သည်။ ၂၀၀၈ ဖွဲ့စည်းပုံသည် ခွဲခြားမှုကို အခြေခံဥပဒေနှင့်အညီ ကျင့်သုံးထားခြင်းဖြစ်သည်။

ပြစ်မှုကျူးလွန်သူအား လွတ်ငြိမ်းခွင့်ပေးခြင်းမှာ ၂၀၀၈ ဖွဲ့စည်းပုံ၏ အုတ်မြစ်တချပ် ဖြစ်နေသည်။ သို့ဖြစ်၍ ပြစ်မှုကျူးလွန်သူ မည်သူ့ကိုမဆို တိတိကျကျ စုံစမ်းရှာဖွေ ဖေါ်ထုတ်ကာ အရေးယူ အပြစ်ပေးခြင်းဖြင့် ဥပဒေစိုးမိုးရေးတည် ဆောက်ရမည်ဟူသော အသံကို လူ့အဖွဲ့အစည်း၌ ကျယ်လောင်စွာ မကြားရတော့ပါ။ အကျိုးဆက်အနေဖြင့် ဥပဒေစိုးမိုးရေး ပျက်သည့် အခြေအနေကို တပြည်လုံး၌ ကြုံတွေ့နေကြရသည်။ ၂၀၀၈ ဖွဲ့စည်းပုံသည် တိုင်းပြည်တွင် ဥပဒေစိုးမိုးရေးအတွက် ပန်းခင်းသောလမ်းကို မတည်ဆောက်နိုင်ပါ။ ပြောင်းပြန်ပင် ၄င်းသည် ဥပဒေစိုးမိုးရေး ဆက်လက်ပျက်သုဉ်းစေ၇န် ငရဲမီးခင်းသောလမ်းကို ဖေါက်ပေးထားကြောင်း တွေ့ရှိရသည်။

ရခိုင်ပြည်နယ်တွင် ဥပဒေစိုးမိုးရေး ပျက်စီးစေခဲ့ရာ၌ မည်သူ့တွင် အမြင့်ဆုံး တာဝန်ရှိသလဲ။

ရခိုင်ပဋိပက္ခများ စုံစမ်းစစ်ဆေးရေးကော်မရှင်၏ အစီရင်ခံစာ စာမျက်နှာ ၈၇ တွင် “နစက သည် ကက (ကြည်း) ၏ တိုက်ရိုက်ကွပ်ကဲမှုအောက်တွင် ရှိနေကြောင်းနှင့် လုံခြုံရေးအဖွဲ့အစည်းများသည် သက်ဆိုင်ရာ ၀န်ကြီးဌာနများ၏ အမိန့်ကိုသာ နာခံရပြီး ဒေသဆိုင်ရာ အုပ်ချုပ်ရေးဆောင်ရွက်သူများ၏ အမိန့်ကို နာခံနိုင်ခြင်း မရှိသည်ကို တွေ့ရှိရကြောင်း” အတိအလင်း ဖေါ်ပြထားသည်။ ကက (ကြည်း) သည် (ကာ/လုံ) ၏ အဖွဲ့ဝင်များဖြစ်သော ကာကွယ်ရေး ဦးစီးချုပ်နှင့် ဒုတိယကာကွယ်ရေးဦးစီးချုပ်တို့၏ တိုက်ရိုက်အမိန့်ပေး ညွှန်ကြားမှုအောက်တွင် ရှိသည်။

ရခိုင်ပဋိပက္ခများအတွင်း (ကာ/လုံ) က ဥပဒေစိုးမိုးရေးအခြေခံကို ရိုက်ချိုးခဲ့သည့် အဓိက ဖြစ်ရပ်ကြီးနှစ်ခုရှိခဲ့ကြောင်း ကော်မရှင်၏ အစီရင်ခံစာအရ ပေါ်လွင်သည်။ ၄င်းတို့မှာ ၂၀၁၂ ဇွန်လ (၃) ရက်နေ့တွင် တောင်ကုတ်၌ အစ္စလာမ်ဘာသာဝင် ၁၀ ဦး အသတ်ခံရခြင်းနှင့် ဇွန်လ (၈) ရက်နေ့ တွင် မောင်းတော၌ အစ္စလာမ်ဘာသာဝင်များက ရခိုင်လူထုများအပေါ် ပြန်လည်၍ အကြမ်းဘက်မှုများ ပြုကြခြင်းဖစ်သည်။ အစ္စလာမ်ဘာသာဝင် ၁၀ ဦး အသတ်ခံရခြင်းနှင့် စပ်လျှဉ်း၍ ပြစ်မှုကျူးလွန်သူများကို ယခုအချိန်အထိ ဖေါ်ထုတ်အရေးယူခြင်းမပြုပါ။ ထိုနည်းတူ မောင်းတောတွင် အစ္စလာမ်ဘာသာဝင်များ၏ ပြန်လည်အကြမ်းဘက်မှုကို တားဆီးနိုင်ပါလျှက် အာဏာပိုင်များက ကာကွယ်တားဆီးမှု မပြုခဲ့ပါ။ ယင်းနှင့်စပ်လျှဉ်း၍ ကော်မရှင်၏ အစီရင်ခံစာ စာမျက်နှာ ၈၂ တွင် အောက်ပါအတိုင်း ဖေါ်ပြထားသည်။

“မောင်းတောဖြစ်စဉ်တွင် ထိုစဉ်က နစက အကြီးအကဲလုပ်သူက ပြတ်သားစွာ ကိုင်တွယ်အရေးယူဆောင်ရွက်ခဲ့မည် ဆိုပါက ယခု ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများစွာ ဖြစ်ပေါ်လာမည် မဟုတ်ကြောင်း ရခိုင်ရပ်မိ၊ ရပ်ဖများမှ ဝေဘန်သုံးသပ်ခဲ့ကြပါသည်။”

ပထမဖြစ်ရပ်တွင် ပြစ်မှုကျူးလွန်သူကို အရေးမယူသဖြင့် ရိုဟင်ဂျာများနှင့် အစ္စလာမ်ဘာသာဝင် အမြောက်အများ ယခုအချိန်အထိ အကြိတ်အခဲ ဖြစ်နေဆဲဖြစ်သည်။ ဒုတိယဖြစ်ရပ်တွင် ကာကွယ်တားဆီးနိုင်ပါလျှက် မကာကွယ်ခဲ့သဖြင့် ထိခိုက်ဆုံးရှုံးမှုများ ဖြစ်ပွားခဲ့ရသည့်အပြင် ရခိုင်ပြည်နယ် အခြားဒေသများသို့ ပျံ့သွားခဲ့သောကြောင့် ရခိ်ုင်လူထုများက မကြေမနပ်ဖြစ်နေဆဲဖြစ်သည်။ ၄င်းအကြိတ်အခဲများ၊ မကြေနပ်မှုများသည် ဥပဒေစိုးမိုးရေးပျက်သုဉ်းခြင်းကြောင့် ပေါ်ပေါက်လာခဲ့ခြင်းဖြစ်သည်။ ယင်း၏ အကျိုးဆက်အနေဖြင့် ပဋိပက္ခများ ဆက်လက် ကြီးထွားသွားခဲ့ခြင်းဖြစ်သည်။

ကော်မရှင်၏ အစီရင်ခံစာအရ ပေါ်လွင်သော ဖြစ်ရပ်နှစ်ခုလုံးတွင်သာမက ပထမဆုံး စတင်ဖြစ်ပွားခဲ့သည့် ကျောက်နီမော် လူသတ်မုဒိန်းမှုတွင် အမှန်တရားကို ဖုံးကွယ်ခဲ့သည့်အတွက် ဥပဒေစိုးမိုးရေး ပျက်သုဉ်းရာတွင် အဓိက တာဝန်ရှိသူမှာ (ကာ/လုံ) နှင့် ဦးသိန်းစိန် ဦးဆောင်သည့် ဗဟိုအစိုးရဖြစ်သည်။ အဘယ်ကြောင့်ဆိုသော် လုံခြုံရေးတပ်ဖွဲ့များသည် ၄င်းတို့၏ တိုက်ရိုက်အမိန့်ပေး ညွှန်ကြားမှုအောက်တွင် တာဝန်ထမ်းဆောင်ခဲ့ရသောကြောင့် ဖြစ်သည်။ (ကာ/လုံ) နှင့် ဦးသိန်းစိန်အစိုးရက ဥပဒေစိုးမိုးရေးကို မတည်ဆောက်ခဲ့သဖြင့် အကြမ်းဘက်ပဋိပက္ခများသည် မြန်မာနိုင်ငံ အခြားနေရာ အတော်များများသို့ ပျံ့နှံ့သွားခဲ့ခြင်းဖြစ်သည်။

နိုင်ငံတကာက လူ့အခွင့်အရေးရှုဒေါင့်မှ စွပ်စွဲလာမှုကို ကော်မရှင်က ပယ်ချသည် ဟူသည့်အပေါ် သုံးသပ်ချက်

နိုင်ငံတကာက လူ့အခွင့်အရေးရှုဒေါင့်မှ စွပ်စွဲလာမှုကို ပယ်ချကြောင်း ကော်မရှင်အဖွဲ့ဝင် ဒေါက်တာဒေါ်ရင်ရင်နွယ်က ပြောခဲ့သည်။ ပယ်ချရသည့် အဓိကအကြောင်းမှာ နိုင်ငံတကာသည် ဘင်္ဂါလီ တဘက်တည်းကိုသာ မေးခဲ့ပြီး ရခိုင်လူမျိုးများဘက်ကို မမေးခဲ့သောကြောင့် ဟူ၍ဖြစ်သည်။ ကော်မရှင်အဖွဲ့ဝင် အခြားသူတချို့ကလည်း အလားတူ တုန့်ပြန်ခဲ့ဘူးသည်။ စင်စစ်အားဖြင့်မူ နိုင်ငံတကာသည် ရခိုင်တိုင်းရင်းသားများဘက်ကိုလည်း မေးသင့်သလောက် မေးမြန်းခဲ့သည်။ အရင်းခံအားဖြင့်မူ ဘက်နှစ်ဘက် ရှုဒေါင့်မှ အဓိက ချဉ်းကပ်ရန် မဟုတ်ပါ။ နိုင်ငံတနိုင်ငံအတွင်း၌ မည်သို့သော အခြေအနေများ ဖြစ်ပွားသောအခါ နိုင်ငံတကာက လူ့အခွင့်အရေးချိုးဖေါက်မှုရှုဒေါင့်မှ ချဉ်းကပ် ကိုင်တွယ်သည်ကို ကော်မရှင်အနေဖြင့် လေ့လာသင့်သည်။ ရိုးရိုးပြစ်မှုနှင့် လူ့အခွင့်အရေးချိုးဖေါက်မှုတို့၏ ဆက်စပ်မှုနှင့် ကွာခြားမှုအပေါ်လည်း ရှင်းလင်းစွာ နားလည်ရန် လိုပါသည်။

သာဓကဆိုပါမည်။ နိုင်ငံတနိုင်ငံအတွင်း၌ ဘာသာရေးအရဖြစ်စေ၊ လူမျိုးရေးအရဖြစ်စေ၊ အခြားအကြောင်းတခုခုအရဖြစ်စေ လူတဦးက အခြားတဦးကို၊ လူအုပ်စုတခုက အခြားအုပ်စုတခုကို၊ သတ်ဖြတ်မှုကျူးလွန်သည် ဆိုကြပါစို့။

လူ့အခွင့်အရေးရှုဒေါင့်မှ ကြည့်လျှင် သတ်ဖြတ်ခံရသူ၏ အသက်ရှင်ရပ်တည်ပိုင်ခွင့် ရုပ်သိမ်းခံလိုက်ရခြင်းဖြစ်သည်။ သို့ရာတွင် သာမန်အားဖြင့် နိုင်ငံတကာက ၀င်ရောက်စွက်ဘက် ပြောဆိုမည်မဟုတ်ပါ။ သက်ဆိုင်ရာ နိုင်ငံ၏ အချုပ်အခြာအာဏာအတွင်း ကျရောက်နေသောကြောင့်ဖြစ်သည်။ ၄င်းနိုင်ငံ၏ အစိုးရကသာလျှင် အဆိုပါနိုင်ငံ၏ တည်ဆဲဥပဒေများနှင့်အညီ ပြစ်မှုကျူးလွန်သူ သို့မဟုတ် ကျူးလွန်သူများကို အရေးယူ အပြစ်ပေးရမည်ဖြစ်သည်။

၂၀၁၂ ခုနှစ် ဇူလိုင်လအတွင်း အိန္ဒိယနိုင်ငံ အာသံပြည်နယ် အနောက်ခြမ်းတွင် လူမျိုးရေး ပဋိပက္ခဖြစ်ပွားခဲ့ပြီး အတော်များများ သေဆုံးကာ လူဦးရေ နှစ်သိန်းခန့် အိုးမဲ့အိမ်မဲ့ဖြစ်ခဲ့သည်။ သို့ရာတွင် ကုလသမဂ္ဂသည်လည်းကောင်း၊ နိုင်ငံတကာလူ့အခွင့်အရေးအဖွဲ့ အစည်းကြီးများသည်လည်းကောင်း ၀င်ရောက်စွက်ဘက် ပြောဆိုကြခြင်းမရှိပါ။ အိန္ဒိယနိုင်ငံ၏ အချုပ်အခြာအာဏာအတွင်းတွင် သက်ဆိုင်ရာ အစိုးရများက ဖြေရှင်းဆောင်ရွက်ခဲ့ကြသည်။

သို့ရာတွင် အစိုးရကိုယ်တိုင်က လူထုအပေါ် လူ့အခွင့်အရေးချိုးဖေါက်မှုကို ကျူးလွန်ခြင်း၊ သို့မဟုတ် အင်အားစုတရပ်ရပ်က ကျူးလွန်မှုကို အစိုးရက အားပေးကူညီခြင်း၊ တနည်းနည်းဖြင့် ပူးပေါင်းဆောင်ရွက်ခြင်း၊ သို့မဟုတ် လူ့အခွင့်အရေးချိုးဖေါက်ကျူးလွန်မှုကြီးများ ဖြစ်ပွားနေပါလျှက် ကျူးလွန်သူများကို အစိုးရက ထိထိရောက်ရောက် အရေးယူမှုမပြုခြင်းတို့ဖြစ်လျှင်မူ ကုလသမဂ္ဂအနေဖြင့် ဖြစ်စေ၊ နိုင်ငံတကာ လူ့အခွင့်အရေးအဖွဲ့အစည်းကြီးများအနေဖြင့် ဖြစ်စေ ၀င်ရောက်အရေးယူဆောင်ရွက်ရန် ကြိုးပမ်းကြရသည်။ ဤသည်မှာ နိုင်ငံတကာ လူ့အခွင့်အရေး ဥပဒေအခြေခံများပေါ်၌ နိုင်ငံတကာက ကျင့်သုံးသည့် အစဉ်အလာလည်းဖြစ်သည်။ မြန်မာနိုင်ငံအတွင်း ရခိုင်ပြည်နယ်၌ အလားတူ အခြေအနေများ ဖြစ်ပွားနေသည့် အထောက်အထားများအား နိုင်ငံတကာ တွေ့ရှိသဖြင့်သာ ကုလသမဂ္ဂနှင့် နိုင်ငံတကာက ၀င်ရောက်ပြောဆိုလာကြခြင်းဖြစ်သည်။ အရေးယူဆောင်ရွက်မှုများလည်း ရှိလာနိုင်သည်။

ဒေါက်တာဒေါ်ရင်ရင်နွယ်နှင့် ကော်မရှင်အဖွဲ့ဝင်အချို့ ပြောသလို နိုင်ငံတကာအနေဖြင့် ရခိုင်တိုင်းရင်းသားများအား စစ်ဆေးမေးမြန်းမှု နည်းကောင်းနည်းပါမည်။ ဤသည်မှာ အကြောင်းနှစ်ချက်ကြောင့် ဖြစ်နိုင်သည်။ တချက်မှာ ဦးသိန်းစိန်အစိုးရ၏ စစ်တပ်နှင့် အခြားလုံခြုံရေးတပ်ဖွဲ့များသည် ရိုဟင်ဂျာများနှင့် ပေါင်းကာ ရခိုင်တိုင်းရင်းသားများအပေါ် လူ့အခွင့်အရေးချိုးဖေါက်မှုများ ကျူးလွန်နေကြောင်း၊ သတင်းမရခဲ့သောကြောင့် ဖြစ်နိုင်သည်။ နောက်တချက်မှာ ရခိုင်တိုင်းရင်းသားများ ကိုယ်တိုင်ကလည်း ဦးသိန်းစိန်အစိုးရ၏ စစ်တပ်နှင့် အခြားလုံခြုံရေးတပ်ဖွဲ့များသည် မိမိတို့အပေါ် လူ့အခွင့်အရေးချိုးဖေါက်မှုများ ကျူးလွန်နေကြသည်၊ ရွာများမီးရှို့၊ လူသတ်၊ မုဒိန်းကျင့် စသဖြင့် ကျူးလွန်နေပါသည်ဟု တိုင်တန်းခြင်းမပြုခဲ့သောကြောင့်လည်း ဖြစ်နိုင်သည်။

ယင်းသို့ ကျူးလွန်မှု သက်သေအထောက်အထားများ ရှိပါက ကော်မရှင်အနေဖြင့် ဖြစ်စေ၊ ဒေါက်တာဒေါ်ရင်ရင်နွယ် အနေဖြင့် ဖြစ်စေ နိုင်ငံတကာသို့ တိုင်တန်းမည်ဆိုပါက ရခိုင်တိုင်းရင်းသားများအား အဓိကထား၍ လာေ၇ာက် စစ်ဆေးမးမြန်းရန်မှာ ရာခိုင်နုန်းပြည့် သေချာသည်။

အကြမ်းဖက်ပဋိပက္ခများ ဖြစ်ပွားရခြင်း၏ လတ်တလောအကြောင်းရင်းနှင့် နောက်ဆက်တွဲအကြောင်းရင်းများ ရခိုင်ပြည်နယ်မှ စတင်ခဲ့ပြီး တနိုင်ငံလုံးသို့ တဖြေးဖြေး ပျံ့နှံ့နေပြီဖြစ်သော အကြမ်းဘက်ပဋိပက္ခကြီး၏ လတ်တလောအကြောင်းရင်းမှာ လူမျိုးရေးကွဲပြားမှုနှင့် ဘာသာရေးယုံကြည်ချက်ခြားနားမှုတို့အပေါ် အခြေခံပြီး တဘက်နှင့် တဘက် အပြန်အလှန်ပုတ်ခတ် စွပ်စွဲကြရာမှ စတင်ပေါ်ပေါက်လာခဲ့သည့် ပြသနာမဟုတ်ပါ။ ဥပဒေစိုးမိုးရေးအခြေခံအရ ပြစ်မှုကျူးလွန်သူမှန်သမျှကို ကျောသားရင်သားမခွဲခြားဘဲ တန်းတူထား၍ ပြတ်ပြတ်သားသား ထိထိေ၇ာက်ရောက် အရေးမယူခဲ့ခြင်းမှာ ပထမ လတ်တလောအကြောင်းရင်းဖြစ်သည်။ ဦးသိန်းစိန်အစိုးရ၏ စစ်တပ်နှင့် အခြားလုံခြုံရေးတပ်ဖွဲ့များ ကိုယ်တိုင်က ဘက်တဘက်တွင် ရပ်၍ ပြစ်မှုကြီးများအား ပါဝင်ကျူးလွန်ခဲ့ကြသည်ဟု နိုင်ငံတကာက ထောက်ပြစွပ်စွဲလာသည်က ပို၍ အရေးကြီးသော ဒုတိယ လတ်တလော အကြောင်းရင်းဖြစ်သည်။

ဤလတ်တလောအကြောင်းရင်းနှစ်ရပ် ဖြစ်တည်လာခဲ့ပြီးနောက် နောက်ဆက်တွဲအကြောင်းရင်းတို့လည်း ပေါ်ပေါက်လာပြန်သည်။ ယင်းတို့မှာ ဘာသာရေးအုပ်စုကြီးနှစ်ခုမှ အချို့သော အစွန်းရောက်ဘာသာရေးခေါင်းဆောင်များ၊ ဘာသာဝင်များနှင့် အစွန်းရောက် အမျိုးသားရေးဝါဒီများက နည်းလမ်းပေါင်းစုံသုံး၍ လှုံ့ဆော်လာခဲ့ကြခြင်းဖြစ်သည်။ အကျိုးဆက်အနေဖြင့် အကြမ်းဘက်ပဋိပက္ခကြီးများသည် တိုင်းပြည်၏ နေရာဒေသ အတော်များများသို့ ပျံ့နှံ့သွားခဲ့ရခြင်းဖြစ်သည်။

လတ်တလော အကြောင်းရင်းနှင့် နောက်ဆက်တွဲ အကြောင်းရင်းတို့ကို နိုင်းယှဉ်လေ့လာရန် လိုပါမည်။ လတ်တလော အကြောင်းရင်းသည် ဥပဒေစိုးမိုးရေးနှင့် တိုက်ရိုက်သက်ဆိုင်သည်။ နောက်ဆက်တွဲအကြောင်းရင်းသည် သာသာရေးအရ မတူကွဲပြားသည့် ဘာသာများ အတူ ငြိမ်းချမ်းစွာ ရပ်တည်နိုင်ရေး၊ အပြန်အလှန်လေးစားမှု တည်ဆောက်ရေးတို့နှင့် လည်းကောင်း၊ နိုင်ငံရေးအရ အစွန်းရောက် အမျိုးသားရေးဝါဒကို စွန့်လွှတ်ပြီး လူမျိုးပေါင်းစုံ အတူယှဉ်တွဲ နေထိုင်ရေး အခြေခံတွင် မိမိအမျိုးသားအကျိုးစီးပွားကို သမာသမတ်ကျစွာ ဖေါ်ဆောင်နိုင်ရေး အတွေးအခေါ် စိုက်ထူမှုနှင့်လည်းကောင်း သက်ဆိုင်သည်။

နောက်ဆက်တွဲအကြောင်းရင်းများသည် အရေးမကြီးမဟုတ်ကြီးပါသည်။ သို့ရာတွင် ယနေ့တပြည်လုံးသို့ ပျံ့နှံ့နေပြီဖြစ်သော အကြမ်းဘက်ပဋိပက္ခကြီးများနှင့်စပ်လျှဉ်း၍ လူ့အဖွဲ့အစည်းတခုလုံးနီးပါးသည် နောက်ဆက်တွဲ အကြောင်းရင်းများအပေါ်တွင်သာ ကုစားအဖြေရှာကြရန် ကြိုးပမ်းနေကြသည်ကို တွေ့ရသည်။ ထိရောက်မှု အားနည်းနိုင်သည်။

လတ်တလောအကြောင်းရင်းများနှင့်စပ်လျှဉ်း၍ အမှန်တရားပေါ်အောင် အဓိကထားဖေါ်ထုတ်ပြီး အရေးယူဆောင်ရွက်နိုင်မှသာလျှင် ဥပဒေစိုးမိုးရေးကို အခြေခံအားဖြင့် တည်ဆောက်နိုင်ပါမည်။ ထို့နောက် နောက်ဆက်တွဲအကြောင်းရင်းများကို တဖြေးဖြေး အချိန်ယူကုစားသွားရန် ဖြစ်ပါသည်။

ရခိုင်ပဋိပက္ခများ စုံစမ်းစစ်ဆေးရေးကော်မရှင်သည် ဥပဒေစိုးမိုးရေးနှင့် တိုက်ရိုက်သက်ဆိုင်သည့် လတ်တလော အကြောင်းရင်းကို မီးမောင်းထိုးကာ အမှန်တရားပေါ်အောင် ဖေါ်ထုတ်ခဲ့ခြင်းမရှိ။ လတ်တလောအကြောင်းရင်း နှစ်ရပ်အနက် ပထမတရပ်ကို ကော်မရှင်ကိုယ်တိုင် ၀န်ခံရသည်။ ထို့အပြင် လုံခြုံရေးတပ်ဖွဲ့များကိုယ်တိုင်က ဘက်တဘက် နှင့်ပူးပေါင်းကာ ပြစ်မှုကြီးများအား ပါဝင်ကျူးလွန်ခဲ့ကြသည်ဟု နိုင်ငံတကာက ထောက်ပြစွပ်စွဲသည့် ဒုတိယအကြောင်းရင်းကိုလည်း ကော်မရှင်က မျက်စိမှိတ် ပယ်ချခြင်းမှလွဲ၍ အချက်အလက်နှင့် မငြင်းနိုင်။ သို့ရာတွင် အစီရင်ခံစာ၌ လတ်တလောအကြောင်းရင်းကို ရှင်းရှင်းလင်းလင်း ပြည့်ပြည့်စုံစုံ မဖေါ်ထုတ်ဘဲ နောက်ခံအကြောင်းရင်းနှင့် နောက်ဆက်တွဲ အကြောင်းရင်းများကိုသာ ဋီကာချဲ့ပြီး ဖေါ်ပြခဲ့သည်။ ထို့ကြောင့် ဥပဒေစိုးမိုးရေး အခြေခံကို ဖျက်ဆီးခဲ့သည့် ကာလုံနှင့် သမ္မတ ဦးသိန်းစိန်၏ တာဝန်ရှိမှုကို ဖုံးကွယ်သွားစေခဲ့သည်။ ယင်းအတွက် ကော်မရှင်အား ဦးသိန်းစိန်က များစွာ သဘောကျသွားပုံရသည်။ ၂၀၁၃ ခုနှစ် မေလ (၆) ရက်နေ့တွင် တိုင်းပြည်သို့ မိန့်ခွန်းပြော၍ပင် ချီးမွမ်းခဲ့သည်။

(ကာ/လုံ) နှင့် ဦးသိန်းစိန်အစိုးရသည် ဥပဒေစိုးမိုးရေးပျက်အောင် ရည်ရွယ်ချက်ရှိရှိ လုပ်သလား။

ရခိုင်မှ တရုတ်ပြည်သို့ အမေရိကန်ဒေါ်လာ ဘီလျံပေါင်းများစွာ ချီကာ တန်ဘိုးရှိသည့် သဘာဝဓါတ်ငွေ့ပိုက်လိုင်း သွယ်တန်းတည်ဆောက်နေပါသည်။ ယင်းအပေါ် ရခိုင်ပြည်နယ်အတွင်းရှိ လူထုများက အားကောင်းကောင်းနှင့် ကန့်ကွက်နိုင်ခြင်း မရှိစေရန် အာရုံလွှဲလိုက်ခြင်း ဖြစ်နိုင်သည်ဟု လူထုအတော်များများက ယူဆလာကြသည်။ ထို့ပြင် တည်ဆောက်ပြီးသည့်အချိန်တွင် လက်ရှိနှင့် နောင်တက်လာဦးမည့် စစ်အစိုးရအဆက်ဆက်က နှစ်ပေါင်းမြောက်များစွာ ဆက်လက် အမြတ်ထုတ်အကျိုးခံစားနေဦးမည့်အပေါ် မကန့်ကွက်နိုင်တော့စေရေးအတွက် ရခိုင်ပြည်နယ်အတွင်းရှိ လူထုများနှင့် ၄င်းတို့၏ နိုင်ငံရေးပါတီများ အားနည်းချိနဲ့သွားစေရန်၊ လုံခြုံရေးအရ ဦးသိန်းစိန်အစိုးရ၏ စစ်တပ်နှင့် အခြား လုံခြုံရေးအဖွဲ့များကိုသာ ထာဝရအားကိုးသွားစေရန် မဟာဗြူဟာချမှတ် လုပ်ဆောင်ခြင်းလည်း ဖြစ်နိုင်သည်။

အထက်ပါ သုံးသပ်ချက် မမှန်ဟူ၍ (ကာ/လုံ) နှင့် ဦးသ်ိန်းစိန် အစိုးရက သက်သေပြလိုပါက ပိုက်လိုင်းနှင့် ဆက်စပ်သော သတင်းအချက်အလက်မှန်သမျှကို ရှင်းလင်းစွာ တပြည်လုံးသို့ ထုတ်ပြန်ကြေငြာရန် လိုသည်။ ပို၍အရေးကြီးသည်မှာ အကြမ်းဘက် ပဋိပက္ခများကြောင့် ရခိုင်ပြည်နယ်လူထု၏ စီးပွားရေးမှာ ချွတ်ခြုံကျပျက်စီးသွားခဲ့ပြီဖြစ်သဖြင့် ပြန်လည်ကုစားနိုင်ရန် ပိုက်လိုင်းမှရသော ၀င်ငွေအားလုံးကို ရခိုင်ပြည်နယ် အကျိုးစီးပွားအတွက်သာ သုံးစွဲသွားနိုင်စေရန် ဥပဒေတရပ် ပြဌာန်းကာ လွှဲအပ်ဖေါ်ဆောင်သွားရန် လိုအပ်သည်။

မည်သို့ ပင် နောက်ဆက်တွဲကုစားမှုများပြုစေဦး၊ ရခိုင်ပြည်နယ်အတွင်း ဥပဒေစိုးမိုးရေးပျက်စီးစေခဲ့သည့်အတွက် ယင်းမှ စတင်ကာ တပြည်လုံးသို့ပျံ့ နှံ့ စေခဲ့ရာ၌ တာဝန်ရှိမှုမှနေ၍ (ကာ/လုံ) နှင့် ဦးသိန်းစ်ိန်အစိုးရသည် ရှောင်လွှဲ၍ မရနိုင်။ အဖွဲ့အစည်းသဘောအရ တာဝန်ရှိမှုနှင့် အမိန့်ပေးခြင်းအရ တာဝန်ရှိမှု ၁၉၈၂ ခုနှစ်တွင် ဂွါတီမာလာနိုင်ငံ၌ အာဏာသိမ်းပြီး တိုင်းပြည်ကို အုပ်ချုပ်ခဲ့သော ဗိုလ်ချုပ်ကြီး အက်ဖရိန်ရိုင်ယိုမွန့်သည် အစ်ဇီးလ်မာယာ အမည်ရှိ တိုင်းရင်းသားလူမျိုးစုဝင် ဦးရေ ၁၇၇၁ ဦးအပေါ် လူမျိုးတုံးသတ်ဖြတ်မှုကျူးလွန်ခဲ့သည်ဟု စွဲချက်တင်ကာ တရားရုံး၌ သက်သေပေါင်း ၁၀၀ ကျော်ကို စစ်ဆေးခဲ့ပြီးနောက် ၂၀၁၃ ခုနှစ် မေလ ၁၀ ရက်နေ့တွင် ၄င်းအပေါ် ထောင် နှစ်ည ၈၀ ချခဲ့သည်။ လူမျိုးတုံးသတ်ဖြတ်မှုအတွက် နှစ် ၅၀၊ လူသားဖြစ်မှုကို ဆန့်ကျင်သည့် ပြစ်မှုအတွက် နှစ် ၃၀ နှစ်ခုပေါင်း ထောင်နှစ် ၈၀ ဖြစ်သည်။ “သမ္မတ တာဝန်ယူထားစဉ်အတွင်း သတ်ဖြတ်မှုကြီးများ ကျူးလွန်နေတာကို သိရက်နဲ့ ရပ်ဆိုင်းသွားအောင် ကာကွယ်တားဆီးခြင်း မလုပ်ခဲ့တာကြောင့် ပြစ်မှုကျူးလွန်ရာရောက်တယ်” ဟု တရားသူကြီး ဂျက်စ်မင်ဘာရီရော့က စီရင်ချက်တွင် ထည့်သွင်းဖတ်ကြားသွားခဲ့သည်။

အာဂျင်တီးနား၊ ချီလီ၊ ဂွါတီမာလာ အစရှိသော နိုင်ငံများတွင် အမျိုးသားပြန်လည်သင့်မြတ်ရေးဟူသည်ကို အကြောင်းပြ၍ ပြစ်မှုကျူးလွန်မှုကြီးများအား မေ့မထားဘဲ ပြန်လည်ဖေါ်ထုတ်ပြီး အရေးယူနေကြခြင်းမှာ စစ်မှန်သည့် ဥပဒေစိုးမိုးရေး အခြေခံများ တည်ဆောက်ပြီး တိုင်းပြည် တည်ငြိမ်၊ ငြိမ်းချမ်းကာ၊ လူထုတရားမျှတမှု ရစေရန် ဖြစ်သည်။

၂၀၁၃ ခုနှစ် မတ်လ ၂၇ ရက် တပ်မတော်နေ့တွင် ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်က ၄င်း၏ တပ်မတော်သည် မည်သည့်အခါကမျှ လူမျိုးတုံးသတ်ဖြတ်မှုနှင့် စစ်ရာဇ၀တ်မှုများ မကျူးလွန်ခဲ့ကြောင်းထည့်သွင်း ပြောကြားသွားခဲ့သည်။ လူမျိုးတုံးသတ်ဖြတ်မှု၊ စစ်ရာဇ၀တ်မှုနှင့် လူသားဖြစ်မှုကို ဆန့်ကျင်သည့် ပြစ်မှုများအား မြန်မာနိုင်ငံအတွင်းတွင် ဥပဒေအဖြစ်ပြဌာန်းထားမှု မရှိသေးပါ။ နိုင်ငံတကာ ဥပဒေ၏ အစိပ်အပိုင်းများ ဖြစ်ကြပါသည်။ ယင်းတို့ကို ချိုးဖေါက်ကျူးလွန်ခြင်းမှာ ပြစ်မှုမြောက်သည်ဟူ၍ ကာချုပ်မင်းအောင်လှိုင် ကိုယ်တိုင်က ၀န်ခံလိုက်သည့် သဘောဖြစ်သည်။ ယင်းမိန့်ခွန်းကိုးကားကာ အာဏာပိုင်များက ပြဌာန်းထားသည့် ပြည်တွင်းဥပဒေများအတိုင်းသာ စိုးမိုးအုပ်ချုပ်ခြင်း Rule by Law မှနေ၍ နိုင်ငံတကာ စံထားချက်များနှင့် ကိုက်ညီသည့် ဥပဒေစိုးမိုးရေး Rule of Law သို့ ပြောင်းလဲဖေါ်ဆောင်နိုင်ရေးအတွက် စတင်လှုပ်ရှားလုပ်ဆောင်သင့်ပြီ ဖြစ်ပါသည်။

အထက်ပါ နိုင်ငံတကာပြစ်မှုကြီးများအား တပ်မတော်က မကျူးလွန်ပါဟူ၍ ကာချုပ်မင်းအောင်လှိုင်၏ ငြင်းဆိုချက်ကိုမူ လက်ခံနိုင်ဘွယ်မရှိပါ။ ၄င်းပြစ်မှုကြီးများမှာ မည်သည့်အရာများဖြစ်သည်ကို ဥပဒေသမားများပင် နားလည်အောင် မနည်းကြိုးပမ်းကြရသည်။ ယင်းတို့နှင့် စပ်လျှဉ်း၍ တပ်မတော်အတွင်း ကျယ်ကျယ်ပြန့်ပြန့် ပညာပေးရေးလုပ်ခဲ့ကြောင်းလည်း တကြိမ်တခါမျှ မကြားသိခဲ့ရပါ။ သို့ဖြစ်၍ တပ်ဗိုလ်၊ တပ်သား တကယ့်အများစုကြီးမှာ မည်သည်တို့ကို ကျူးလွန်လျှင် မည်သည့်ပြစ်မှုမြောက်သည်ဟူ၍ နားလည်နိုင်ကြခြင်းမရှိသေးသည်မှာ ရာနုန်းပြည့်နီးပါး သေချာသည်။ လတ်တလောဖြစ်ရပ်များကို သုံးသပ်လျှင်ပင် ရခိုင်ပြည်နယ်အတွင်း လူမျိုးတုံးသတ်ဖြတ်မှု၊ ကချင်ပြည်နယ်အတွင်း စစ်ရာဇ၀တ်မှုနှင့် လက်ပံတောင်းတောင်ဒေသတွင် ဆန္ဒပြသံဃာများအပေါ် လူသားဖြစ်မှုကို ဆန့်ကျင့်သည့်ပြစ်မှုများ ကျူးလွန်ခဲ့ပြီးပြီဟု နိုင်ငံတကာဥပဒေအခြေခံမှ သုံးသပ်နိုင်သည်။ အသေးစိပ်ကို ဤစာတမ်း၏ ဒုတိယပိုင်းတွင် ဆက်လက်ဆွေးနွေးပါမည်။

အထက်ပါ ပြစ်မှုကြီးများနှင့် စပ်လျှဉ်း၍ တာဝန်ရှိမှုကို ရှာဖွေရာတွင် အဖွဲ့အစည်းသဘောအရ တာဝန်ရှိမှုနှင့် အမိန့်ပေးခြင်းအရ တာဝန်ရှိမှု နှစ်ခုတို့၏ ဆက်စပ်မှုနှင့်ကွာခြားမှုတို့ကို လေ့လာဘို့လိုပါမည်။ သမ္မတ ဦးသိန်းစိန်သည် လည်းကောင်း၊ ကာချုပ်မင်းအောင်လှိုင်သည်လည်းကောင်း တိုင်းပြည်တွင် အမြင့်ဆုံးအာဏာပိုင်အဖွဲ့အစည်းဖြစ်သည့် (ကာ/လုံ) ၏ အဖွဲ့ဝင်များဖြစ်ကြသဖြင့် ယနေ့တိုင်းပြည်တွင် ဖြစ်ပွားနေသော အကြမ်းဘက်ပဋိပက္ခကြီးများနှင့် စပ်လျှဉ်း၍ ၄င်းတို့တွင် ယေဘုယျအားဖြင့် တာဝန်ရှိကြသည်။

ရခိုင်ပဋိပက္ခတွင် လုံခြုံရေးတပ်ဖွဲ့များအား (ကက/ကြည်း) က တိုက်ရိုက်အမိန့်ပေးခဲ့ကြောင်း ကော်မရှင်၏ အစီရင်ခံစာအရ ပေါ်လွင်သဖြင့် ကာချုပ်မင်းအောင်လှိုင်တွင် တာဝန်ရှိသည်။ (ကာ/လုံ) အစည်းအဝေးခေါ်ပြီး ကာချုပ်မင်းအောင်လှိုင်ကို တာဝန်ပေးခဲ့ခြင်းဖြစ်ပါက (ကာ/လုံ) အဖွဲ့ဝင်အားလုံးတွင် တာဝန်ရှိသည်။ သို့မဟုတ်ဘဲ သမ္မတ ဦးသိန်းစိန်က ကာချုပ်မင်းအောင်လှိုင်အား ရခိုင်ပဋိပက္ခများကိစ္စ ဆောင်ရွက်၇န် တာဝန်ပေးခဲ့ပါက ဦးသိန်းစိန်သည် အကြီးအကဲ[1] အနေဖြင့်လည်းကောင်း၊ ကာချုပ်မင်းအောင်လှိုင်သည် လက်အောက်ငယ်သား[2] အနေဖြင့်လည်းကောင်း တာဝန်ရှိသည်။

ကချင်ပြည်နယ်အတွင်း ကေအိုင်အိုကို ထိုးစစ်ကြီးများ ဆင်နွှဲခဲ့စဉ် စစ်ရေးသဘောအရ ကာချုပ်မင်းအောင်လှို်င်မှာ အဓိကတာဝန်ရှိသည်။ စစ်ရာဇ၀တ်မှုများ ကျူးလွန်ခဲ့ခြင်းနှင့်စပ်လျှဉ်း၍မူ အကြီးအကဲ ကာချုပ်မင်းအောင်လှိုင်တွင် တာဝန်ရှိသလား၊ စစ်မြေပြင်တခုလုံးကို အနီးကပ်ကွပ်ကဲရသည့် လက်အောက်ငယ်သား မြောက်ပိုင်းတိုင်းစစ်ဌာနချုပ် တိုင်းမှုးတွင် တာဝန်ရှိသလား ဟူသည်ကို သုံးသပ်ရပါမည်။ ဤတွင် နိုင်ငံတကာဓလေ့ ထုံးတမ်းဥပဒေ[3] အရသာမက (ရ၀မ်ဒါ နိုင်ငံတကာပြစ်မှုဆိုင်ရာခုံရုံး[4] က ချမှတ်ခဲ့ပြီး ဆီအာရာလီယွန်းအထူး တရားရုံး[5] ကပါ လိုက်နာကျင့်သုံးခဲ့သည့် လက်တွေ့အရ) သမားရိုးကျ နိုင်ငံတကာဥပဒေ[6] အဖြစ်ပင် လိုက်နာကျင့် သုံးလာကြပြီဖြစ်သော သတ်မှတ်ပြဌာန်းချက်အရ အကြီးအကဲနှင့် လက်အောက်ငယ်သား ဆက်ဆန်ရေး[7] အရ တာဝန်ရှိမှုကို လေ့လာရန် လိုပါသည်။ ဂွါတီမာလာနိုင်ငံက ဗိုလ်ချုပ်ကြီး အက်ဖရိန်ရိုင်ယိုမွန်၏ မှုခင်းနှင့် နိုင်းယှဉ်လေ့လာလျှင် အကျိုးရှိပါမည်။

အပိုင်း (၂) ကို ဆက်လက်ဖတ်ရှုပါရန် ...

ဦးအောင်ထူး (ရှေ့နေ)
(မူရင်းသတ်ပုံအတိုင်း Aung Htoo ဖေ့စ်ဘွတ်ခ်မှ ကူးယူဖော်ပြပါသည်)

စစ်အာဏာရှင်တို့ရဲ့ ဒုတိယမ္ပိ ငရဲလမ်းစဉ်

ဇော်ဝင်း (၈၈ ကျောင်းသားဟောင်း)

လူတွေရဲ့ ကိုးဆယ့်ကိုးရာခိုင်နှုန်းဟာ သူတို့ဘဝမှာ ဘာသာတရားနဲ့ ပတ်သက်ပြီး ရွေးချယ်ခွင့် မရခဲ့ကြဘူး။ ရွေးချယ်ခွင့်ရတဲ့အချိန်မှာလည်း မရွေးချယ်ရဲကြဘူး။ ဒါ့ကြောင့် ၉၉ % သော လူတွေအတွက် ဘာသာတရား ဆိုတာဟာ သူတို့ဘဝမှာ ပြဌာန်းပေးခံလိုက်ရတဲ့အရာ ဖြစ်လာတယ်။

လူတယောက်မှာ မွေးလာကတည်းက အပြဌာန်းခံလိုက်ရတဲ့ အချက်တော်တော်များများ ရှိတယ်။ မွေးလာတဲ့ ကလေးတယောက်ဟာ သူ ဘာလူမျိုးဖြစ်ချင်တယ်ဆိုတာ ရွေးချယ်ခွင့်မရှိဘူး။ သူ့မှာ အသားအရေ ဘာရောင်၊ ဆံပင်ဘာရောင်၊ မျက်လုံးဘာရောင်ဆိုတာကိုလည်း ရွေးချယ်ခွင့် မရှိဘူး။ ယောက်ျားဖြစ်ချင်သလား၊ မိန်းမဖြစ်ချင်သလား ဆိုတာလည်း သူ့မှာ ရွေးပိုင်ခွင့် မရှိဘူး။ အဖေ ဘယ်သူ အမေဘယ်သူ ဆိုတာလည်း သူ့မှာ ရွေးချယ်ခွင့် မရဘူး။ သူ ဘယ်နိုင်ငံသား ဖြစ်ချင်တယ်ဆိုတာလည်း ရွေးချယ်ခွင့် မရဘူး။ ဒီနေ့ခေတ်ကြီးမှာဆိုရင် ဆင်းရဲသား၊ သူဌေးဆိုတာကိုလည်း ရွေးချယ်ခွင့် မရဘူး။ လူတယောက်ဟာ မွေးလာကတည်းက ဆင်းရဲသားအဖြစ် ဒါမှမဟုတ် သူဌေးအဖြစ် မွေးလာပြီးသား ဖြစ်နေတယ်။ ဒါတွေအားလုံးဟာ လူတယောက်ဘဝမှာ မွေးရာပါ အပြဌာန်းခံလိုက်ရတဲ့ အရာတွေလို့ ခေါ် တယ်။ လူ့ရဲ့ မူလသဘာဝ ဖြစ်တဲ့ လွတ်လပ်ခြင်းဆိုတဲ့ မွေးရာပါ ပိုင်ဆိုင်ပစ္စည်းနဲ့ အတူတူ ပါလာတဲ့ မွေးရာပါ နှောင်ကြိုးတွေလည်း ဖြစ်တယ်။ အဲသလို အပြဌာန်းခံရတဲ့ နှောင်ကြိုးတွေထဲမှာ စောစောက ပြောသလို ဘာသာရေးဟာလည်း တခုအပါအဝင်ပဲ။ လူတွေရဲ့ ၉၉ % ဟာ လူမှန်းသိတတ်ပြီး စဉ်းစားဆင်ခြင်တတ်တဲ့ အရွယ်ရောက်လို့ ကိုယ့်ကိုယ်ကိုယ် ဆန်းစစ်ကြည့်လိုက်တာနဲ့ တပြိုင်နက်တည်းမှာ သူတို့မှာ ကိုးကွယ်စရာ ဘာသာတခု အလိုလို ရှိနေပြီးသား ဖြစ်နေတာကို တွေ့ကြရတယ်။ ဒါဟာ ၉၉% သော လူတွေ ကြုံတွေ့ရင်ဆိုင်ကြရတဲ့ အဖြစ်အပျက်ပဲ။

လူတယောက်ကို အဲသလို မွေးကတည်းက ပါလာတဲ့ အပြဌာန်းခံ အချက်တွေကြောင့် ခွဲခြားဆက်ဆံမယ်၊ အရေးယူ အပြစ်ပေးမယ်ဆိုရင် အဲဒီအရေးယူ အပြစ်ပေးမှု၊ ခွဲခြား ဆက်ဆံမှုဟာ ဘယ်နည်းနဲ့မှ တရားမျှတတဲ့ လုပ်ရပ် ဖြစ်နိုင်မှာ မဟုတ်ဘူး။

လူတယောက်ဟာ မွေးကတည်းက မိန်းမအဖြစ်နဲ့ မွေးလာတယ်။ မ်ိန်းမအဖြစ်နဲ့ မွေးလာလို့ သူ့ကို ခွဲခြားဆက်ဆံမယ်။ သူ့ကို အခွင့်အရေးတခုခု ဆုံးရှုံးစေမယ်ဆိုရင် တရားတယ်လို့ ဆိုနိုင်မလား။ ဘယ်လိုမှ တရားတယ်လို့ ဆိုနိုင်စရာ မရှိဘူး။ ဒီလိုပဲ လူတယောက်ကို မွေးရာပါ မည်းလာတဲ့ အသားကြောင့် တခြားလူတွေထက် အနှိမ်ခံရမယ်၊ အခွင့်အရေး တန်းတူမရဘဲ ခွဲခြားဆက်ဆံခံရမယ်ဆိုရင် တရားပါ့မလား။ ဒါလည်း မတရားဘူး။ အလားတူပဲ လူတယောက်ဟာ မိခင့်ရိုးရာ၊ ဖခင့်အစဉ်အလာကို လိုက်ပြီး မိရိုးဖလာလိုက်ပြီးယူလာတဲ့ ဘာသာတရားကြောင့် အပြစ်တင် အရေးယူခံရရင် တရားမျှတတယ်လို့ ဆိုနိုင်မလား။ ဘယ်လိုနည်းနဲ့မှ တရားမျှတတယ်လို့ မဆိုနိုင်ဘူး။

“တကယ်တော့ ဒါတွေအားလုံးဟာ အစိုးရရဲ့ လက်ချက်တွေချည်းပါပဲ။ ဒါတွေအားလုံးရဲ့ နောက်ကွယ်မှာ အစိုးရက အဓိက လက်သည်ပါ။ အစိုးရလက်ချက်ဖြစ်ကြောင်း အစိုးရအကြံသာဖြစ်ကြောင်းကို အရင်ဆောင်းပါးတွေထဲမှာ အကြိမ်ကြိမ်အခါခါ ထောက်ပြသုံးသပ်ပြခဲ့ပြီးပြီမို့ ဒီဆောင်းပါးမှာ အကျယ်မပြောတော့ပါဘူး။ အစိုးရဟာ သူ အာဏာတည်မြဲဖို့၊ အတိုက်အခံဒီမိုကရေစီသမားတွေကို သွေးခွဲဖို့၊ ဒီမိုကရေစီသမားတွေနဲ့ ဗုဒ္ဓဘာသာအကြားမှာ သပ်လျှိုဖို့၊ သူတို့ စစ်အာဏာရှင်အင်အားစုတွေကို ဗုဒ္ဓဘာသာတွေ ထောက်ခံလာဖို့အတွက် ငရဲ မကြောက် ၊ သံသရာ မကြောက်ဘဲ မှောက်မှောက်မှားမှား ဆောင်ရွက်နေတာသာ ဖြစ်ပါတယ်။”

ခုတော့ မြန်မာပြည်မှာ မွတ်စလင်တချို့ဟာ ဘာမှ အပြစ်မရှိရှာဘဲ မွတ်စလင်ဖြစ်ခြင်းသက်သက်ကြောင့် အသတ်ဖြတ်ခံခဲ့ကြရတယ်။ အနည်းဆုံး မိတ္ထိလာမြို့မှာ သေဆုံးခဲ့ကြရတဲ့ မွတ်စလင်အများစုဟာတော့ဖြင့်ရင် ဘာမှ အပြစ်မရှိဘဲ သေဆုံးခဲ့ရသူတွေ ဖြစ်တယ်လို့ တိတိကျကျ ဆိုနိုင်တယ်။ တောင်ကုတ်မှာ အသတ်ခံခဲ့ရတဲ့ အစ္စလာမ်ဘာသာရေးဆရာ ဆယ်ယောက်ဟာလည်း အပြစ်မရှိဘဲ အသတ်ခံခဲ့ရသူတွေလို့ ဆိုနိုင်တယ်။ တချို့က ပြောကြလိမ့်မယ်။ မသီတာထွေးကို မွတ်စလင်တွေက သတ်လို့ အဲဒီ မွတ်စလင်တွေကို သတ်ခဲ့ကြတာ၊ ဒါ့ကြောင့် အဲဒီ မွတ်စလင် ၁၀ ယောက်သေတာဟာ တရားတယ်လို့ ...။ မိတ္ထီလာမှာ ဘုန်းကြီး ဦးသောဘိတ အသတ်ခံရလို့ မွတ်စလင် ၄၃ ယောက်အသတ်ခံရတာလည်း တရားတယ်လို့ ...။ အဲဒီလို ပြောဆိုချက် ယူဆချက်တွေဟာ တရားမျှတရဲ့လား အာဃာတတရားတွေကို ဘေးဖယ်ထားပြီး လွတ်လွတ်လပ်လပ် မျှမျှတတ စဉ်းစားကြဖို့ သင့်ပါပြီ။ မသီတာထွေးကို သတ်တဲ့သူဟာ လူသတ်သမားဖြစ်တယ်။ အဲဒီလူသတ်သမားက မသီတာထွေးကို သတ်တဲ့ အတွက်ကြောင့် သူနဲ့ အရောင်အသွေးတူ၊ လူမျိုးတူ၊ ဘာသာတူတဲ့ လူတွေကို လိုက်သတ်တာဟာ တရားတယ်လို့ မဆိုနိုင်ဘူး။ ဘုန်းကြီး ဦးသောဘိတကို သတ်တဲ့လူဟာ လူသတ်သမား ဖြစ်တယ်။ ဘုန်းကြီး ဦးသောဘိတ အသတ်ခံရတဲ့အတွက် သူနဲ့ ဘာသာတူတဲ့ လူ၊ အသွေးအရောင်တူတဲ့ လူတွေကို လိုက်သတ်တာဟာ ဘယ်လိုနည်းနဲ့မှ တရားမျှတတယ်လို့ မဆိုနိုင်ဘူး။ ဒါဟာ သဘာဝမကျတဲ့ ယေဘုယျပြုမှု ဖြစ်တယ်။ အာဃာတ အခြေခံတဲ့ ယေဘုယျပြုမှု ဖြစ်တယ်။ အမုန်းအခြေခံတဲ့ ယေဘုယျပြုမှု ဖြစ်တယ်။ လူလူချင်းအကြားမှာ အားလုံးလူတွေပါလား ဆိုတဲ့ အသိစိတ်ပျောက်ကွယ်ပြီး လူလူချင်းကို ခွဲခြားဆက်ဆံမှု ၊ ဂိုဏ်းခွဲမှု ၊ သင်းခွဲမှု ဖြစ်တယ်။ ဂိုဏ်းခွဲ သင်းခွဲရာမှာလည်း အမုန်းစိတ် အခြေခံပြီး ဂိုဏ်းခွဲတဲ့ ခွဲခြားမှု ဖြစ်တယ်။ ခင်ဗျားကို ခွေးတကောင်က ကိုက်မယ်ဆိုပါတော့။ ဒါကို အာဃာတထားပြီး မြင်မြင်သမျှ ခွေးတွေကို လိုက်သတ်ရင် ခင်ဗျားရဲ့ စိတ်အနေအထားဟာ ပုံမှန်လို့ ဆိုနိုင်ပါ့မလား။ လူကို မဆိုထားနဲ့၊ ခွေးကိုတောင် ဒီလို ယေဘုယျပြုရင် မတရားပါဘူး။

တကယ်ဆိုတော့ ကျွန်တော်တို့ အားလုံးဟာ လူတွေသာဖြစ်ကြတယ်။ ကျွန်တော်တို့အားလုံးဟာ ဒီလောကကြီးထဲမှာ ဧည့်သည်ပမာ ခေတ္တခဏ အလည်ရောက်လာကြသူတွေ ဖြစ်တယ်။ ဘယ်လောက်အသက်ရှည်ရှည် ဒီနေ့ခေတ်မှာ လူတယောက်ဟာ နှစ်ပေါင်း ၂၀၀ နေရဖို့ မျှော်လင့်ချက် မရှိဘူး။ အများစုဟာ နှစ်ပေါင်း ၇၀၊ ၈၀ ကြာရင် ဒီလောကထဲက ပြန်ထွက်ခွာသွားကြရမယ့်သူတွေချည်းပဲ။ ဒီလောကကို ရောက်လာကြတဲ့ ကျွန်တော်တို့အားလုံးဟာ ဘဝကို မြတ်နိုးကြတယ်။ အသက်ရှင်ချင်ကြတယ်။ ခံစားတတ်ကြတယ်။ နာကျင်မှာ အသတ်ခံရမှာကို ကြောက်တတ်ကြတယ်။ ဒီလို သဘာဝရှိတဲ့ လူသားချင်းအတူတူ သူလည်းလူ ငါလည်းလူပါလားလို့ သဘောမထားဘဲ၊ သူတို့က မွတ်စလင်တအုပ်စု၊ ငါတို့က ဗုဒ္ဓဘာသာတအုပ်စု၊ သူ့အုပ်စုက လူတွေက ငါ့အုပ်စုကို ဘယ်လို မတရားလုပ်တယ်။ သူ့အုပ်စုက ငါ့အုပ်စုကို ဘယ်လို ကျူးကျော်တယ်။ သူ့အုပ်စုက လူတွေကို ဘယ်လို ထိန်းချုပ်ရမယ်၊ ဘယ်လို တုတ်နှောင်ကန့်သတ်ရမယ်၊ ဆိုတဲ့ အတွေးအခေါ်အားလုံးဟာ ငါတကောကော ကောတဲ့ ဝါဒမဟုတ်ရင် ဘာဝါဒလို့ ခေါ်ဆိုကြမလဲ။ ဘာသာဆိုတာ တခုနဲ့ တခု ကွာကြတာချည်းပဲ။ ဘာသာဝင်တိုင်းကလည်း ကိုယ့်ဘာသာ ကိုယ်မှ အမှန်လို့ ထင်ကြတာချည်းပဲ။ ဒီကွဲပြားမှုဟာ သဘာဝတရားဖြစ်တယ်။ ဒီကွဲပြားမှုဟာ သဘာဝတရား ဖြစ်သလို ဒီလူတွေအားလုံးဟာ လူတွေချည်းပဲ ဆိုတဲ့ တူညီမှုလည်း ရှိကြတယ်။ အဲဒီတူညီမှုဟာလည်း သဘာဝတရားပဲ ဆိုတာကို သဘောပေါက်ကြဖို့ လိုတယ်။ ကိုယ်နဲ့ မတူရင် ရန်သူလို့ သဘောထားတဲ့ အယူအဆဟာ အလွန်သေးသိမ်တဲ့ အယူဝါဒဖြစ်တယ်။ ငါ့လူမျိုးမှ တကယ့်လူ၊ ငါ့ဘာသာမှ တကယ့်ဘာသာ ဆိုတဲ့ အယူဟာ အတ္တဝါဒဖြစ်တယ်။ အနတ္တဝါဒနဲ့ ဆန့်ကျင်ပါတယ်။ ဒီ့ထက် ပိုပြီး ပြင်းပြင်းထန်ထန် ပြောရရင် ငါ့လူမျိုးမှ တကယ့်လူ၊ ငါလူမျိုးကို ချစ်ရမယ် ဆိုတဲ့ ဝါဒဟာ နာဇီဝါဒ ၊ ဖက်ဆစ်ဝါဒဖြစ်တယ်။ ကိုယ်နဲ့ မတူတဲ့လူကို ကန့်သတ်ရမယ်၊ ထိန်းချုပ်ရမယ်လို့ ယူတဲ့ အယူအဆဟာ ရန်ကိုမွေးတဲ့ အယူအဆဖြစ်တယ်။ ဒေါသကို ဖြစ်စေတဲ့ အယူဖြစ်တယ်။ ဒီအယူဟာ ဓားတွေ လှံတွေထက် အန္တရာယ်ရှိတဲ့ အယူအဆဖြစ်တယ်။ အဲဒီအယူအဆကြောင့် လူ့အသက်များစွာ သေကြေဆုံးရှုံးစေနိုင်တယ်။ သေလည်း သေခဲ့ပြီးဖြစ်တယ်။

ကိုယ်လည်းလူ၊ သူလည်းလူ လူလူချင်း ကိုယ်ချင်းစာတရား ထားဖို့ လိုတယ်။ သူ့မှာလည်း ငါ့လို အသွေးနဲ့ အသားနဲ့ပါလားလို့ စာနာနားလည်တတ်ဖို့ လိုတယ်။ ဒီလိုမဟုတ်ဘဲ လူတဖက်သားကို ဒုက္ခရောက်စေချင်တဲ့ ဆန္ဒသဘောတရားဟာ သူတော်ကောင်းတရား မဟုတ်ဘူး။ မွတ်စလင်ရယ်၊ ဗုဒ္ဓဘာသာဝင်ရယ် မဟုတ်ဘူး၊ အားလုံးကို မေတ္တာတရား ထားအပ်တာချည်းပါပဲ။

ခုနေ မြတ်စွာဘုရားရှင်သာရှိရင် မွတ်စလင်တွေကို ဘယ်လို သဘောထားမယ်လို့ ကျွန်တော်တို့ ဗုဒ္ဓဘာသာဝင်တွေ ယူဆကြပါသလဲ။ ကျွန်တော်ကတော့ ဘုရားရှင်သာရှိရင် ဘုရားရှင်ဟာ မွတ်စလင်တွေကိုလည်း ရင်ဝယ်သားသဖွယ် သဘောထားလိမ့်မယ်လို့ ထင်မိတယ်။ ဒါဟာ ဘုရားရဲ့လမ်းစဉ်ပဲ။ ဘုရားရှင်ဟာ ဒီလမ်းစဉ်အတိုင်း တသမတ်တည်း ကျင့်သုံးပေလိမ့်မယ်။ ဒါဟာ သူတော်ကောင်းလမ်းစဉ်ပဲ။ သူတော်ကောင်း မှန်သမျှ ဒီလမ်းစဉ်ကို ကျင့်သုံးကြလိမ့်မယ်။ လူတဖက်သားကို စေတနာထားတာ ကောင်းစားစေချင်တာ မုဒိတာပွားတာဟာ သူတော်ကောင်းလမ်းစဉ် မဟုတ်ဘူးလား။ ဒီလမ်းစဉ်နဲ့ ဆန့်ကျင်ဖက်ကို ပြောရရင် လူတဖက်သားကို ပျက်စီးစေချင်တာဟာ သူယုတ်မာလမ်းစဉ်ပဲ။ ဒီနေရာမှာ လူတဖက်သားဆိုတာဟာ မိမိမဟုတ်တဲ့ တခြားလူအားလုံးကို ဆိုလိုတာဖြစ်တယ်။ မွတ်စလင်ဖြစ်ဖြစ် ၊ ခရစ်ယာန်ဖြစ်ဖြစ်၊ ဗုဒ္ဓဘာသာဝင်ဖြစ်ဖြစ် လူဟာလူပဲ။ အဲဒီလူအားလုံးကို ဆိုလိုတယ်။ ဗုဒ္ဓဘာသာကို ပျက်စီးစေချင်တဲ့လူမှ သူယုတ်မာ၊ တခြားဘာသာဝင်တွေကို ပျက်စီးစေချင်တဲ့သူတွေတော့ သူယုတ်မာအဖြစ်က လွတ်စေလို့ ဘုရားရှင်က သဘောပိုက်တော်မူလိမ့်မယ် မထင်ဘူး။ သူ့သာသနာကို ကာကွယ်ဖို့ ဆိုတဲ့ အကြောင်းပြချက်နဲ့ တခြားဘာသာဝင်တွေ အသတ်ဖြတ်ခံနေရတာကို ဘုရားရှင်သိရင် ဝမ်းမြောက်တော်မူလိမ့်မယ်လို့ ကျွန်တော် မထင်ဘူး။

အခု ဆရာတော်ဦးဝီရသူ ဘယ်လိုလူလဲဆိုတာ ရဟန်းရှင်လူ ပြည်သူတွေ သေသေချာချာ ချင့်ချိန်စဉ်းစားကြဖို့ သင့်ပါပြီ။ ဂိုဏ်းဂဏ အမြင်တွေ ခွာ၊ သူ့လူ ငါ့လူဆိုတဲ့ အစွဲတွေ ခွာပြီး ဦးဝီရသူ ဘယ်လိုလူဆိုတာ စဉ်းစားကြည့်ကြပါ။ သူဟာ သူယုတ်မာလား၊ သူတော်ကောင်းလားဆိုတာ အားလုံး ထင်ထင်ရှားရှား တွေးခေါ်နိုင်ကြပါလိမ့်မယ်။

ဦးဝီရသူ မန္တလေးမှာ ဟောတဲ့ တရားဗီဒီယိုခွေတခွေကို ထောက်ပြပါရစေ။ မန္တလေးမှာ ၂၀၀၃ ခုနှစ်တုန်းက ဟောခဲ့တဲ့ အခွေလို့ ဗီဒီယိုကလစ် တင်ပေးတဲ့ ဒီမိုဖက်တီးက ရေးထားတဲ့ ကလစ်ကလေးပါ။ အဲဒီအထဲမှာ ဘာပြောထားသလဲဆိုတော့ မန္တလေးမှာ ကုလားတွေ စားစရာမရှိအောင် တပည့်တော် လုပ်ပြမယ်တဲ့။ စားစရာတင် မဟုတ်ဘူး၊ မန္တလေးမှာ ကုလားတွေ နေစရာမရှိအောင်လည်း တပည့်တော် လုပ်ပြမယ်တဲ့။ ကုလားတွေဟာ ငါတို့ရန်သူဆိုတဲ့ အမုန်းစိတ် ဂိုဏ်းဂဏစိတ်ကလေးကို ခွာပြီး ခင်ဗျားတို့ စဉ်းစားကြည့်ကြပါ။ ဒါ သူတော်ကောင်းတရားလား၊ ဒါ သူတော်ကောင်းစကားလား ဆိုတာ ...။ သူတပါးကို ပျက်စီးအောင် လုပ်ပြမယ်လို့ ကြိမ်းဝါးတဲ့သူ ကြံစည်တဲ့သူဟာ သူယုတ်မာလား၊ သူတော်ကောင်းလား၊ ခင်ဗျားတို့ အစွဲတွေ ခွာပြီး အလေးအနက် စဉ်းစားကြည့်ကြပါ။ သူပြောနေတဲ့သူဟာ တချို့လူတွေ ရန်သူလို့ သတ်မှတ်ထားကြတဲ့ ကုလားမဟုတ်ဘဲ ခင်ဗျားတို့ မိသားစုသာဖြစ်မယ်ဆိုရင် ခင်ဗျားတို့ ဦးဝီရသူကို ဘယ်လိုထင်ကြမလဲ။ သူတော်ကောင်းလို့ မှတ်ယူနိုင်ကြပါ့မလား။ ဒီကုလားတွေ စီးပွားပျက်ဖို့ ဒီကုလားတွေဆီမှာ ဈေးမဝယ်ဖို့ ဦးဝီရသူဟာ တွင်တွင်ကျယ်ကျယ် ဝါဒဖြန့် ပြောဆိုပါတယ်။ ကုလား မကောင်းတာ၊ ကုလား မုဒိန်းကျင့်တာတွေကို စုစည်းပြီး ပြသပါတယ်။ အဲသလိုပြပြီး ကုလားမှန်သမျှ အတူတူ၊ မွတ်စလင်မှန်သမျှ အတူတူ၊ မွတ်စလင်မှန်သမျှ တို့ရန်သူဆိုတဲ့ စိတ်ဓာတ်ပွားများလာအောင် မွေးမြူပေးနေပါတယ်။ ယေဘုယျ ပြုပေးနေပါတယ်။ ဒီလိုဟောပြောမှု တွေကြောင့် အသိဥာဏ်နည်း မိုက်မဲတဲ့ တချို့ဗုဒ္ဓဘာသာဝင်တွေရဲ့ ရင်ထဲမှာ အမုန်းတရား ကိန်းဝပ်သွားပါ တယ်။ အဲဒီအမုန်းတရားကြောင့် တုတ်၊ ဓားလက်နက်ကိုင်ပြီး လူသတ်ပါတယ်။ ဦးဝီရသူဟောတဲ့တရားဟာ တုတ်၊ ဓားလက်နက်ထက် အန္တရာယ်ပိုကြီးပါတယ်။ ဦးဝီရသူ ကျူးလွန်တဲ့ အပြစ်ဟာ တုတ်၊ ဓားကိုင်သူထက် အပြစ်ပိုကြီးပါတယ်။ မိတ္ထီလာမှာ လူ ၄၃ ယောက်ကို သတ်တဲ့ အဓိက တရားခံဟာ ဦးဝီရသူပါပဲ။ ဦးဝီရသူကို ကျွန်တော့်အနေနဲ့ သံဃာအဖြစ် မသတ်မှတ်တာ ကြာပါပြီ။ ဦးဝီရသူလို လူယုတ်မာကို လူသတ်သမားပြောလို့ ကျွန်တော်ငရဲ မကျနိုင်ဘူးဆိုတဲ့ ယုံကြည်စိတ်နဲ့ အခုလို ပြတ်ပြတ်သားသား ပြောနေတာပါ။ ယုံကြည်မှု အပြည့်ရှိလို့ ဒီစကားကို ဆိုတာပါ။ ကိုယ့်စရဏတရားကိုယ် ကိုယ်ယုံကြည်ပါတယ်။ ကိုယ့်မေတ္တာတရားကိုယ် ကိုယ်ယုံကြည်ပါတယ်။ လူသားအားလုံးအပေါ်မှာထားတဲ့ ကျွန်တော့်မေတ္တာ၊ ကျွန်တော့်စေတနာကို ရိုးရိုးသားသားပဲ ကျွန်တော် ယုံကြည်ပါတယ်။ ဦးဝီရသူလိုလူမျိုးထက် ကျွန်တော့်ကိုယ်ကျင့်တရားက ပိုပြီး မြတ်တယ်လို့ ရိုးရိုးသားသားပဲ ယုံကြည်ပါတယ်။

ကျွန်တော်တို့ ဗုဒ္ဓဘာသာဝင်တချို့ဟာ မသီတာထွေးကို မွတ်စလင်က မုဒိန်းကျင့်တော့ ဒါ မွတ်စလင်တွေက မုဒိန်းကျင့်တာပဲ မွတ်စလင်တွေဟာ မုဒိန်းကောင်တွေပဲကွလို့ ယေဘုယျပြုပြီး မွတ်စလင်တွေကို သတ်တာကို လက်ခုပ်တီးကြပါတယ်။ ကျွန်တော်တို့ ဗုဒ္ဓဘာသာဝင်တချို့ဟာ ဦးသောဘိတကို မွတ်စလင်တချို့က သတ်တော့ ဒါ မွတ်စလင်တွေသတ်တာပဲ မွတ်စလင်အားလုံး အတူတူပဲ၊ မွတ်စလင်တွေကို လက်စားချေရမယ်လို့ သဘောထားပြီး ကလေးလူကြီးမရှောင် မွတ်စလင် ၄၃ ယောက် (ဒါ အစိုးရစာရင်းပါ၊ ဒီ့ထက်ပိုများမှာ သေချာပါတယ်။) ကို လက်စားချေ သတ်ဖြတ်ပါတယ်။ မွတ်စလင်တွေကို ဒီလို ယေဘုယျပြု သတ်ဖြတ်ခဲ့ပေမယ့် ဦးဝီရသူကို ဗုဒ္ဓဘာသာအကြမ်းဖက်မှုရဲ့ မျက်နှာလို့ တိုင်းမ်မဂ္ဂဇင်းက ဆိုတော့ ဗုဒ္ဓဘာသာအားလုံးကို ယေဘုယျပြုပြောဆိုရမလားဆိုပြီး ဆရာတော်ကြီးတချို့ပါမကျန် ဆတ်ဆတ်ခါ နာကျင်ကြပါတယ်။ ဆရာတော်ကြီးများလည်း ဆင်ခြင်တော်မူကြပါဘုရား၊ တကယ်တော့ ဗုဒ္ဓဘာသာတခုလုံးကို အကြမ်းဖက်ဝါဒလို့ တိုင်းမ်မဂ္ဂဇင်းက ဆိုလိုတာ မဟုတ်ပါဘူး။ ဦးဝီရသူဟာ ဗုဒ္ဓဘာသာအကြမ်းဖက်မှုရဲ့ မျက်နှာလို့ ဆိုတာပါ။ နောက်ဆုံး ဗုဒ္ဓဘာသာကို ဆိုခဲ့ရင်တောင်မှ ဦးဝီရသူလို သူတပါး ပျက်စီးကြောင်း ပြောတဲ့သူကြောင့် ဗုဒ္ဓဘာသာ နာမည်ပျက်ရတယ်ဆိုတာ နှလုံးသွင်းပြီး နောင်ဒီလို မဖြစ်အောင် ဘယ်လိုကာကွယ်မလဲဆိုတာ စဉ်းစားဆင်ခြင်သင့်ပါပြီဘုရား။

ဘာသာရေး၊ လူမျိုးရေး အမုန်းမီးဆိုတာ ပွားရလွယ်ပေမယ့် ငြှိမ်းသတ်ရ ခက်တတ်ပါတယ်။ ဘာသာရေး လူမျိုးရေး အမုန်းမီးသာ ကြီးထွားလာပြီဆိုရင် တိုင်းပြည်လည်း သိက္ခာကျ၊ ဘာသာလည်း သိက္ခာကျရုံသာမက၊ အင်မတန် ဆိုးဝါးတဲ့ လူမျိုးရေး ဘာသာရေး အဓိကရုဏ်းကြီးတွေ ပေါ်ထွက်တတ်ပါတယ်။ အခုချိန်ထိ ဗမာပြည်မှာရှိတဲ့ မွတ်စလင်တွေထဲမှာ အကြမ်းဖက်သူ၊ အသေခံဗုံးခွဲသူဆိုတဲ့ အစွန်းရောက်သမိုင်း မရှိဘူးသေးပါဘူး။

ဒါပေမယ့် အကြမ်းဖက်မှုဆိုတာ စစ်ရဲ့ တစိတ်တဒေသ ဖြစ်ပါတယ်။ စစ်ဆိုတာ နိုင်ငံရေးရဲ့ အဆက်ဖြစ်ပါတယ်။ နိုင်ငံရေးကို နိုင်ငံရေးနည်းနဲ့ မဖြေရှင်းနိုင်တဲ့အခါ စစ်ဆိုတာ နိုင်ငံရေးရဲ့အဆက်အဖြစ် ပေါ်ထွက်လာတတ်ပါတယ်။ အကြမ်းဖက်တိုက်ခိုက်မှု ဆိုတာကတော့ စစ်ရဲ့အဆက်ပါ။ စစ်ကို စစ်ချင်း၊ အင်အားကို အင်အားချင်း မယှဉ်သာတဲ့ အချိန်မှာ နိုင်ငံရေးပြဿနာက မပြေလည်သေးရင် ထွက်ပေါ်လာတတ်တဲ့ စစ်ပွဲကြီးရဲ့ အဆက်ဖြစ်ပါတယ်။ ချောင်ပိတ်အရိုက်ခံရတဲ့သူတွေဟာ စစ်ကို စစ်ချင်း၊ အင်အားကို အင်အားချင်း မဖြေရှင်းနိုင်တဲ့အခါ အသေခံပြီး အကြမ်းဖက်ကြတာ ဖြစ်ပါတယ်။ ဗမာပြည်မှာ မွတ်စလင်တွေကို ချောင်ပိတ်ရိုက်ရင် တနေ့မှာ သူတို့ဟာ ဒီနည်းကို သုံးမလာဘူးလို့ ဘယ်သူမှ အာမမခံနိုင်ပါဘူး။ ကိုယ့်အန္တရာယ်ကိုယ် မြင်ကြပါ။ ကိုယ့်သားသမီးမြေးမြစ်ကို ချစ်ခင်ကြပါ။ သူများကို သတ်ချင်ဖြတ်ချင်တာချည်း တွေးရင် မှားပါလိမ့်မယ်။ ကိုယ်ကချည်း သတ်ခွင့်ရလိမ့်မယ်လို့ မထင်ကြပါနဲ့။ ဝဋ်ဆိုတာ လည်တတ်ပါတယ်။ ဘယ်သူမှ တဖက်သတ် ရာသက်ပန် အနိုင်ရရိုး မရှိပါ။ ဒီတိုင်းပြည်မှာ မရှိခဲ့ဖူးတဲ့ အကြမ်းဖက်မှုတွေသာ အစပျိုး ပေါ်ပေါက်လာခဲ့ရင် နောင်လာနောက်သား မျိုးဆက်ပေါင်းများစွာအထိ ဒုက္ခပင်လယ်ဝေကြပါလိမ့်မယ်။ အဲဒီအခြေ၊ အဲဒီအဆင့်ထိရောက်လာရင်၊ ဗုဒ္ဓဘာသာရော၊ မွတ်စလင်ရော ဘာသာနှစ်ခုစလုံး အကြီးအကျယ် ဒုက္ခရောက်ကြပါလိမ့်မယ်။ ဘာသာရေးခေါင်းဆောင်များ၊ နိုင်ငံရေးခေါင်းဆောင်များ အမြော်အမြင်ရှိရှိ ချင့်ချိ်န်သုံးသပ်ကြဖို့ အချိန်တန်ပါပြီ။ မဲကိုမျှော်ပြီး ခေါင်းရှောင်နေတာတွေကိုလည်း ရပ်တန်းက ရပ်ပြီး သတ္တိရှိရှိ တာဝန်ယူကြဖို့လည်း သင့်ပါပြီ။

တကယ်တော့ ဒါတွေအားလုံးဟာ အစိုးရရဲ့ လက်ချက်တွေချည်းပါပဲ။ ဒါတွေအားလုံးရဲ့ နောက်ကွယ်မှာ အစိုးရက အဓိက လက်သည်ပါ။ အစိုးရလက်ချက်ဖြစ်ကြောင်း အစိုးရအကြံသာဖြစ်ကြောင်းကို အရင်ဆောင်းပါးတွေထဲမှာ အကြိမ်ကြိမ်အခါခါ ထောက်ပြသုံးသပ်ပြခဲ့ပြီးပြီမို့ ဒီဆောင်းပါးမှာ အကျယ်မပြောတော့ပါဘူး။ အစိုးရဟာ သူ အာဏာတည်မြဲဖို့၊ အတိုက်အခံဒီမိုကရေစီ သမားတွေကို သွေးခွဲဖို့၊ ဒီမိုကရေစီသမားတွေနဲ့ ဗုဒ္ဓဘာသာအကြားမှာ သပ်လျှိုဖို့၊ သူတို့ စစ်အာဏာရှင်အင်အားစုတွေကို ဗုဒ္ဓဘာသာတွေ ထောက်ခံလာဖို့အတွက် ငရဲ မကြောက် ၊ သံသရာ မကြောက်ဘဲ မှောက်မှောက်မှားမှား ဆောင်ရွက်နေတာသာ ဖြစ်ပါတယ်။

သူတို့သာ ငရဲ မကြောက်တာ မဟုတ်ပါဘူး။ ဗုဒ္ဓဘာသာ အများအပြားကိုလည်း ငရဲကျအောင် အပြစ်ကျူးလွန်အောင် မြှောက်ပေးဆွပေးနေပါတယ်။ ဒါတွေအားလုံးကို သူတို့အာဏာရရေး တခုတည်းအတွက် ဆောင်ရွက်နေတာပါ။ သူတို့ အာဏာရရေးအတွက် ငရဲလည်း မကြောက် ၊ သံသရာလည်း မကြောက်၊ လူ့အသက် လူ့အသွေး များစွာကို စတေးရမှာကိုလည်း မကြောက်ဘဲ ရက်ရက်စက်စက် ယုတ်ယုတ်မာမာ ပြုမူနေတာသာ ဖြစ်ပါတယ်။

စစ်အာဏာရှင်တွေဟာ အာဏာတခုတည်းကို မက်မော၊ မောဟတွေဖုံး၊ အသိဥာဏ် အမိုက်မှောင်ကြီးကျပြီး ငရဲလမ်းစဉ်ကို လိုက်တာဟာ တကယ်တော့ ဒါပထမအကြိမ် မဟုတ်ပါဘူး။ ပထမအကြိမ်က သံဃာတွေကို သတ်ဖြတ်ခဲ့တဲ့ ၂၀၀၇ ခုနှစ်ပါ။ အခုတကြိမ်က ဒုတိယမ္ပိ ငရဲလမ်းစဉ်ပါ။

ဗုဒ္ဓဘာသာဝင် သူတော်စင်အားလုံး မေတ္တာတရား လက်ကိုင်ထားပြီး ငရဲကို ရှောင်ရှားကြပါစို့။ မွတ်စလင်တွေကို ရင်ဝယ်သားသဖွယ် မေတ္တာပွားများကြပါစို့။ လူမျိုးပေါင်းစုံ၊ ဘာသာပေါင်းစုံ၊ ဒီမိုကရေစီသမားအားလုံး စည်းလုံးညီညွတ်ကြပါစို့။

လူအချင်းချင်း သတ်ဖြတ်ခြင်း၊ ကင်းရှင်းကြပါစေ ...

ဇော်ဝင်း (၈၈ ကျောင်းသားဟောင်း)

အရှင်ဝီရသူနှင့် စစ်တပိုင်းအစိုးရ

ရှင်ကေသဝ

(http://www.myatshu.com မှ မူရင်းသတ်ပုံအတိုင်း ကူးယူဖော်ပြပါသည်။)

မြန်မာနိုင်ငံမှာ လတ်တလော ဖြစ်နေတဲ့ ပဋိပက္ခတွေအရ ဦးဝီရသူကို ဖမ်းလိုက်ရင် မုန်းတီးရေးတရားတွေ ကွယ်သွားမလားလို့ မေးစရာရှိပါတယ်။ မကွယ်ပါဘူး။ ဘာလို့လဲဆိုတော့ သူဟာ အခု ဖြစ်နေတဲ့ မွတ်စလင်မုန်းတီးရေး လှုပ်ရှားမှုတွေမှာ ပြယုဂ်တစ်ခုသာလျှင်ဖြစ်လို့ပါပဲ။ ဒီပြယုဂ်ကို အမှီပြုပြီး နောက်ဆက်တွဲရလဒ်တွေကိုလည်း ထည့်စဉ်းစားရပါလိမ့်မယ်။

ဖြစ်တတ်တာကတော့ ပြယုဂ်တစ်ခုရဲ့ နာမည် အရမ်းတက်လာပြီဆိုရင် အဲဒီ ပြယုဂ် ကိုယ်စားပြုတဲ့ ပြဿနာရဲ့ အတိမ်အနက်၊ ဇာစ်မြစ် စတာတွေဟာ ကွယ်သွားတတ်ပါတယ်။ ဖြေရှင်းနည်းကို စဉ်းစားရာမှာလည်း အဲဒီ အရင်းခံအကြောင်းတွေကို ဖယ်ဖို့ မေ့နေတတ်ကြပါတယ်။ ဒီကြားထဲ နာမည်ယူချင်တဲ့ သူတွေ ကလည်း ဒီပြယုဂ်ကိုသုံးပြီး နာမည်ယူသွားနိုင်ပါသေးတယ်။

ဦးဝီရသူဟာ သူကိုယ်တိုင် ဒီအမုန်းတရားတွေကို နှစ်နှစ်ကာကာ ယုံကြည်ကိုးကွယ်လို့ဆိုတာ ငြင်းစရာ မရှိပါဘူး။ အခုအင်တာနက်မှာ ပြန့်နေတဲ့ သူထောင်မကျခင်က ဘုန်းကြီးတွေကို ဟောတဲ့ ကုလားတွေကို နေစရာမရှိအောင် လုပ်မယ်ဆိုတာကို ကြည့်ရင်၊ လာသမျှ နိုင်ငံတကာက သတင်းထောက်တွေကို မြန်မာဘင်လာဒင် ဆိုပြီး ၀ံ့ကြွားစွာပြောနေတာကို ကြည့်ရင်၊ ရှိသမျှအားအင် ကုန်ပစေ ခန်းပစေဆိုပြီး တပြည်လုံး အမုန်းမီး ဟုန်းဟုန်းတောက်အောင် လိုက်ပြောနေတာကို ကြည့်ရင် သိနိုင်ပါတယ်။ မုန်းတီးရေး သရဏံ ဂစ္ဆာမိ လုပ်နေတာ အခုဆိုရင် တကမ္ဘာလုံးလည်း သိနေပါပြီ။

ဦးဝီရသူကို ပြယုဂ်အဖြစ် တင်ပေးလိုက်တဲ အဓိက အကြောင်းကတော့ ခေတ်အဆက်ဆက် ဘာသာ ရေးနှင့် လူမျိုးရေးနှိပ်ကွပ်မှုသမိုင်းအမွေဆိုးကို ဆက်ပြီး လက်ခံကာ အုပ်ချုပ်နေတဲ့ စစ်တပ်အခြေပြု အာဏာရ အစိုးရအဖွဲ့ ကြီးပါပဲ။

“ထွက်လမ်းကတော့ ဆန့်ကျင်ပါ။ မတရားမှုကို ဆန့်ကျင်ပါ။ လူအချင်းချင်း အားသာလို့ ဗိုလ်ကျမှုကို ဆန့်ကျင်ပါ။ မုန်းတီးရေးတရားဟောသူတွေဟာ ဘာအ၀တ်ပဲ ၀တ်ထားဝတ်ထား သူတို့ကို ပြတ်ပြတ်သားသား ဆန့်ကျင်ပြလိုက်ပါ။ မတရားတဲ့ ၂၀၀၈ ဥပဒေကြီးကို ဆန့်ကျင်ပါ။ ပြယုဂ်ကိုလည်း ဆန့်ကျင်ပါ။ မတရားမှုကို ကြိုးကိုင်ထားသူတွေ၊ နောက်က လက်တွေ စနစ်တွေ ပြိုကျတဲ့အထိကို ရှုတ်ချပြီး ဆန့်ကျင်ပြလိုက်ပါ။”

စစ်တပိုင်းအစိုးရက ဦးဝီရသူကို လွှတ်ပေးထားတာကတော့ ရှင်းပါတယ်။ သူတို့ထဲက ဦးအောင်သောင်းလို လူတယောက်နဲ့ ပတ်သက်နေလို့၊ ဦးခင်ညွန့်လိုလူတယောက်နဲ့ ပတ်သက်နေလို့ ပြောချင်ရင်လည်းပြောနိုင်ပါတယ်။ မပတ်သက်လည်း သူတို့က လွှတ်ထားမှာပါပဲ။ ဒီအစိုးရဟာ စစ်တပ်အစိုးရ၊ တစ်နည်းပြောရင် လူမျိုးရေးနဲ့ဘာသာရေး အဓိကရုဏ်းတွေကို လွတ်လပ်ရေးရပြီးကတည်းက ချေးခါးအူမပါမကျန် ဘယ်လို ဖန်တီးရမယ် ဘယ်လိုဖြန့်ရမယ် ဆိုတာကို နောကြေနေအောင်သိနေတဲ့  အစိုးရဆိုတာ မမေ့ဖို့ လိုပါတယ်။ ဒီလိုအဓိကရုဏ်းတွေဟာ သူတို့ရဲ့အုပ်ချုပ်ရေးကို လွယ်ကူစေတယ်ဆိုတာ အမေမွေးကတည်းက သိတဲ့လူတွေလို့ကို ဆိုနိုင်ကောင်းပါတယ်။ ဘယ်လိုနည်းနဲ့ လွယ်ကူစေသလဲ။

အာဏာလက်ကိုင်အုပ်ချုပ်သူတွေဟာ ဒီမိုကရေစီရှိပါတယ်ဆိုတဲ့ နိုင်ငံများမှာတောင် အအုပ်ချုပ်ခံသူတွေကို တစ်နည်းမဟုတ်တစ်နည်း ထိန်းရပါတယ်။ ထိန်းတဲ့နည်းထဲမှာ အလွယ်ဆုံးကတော့ လူတွေကို တခုခုကို ကြောက်နေအောင် အမြဲလုပ်ထားရတာပါပဲ။ အမေရိကန်နိုင်ငံမှာဆို သမ္မတ အဆက်ဆက်ရဲ့ လူတွေကိုကြောက်နေစေတဲ့ အရာတွေကတော့ အသားအရောင်မတူတဲ့သူတွေ၊ ကွန်မြူနစ်တွေနဲ့ မွတ်စလင် အကြမ်းဖက်သမားတွေပါပဲ။ အာဏာရှင်နိုင်ငံတွေမှာတော့ အဲဒီကြောက်စရာတစ်ခုခုဟာ သူတို့ကိုယ်တိုင် ဖြစ်နေတတ်ပါတယ်။ လူတွေဟာ အာဏာရှင်အစိုးရတွေကို ကြောက်နေရတဲ့ အဆင့်ကို ကျော်သွားရင် ပြန်ကန် ပေါက်ကွဲထွက်တတ်ပါတယ်။ ရှစ်လေးလုံး အရေးတော်ပုံကိုပြန်ကြည့်ရင် သိပါလိမ့်မယ်။ ဒီတော့ အခြားကြောက်စရာကောင်းတာ တစ်ခုခုကို ဖန်တီးပြပြီး အအုပ်ချုပ်ခံ လူတွေကို အာရုံလွှဲရပါတယ်။ လူအများစုကို အာရုံလွှဲရပါတယ်။ ဒီနေရာမှာ လူတွေကြားထဲ လူအများနဲ့ မတူတဲ့အရာတွေကို ကြေက်စရာ ဒါမှမဟုတ် နှိမ်စရာအဖြစ် လက်ညှိုးထိုးပြရပါတယ်။ အလွယ်ဆုံးက အသားအရောင်ပါ။ အသားအရောင် မတူရင် ရန်သူလြို့မင်အောင် အမျိုးမျိုး လှိမ့်လီဆယ် ရပါတယ်။ နောက်တစ်ခုက လူတန်းစားပါ။ ဆင်းရဲရင် မဟုတ်တာလုပ်မယ်ဆိုပြီး သိမ်းသွင်းထားရပါတယ်။ နောက်တစ်ခုက နိုင်ငံသားဖြစ်တာမဖြစ်တာပါ။ နောက်တစ်ခုက လူမျိုးပါ။ နောက်တစ်ခုကတော့ ဘာသာရေးပါ။ နောက်တစ်ခုက ကျား၊ မခွဲခြားသတ်မှတ်မှုအပေါ် အမြတ်ထုတ်တာပါ။

အမေရိကန်နဲ့ တောင်အာဖရိကနိုင်ငံ သမိုင်းတွေဟာ အသားအရောင်ခွဲခြားအုပ်ချုပ်မှုရဲ့ သမိုင်းတွေပါ။ လူမျိုးရေးနဲ့ ခွဲခြားအုပ်ချုပ်မှုရဲ့ သမိုင်းသက်သေကတော့ ဂျူးသန်းပေါင်းများစွာကို သတ်စေခဲ့တဲ့ ဟစ်တလာခေတ် ဂျာမန်နိုင်ငံအုပ်ချုပ်ရေးပါပဲ။ ဘာသာရေးနှင့် နှိပ်ကွပ်မှုကတော့ ဥရောပသမိုင်းတွေနဲ့ မြန်မာနိုင်ငံ ကိုလိုနီခေတ်၊ ပါလီမန်ခေတ်၊ စစ်အာဏာရှင် အဆက်ဆက် ခေတ်သမိုင်းတွေပါပဲ။ ယနေ့ခေတ်မှာလည်း သတင်းတွေ နားထောင်ကြည့်ရင် ကြားနေရဆဲပါပဲ။ လူတန်းစားနဲ့ စီးပွားရေး၊ နိုင်ငံသား၊ ကျား၊ မ ခွဲ တာတွေကတော့ တိုးတက်တဲ့ နိုင်ငံတွေရော မတိုးတက်တဲ့ နိုင်ငံတွေမှာရော၊ ဒီမိုကရေစီနိုင်ငံတွေရော၊ အာဏာရှင်နိုင်ငံတွေမှာပါ တွေ့ရတဲ့ ယနေ့ခေတ်ပြိုင်မှတ်တမ်းတွေလို့  ပြောလို့ ရပါတယ်။

ဒီလို အုပ်ချုပ်သူတွေက သူတို့ အုပ်ချုပ်နေတဲ့သူတွေကို အချင်းချင်းခွဲမြင်စေဖို့ လီဆယ်တဲ့ အရာတွေဟာ လူများစု ပိုင်ဆိုင်တဲ့ ဒါမှမဟုတ် လူများစုကို အားသာစေတဲ့ အရာတွေပဲ ဖြစ်တတ်ပါတယ်။ (ဥပမာ နိုင်ငံသား ဖြစ်တာမဖြစ်တာမှာ အများစုဟာ နိုင်ငံသားဖြစ်ပြီးသားဆိုတော့ ဒီအကြောင်းနဲ့ ရန်တိုက်ရင် ဘယ်သူတွေ ကိုယ့်ဘက်ပါမယ်ဆိုတာ အုပ်ချုပ်သူ အစိုးရတိုင်း သိပါတယ်။) ဒါမှလည်း လူအများစုက အုပ်ချုပ်သူရဲ့  အာဏာလက်ကိုင်တုတ်ကို ပြန်မချိုးဘဲ လူနည်းစုကိုသာ ချိုးမှာမို့ ပါ။

မြန်မာနိုင်ငံကို ပြန်ကြည့်ရအောင်။ ရှစ်လေးလုံး အရေးတော်ပုံ မဖြစ်ခင် တောင်ကြီးမှာ ဘာသာရေး အဓိကရုဏ်း ဖြစ်အောင် လုပ်ပြီး အာရုံလွှဲဖို့ ဦးနေ၀င်း အစိုးရကြိုးစားတာ သက်သေတစ်ခုပါ။ အဲဒီတုန်းက သူ မအောင်မြင်ခဲ့ပါဘူး။ အခု လက်ရှိ စစ်တပိုင်း အစိုးရကတော့ ဒီကိစ္စမှာ အောင်မြင်မှု သရဖူတစ်ခုပြီးတစ်ခု ဆောင်းနေပါပြီ။ ဦးဝီရသူကို တစ်ဆင့်ခံ သုံးဖို့ (သိသိချည်းနဲ့ လွှတ်ထားပေးတာလည်း သုံး နည်းတစ်ခုပါပဲ။) အကြံ အောင်မြင်သွားတယ်လို့ ပြောလို့ရပါပြီ။

နောက်ထပ် စစ်တစ်ပိုင်းအစိုးရ ရသွားတဲ့ အမြတ်တွေ အများကြီးရှိပါသေးတယ်။ အခု နိုင်ငံတကာ စာနယ်ဇင်းတွေမှာ ဦးဝီရသူ အကြောင်းပြောရင် အမြဲပါပါလာတတ်တဲ့ အခုလို သူပြောချင်သလို ပြောလို့ရတာ နှစ်များစွာ ပိတ်ထားတာကို ဖွင့်ပေးလိုက်လို့၊ လွတ်လပ်စွာပြောဆိုခွင့်ရသွားလို့ စသဖြင့်ပါ။ ဒါကိုကြည့်ရင် ဟုတ်သလိုလို ရှိတတ်ပါတယ်။ အမှန်ကတော့ လူမျိုးရေး၊ ဘာသာရေး ခွဲခြားစေတဲ့ သွေးထိုးလှုံ့ဆော်မှုတွေကို စစ်တပ်အုပ်ချုပ်ခဲ့တဲ့ ခေတ်အဆက်ဆက် အစိုးရပိုင် စာနယ်ဇင်းတွေ မြန်မာ့အသံကနေ ကျယ်ကျယ်ပြန့် ပြန့် လုပ်ခဲ့တာ သတင်းစာတွေ ပြန်ဖတ်ရင် တွေ့ပါလိမ့်မယ်။ အခုကတော့ သွေးထိုးလှုံ့ဆော်မှုကို နိုင်ငံတော်ပိုင်ကနေ ဦးဝီရသူကို ဈေးကွက်စီးပွားရေး စနစ်နဲ့အညီ ပုဂ္ဂလိကပိုင် ပေးလိုက်တာပါ။ (အခြား စာနယ်ဇင်းတွေကိုလည်း ဒီကိစ္စအတွက် ပုဂ္ဂလိကပိုင်ပေးလိုက် ပြီးပါပြီ။ အလဲဗင်းတို့ ဗွိုက်တို့ ဖတ်ကြည့်ကြပါ။) ၂၀၀၃ မှာ ဘာလို့ ဦးဝီရသူကိုဖမ်းခဲ့သလဲ။ သူပြောတာကို မကြိုက်လို့ မဟုတ်ပါဘူး။ တခြား အကြောင်းတစ်ခုခုကြောင့်ပါ။ NLD နဲ့  အတိုက်အခံကို အပြတ်ချေမယ်ဆိုပြီး သူ့ ကို ၀င်မရှုပ်အောင်လည်း ဖြစ်နိုင်ပါတယ်။ နောင် လိုမှသုံးဖို့ဆိုပြီး ထောင်ထဲမှာ ဥ ထားတာလည်း ဖြစ်နိုင်တာပါပဲ။

ဦးဝီရသူကို မဖမ်းပဲထားလို့ အခု လက်ရှိ အစိုးရ ရမယ့် နောက်ထပ်အမြတ်တစ်ခု ရှိပါသေးတယ်။ ကြာကြာလွှတ်ထားပြီးမှ ဖမ်းပြလိုက်ပြီး အသားလွတ် နာမည်ဝင်ယူနိုင်တဲ့  အမြတ်ပါ။ သွေးထိုးလှုံ့ဆော်တဲ့ စီးပွားရေးကို ပိုင်ပိုင်နိုင်နိုင် လုပ်နိုင်တဲ့သူတွေကို တွေ့တဲ့အချိန်၊ လူတွေက ဒီရောင်းကုန်ကို စားတာသေချာသွားပြီဆိုတဲ့ အချိန်မှာဆိုရင် ဖမ်းပြပါလိမ့်မယ်။ အခုလည်း အဲလိုအချိန်ရောက်နေပြီဆိုတာ ၈၈၈၈ က ကိုကိုကြီးရဲ့ အမျိုးသားရေး စကားတွေ၊ ပုဂ္ဂလိကပိုင် သတင်းစာတွေရဲ့ ဘာသာရေး လူမျိုးရေး ခွဲခြားနှိပ်ကွပ်တဲ့စကားတွေက ပြနေပါပြီ။

နောက် အမြတ်တစ်ခုရှိပါသေးတယ်။ အခုကာလကို တကယ့် ဒီမိုကရေစီလို့ ထင်နေသူတွေအတွက် ဒီမိုကရေစီဆိုတာ လူတွေ သတ်ဖြတ်နေတာပါလို့ ထင်သွားစေပြီး စစ်တပ်က အချိန်မရွေး ပြန်ရှေ့ထွက်နိုင် ဘောင်းဘီပြန်ဝတ်နိုင်တဲ့ အခွင့်ပါ။ ကြံ့ဖွံ့ပါတီကို ဖျက်လိုက်လည်း သူတို့အတွက် အရှုံးမရှိပါဘူး။ အကုန်အငြိမ်းစားပေး၊ နောင်စစ်မျိုးဆက်က အဆင်သင့်ပါ။ အခု လွှတ်တော်တက်နေတဲ့ စစ်ကိုယ်စားလှယ်လောင်းများဟာ နောင်တစ်ခေတ်ရဲ့  စစ်သည်များပါပဲ။ အခြေခံဥပဒေကို မဖျက်ဘဲ အာဏာသိမ်းနိုင်ပါတယ်။ (အမှန်တော့ အခုကာလဟာ စစ်တပ်က အစစပြင်ဆင်ပြီးမှ ပုံစံတစ်မျိုးနဲ့ အုပ်ချုပ်တဲ့ စစ်အုပ်ချုပ်ရေးတစ်မျိုးပါပဲ။)

နောက် တစ်ခုရှိပါသေးတယ်။ စစ်တပ်နဲ့ အတူ အာဏာရော သြဇာပါရှိတဲ့  အဖွဲ့ အစည်းဆိုလို သံဃာ့ အဖွဲ့ အစည်းပဲရှိပါတယ်။ အုပ်ချုပ်ခံလူတွေက သမိုင်းကို မေ့ပေမယ့် စစ်တပ်က မမေ့ပါဘူး။ ၂၀၀၇ မှာ သူတို့ကို သံဃာတွေက အားစမ်းတာကို မကျေပါဘူး။ ဦးဝီရသူကြောင့် သံဃာ့အဖွဲ့ အစည်း အခု နာမည်ပျက်နေပါပြီ။ဒါကိုတော့ စစ်တပိုင်းအစိုးရရဲ့ နောက်ကြောင်းပြန် လက်စားချေမှုလို့ ပြောလို့ရပါတယ်။

စစ်တပိုင်း အစိုးရရဲ့ အမြတ်တိုင်းဟာ ပြည်သူပြည်သား လူများစုရော လူနည်းစုတွေအတွက်ပါ ဘယ်အချိန်မဆို အရှုံးချည်းပါပဲ။ ဘာတွေရှုံးသလဲ။ လူမျိုးရေး ဘာသာရေး ခွဲခြားနှိပ်ကွပ်လိုစိတ်ကို လက်ခံအားပေးလိုက်တာနဲ့ ပထမဆုံး အရှုံးကတော့ စိတ်ဓာတ်ရေးရာ မြင့်မြတ်မှုနဲ့ လဲပေးလိုက်ရတဲ့ မုန်းတီးရေးတရားတွေကို ရင်ထဲ အသည်းထဲ သိုလှောင်မိတဲ့ အရှုံးပါပဲ။ လူများစုတွေအတွက်ကတော့ ဒီမုန်းတီးရေးဥာဉ်ကြောင့် ဘယ်လူနည်းစုကိုမဆို မုန်းဖို့  အဆင်သင့်ဖြစ်နေခြင်းဟာလည်း ကိုယ့်အနာဂတ်ကိုပါ ရောင်းထားတဲ့ အရှုံးပါပဲ။ နောက်ဆုံး အုပ်ချုပ်သူတွေရဲ့ စီးပွားရေး၊ နိုင်ငံရေး မတရားမှုတွေကို မမြင်နိုင်တော့ဘဲ လူအချင်းချင်း သတ်တဲ့ဆီထိ ရောက်ပါ့မယ်။ အခုလည်း အစပြုနေပါပြီ။

ထွက်လမ်းကတော့ ဆန့်ကျင်ပါ။ မတရားမှုကို ဆန့်ကျင်ပါ။ လူအချင်းချင်း အားသာလို့ ဗိုလ်ကျမှုကို ဆန့်ကျင်ပါ။ မုန်းတီးရေးတရားဟောသူတွေဟာ ဘာအ၀တ်ပဲ ၀တ်ထားဝတ်ထား သူတို့ကို ပြတ်ပြတ်သားသား ဆန့်ကျင်ပြလိုက်ပါ။ မတရားတဲ့  ၂၀၀၈ ဥပဒေကြီးကိုဆန့်ကျင်ပါ။ ပြယုဂ်ကိုလည်း ဆန့်ကျင်ပါ။ မတရားမှုကို ကြိုးကိုင်ထားသူတွေ၊ နောက်က လက်တွေ စနစ်တွေ ပြိုကျတဲ့ အထိကို ရှုံ့ချပြီး ဆန့်ကျင်ပြလိုက်ပါ။

ရှင်ကေသဝ

ဗိုလ်ရွှေမန်းနဲ့ ကာလုံ

ဗိုလ်ရွှေမန်းနဲ့ ကာလုံ

တူမောင်ညို

ဒေါက်တာဆိတ်ဖွားကို မဖော်ထုတ်နိုင်ခဲ့ကြသော်လည်း (ကာလုံ) ကိုတော့ ပွဲထုတ်လာခဲ့ပြီ။

သမ္မတ (ဗိုလ်) ဦးသိန်းစ်ိန်ပင် ထုတ်မပြောခဲ့သော (ကာလုံ) အကြောင်းနှင့် (ကာလုံ) အစည်းအဝေးခေါ်ဖို့ စပြောလာသူ၊ (ကာလုံ) ကို ဗြောင်ပွဲထုတ်လာသူမှာ အမေရိကန်မှ ပူပူနွေးနွေးပြန်လာသူ ဗိုလ်ရွှေမန်း ဖြစ်ပါတယ်။ ဒီလို ထုတ်ဖော်ပြောဆိုချက်က (ကာလုံ) အပါအဝင် သော့ချက်နေများကို သူ့လက်ထဲမှာ ကိုင်ထားလိုက်ပြီဖြစ်တယ်ဆိုတာ အားလုံးကို ပြောလိုက်တာနဲ့ ပြလိုက်တာလို့ ပထမအချက်အနေနဲ့ ယူဆပါတယ်။ ဒုတိယအချက်ကတော့ (ကာလုံ) ဗြောင်လှုပ်ရှားလည်ပတ်တော့မယ်လို့ ကြေညာတာပါပဲ။ ပြီးတော့ ကြံ့ဖွံ့ပါတီထဲမှာ ဝါစဉ်အရ ဥက္ကဋ္ဌရာထူး ဗိုလ်ရွှေမန်း ယူပါလို့ သမ္မတ (ဗိုလ်) ဦးသိန်းစိန်က လွှဲအပ်ခဲ့ပြီးနောက် အခုလို (ကာလုံ) ကိစ္စတွေ အသံထွက်လာတာပါ။ ပေါ်ပေါက်လာတာပါ။

ဗိုလ်သိန်းစိန်က ပါတီဥက္ကဋ္ဌရာထူးကို ဗိုလ်ရွှေမန်းကို လွှဲပေးလိုက်ခြင်းဟာ ကြံ့ဖွံ့ပါတီထဲမှာ ဗိုလ်သိန်းစိန်အခန်း ကုန်ဆုံးသွားပြီဆိုတဲ့ အဓိပ္ပာယ်လည်းဖြစ်ပါတယ်။ ကြံ့ဖွံ့ပါတီဆိုတာ အခြားသော ဒီမိုကရေစီပါတီတွေလို ပါတီဝင်ထုရဲ့ မဲဆန္ဒနဲ့ ခေါင်းဆောင်ကို ဒီမိုကရေစီနည်းကျတင် ရွေးချယ်တင်မြှောက်ကြတာ မဟုတ်ဘူး။ စစ်တပ်ပုံစံအတိုင်း ဖွဲ့စည်းထားတာဖြစ်ပြီး စီနီယာက ကွန်မင်ဒါလုပ်တဲ့ သဘောပဲဖြစ်တယ်။ (buttom up) မဟုတ်ဘူး။ (Top down) ပဲ ဖြစ်တယ်။ အတိတ်က (မဆလ) ပါတီ လုပ်ခဲ့သလိုပေါ့။

စီနီယာဖြစ်တဲ့ ဗိုလ်ရွှေမန်းဟာ သော့ချက်ကျတဲ့နေရာတွေကို ကိုင်ထားတာ တွေ့ရမယ်။

ကြံ့ဖွံ့ပါတီဥက္ကဋ္ဌ
ပြည်သူ့လွှတ်တော်ဥက္ကဋ္ဌ
ကာလုံ အဖွဲ့ဝင်
ပြည်ထောင်စုလွှတ်တော် (ဒုတိယ) သက်တမ်းအတွက် နာယက
ဒါ့အပြင် ၂၀၁၅ မှာ “သမ္မတလုပ်မည်”ဟု ပြောထားသူ (သမ္မတထက် မြင့်တာရှိ လည်း လုပ်ချင်တယ်လို့ ပြောသူဖြစ်တယ်)

ကျနော့်ယူဆချက်ကတော့ ပါတီဥက္ကဋ္ဌကနေ အရာရာကို စီမံကွပ်ကဲနေရာချထားနေတာ ဖြစ်တယ်ဆိုတဲ့ အချက်ပဲ ဖြစ်တယ်။ ဒေါ်အောင်ဆန်းစုကြည်အနေနဲ့ သမ္မတ (ဗိုလ်) သိန်းစိန်ကို ချီးမွန်းနေရာကနေ လွှတ်တော်ဥက္ကဋ္ဌ ဗိုလ်ရွှေမန်း ဘက်ပြောင်းချီးမွန်းတာကိုလည်း ထည့်စဉ်းစားမိပါတယ်။ ဗိုလ်သိန်းစိန်ထက် ဗိုလ်ရွှေမန်းက ပိုပြီး အခရာကျတယ် ဆိုတဲ့အချက်ကို စောစောရိပ်မိသွားပုံရပါတယ်။

ဗိုလ်ရွှေမန်း ပြောတာတွေကို ကြည့်လိုက်တော့ ကာလုံအစည်းဝေး အမြန်ခေါ်ပေးရန်၊ လွှတ်တော်အစည်းအဝေး ကျင်းပနေစဉ် ကာလအတွင်း (ကာလုံ) အစည်းအဝေး တပတ်တကြိမ် လုပ်ရန် ဖြစ်ပါတယ်။

၁၁ ဦး ရှိတဲ့ (ကာလုံ) တန်းစီဇယားအရဆိုရင် ဗိုလ်ရွှေမန်းအထက်မှာ သမ္မတနဲ့ ဒုတိယသမ္မတ နှစ်ဦးပဲ ရှိပါတယ်။ ဒါကလည်း ဖွဲ့စည်းမှုသဘောအရ ဟန်ပြရုပ်ပြသဘော ဖြစ်ပါလိမ့်မယ်။ (ကာလုံ) ရဲ့ တကယ့်အာဏာနဲ့ လုပ်ပိုင်ခွင့်က ဗိုလ်ရွှေမန်းလက်ထဲမှာ ရှိနေတာ ဖြစ်ပါလိမ့်မယ်။ ဇူလိုင်လ ၁ ရက်နေ့က လုပ်ခဲ့တဲ့ (ကာလုံ) အစည်းအဝေးက ကာချုပ် မပါတဲ့ (ကာလုံ) အစည်းအဝေး ဖြစ်ပါတယ်။ တကယ်တော့ ကာချုပ် ဗိုလ်မင်းအောင်လည်းဟာ ရင်ခွင်ပိုက် ဦးစီးချုပ်ကလေးသာဖြစ်ပါတယ်။ သူလည်း အမတ်ချုပ်ကြီးဖြစ်တဲ့ ဗိုလ်ရွှေမန်းအမိန့်ကို နာခံရပုံပေါ်ပါတယ်။ ဗိုလ်ရွှေမန်း ထုတ်ဖော်ပြောဆိုချက်တွေက အပစ်အခတ်ရပ်စဲရေး/ငြိမ်းချမ်းရေးကိစ္စများ ဖြစ်ပါတယ်။ ငြိမ်းချမ်းရေးလုပ်ငန်းတွေမှာ သုံးစွဲနေတဲ့ ငွေရေးကြေးရေးကိစ္စတွေနဲ့ ပတ်သက်နေပါတယ်။ ဗိုလ်ရွှေမန်းက သူ့ အာဘော်ကို အခုလို ဖော်ထုတ်ထားပါတယ်။

“အချို့သော ငြိမ်းချမ်းရေးဆွေးနွေးရမည့် ကိစ္စရပ်များတွင် မလိုလားအပ်သော ကိစ္စများနှင့် ဘေးထွက်ဆိုးကျိုးများ ဖြစ်ပေါ်လာနိုင်ကြောင်းကို ပြည်သူများအတွင်းနှင့် လွှတ်တော်ကိုယ်စားလှယ်များအတွင်း တင်ပြလာမှုများ ရှိပါသည်” တဲ့။

ပြည်သူတွေက ဘယ်လိုတင်ပြသလဲ။ မည်သည့်မြို့နယ်က လွှတ်တော်ကိုယ်စားလှယ် ဘယ်သူက ဘယ်လိုအချက်အလက်တွေနဲ့ တင်ပြလာသလဲ ဆိုတာ ရှင်းပြဖို့ လိုအပ်ပါတယ်။ လွှတ်တော်ဥက္ကဋ္ဌ ဗိုလ်ရွှေမန်းအနေနဲ့ ဟိုလိုလို ဒီလိုလို ပြောနေမယ့်အစား တည့်တည့်တန်းတန်း ရှင်းရှင်းလင်းလင်း ပြောဖို့ လိုပါတယ်။ သမ္မတလုပ်ချင်တယ်လို့ ပြောသလိုမျိုး ရှင်းရှင်းဘွင်းဘွင်း ပြောစေချင်ပါတယ်။ လွှတ်တော်ကိုယ်စားလှယ်များ။ အထူးသဖြင့် ဒီမိုကရေစီအရေး၊ အခြေခံဥပဒေပြင်ဆင်ရေး၊ ဖက်ဒရယ်ပြည်ထောင်စု တည်ဆောက်ရေး လိုလားတဲ့ နိုင်ငံရေးပါတီများမှ လွှတ်တော်ကိုယ်စားလှယ်များအနေဖြင့် ပြည်သူများကိုယ်စား မေးခွန်းထုတ်ကြဖို့ လိုပါတယ်။ ဆန်းစစ်ဝေဖန်ကြဖို့နဲ့ သဘောထားအမြင်တွေ ထုတ်ဖော်ပြောဆိုကြဖို့ လိုပါတယ်။

တကယ်တော့ ငြိမ်းချမ်းရေးကိစ္စတွေကို ပြည်ထောင်စုငြိမ်းချမ်းရေးဖော်ဆောင်ရေး ဗဟိုကော်မတီက ကြိုးကိုင်စီမံနေတာပဲ ဖြစ်ပါတယ်။ အဲဒီ ဗဟိုကော်မတီ ၁၁ ဦးထဲမှာ ဗိုလ်ရွှေမန်းလည်း တယောက်အပါအဝင်ဖြစ်တယ်။ အဲဒီ ပြည်ထောင်စုငြိမ်းချမ်းရေးဖော်ဆောင်ရေး ဗဟိုကော်မတီရဲ့အောက်မှာ ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မတီ ရှိပါတယ်။ ဗိုလ်အောင်မင်းဟာ လုပ်ငန်းကော်မတီထဲမှ ဒုတိယဥက္ကဋ္ဌများအနက် တဦးသာလျှင် ဖြစ်ပါတယ်။ ဗိုလ်အောင်မင်းနဲ့ သူ့နောက်တော်ပါ MPC ရုံးက ရုံးလုလင်တွေဟာလည်း တချိန်က ဒီမိုကရေစီရေးည အော်ခဲ့သူတွေ၊ ABSDF မှာ ဗဟိုကော်မတီဝင်ဖြစ်ခဲ့ဖူးသူတွေ ဖြစ်တယ်။ MPC ရုံးဆိုတာလည်း နိုင်ငံခြားဒိုနာတွေရဲ့ ပရိုပိုဆယ်ငွေနဲ့ ဖွင့်ထားတာပဲ။ ဒါကြောင့် ဦးအောင်မင်းပဲဖြစ်ဖြစ်၊ MPC ပဲ ဖြစ်ဖြစ်၊ MPC က ရုံးလုလင်တွေပဲဖြစ်ဖြစ် ဗဟိုကော်မတီက ညွန်ကြားတာ/ခိုင်းတာ လုပ်ရတာပဲ။ သူတို့သဘောနဲ့သူတို့ ထွင်ပြီး ပြောလို့၊ လုပ်လုိ့ရတာ မဟုတ်ပါဘူး။ မဆိုင်တာ ပြောမိ/လုပ်မိတာနဲ့ အလုပ်က ပြုတ်သွားမှာပေါ့။ ဒါမှမဟုတ် တိုင်းရင်းသားလက်နက်ကိုင်အဖွဲ့အစည်းတွေနဲ့ တွေ့တဲ့အခါ ဗိုလ်အောင်မင်း မင်္ဂလာယူနေတာတွေ၊ ဗိုလ်အောင်မင်းရဲ့အာလူးတွေကို ဗိုလ်ရွှေမန်း ဘဝင်မကျလေသလား။

သို့မဟုတ် သမ္မတဦးသိန်းစိန်၊ ဗိုလ်အောင်မင်းတို့ လေပစ်နေကြတဲ့ “တနိုင်ငံလုံး အပစ်အခတ်ရပ်စဲရေးဆိုင်ရာ သဘောတူညီချက် (Nationwide Ceasefire Accord ) ကိစ္စ” ကို ဗိုလ်ရွှေမန်း မလိုလားလေသလား။ ဦးအောင်မင်းက လွှတ်တော်မှာ တင်ပြခဲ့တဲ့ “တနိုင်ငံလုံး အပစ်အခတ်ရပ်စဲရေးဆိုင်ရာ သဘောတူညီချက်” ကိစ္စကို သမ္မတ (ဗိုလ်) ဦးသိန်းစိန်ရဲ့ လစဉ်ရေဒီယိုမိန့်ခွန်းမှာ ထည့်မပြောသွားတာကလည်း စဉ်းစားစရာပါ။ ဒါ့အပြင် လတ်တလော ပေါ်ပေါက်လာတဲ့ UWSP စစ်ရေးတင်းမာလာမှုကလည်း “တနိုင်ငံလုံး အပစ်အခတ်ရပ်စဲရေးဆိုင်ရာ သဘောတူညီချက်” မပြုလုပ်နိုင်ရေးအတွက် ချိန်ကိုက်ဖော်ထုတ်လာတဲ့ အဖုအထစ်တခုအဖြစ် ထည့်သွင်းစဉ်းစားစရာ ဖြစ်ပါတယ်။ ဒီအဖုအထစ်ကို ဖန်တီးဖော်ထုတ်လာသူဟာ စစ်တပ်ဖြစ်ပါတယ်။ ဒီဖြစ်ရပ်နဲ့ (ကာလုံ) အစည်းအဝေးမှာ ပြောတဲ့ ဗိုလ်ရွှေမန်း အလိုမကျမှု ဘယ်အတိုင်းအတာထိ ဆက်စပ်နေသလဲ။

တူမောင်ညို
၂၀၁၃ ခုနှစ်၊ ဇူလိုင်လ ၄ ရက်

 



ဒုက္ခသည်တွေအိမ်ပြန်နိုင်ရေး အစိုးရတာဝန်ရှိကြောင်း ဦးအောင်မင်းပြော

ကိုကျော်ကျော်သိန်း

21.06.2013

အစိုးရအဖွဲ့ဝင် ပြည်ထောင်စုဝန်ကြီးတွေ တက်ရောက်တဲ့ ပထမဆုံး ကမ္ဘာ့ဒုက္ခသည်များနေ့ အခမ်းအနားတစ်ခုကို ရန်ကုန်မြို့၊ မြန်မာ့ငြိမ်းချမ်းရေး ပြန်လည်ထူထောင်ရေး ဗဟိုဌာန (MPC) မှာ ဇွန်လ ၂၁ ရက်၊ သောကြာနေ့က ကျင်းပခဲ့ပါတယ်။ ဒုက္ခသည်တွေနဲ့ပတ်သက်လို့ အစိုးရရဲ့သဘောထားဟာ ပြောင်းလဲနေပြီဖြစ်ပြီး ဒုက္ခသည်တွေ ဘေးအန္တရာယ်ကင်းကင်း ဘ၀ လုံလုံခြံခြုံနဲ့ အိမ်ပြန်လာနိုင်ရေးအတွက် အစိုးရမှာတာဝန်ရှိတယ်လို့ ပြည်ထောင်စုဝန်ကြီးတစ်ဦးကပြောပါတယ်။ ဒုက္ခသည်တွေ အိမ်ပြန်ရေးဟာ သူတို့ကိုယ်တိုင်သာ ဆုံးဖြတ်ရမယ့်ကိစ္စဖြစ်တယ်လို့ ကုလသမဂ္ဂ တာဝန်ရှိသူတစ်ဦးကလည်း ပြောပါတယ်။ အပြည့်အစုံကို အခမ်းအနားကိုယ်တိုင်သွားခဲ့တဲ့ ကိုကျော်ကျော်သိန်းက ရန်ကုန်မြို့ကနေ သတင်းပေးပို့ထားပါတယ်။

မြန်မာအစိုးရဟာ တစ်ချိန်တုန်းက ဒုက္ခသည်တွေကို အသိအမှတ်မပြုခဲ့ဘဲ သောင်းကျန်းသူ အဖျက်သမားတွေရဲ့ မိသားစု တွေဆိုပြီးတော့ ခေါ်ဆိုသုံးနှုန်းခဲ့ဖူးသလို ဒုက္ခသည်တွေ နေရပ်ရင်း ပြန်နိုင်ရေးကိစ္စကိုလည်း ဘယ်တုန်းကမှ ပြောဆို ဆွေးနွေး တာ မရှိခဲ့ဖူးပါဘူး။ အခုတော့ တိုင်းပြည်မှာ အပြောင်းအလဲတွေဖြစ်နေသလို ဒုက္ခသည်တွေနဲ့ပတ်သက်တဲ့ အစိုးရရဲ့သဘောထား ဟာလည်း ပြောင်းလဲနေပါပြီလို့ ကမ္ဘာ့ဒုက္ခသည်များနေ့အခမ်းအနား ကိုယ်တိုင်တက်ရောက်လာသူ သမ္မတရုံး ပြည်ထောင်စု ၀န်ကြီး ဦးအောင်မင်းက ပြောပါတယ်။

“အခု ကျနော်တို့အစိုးရလက်ထက်မှာ Refugee ကို လက်ခံပါတယ်။ IDP ကို လက်ခံပါတယ်။ Migrant Worker ကို ကျနော်တို့ လက်ခံပါတယ်။ ဒါတွေဟာ ကျနော်တို့ ဆွေမျိုးသားချင်းတွေပဲ ဖြစ်တယ်။ ကျနော်တို့သားသမီးတွေပဲဖြစ်တယ်။ ဒါတွေအတွက် လုပ်ရမယ့်တာဝန်က နိုင်ငံတော်အစိုးရရဲ့ တာဝန်ပဲဖြစ်ပါတယ်။ အခုလည်း ခင်ဗျားတို့မြင်လိမ့်မယ်။ လုပ်ကိုင်နေတာ။ မလေးရှားမှာလည်း ပြဿနာဖြစ်တဲ့အခါကျတော့ ကျနော်တို့ဆီက ဒု-ဝန်ကြီး ဦးဇင်ယော်တို့ သွားပြီးဆောင်ရွက်တာတွေကို ခင်ဗျားတို့ မြင်တွေ့ရမှာဖြစ်တယ်။ ကျနော်ပြောချင်တာတော့ စနစ်တွေ ပြောင်းပါပြီ။ ခေတ်တွေပြောင်းပါပြီ။ အမှန်ကို အမှန်အတိုင်းပဲ လက်ခံရမှာဖြစ်ပါတယ်။ အဲဒီအတိုင်းပဲ ကျနော်တို့ ဆက်လက်ပြီး ဆောင်ရွက်သွားမှာ ဖြစ်ပါတယ်။”

ကိုယ့်အိုးအိမ်တွေကိုစွန့်ခွာပြီး ထွက်ပြေးကြသူတွေဟာ သူတို့နယ်မြေမှာ အသက်အန္တရာယ် လုံခုံမှုမရှိ၊ ဘ၀လုံခြုံမှုမရှိလို့ ထွက်ပြေးသွားကြတာဖြစ်ပြီး လုံခြုံမှုရှိရင် ပြန်လာကြမှာဖြစ်ပြီးတော့ စနစ်တကျ ဘေးအန္တရာယ်မရှိ ဘ၀လုံလုံခြုံခြုံနဲ့ ပြန်လာနိုင် အောင်လုပ်ပေးဖို့ အစိုးရမှာတာဝန်ရှိပါတယ်လို့လည်း ၀န်ကြီးဦးအောင်မင်းက ပြောပါတယ်။ အဲဒီလိုအခြေအနေတွေ ဖန်တီး တာမှာ တိုးတက်မှု ဘယ်လောက်ရနေပြီလဲဆိုတာကိုတော့ ၀န်ကြီးဦးအောင်မင်းက -

“အခုဆိုရင် လွိုင်ကော်မှာ အစည်းဝေးလုပ်တဲ့ထဲမှာ ကျနော်တို့ ကရင်နီဖွံ့ဖြိုးတိုးတက်ရေး KNPP က ပြန်လာမယ့်အဖွဲ့တွေကို --- နယ်မြေ၊ -- ဒေသမှာ ပြန်လည်နေရာချထားပေးဖို့အတွက် နေရာလေးတွေ သတ်မှတ်ခဲ့ပါတယ်။ ဒီလုပ်ငန်းစဉ်တွေကို ဆက်လက်ဆောင်ရွက်သွားမှာဖြစ်ပါတယ်။”

ဒုက္ခသည်တွေ အိမ်ပြန်ရေးကိစ္စနဲ့ပတ်သက်လို့ ဆွေးနွေးပြောဆိုတာတွေ၊ ပြင်ဆင်တာတွေ အခုအချိန်မှာ အတော်များများ ရှိနေ ပေမဲ့လည်း အိမ်ပြန်ဖို့အချိန်အခါ ကျမကျဆိုတာကို ဆုံးဖြတ်ရမှာဟာ ဒုက္ခသည်တွေကိုယ်တိုင်ပဲဖြစ်ပါတယ်လို့ ကုလသမဂ္ဂ ဒုက္ခ သည်များဆိုင်ရာ မဟာမင်းကြီးရုံး UNHCR ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် မစ္စတာ ဟန်န်စ် တန်န် ဖဲလ်ဒ် (Hans tan Feld) က ပြောပါတယ်။

"အိမ်ပြန်ဖို့အချိန် ရောက်ပြီဆိုတာကို UNHCR ကပဲဖြစ်ဖြစ်၊ အစိုးရကပဲ ဖြစ်ဖြစ် ပြောလို့မရပါဘူး။ ဒါဟာ အမျိုးသား၊ အမျိုးသမီး ဒါမှမဟုတ် ကလေးငယ် တစ်ဦးချင်းစီက ဆုံးဖြတ်ရမယ့်ကိစ္စပါ။ မြန်မာအစိုးရ အနေနဲ့ ကြီးမားတဲ့ အောင်မြင်တိုးတက်မှုတွေ ရထားပါတယ်။ ငြိမ်းချမ်းရေးဆွေးနွေးပွဲတွေ၊ အပစ်အခတ်ရပ်စဲရေး ဆွေးနွေးပွဲ တွေရှိနေပြီး ဒါတွေအားလုံးဟာ အပြုသဘော ဆောင်တဲ့ တိုးတက်မှုတွေပါ။ ဒီအခြေအနေကနေ လူတွေ တကယ်တမ်း အိမ်ပြန် လာနိုင်တဲ့ အချိန်အခါတစ်ခုဆီ ဦးတည်မယ်လို့ မျှော်လင့်ရပါတယ်။ အချိန်အခါကတော့ သိပ်စောနေပါသေးတယ်။ မြေမြှုပ်မိုင်းဗုံးတွေ အများကြီးရှိနေသေးပြီး မိုင်းရှင်းလင်းရေး လုပ်ဖို့လိုပါတယ်။ ကိစ္စရပ်အများအပြားကို ကိုင်တွယ်လုပ်ဆောင်ရဦးမှာပါ။ ဒါပေမဲ့ မကြာခင်မှာပဲ လူတွေအိမ်ပြန်ရေး ဆုံးဖြတ်နိုင်ကြမယ့် နေ့တစ်နေ့ကို ရောက်လာတော့မယ်ဆိုတဲ့ မျှော်လင့်ချက်နဲ့ တကယ့် အလားအလာတွေရှိနေပြီလို့ ကျနော်ထင်ပါတယ်။"

မြန်မာနိုင်ငံက ဒုက္ခသည်အများစုကို ဒုက္ခသည်စခန်းကိုးခုမှာ လက်ခံထားတဲ့ ထိုင်းအစိုးရအနေနဲ့လည်း ဒုက္ခသည်တွေ အိမ်ပြန်ဖို့ ကိစ္စကို အလျင်စလိုနဲ့ တွန်းအားပေးတာမျိုးမလုပ်ဘဲ ဒုက္ခသည်တစ်ဦးချင်းစီက ဆုံးဖြတ်ရမယ့်ကိစ္စအဖြစ်ပဲ သဘောထားပါတယ် လို့ မစ္စတာ ဟန်န်စ် တန်န် ဖဲလ်ဒ်က ပြောပါတယ်။

အဲဒီဒုက္ခသည်စခန်းတွေကနေ အမေရိကန်ပြည်ထောင်စု၊ သြစတြေးလျ၊ ဂျပန် အစရှိသည်အားဖြင့် တတိယနိုင်ငံတွေဆီ ရွှေ့ပြောင်းအခြေစိုက်တဲ့ အစီအစဉ်တွေ ရှိခဲ့ပေမဲ့လည်း အခုအခါမှာတော့ အဲဒီအစီအစဉ်တွေ တဖြည်းဖြည်းချင်း အဆုံးသတ်သွား တော့မယ့်အခြေအနေကို ရောက်နေပြီးတော့ မိသားစုပြန်လည်ပေါင်းစည်းရေး အထူးအစီအစဉ်တွေလောက်ပဲ ရှိလာတော့မယ်လို့ မစ္စတာဖဲလ်ဒ်က ပြောပါတယ်။

မြန်မာနိုင်ငံမှာ တိုင်းရင်းသား လူမျိုးစု လက်နက်ကိုင်အရေအတွက် ၂၀၀,၀၀၀ နီးပါး၊ ပြည်တွင်း အိုးအိမ်စွန့်ခွာထွက်ပြေးနေရသူ ပေါင်း ၄၄၆,၀၀၀၊ ဒုက္ခသည်ပေါင်း ၃၅၀,၀၀၀ ပတ်ဝန်းကျင်နဲ့ ရွှေ့ပြောင်းအလုပ်သမားပေါင်း ၂ သန်းလောက်ရှိတယ်လို့ ၀န်ကြီး ဦးအောင်မင်းကပြောပါတယ်။ သူတို့တွေပြန်လာကြမယ်ဆိုရင် နိုင်ငံတကာနဲ့ပူးပေါင်းပြီးတော့ သူတို့အတွက် အကူအညီတွေ ပေး သွားမယ်လို့လည်းဆိုပါတယ်။

ဇွန်လ ၂၀ ရက်နေ့က ကျရောက်တဲ့ ကမ္ဘာ့ဒုက္ခသည်များနေ့အခမ်းအနားကို ဇွန်လ ၂၁ ရက်နေ့မှာ ကျင်းပတာဖြစ်ပြီး ပြည်ထောင် စုဝန်ကြီး ဦးအောင်မင်းနဲ့အတူ ငြိမ်းချမ်းရေးဖော်ဆောင်မှု လုပ်ငန်းကော်မတီအဖွဲ့ဝင် ပြည်ထောင်စုဝန်ကြီး ဦးသန်းဌေး၊ လူမှု ၀န်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဝန်ကြီး ဒေါက်တာ ဒေါ်မြတ်မြတ်အုန်းခင်၊ ကုလသမဂ္ဂ ဌာနေညှိနှိုင်းရေးမှူး မစ္စတာ အာရှော့က် နီဂမ်းမ်း (Ashok Nigam)၊ UNHCR ဌာနေကိုယ်စားလှယ် မစ္စတာ ဟန်န်စ် တန်န် ဖဲလ်ဒ်၊ ပြည်တွင်းပြည်ပ အစိုးရမဟုတ်တဲ့အဖွဲ့အစည်းတွေက ကိုယ်စားလှယ်တွေ စသည်အားဖြင့် တက်ရောက်ခဲ့ကြပါတယ်ခင်ဗျား။

ညီမလေးက ဘုန်းကြီးကို ဘင်လာဒင်နဲ့ နှိုင်းစရာတဲ့လား (Maung Yit)

မောင်ရစ်၊ ဇွန် ၂၂၊ ၂၀၁၃

အယ်ဒီတာ့လက်ရေး မရေးဖြစ်တာ ကြာပြီ။ မင်းကိုနိုင်နဲ့ ကိုကိုကြီးကို ကြိုဆိုပြီး ရွှေမန်းကိုတော့ မောင်ရစ်က လူးလှိမ့်ပြီးမကြိုရကောင်းလားလို့ ခြေဆောင့် ငြူစူနေကြတဲ့ အလှူပွဲတကာလိုက်စားတဲ့ လူကြီးလူကောင်းဆိုသူတွေကို အုန်းပွဲ ငှက်ပျောပွဲနဲ့ ဂျိုကိုင်ပြီး တောင်းပန်မလို့ ပြင်နေတုန်းမှာပဲ မှော်ဘီသံဃာ့ညီလာခံနဲ့ မျိုးစောင့်ဥပဒေတို့ ၉၆၉  တို့ အရေးက မောင်ရစ် အယ်ဒီတာစာပွဲကို တက်လာတာကိုး။

မှော်ဘီသံဃာ့ညီလာခံ ကျင်းပတဲ့ ဇွန် ၁၂၊ ၁၃၊ ၁၄ မှာကတည်းက အသံတွေကြားလို့ ရေးသားလာကြတဲ့ မိုးမခ၀ိုင်းတော်သားတွေဆီက စာမူတွေ တော်တော်များများကို ညှိနှိုင်းဆွေးနွေးရေး လုပ်ရပါတယ်။ အပြင်မှာ ဆူပွက်နေကြတဲ့ မျိုးစောင့်ဥပဒေတင်သွင်းရေးဆိုတာကို သံဃာတော်တွေနဲ့ တိုက်ရိုက် လျောက်ထား ဆွေးနွေးပြီးမှ တုန့်ပြန်ရေးသားကြဖို့ကို ကိုယ့်မိတ်ဆွေတွေကို ပြောဆိုရပါတယ်။ ဆရာတော်တွေနဲ့လည်း ဆွေးနွေးပါတယ်။ ဘွဲ့တော်အမည်တွေနဲ့တကွ ဖော်ပြရရင် ဆရာတော်ဦးဓမ္မပီယ၊ ဆရာတော်ဦးပညာသီဟ (ရွှေည၀ါဆရာတော်) တို့နဲ့ လျောက်ထား ဆွေးနွေးတာတွေ လုပ်ပြီးမှ အဲသည်အရေးနဲ့ ပတ်သက်ပြီး မိုးမခမှာ စာမူတွေ သဘောထားတွေ တင်ပြ ရေးသားတာ လုပ်တာ ဖြစ်ပါတယ်။

အဲသည်မှာ အကြမ်းအားဖြင့် ဆရာတော်၊ သံဃာတော်တွေရဲ့ ပြောဆို ဆွေးနွေး ထုတ်ပြန်ချက်တွေကို အပြုသဘောနဲ့ ပြန်လှန်ဆွေးနွေးဖို့၊ တုန့်ပြန် ပြောဆိုဝေဖန်ဖို့၊ သဘောထား တင်ပြဖို့ ဆိုတဲ့ ဘောင်အတွင်းကပဲ လုပ်ကြမယ်လို့ မိုးမခက သတ်မှတ်လိုက်တာ ဖြစ်ပါတယ်။ ဘာသာရေး၊ လူမျိုးရေး ကိစ္စဖြစ်သည့် အားလျော်စွာ အမုန်းစိတ်၊ အဖျက်စိတ်၊ မခံချင်စိတ်အခံနဲ့ လူမှုအစုအဖွဲ့၊ လူတန်းစားအသီးသီးကို ခွဲခြား ကန့်သတ်မှုတွေ ကြိုတင်သတ်မှတ်တာ မလုပ်မိအောင် ဖြစ်ပါတယ်။

ဝိုင်းတော်သားတွေအပြင် အဲသည် မျိုးစောင့်ဥပဒေတို့၊ ၉ ၆၉  တို့နဲ့ ပတ်သက်ပြီး စိတ်လှုပ်ရှားစွာနဲ့ ပြောဆိုဆွေးနွေးမှုတွေ သဘောထားတွေ တောင်းဆိုလာတဲ့ မိုးမခမိတ်ဆွေတွေနဲ့လည်း ပြေပြေလည်လည် စကားပြောဆိုရပါတယ်။ အမျိုးသားရေးကိစ္စ၊ လူထုလူတန်းစားအားလုံးနဲ့ သက်ဆိုင်တယ်ဆိုတာမျိုးထက် လူမှုရေး ဘာသာရေးဆိုင်ရာ ဆွေးနွေးရမယ့်ကိစ္စ အဖြစ် ကြိုဆိုဆွေးနွေးရမယ်လို့ သဘောထားကြောင်း၊ ခုချိန်မှာ မြန်မာပြည်အပြောင်းအလဲကာလ၊ လွတ်လပ်စွာ ပြောဆိုဆွေးနွေး လှုပ်ရှားခွင့်တွေ တစုံတရာ ရလာလို့ နှစ်ပေါင်းများစွာ မြုံနေ၊ အတွင်းကြိတ်နေ၊ ဖိနှိပ်ထားတဲ့ အငြင်းပွားမှု၊ သဘောထား၊ အယူအဆများ အများအလည်မှာ ထင်ရှားလာတာ၊ ထွက်ပေါ်လာတာကို ကောင်းတဲ့အချက်အဖြစ် ကြိုဆိုပြီး ဆက်လက် ပြောဆို မျှဝေ ဖြေရှင်းကြမယ်လို့ ရှုမြင်ပါကြောင်း ပြောလိုက်ပါတယ်။ မိမိတုို့ကလည်း ဆင်ခြင်တုံတရား လက်ကိုင်ထားပြီးတော့ လက်လွတ်စပယ် ပြောဆိုတာမျိုး မလုပ်လိုပါကြောင်းလည်း ပြန်လှန်ဆွေးနွေးလိုက်ပါတယ်။

သို့သော် အများအမြင်မှာ၊ မီဒီယာမြင်ကွင်းကျယ်မှာကတော့ အတော်ကို ဂယက်တွေ လှိုင်းထန်နေတာကိုတော့ ၀န်ခံရပါမယ်။ မြန်မာပြည်ရဲ့ အပြောင်းအလဲကာလ (ဘယ်ပြောင်းမယ်တော့ မသိသေး၊ စည်းမျဉ်းခံဒီမိုကရေစီလား၊ နောက်ပြန်မလှည့်သော စစ်ဒီမိုခရိုနီလား) မှာ အလွန် စမ်းစမ်းတင့် (sensitive ဖြစ်တဲ့) ကာလကြီးမှာ ဒေါ်စုကိုဆဲ၊ ၈၈ မျိုးဆက်တွေကိုလည်း ဆဲ၊ အခု ဘုန်းကြီးတွေကော၊ မူဆလင်ဘာသာရေးခေါင်းဆောင်တွေကိုလည်း ဆဲ၊ တွေ့သမျှ လှည်းနေ လှေအောင်း မြင်းဇောင်းမကျန် မည်းမည်းမြင် အကုန် မအေနှမနဲ့ ဆဲဆို(မှ ခေတ်မီသလို ဖြစ်နေ) တဲ့အချိန်ဖြစ်နေတော့ အဆဲမခံရတာဆိုလို့ သိန်းစိန်၊ ရွှေမန်းနဲ့ ကြံ့ဖွတ်ပါတီတွေပဲ ကျန်တော့သလို ဖြစ်နေတာ သတိချပ်ကြစေချင်လို့ပါ။ (ဒါကြောင့် မုိုးမခက ကာတွန်းဆရာတွေကို မီဒီယာဆင်ဆာမလုပ်ပဲ လက်ကုန်လွှတ်ပေးပြီး အာဏာရှင်တွေ၊ အာဏာရှင်နောက်လိုက် ဓနရှင်တွေ၊ အသိုင်းအ၀ိုင်းတွေကို ကြိုက်တာနဲ့ ကိုင်တုတ်စေ … ဆိုပြီး လွတ်ငြိမ်းချမ်းသာပေးထားရပါတယ်။)

ကဲ … အဲသည်လိုမျိုး သဘောထားရှင်းပြလို့ ပုဒ်မတောင် မချရသေးဘူး၊ တခါတည်း အမေရိကန်တို့ရဲ့ ဒီမိုကရေစီစည်တော်ကြီး လို့ နာမည်တွင်တယ်ဟုဆိုတဲ့ Time မဂ္ဂဇင်းကြီးက အရှင်ဝီရသူကို “သွားလေသူ ဘင်လာဒင်” နဲ့ နှိုင်းလို့ တခါတည်း အကြမ်းဖက်ဘာသာဝင်ဆိုတဲ့ မျက်နှာဖုံးစွတ်ပေးလုိုက်ပါလေရောလား။ ငဒို့ရဲ့ “တိုင်းပြည်ကနုနု မုန်တိုင်းကထန်ထန်” (မြတ်ထန်၏ စာအုပ်အမည်ကုိုယူသုံး) အချိန်ကာလမှာ အားလုံး လွတ်လပ်စွာ ငြင်းခုန်ဆွေးနွေးပြီး အဖြေရှာကြပါလေတော့လုို့ လူကြီးလူကောင်းဆန်စွာ ဖေးမထိန်းသိမ်းလေမလားလို့ မျက်နှာကြီးမီဒီယာကို အားကိုးထားမိလေမှ သူတုို့က ယောင်းမမြင်းစီးပြီး ထွက်တော့သကိုးလို့ ပြောရမလို ဖြစ်တော့တာပါပဲ။

ကျနော်တို့ မြန်မာတပြည်သား အားလုံး၊ မူဆလင်၊ ခရစ်ယာန်၊ ဟိန္ဒူ၊ ဗုဒ္ဓဘာသာဝင်တွေ အားလုံး အရေခွံပါးနေဆဲဖြစ်လို့ အရေခွံထူလာအောင်လို့ လေ့ကျင့်တဲ့ အနေနဲ့ တိုင်းမဂ္ဂဇင်းကြီးက မြှောက်ထိုးပင့်ကော်၊ မီးလောင်ရာလေပင့် … ဟဲ့ နင်ကတော့ ဘင်လာဒင်တွေဟဲ့၊ နင်တို့ကတော့ အမျိုးယုတ်တွေဟဲ့၊ ဟိုကတော့ မုဒိန်းကောင်တွေ ဆိုပဲ ဆိုပြီး ကင်ပွန်းတတ်မင်္ဂလာလုပ် အိမ်ကြက်တွေကို အိုးမည်းသာမက ကြပ်ခိုးစွဲ ကတ္တရာပုန်း လောင်းလိုက်သလို ဖြစ်တယ်လို့ စုတ်တသပ်သပ်နဲ့ ဆိုလိုက်ချင်ပါတော့တယ်။

မည်သို့ပင် ဖြစ်စေကာမူ … အမေရိကန်တမျိုးသားလုံး၊ ခရစ်ယာန်တွေအားလုံးကို စစ်ကြေညာ၊ အကြမ်းဖက်တပ်သားတွေ စု၊ လက်နက်နဲ့ အကြမ်းဖက်၊ ဘာသာရေးစစ်ပွဲကို နိုင်ငံတော်အလံအဖြစ် လွှင့်ထူသူ ဘင်လာဒင်လိုလူမျိုးအဖြစ် သာမန်မြန်မာဘုန်းတော်ကြီးတပါးကို အမည်တတ်လိုက်တာတော့ တဆိတ်လေး ပြန်စဉ်းစားစေချင်ပါတယ်။

ဘာသာရေးခေါင်းဆောင်တွေ ဖြစ်သည်နှင့်အညီ သံဃာတော်တပါးအနေနဲ့ ဘာသာတရားနဲ့ လူမျိုးရေးအတွက် ဟောပြောမှု၊ ပို့ချမှုတွေလုပ်တာတွေကို လက်ရှိမြန်မာပြည်မှာ တရားဥပဒေစိုးမိုးမှု အားနည်းခြင်း၊ လူဝင်မှုကြီးကြပ်ရေးနှင့် နိုင်ငံသားစိစစ်ရေး အငြင်းပွားမှုများ၊ အားနည်းမှုများ ရှိနေခြင်းကြောင့် ဖြစ်ပေါ်နေသော အကြမ်းဖက်မှုများ၊ ပဋိပက္ခများနဲ့ တိုက်ရိုက် အပြစ်တင်ပုံချတာကလည်း မိမိစိတ်ထဲ မသက်မသာဖြစ်စေပါတယ်။

သမိုင်းတလျောက်က မိမိတုို့ တိုင်းရင်းသား၊ လူမျိုး၊ ဘာသာဝင်၊ အသိုင်းအ၀ိုင်းအချင်းချင်းကြားက ပြသနာတွေ၊ မကျေလည်မှုတွေဟာ အများကြီးပါ။ အခုချိန်မှာ ပြည်တွင်းစစ်ကအစ၊ ဖဒရယ်ပြည်ထောင်စု ထူထောင်ရေးက အလည်၊ မိမိတုို့တိုင်းသူပြည်သားအချင်းချင်း မတူညီသူတွေ သာတူညီမျှ နေထုိုင်ကြဖို့အရေး တည်ဆောက်ပြုပြင်ကြဖို့ နားချမယ့်စကားတွေအစား အာရှမှာကတော့ ဘာသာရေးမီးတွေ တောက်နေတာပဲတို့၊ ရေများ ရေနိုင်၊ မီးများ မီးနိုင်ပဲတို့ ကောက်ချက်တွေ ဆွဲသလို လုပ်ပြနေလေတော့ အာဏာရှင်တွေ၊ ဘာသာရေးခေါင်းဆောင်တွေကပဲ ဦးတဲ့သူ အုပ်ချုပ်ကြပေတော့လို့ တိုင်းသူပြည်သား ကာယကံရှင်တွေကို အတော်လေး ထူသူ၊ တိမ်သူ၊ ပိန်းသူတွေလို့ မျက်နှာလွှဲ ခဲပစ်ရာ ကြပါတယ် ခင်ဗျား။

မိုးမခမီဒီယာက မည်သူ့သြဇာခံမှ မဟုတ်တော့ (မောင်ရစ်ရဲ့ သြဇာကိုလည်း ၀ိုင်းတော်သားတွေ၊ မိတ်ဆွေတွေက မနာခံကြပါ၊ သူတုို့ ရေးချင်တာရေး၊ လုပ်ချင်တာ လုပ်လို့ရလို့ လက်တွဲနေကြတာပါ) အခုလိုမျိုး ဖြောင်းဖျသော သဘောထားကို လူသိထင်ရှား ရေးသားတင်ပြလိုက်ပါတယ်။ ညီမလေးက ဘုန်းတော်ကြီးကို ဘင်လာဒင်လို့ နှိုင်းယှဉ်လိုက်တယ်ဆိုရင်ဖြင့် မိုးမခဆိုတဲ့ မီဒီယာနှမကလေးကလည်း ခေါင်းမြီးပဲ ခြုံရတော့မလိုလို၊ ထမီစွန်တောင်ဆွဲပြီး အရပ်တကာလှည့် မောင်နဲ့ နှမ၊ သားနဲ့ အမိ  မကြားဝံ့ မနာသာ ငါနဲ့ ပဲ လိုက်ကိုင်တုတ်ရတော့ မလိုလို ဖြစ်နေရပါကြောင်း အကျိုးမျှော်၍ ရွှေနားတော်သွင်းလိုက်ပါကြောင်းပါ ခင်ဗျား။

(အေးဗျာ … ရွှေမန်းလာတုန်းက မောင်ရစ်နဲ့ ဓာတ်ပုံတွဲရိုက်ပြီး Time အဖုံးမှာ တင်လိုက်တာကမှ တော်သေးအုံးမယ်နော်၊ ဟဲဟဲ)

“အချစ်ဂျီဟဒ်” နောက်ဆက်တွဲ စာမျက်နှာများ ( Nyein Chan Aye)

ငြိမ်းချမ်းအေး၊ ဇွန် ၁၈၊ ၂၀၁၃

“အချစ်ဂျီဟဒ်” စကားလုံး အစ

 “အချစ်ဂျီဟဒ်”) ဆိုတဲ့ အသုံး လွန်ခဲ့တဲ့ လေးငါးနှစ်လောက်က နိုင်ငံတကာ မှာ ထင်ထင်ရှားရှား ဖြစ်လာတယ်။  ဗမာပြည်မှာလည်း အလားတူ သဘောတရားတခု ခုနှစ်ပိုင်း ပို ခေတ်စားလာတယ်။  နိုင်ငံတကာမှာတော့ နာမည်ကို နားဝင်သာအောင် ပေးကြတယ်။  နောက်တမျိုးက ပိုတောင် ယဉ်သေးတယ်။ “ရိုမီယိုဂျီဟဒ်” တဲ့။  ဆိုလိုချင်တဲ့ အဓိပ္ပာယ် အနက် ကို ပို ပေါ်လွင် အားပါစေတဲ့ အသုံး ကျ “အချစ်ထောင်ခြောက်” တဲ့။  စာရေးသူ တို့ဆီမှာလည်း လှပါတယ်။  တခါတည်း ပေးလိုက်တာ ဒုတ်ထိုးအိုးပေါက် ကွက်ကွက်ကွင်းကွင်း “သားဖောက်သာသနာပြုခြင်း” ဆိုပဲ။  မြန်မာ စကားလုံး ရဲ့ လားရာ “Etymology”  ကို စစ်ရင် နိုင်ငံတကာက အသုံးထက် ပိုတောင် ရှေးကျဦးမလား မသိဘူး။  စာရေးသူတော့ ကြားဖူးခဲ့တာ တော်တော်ကြာပေါ့။ 

စကားလုံးရဲ့ ပုံဖော်နိုင်မှု၊ တနည်းအားဖြင့် စကားလုံးရဲ့ အားက သိပ်ကောင်းတယ်။  ဒါကြောင့် အထက်မှာ လှတယ်လို့ သုံးလိုက်တာပါ။  ဒါပေမယ့် ကိုးကွယ်ယုံကြည်မှု ဘာသာတရား တခုခုနဲ့ ဆက်စပ်တဲ့ ကိစ္စကို ဆိုရာမှာ စကားလုံးရွေးချယ်မှုက အားကောင်းဖို့ထက် တဘက်သား နာခံသာပြီး ယဉ်ကျေးဖွယ်ရာဖြစ်ဖို့က ပိုအရေးကြီးတယ်။  ဒါ့အပြင် စွပ်စွဲချက်က မှန်နေရင် တော်သေးတယ်။  မမှန်ရင် တဘက်အုပ်စုက ပို အခံရခက်တာပေါ့။  ပြီးတော့ စကားလုံး အားကောင်းလေ လူအများကြား ဟုတ်နိုးနိုးနဲ့ ပို ယုံထင်ကြောင်ထင် ဒွိဟဖြစ်လေ၊ ပြဿနာပိုကြီးလေ၊ ရှင်းဖို့ခက်လေ နဲ့ နောက်ဆုံးတော့ တဘက်နဲ့ တဘက်နဲ့ မယုံသင်္ကာပိုဖြစ်၊ သံသယတွေ ပိုထားလာပြီး နောက်ဆုံး ပြင်းထန်တဲ့ ပဋိပက္ခတွေ အထိ ဖြစ်လာပြီး အရှည် မှာ ဖျောက်ဖို့ခက်တဲ့ ဒဏ်ရာအမာရွတ်တွေ မတူကွဲပြားတဲ့ လူအုပ်စု နှစ်ခုကြားမှာ ထင်ကျန်လာတော့တာပေါ့။

“မျိုးစောင့်ဥပဒေ” ထုတ်ပြန်လိုမှု ရဲ့ အကြောင်းရင်း

ခု ဗမာပြည်မှာ ဖြစ်ပေါ်လာတဲ့ အငြင်းပွားဖွယ် “မျိုးစောင့်ဥပဒေ” ထုတ်ပြန်လို မှု ရဲ့ အရင်းစစ်က ဒီ “အချစ်ဂျီဟဒ်” စကားလုံး (သို့) သီအိုရီ ကြောင့်လို့ ဆိုနိုင်တယ်။  Theory ဆိုတာထက် “Conspiracy Theory” ဆိုရင် ပိုမှန်မယ်။  အင်အားကြီးတဲ့ လူတစုက ရည်ရွယ်ချက်ရှိရှိ၊ အကွက်ကျကျ၊ လျှို့ဝှက်ကြံစည် နေမှု တခုခုကြောင့် ဖြစ်ရပ်တချို့ရဲ့ နောက်ကွယ်မှာ မနှစ်မြို့ဖွယ် အခြေအနေတခုခု ရှိနေတယ်ဆိုပြီး မှန်းဆ တွေးတော ကောက်ချက်တွေထုတ် ယုံကြည်နေမှု တခုခုလို့ ဆိုပါတော့။

ဗမာပြည်က “အချစ်ဂျီဟဒ်” (မြန်မာလို တွင်ကျယ်နေတဲ့ အသုံး “သားဖောက်သာသနာပြုခြင်း”) သီအိုရီ ဖြစ်စဉ်မှာ သတိပြုဖွယ်တခုက ဒီလို အသုံးမျိုးနဲ့ သဘောတူ (အလားတူ) နီးစပ် စကားမျိုး ကို အပြောခံ အုပ်စုဘက်ကပါ “အပြောင်အပြက်” ပြောလေ့ရှိတာပဲ။  စာရေးသူ ကိုယ်တိုင် မကြခဏ ဆိုသလို ကြားဖူးတယ်။  ဘာသာကွဲ နဲ့ လူငယ်ဘာသာ၊ ဘာဝ ချစ်၊ ကြိုက် မိရာက လက်ထပ်ဖို့ အထိ ဖြစ်လာရင် ဘာသာတူ လူငယ် သူငယ်ချင်း အချင်းချင်းကြား နောက်ပြောင်ရင်း “ကောင်းတာပေါ့..။  သာသနာပြုပြီးသားလည်း ဖြစ်တာပေါ့..။” လို့ “ပြက်ချော်ချော်” ပြောလေ့ရှိတာ သတိထာမိတယ်။  ဆင်ခြင်ဖွယ်ရာပါပဲ။  “အပြက်အပြက် နဲ့ နှာခေါင်းသွေးထွက်” ကိန်းဆိုက်တာပေါ့။  “အမှိုက်ကစ ပြဿဒ်မီးလောင်” ပြီး အခုတော့ ဘာသာကွဲတွေကြားမှာ တကယ် အမြင်မှား၊ ထိထိရောက်ရောက် စွပ်စွဲ၊ အရေးယူချင်စရာ ဖြစ်လာတော့တယ်။

လက်ထပ်ခြင်းဆိုင်ရာ မတူညီတဲ့ ထုံးတမ်းများ

ဒီ “အချစ် ဂျီဟဒ်” ရဲ့ အရင်းစစ်က အစွပ်စွဲခံ အုပ်စုတွေရဲ့ ဘာသာတရား အစ္စလာမ် ထုံးက လက်ထပ်ခြင်းဆိုင်ရာ ဓလေ့ကြောင့်လို့ ဆိုနိုင်မယ် ထင်တယ်။

အစ္စလာမ် သာသနာ ဟာ ပေါ်ထွန်းခဲ့တဲ့ ခေတ် အနေအထား၊ ပထဝီဝင် ဒေသ အခြေအနေကြောင့် အခြား ဘာသာကြီးတွေနဲ့ ယှဉ်ရင် လူမှုရေး၊ စီးပွားရေး၊ နိုင်ငံရေး (တိုင်းပြည် အုပ်ချုပ်ရေး) နဲ့ ပတ်သက်တဲ့ လမ်းညွှန်ချက်တွေကို ပိုပြီး တိတိကျကျ ဆိုသလို ပြဋ္ဌာန်း သတ်မှတ်ထားတယ်။  ဥပမာ – စီးပွားရှာရမှာ ဘာသာ ပေါ်ဦးစ ဒေသတွင်း ခေတ်အနေအထား ကြီးစိုးနေတဲ့ အတိုးကြီးစားမှု ကို ပပျောက်စေချင်တော့ အတိုးယူ စီးပွားရှာမှုကို ပြင်းပြင်းထန်ထန် တားမြစ်တာမျိုး၊ ကျွေးကျွန်တွေကို လွတ်ငြိမ်းချမ်းသာပေးတာမျိုး၊ အလုပ်သမား လုပ်ခ  ကို ဘယ်လိုအချိန်၊ ဘယ်လိုပုံစံနဲ့ မျှမျှတတ ဘယ်လိုပေးရမယ် ဆိုတာမျိုး နဲ့ စီးပွားရှာရာမှ ရရှိတဲ့ အမြတ်ကို ဘယ်လို သုံးစွဲ၊ စုစောင်း၊ လှူဒါန်းမှုမျိုးပြုရမယ်ဆိုတာမျိုးတွေကို တိတိကျကျ လမ်းညွှန်တာမျိုး ကို ဆိုလိုတယ်။  ဒါကြောင့် ကိုးကွယ်ယုံကြည်မှု နဲ့ မဆိုင်တဲ့ လွတ်လပ်တဲ့ လေ့လာသူ နိုင်ငံတကာ ပညာရှင်တွေက  အစ္စလာမ် အယူဝါဒ ကို စတင်ဖော်ထုတ်တဲ့ ခေါင်းဆောင် တမန်တော် မုဟမ္မဒ် ကိုဆိုရင် သြဇာကြီးမားလှတဲ့ လူမှုရေး ခေါင်းဆောင်၊ နိုင်ငံရေး ခေါင်းဆောင် အနေနဲ့ပါ သတ်မှတ်လေ့ရှိကြတယ်။

ဆိုချင်တာက အစ္စလာမ် ဘာသာဝင် မွတ်ဆလင်တွေ အတွက် လက်ထပ်ခြင်း နဲ့ ပတ်သက်လို့ တိတိကျကျ သတ်မှတ်ထားတဲ့ လမ်းညွှန်ချက်တွေရှိတယ်။  ဘာသာကွဲသူများ အကြား အိမ်ထောင်ပြုမှု (Mixed Marriage/Interfaith Marriage) အတွက်လည်း အတိအကျ ပြဋ္ဌာန်းထားတယ်။  တခြား ဘာသာကြီးတချို့မှာဆိုရင် ဒီလို သတ်မှတ်ချက်မျိုး အတိအကျရယ်လို မရှိဘူးလို့ ဆိုနိုင်တယ်။

ဥပမာ – ကမ္ဘာ့ ရှေးအကျဆုံး ဘာသာကြီးတခုဖြစ်တဲ့ ဟိန္ဒိူ ဘာသာယုံကြည်မှုအရဆိုရင် ဘုရားကို ရှာတဲ့ နေရာမှာ၊ တနည်းအားဖြင့် ပရမတ္တသစ္စာ (Absolute Truth) ကို ရှာရမှာ မရေမတွက်နိုင်တဲ့ ကွဲပြားတဲ့ လမ်းတွေ ရှိမယ်။  ဒါပေမယ့် ခရီးအဆုံးမှာ (နိဗ္ဗာန်မှာ) အားလုံးဟာ အတူတူပဲ လို့ ယူဆတဲ့ အတွက် ဟိန္ဒိူ တယောက် နဲ ဟိန္ဒိူ မဟုတ်သူ တယောက် အကြား မှာ အဓိပ္ပာယ် သတ်မှတ်ချက် ကွဲပြားမှု မရှိဘူး။  ဒါကြောင့် ကိုးကွယ်ယုံကြည်မှုဆိုတာ ပုဂ္ဂလိက အခွင့်အရေး နဲ့ ရွေးချယ်မှု သက်သက် ဖြစ်တယ်။  ကြိုက်တဲ့ လမ်းရွေး၊ ကြိုက်တာ ကိုးကွယ် ဆိုတဲ့ အယူအဆ အရ ဘာသာကွဲနဲ့ လက်ထပ်မှု ကို သတ်သတ်မှတ်မှတ် လမ်းညွှန်မှု ပြုမထားဘူး။

ခရစ်ယာန် ဘာသာ မှာ ဆိုရင်လည်း သမ္မာကျမ်းစာ ကို ဘုရားကျောင်းတော် (ဂိုဏ်း) တခုနဲ့ တခု အနက်ကောက်ရာမှာ မတူညီတဲ့ အတွက် ဘာသာကွဲ လက်ထပ်မှု ခွင့်ပြုတာ ရှိသလို၊ ပြင်းထန်တဲ့ အစုအဖွဲ့ တွေမှာလည်း တားမြစ်ထားတာ ရှိတယ်။  ဓမ္မသစ်ကျမ်းစာမှာ ယုံကြည်မှုမရှိသူ လင် (သို့) မယား ဟာ ယုံကြည်မှုရှိသူ မိမိ အိမ်ထောင်ဘက် မှ တဆင့် မြင့်မြတ်တဲ့ ကောင်းကင်ဘုံ (နိဗ္ဗာန်) ကို ရောက်နိုင်တယ် ဆိုတဲ့ သဘောမျိုးပါတဲ့အတွက် ယေဘုယျ သဘော ဘာသာကွဲနဲ့ လက်ထပ်ခြင်းကို ခွင့်ပြုတယ်လို့ ဆိုနိုင်တယ်။  ဒါပေမယ့် လက်ထပ်မှုပုံစုံ ဘယ်လို၊ ဘယ်ပုံ ဆိုပြီး အတိအကျ လမ်းညွှန်ထားမှုမျိုး မရှိဘူး။

(စကားချပ် – ကိုးကွယ်ယုံကြည်မှုတွေမှာ ဘာသာတူချင်းတောင်မှ ဂိုဏ်းအမျိုးမျိုးကွဲ၊ နေထိုင်၊ ကျင့်ကြံပုံ အမျိုးမျိုး ရှိပါတယ်။  ဆောင်းပါးပါ ရေးသားချက်မှာ ယေဘုယျ သဘောကိုသာ ဆိုလိုခြင်း ဖြစ်တယ်။)

ဗုဒ္ဓဘာသာ မှာ ဆိုရင်လည်း ကိလေသာ နဲ့ ဆက်စပ်တဲ့ အိမ်ထောင်သားမွေးပြုမှုဟာ ဘာသာတရားနဲ့ မပတ်သက်တာကြောင့် လက်ထပ်မှုအပြုဟာ ဘာသာရေးနဲ့  လုံးလုံး မသက်ဆိုင်တဲ့ ကိစ္စ “Pure Secular Affair” ဖြစ်တယ်။  ငါးပါးသီလ လို ကျင့်ဝတ် ဆိုင်ရာ လမ်းညွှန်ချက်တွေမှာ လိင်ပိုင်းဆိုင်ရာ မလျော်မကန် မပြုအပ်ဖို့ တားမြစ်ထားတဲ့ အချက် ရှိတယ်။  ဒါပေမယ့် အိမ်ထောင်မှုပြုခြင်း အတွက် သီးသန့် လမ်းညွှန်မှုမျိုးတော့ အတိအကျ မရှိဘူး။  ဒါဟာ ဗုဒ္ဓဘာသာ မှာ အိမ်ထောင်မှုပြုခြင်းကို ဆန့်ကျင်တယ်ဆိုတဲ့ သဘောမျိုးလည်း မဟုတ်ဘူး။  ဆန့်ကျင်ခြင်း၊ ကန့်သတ်ခြင်း မရှိသလို၊ တိတိကျကျ သတ်မှတ် ပြဋ္ဌာန်းထားပြီး လမ်းညွှန် အားပေးထားခြင်းမျိုးလည်း မရှိဘူး ဆိုတဲ့ သဘောသာ ဖြစ်တယ်။ 

ဒါပေမယ့် ယေဘုယျ ဆိုရရင် ဗုဒ္ဓဟာ ဆင်းရဲခြင်း ချုပ်ငြိမ်းရာ နိဗ္ဗာန်ရောက်ကြောင်း ညွှန်ကြားရာမှာ မွေးဖွား၊ ကြီးပြင်း၊ အို၊ နာ၊ သေ အားလုံးဟာ ဆင်းရဲခြင်း ချည်းပဲ ဆိုတဲ့ ဒုက္ခသစ္စာ အမှန်တရား ကို သိမြင် ရှုတတ်အောင် လမ်းပြခဲ့တဲ့အတွက် အိမ်ထောင်သားမွေးပြုခြင်းရဲ့ ဒုက္ခ ဆင်းရဲခြင်းကို ဟောကြားခဲ့တာတွေ ရှိတယ်။  အတိုဆိုရရင် ဗုဒ္ဓဘာသာဝင်တွေ အဖို့ လက်ထပ်ထိမ်းမြားခြင်းဟာ လောကီလူမှုကိစ္စသက်သက်၊ ဘာသာတရားနဲ့ လုံးလုံး မဆပ်စပ်ဘူးလို့ ဆိုလိုတယ်။

အစ္စလာမ် အယူဝါဒ မှာတော့ ဆိုခဲ့သလို အိမ်ထောင်ပြုမှုဆိုင်ရာအတွက် လမ်းညွှန်ချက်တွေ သီးသန့် ရှိတယ်။  ယေဘုယျ သဘောအရ မွတ်ဆလင် အမျိုးသမီးတွေကို ဘာသာကွဲနဲ့ လုံးလုံး လက်ထပ်ခွင့်မပေးဘူး။  အမျိုးသားတွေကိုတော့ ကျမ်းစာပါ အခြား ဘာသာ နှစ်ခု ဖြစ်တဲ့ ဂျူး နဲ့ ခရစ်ယာန် ဘာသာဝင် အမျိုးသမီးတွေနဲ့ လက်ထပ်ခွင့်ပေးတယ်။  သားသမီးကိုလည်း မွတ်ဆလင် အဖြစ်သာ ကြီးပြင်းစေရမယ်လို့ သတ်မှတ်ထားတယ်။

ဒီလို တိတိကျကျ သတ်မှတ်ထားမှု သဘောကြောင့် ဒါဟာ မွတ်ဆလင် ဘာသာဝင် အရေအတွက် တိုးပွားအောင် စနစ်တကျ ကြံဆောင်ထားခြင်းသာ ဖြစ်တယ် ဆိုပြီး ဆိုခဲ့တဲ့ “အချစ်ဂျီဟဒ်” သီအိုရီ ပေါ်လာခြင်း ဖြစ်တယ်လို့ ယူဆနိုင်တယ်။  မွတ်ဆလင် အမျိုးသားတွေဟာ မွတ်ဆလင် မဟုတ်တဲ့ အခြား ဘာသာဝင် အမျိုးသမီးတွေ၊ အထူးသဖြင့် လူမှု၊ စီးပွား တခုခု ချို့ယွင်း မှု ကြောင့် သိမ်းသွင်းဖို့ပိုလွယ် “Vulnerable“ ဖြစ်တဲ့ အမျိုးသမီးတွေကို ချစ်ခင်စုံမက်မှု အကြောင်းပြ လက်ထပ်ပြီး ဘာသာထဲကို သွတ်သွင်းကြရင်း သာသနာပြန့်ပွားအောင် လုပ်နေခြင်းဖြစ်တယ်ဆိုတဲ့ အယူအဆတရပ်၊ စွပ်စွဲမှုတရပ် ဘာသာမတူသူတွေကြားမှာ ဖြစ်လာတယ်။

အိန္ဒိယ ဖြစ်စဉ်

လွန်ခဲ့တဲ့ လေးငါးနှစ်လောက်က အိန္ဒိယ မှာ အစ္စလာမ် ဘာသာရေး အခြေခံဝါဒီ အုပ်စုတစုက ဦးစီးပြီး “အချစ်ဂျီဟဒ်” ဆင်နွှဲကာ သူတို့ ဘာသာဝင် အမျိုးသမီးငယ်တွေကို အစ္စလာမ်ဘာသာထဲကို သိမ်းသွင်းနေတယ်ဆိုပြီး ဟိန္ဒိူ နဲ့ ခရစ်ယာန် ဘုန်းကြီးတွေက စွပ်စွဲခဲ့ဖူးတယ်။  ဒီလို စနစ်တကျ နဲ့ လူပ်ရှားမှု “Campaign” ပုံ သဏ္ဌာန် ဆောင်ရွက်နေတဲ့ အစ္စလာမ် အခြေခံဝါဒီ အုပ်စုကိုလည်း နိုင်ငံခြားက အစ္စလာမ် အဖွဲ့အစည်းတွေကလည်း ငွေကြေးထောက်ပံ့ ကူညီပြီး အားပေးနေတယ်ဆိုပြီး တပါတည်း ဆိုလာခဲ့ကြတယ်။  ဒါကြောင့် အစိုးရနဲ့ တရားရေး အဖွဲ့တွေက ဒီကိစ္စ ကို တရားဝင် စုံစမ်းစစ်ဆေးမှုတွေ လုပ်ခဲ့ကြတယ်။  ပုဂ္ဂလိက တဦးချင်း ဆန္ဒ နဲ့ မိမိ ဇနီး၊ မယား ဘာသာခြားကို အဓမ္မ ဘာသာပြောင်းခိုင်းမှုတချို့ တွေ့ရှိခဲ့ပေမယ့် အဖွဲ့အစည်း ပုံစံ၊ ရည်ရွယ်ချက် ရှိရှိ ကျူးလွန်မှု ပုံစံ မျိုးနဲ့ စနစ်တကျ ကျယ်ကျယ်ပြန့် လုပ်တာမျိုး မတွေ့ရဘူးလို့ စစ်ဆေး ဖော်ထုတ်တွေ့ရှိချက်ကို သတင်းထုတ်ပြန်ခဲ့တယ်။  ဒါပေမယ့် စာနယ်ဇင်း တချို့က ဒီကိစ္စကို အလေးပေး ရေးသား ဆွေးနွေးနေဆဲ ဖြစ်တယ်။  အထူးသဖြင့် ဘာသာရေး အစွန်းရောက်တွေက မုန်းတီးမှု တွေ လူအများကြား ပြန့်နှံ့စေဖို့ အွန်လိုင်းမှာ အင်တိုက်အားတိုက် ဝါဒဖြန့်နေကြဆဲ ဖြစ်တယ်။  သာမန် ဘာသာရေး၊ လူမှုရေး အဖွဲ့အစည်းတွေကလည်း “အချစ်ဂျီဟဒ်” ကိစ္စ ဆက်လက် ထောက်ပြ၊ စုံစမ်းစစ်ဆေးအရေးယူဖို့၊ သူတို့ သမီးတွေ နဲ့ အိန္ဒိယ ကို ဟန်ဆောင် အချစ် “အချစ်ဂျီဟဒ်” စစ်ပွဲ မွတ်ဆလင်တွေက စနစ်တကျ ဆင်နွှဲနေတာကို ကာကွယ်ဖို့ တောင်းဆိုနေကြဆဲ ဖြစ်တယ်။

ယူကေ ဖြစ်စဉ်

ဗြိတိန် နိုင်ငံမှာလည်း အလားတူ စွပ်စွဲမှုမျိုး နိုင်ငံသား ဆစ်ခ်လူမျိုးစု အသိုင်းအဝန်းမှာ ဖြစ်ခဲ့ဖူးတယ်။  ဆစ်ခ် အမျိုးသမီးငယ် ပညာတတ် ကောလိပ် ကျောင်းသူလေးတွေဟာ မွတ်ဆလင်တွေရဲ့ ပစ်မှတ်ထား “အချစ်ထောင်ခြောက်” နဲ့ သိမ်းသွင်းခြင်းခံနေရတယ်။  နောက်ပိုင်းမှာ အဓမ္မ ဘာသာပြောင်းခံရမှုတွေ ကျယ်ကျယ်ပြန့်ပြန့် ဖြစ်နေတယ် ဆိုပြီး ဆစ်ခ် အသိုင်းအဝန်းမှာ စိုးရိမ်မှုတွေ ဖြစ်ပေါ်ခဲ့တယ်။  ဒါကြောင့် ၂၀၀၈ ခုနှစ်တုန်းက လိဒ်စ်တက္ကသိုလ် “လူမျိုးစု နှင့် လူမျိုးရေးခွဲခြားမှု လေ့လာရေး ဌာန” က ဦးစီးပြီး လွတ်လပ်တဲ့ ပညာရပ်ဆိုင်ရာ လေ့လာဆန်းစစ်မှု လုပ် စစ်ဆေး တွေ့ရှိချက်ကို အစီအရင် ခံစာ ထုတ်ခဲ့ဖူးတယ်။  လေ့လာချက်အရ ဆစ်ခ် အသိုင်းအဝန်းရဲ့ စိုးရိမ် စွပ်စွဲ မှုတွေဟာ အခြေအမြစ်မရှိဘဲ ချဲ့ကားပြောဆိုမှုတွေသာ ဖြစ်တယ် ဆိုတာ တွေ့ရှိခဲ့တယ်။  မွတ်ဆလင်တွေကို မကောင်းဆိုးဝါးတွေ အဖြစ် ယူဆနေတဲ့ အစ္စလာမ် အကြောက်၊ အမုန်း ရောဂါ (Islamophobia) ရဲ့ ပြဿနာ တရပ်သာ ဖြစ်တယ်ဆိုပြီး အဆုံးသတ် ကောက်ချက်စွဲ လူထု နဲ့ ဆစ်ခ် အသိုင်းအဝန်းကို ထုတ်ပြန် တင်ပြခဲ့ရဖူးတယ်။

ဗမာပြည် ဖြစ်စဉ်

ဆိုတော့ ဆိုလိုချင်တာက “အချစ်ဂျီဟဒ်” ပြဿနာ ဟာ နိုင်ငံတကာမှာလည်း စိုးရိမ်မှုတွေ၊ စွပ်စွဲမှုတွေ ရှိခဲ့တယ်။  မှန်ကန်တဲ့ အရေးယူ ဆောင်ရွက်မှုတွေလည်း ပြုခဲ့တယ်။ အခု ဗမာပြည်မှာလည်း ဒီ “အချစ်ဂျီဟဒ်” သဘောနဲ့ ဆက်နွယ်ပြီးတော့ လူအများကြား ကျယ်ကျယ်ပြန့်ပြန့်နဲ့ စဉ်းစား၊ ပြောဆို၊ ဆွေးနွေးလာကြသလို၊ ဘာသာရေးအစွဲကြီးသူ တချို့ကလည်း အွန်လိုင်း/ပြင်ပ နှစ်မျိုးစလုံးအနေနဲ့ ပြင်းပြင်းထန်ထန် ဝါဒဖြန့်ချီ လာကြတယ်။  ဘာသာရေး ပဋိပက္ခ ဖြစ်ပေါ်စေလိုသူတွေ၊ ခေတ်နောက်ပြန်ဆွဲသမားတွေ၊ အစွန်းရောက် ကျဉ်းမြောင်းသူတွေကလည်း နေရာတိုင်းမှာ ဘာသာမတူသူချင်းအကြား ပိုမို အထင်အမြင် လွဲမှားစရာ အဖြစ်အပျက်တွေကို ချဲ့ကား ဖော်ထုတ်ခြင်း၊ မမှန်အချက်အလက်များကို ပုံဖျက် ဖြန့်ဖြူးနေခြင်းဖြင့်  လူအုပ်စု နှစ်စု အကြား အမုန်းတရား နဲ့ သံသယ ဟာ ဗမာ့ လူ့အဖွဲ့အစည်းအတွင်းမှာ ကျယ်ကျယ်ပြန့်ပြန့်၊ ထိထိရောက်ရောက် ပြန့်နှံ့ လာနေတယ်။  အခုနောက်ဆုံး လောကီရေးရာ နဲ့ အမြဲလိုလို ကင်းကင်းနေလေ့ရှိတဲ့ ဗုဒ္ဓဘာသာ သံဃာတော် အရှင်သူမြတ်များကပါ ဘာသာ၊ သာသနာအရေးအတွက် စိုးရိမ်သောက ရောက်လာပြီး “အချစ်ဂျီဟဒ်” ကို ကာကွယ်လိုမှု သဘော “မျိုးစောင့်ဥပဒေ” ထုတ်ပြန်လို မှု မျိုး ပုံစံ အထိ အဆိုတင်သွင်းလာကြတယ်။

ဗမာပြည် ဖြစ်စဉ်အတွက် ဦးစားပေး စတင် လုပ်သင့်တဲ့အရာ

ဒီလို ဗမာပြည်မှာ ဗုဒ္ဓ၊ ခရစ်ယာန်၊ ဟိန္ဒိူ နဲ့ အစ္စလာမ် မဟုတ်တဲ့ အခြားဘာသာဝင် အားလုံးထဲက အမျိုးသမီးငယ်လေးတွေ ဟာ မွတ်ဆလင်တွေရဲ့ ပစ်မှတ် သားကောင် အနေနဲ့ ဟန်ဆောင် အချစ် (သို့) ငွေကြေး နဲ့ မြူဆွယ် ဖြားယောင်းမှု ထောင်ခြောက် ဒဏ် ကို စနစ်တကျ ကျူးလွန် ခံနေရပြီး အဓမ္မ ဘာသာပြောင်းခြင်း ခံနေရတဲ့ ဖြစ်စဉ်မျိုး ဗမာပြည်မှာ တကယ် ကျယ်ကျယ်ပြန့်ပြန့် ရှိနေပါက အမှန်တကယ် လျစ်လျူရှုထားလို မရတဲ့ ပြဿနာ အကြီး ဖြစ်ကာ တကယ်လည်း အလေးထား အရေးယူ၊ ကာကွယ်မှု တခုခု ပြုလုပ်ရာမှာ အမှန်ဖြစ်တယ်။

ဒါပေမယ့် အခု သံဃာတော် များ ဆွေးနွေး ညှိနှိုင်းပြီး ထုတ်ပြန်ဖို့ ဆန္ဒ ရှိတဲ့ “မျိုးစောင့်ဥပဒေ” လို မျိုးနဲ့တော့ မဟုတ်ပါ။ 

ပထမဆုံးအနေနဲ့ ဖြစ်သင့်တာက နိုင်ငံတကာမှာ ဆောင်ရွက်သလို အစိုးရ၊ ဘာသာရေး နဲ့ လူမှုရေး အဖွဲ့အစည်းတွေ၊ ပညာရှင်တွေက ဦးစီးပြီး လွတ်လပ် ဘက်မလိုက် မျှတပြီး မြင်သာထင်သာရှိတဲ့ ပညာရပ်ဆိုင်ရာ စုံစမ်းစစ်ဆေးမှုမျိုး အရင် ပြုလုပ်ရပါမယ်။  ပြီးတော့ ထုတ်ဖော် တွေ့ရှိချက် ကို အများပြည်သူ နဲ့ နိုင်ငံတကာ၊ အထူးသဖြင့် ကမ္ဘာ့မွတ်ဆလင် အသိုင်းအဝန်း ကို မှန်မှန်ကန်ကန် အကျိုး/အကြောင်း အညီ ချပြရပါမယ်။ 

“အချစ်ဂျီဟဒ်” သီအိုရီဟာ လူအများ ထင်ယောင်မှားမှုလား၊ အစ္စလာမ် အမုန်းရောဂါ ရဲ့  ပြဿနာ နောက်ဆက်တွဲလား၊ ဒါမှမဟုတ် တကယ်ပဲ လက်တွေ့မှာ ကျယ်ကျယ်ပြန့်ပြန့် အနေနဲ့ကို ဗမာ့လူ့အဖွဲ့အစည်းက အမျိုးသမီးငယ်တွေ ခံစားနေရသလား ဆိုတာ မျှတတဲ့ စုံစမ်း စစ်ဆေးမှု မဖြစ်မနေ အရင်လုပ်ရပါမယ်။ 

ရှေးရိုးစွဲနဲ့ ဘာသာရေး အစွန်းရောက် အုပ်စုတွေ အွန်လိုင်းနဲ့ အပြင်မှာ လက်လွယ်စပယ်၊ လေဖမ်းဝါးလုံးတန်းချည် ပြောဆို၊ ရေးသား နေမှုမျိုး၊ အမှတ်တဝက် အမှားတဝက် ရောစွက် ပုံဖျက်ထားတဲ့ အချက်အလက်မျိုး၊ ဝါဒဖြန့် မှိုင်းတိုက်နေမှုမျိုးကို အခြေခံပြီး လုပ်လို့ မရပါ။  ဘက်မလိုက်၊ အစွဲကင်းတဲ့ အဖြေတခု ထွက်အောင် အရင် ရှာရပါမယ်။  ဒါမှ ပကတိ အခြေအမှန်ကို သိနိုင်ပါမယ်။

တကယ်လို့  “အချစ်ဂျီဟဒ်” ဖြစ်စဉ် အမှန်တကယ် ဖြစ်ပေါ်နေတယ်၊ ဒါမှမဟုတ် ဖြစ်ပေါ်လာနိုင်ဖို့ အလားအလာ ရှိတယ်၊ နောက်ဆုံး ယုတ်စွအဆုံး တကယ်မဖြစ်ပေါ်နေ၊ မဖြစ်ပေါ်နိုင်သော်ငြားလည်း အမျိုး၊ ဘာသာ၊ သာသာနာ ကို ကာကွယ်စောင့်ရှောက်လိုမှုသဘောနဲ့ အရေးယူ ဆောင်ရွက်မှုမျိုး၊ ဥပဒေပြူမှုမျိုး လုပ်ချင်တာဆိုရင်လည်း အခု သံဃာတော်များ ဆွေးနွေး အဆိုပြု ခဲ့တဲ့ “မျိုးစောင့်ဥပဒေ” သဘောမျိုးနဲ့တော့ ပြဿနာ အဖြေ မရှာနိုင်ပါ။ 

အထူးသဖြင့် “မြန်မာ ဗုဒ္ဓဘာသာဝင် အမျိုးသမီးများ လက်ထပ် ထိမ်းမြားခြင်းဆိုင်ရာ အရေးပေါ် ဥပဒေ (မူကြမ်း)” အဆိုပါ ထည့်သွင်းထားတဲ့ သဘောမျိုးနဲ့တော့ လုံးဝ အရေးယူမှု ပြုလို့ မရပါ။  ဘာ့ကြောင့် ဆိုတဲ့ အကြောင်းပြချက် နဲ့ ဖြစ်သင့်တဲ့ သဘောကို အောက်ပါ ဆွေးနွေးချက် (၁၁) ချက်မှာ ဆက်လက် ရှုပါ။

၁) ပုဂ္ဂလိက ဆန္ဒ နဲ့ အခွင့်အရေး ကို လေးစား အသိအမှတ်ပြုရမယ်။

အိမ်ထောင်သားမွေးပြုခြင်း (လက်ထပ်ခြင်း) နဲ့ လိင်ဆက်ဆံခြင်း ဆိုတာဟာ အရွယ်ရောက်ပြီး ကျား/မ လူသားတိုင်းအတွက် ကိုယ်ပိုင် အသိဉာဏ်၊ ပညာ နဲ့ ဆင်ခြင်ပြီး လွတ်လပ်စွာ ဆုံးဖြတ်ခွင့်ရှိတဲ့ တကိုယ်ရေ ပုဂ္ဂလိက ရွေးချယ်မှု၊ သဘော နဲ့ ဆန္ဒသာ ဖြစ်တယ်။

၂) အခြေတည် ပြီးသား ကောင်းမွန်တဲ့ ဓလေ့ထုံးကို ထိန်းသိမ်းရမယ်။

ဗမာ့ရိုးရာဓလေ့ နဲ့ ဗုဒ္ဓဘာသာ ဓလေ့ မှာ အိမ်ထောင်မှုပြုခြင်းကိစ္စဟာ အင်မတန် ရိုးရှင်း လွတ်လပ်ပြီး ဘာသာရေး လမ်းညွှန်ချက်တွေ၊ အဖွဲ့အစည်းတွေ အပြင် ဥပဒေရဲ့ တုန့်နှောင်မှု နဲ့ပါ လွတ်ကင်းပြီး (၂၁) ရာစု မျက်မှောက်ခေတ် လူ့အခွင့်အရေး စံနှုန်းတွေနဲ့ အံဝင်ပြီးသားလည်း ဖြစ်တယ်။  ဒါဟာ မိမိဓလေ့၊ ဘာသာထုံးရဲ့ အမြင်ကျယ်၊ သဘာထားကြီး၊ လူသားဆန်မှု နဲ့ လွတ်လပ်ခွင့် ကို ဖော်ပြရာရောက်တဲ့အတွက် ထိန်းသိမ်းရပါမယ်။

၃) ကျား/မ လိင် ခွဲခြားဆက်ဆံ ပြုမူခြင်းကို ဆန့်ကျင် ရှုတ်ချရမယ်။

အခု မူကြမ်း ဥပဒေ အဆိုပါ “မြန်မာ ဗုဒ္ဓဘာသာဝင် အမျိုးသမီးများ” လို့ ခေါင်းစဉ် တပ် ကန့်သတ်ခြင်းဟာ လူ့အခွင့်အရေး ကို ချိုးဖောက်ရုံမက ကျား/မ လိင် ခွဲခြားမှု ကို ဖြစ်စေတယ်။ အစ္စလာမ် လက်ထပ်ခြင်း ထုံးမှာလည်း အလားတူပဲလို့ ပြန်အကြောင်းပြချက် ပေးလိုသူများကို တခါတည်း စဉ်းစားနိုင်ဖို့ ဒီမှာ ရှင်းပါမယ်။  အစ္စလာမ် ဘာသာ နဲ့ ဘာသာဝင် မိတ်ဆွေများကို စော်ကားလိုစိတ် ရိုးသားစွာ မရှိပါ။  ဘာသာရေး ထုံးတမ်းတွေ အများစုဟာ ရှေးဟောင်း လူ့အဖွဲ့အစည်း ကို အခြေခံပြီး အဲဒီ ခေတ် လိုအပ်ချက်အရ သတ်မှတ်ခဲ့ခြင်း ဖြစ်တယ်။  ခေတ်သစ် ကမ္ဘာ (၂၁) ရာစု အတွေးအခေါ်၊ အဆင့်အတန်း ရေချိန် အရ ပြုပြင်ပြောင်းလဲသင့်တာကို ပြုပြင် ပြောင်းလဲဖို့လိုသလို တင်းကျပ်မှုတချို့ကို ဖြေလျော့ဖို့ လိုတယ်။  အစ္စလာမ်ထုံးပါ အမျိုးသားများကိုသာ ကွက်ပြီး ဘာသာကွဲနဲ့ လက်ထပ်လိုပါက ခွင့်ပြုခြင်းဟာ ကျား/မ လိင် ခွဲခြား၊ ဖိနှိပ်ဆက်ဆံခြင်း ဖြစ်တယ်။  မျက်မှောက် လူ့အဖွဲ့အစည်းအတွက် မသင့်တော်ပါ။

၎) မလေးရှား ဒီမိုကရေစီ ကို တုချင်ရင် အာဏာရှင်စနစ်သာ ကျင့်သုံးပါ။  ဒါမှမဟုတ် “Theocracy” စနစ် ကျင့်သုံးပါ။

မလေးရှားမှာလည်း အလားတူ သဘော ဥပဒေ ရှိတယ်လို့လည်း အခု အကြောင်းပြကြတယ်။  မလေးရှားဟာ ဘာသာရေးက နိုင်ငံတော်ရဲ့ မူဝါဒ နဲ့ လမ်းစဉ်တွေအပေါ် လွှမ်းမိုးမှုလုံးလုံးကင်းတဲ့ “Secular State” စစ်စစ် မဟုတ်ပါ။  ဘာသာရေး အစွန်းရောက်တွေ မများဘဲ အလယ်အလတ်ဝါဒီ အများစုလို့ ဆိုနိုင်သော်လည်း ဘာသာရေးထုံးတမ်း နဲ့ ရှေးရိုးစွဲ အမြင်၊ အလုပ်တွေ အများကြီး ရှိနေတယ်။  ဒါဟာ အတုယူစရာ မဟုတ်ပါ။ 

မလေးရှားဟာ ဒီမိုကရေစီနိုင်ငံလည်း အပြည့်အဝ မဟုတ်ပါ။  မလေးရှား ဒီမိုကရေစီလောက်ပဲ မှန်းနေရင် ဗမာပြည်မှာ အာဏာရှင်စနစ်သာ ဆက်လက် ကျင့်သုံးပါ။  ဒါမှမဟုတ် ဘာသာရေးအဖွဲ့အစည်း နဲ့ ခေါင်းဆောင်တွေကသာ တိုင်းပြည်ကို အုပ်ချုပ်တဲ့ “Theocracy” စနစ်ကို ကျင့်သုံးပါ။ 

ကမ္ဘာအနှံမှာ အထူးသဖြင့် မွတ်ဆလင်ကမ္ဘာ၊ အာရပ်ကမ္ဘာမှာ နိုင်ငံတော်ကို ဘာသာရေး ခေါင်းဆောင်တွေ ကြီးစိုးလို့ ဘယ်လို လူမှု၊ စီးပွား မတည်ငြိမ်မှုတွေ၊ ဖွံ့ဖြိုး တိုးတက်မှု နှေးကွေးနှောင့်နှေး၊ အောက်ကျနောက်ကျ နိုင်မှုတွေ ဖြစ်ခဲ့၊ ဖြစ်နေတယ် ဆိုတာကို ဗမာ့လူ့အဖွဲ့အစည်းက သင်ခန်းစာ ယူဖို့ပါ။  လိုက်လံ၊ အတုယူ ကျင့်သုံးပြီး တိုင်းပြည်ကို ခေတ်နောက်ပြန်ဆွဲခေါ်သွားဖို့ မဟုတ်ပါ။ 

၅)  စင်္ကာပူလို လုပ်လို့မရ။  လက်ထပ်ခြင်း စံနှုန်းတွေဟာ အရပ်ဘက် ဥပဒေ အောက်မှာ ဘာသာအားလုံး အတူတူဖြစ်ရမယ်။

စင်္ကာပူမှာ အလားတူ ဥပဒေ ရှိတယ်ဆိုတာလည်း တကယ်တော့ အပြည့်အဝ မမှန်ပါ။  အစ္စလာမ် ဘာသာမှာ အထက်တနေရာမှာ တင်ပြခဲ့သလို လက်ထပ်ခြင်းအတွက် သီးသန့် ညွှန်းဆို ပြဋ္ဌာန်းထားချက်တွေ သီးခြားရှိတဲ့အတွက် စင်္ကာပူအစိုးရက သူတို့နိုင်ငံရဲ့ အစ္စလာမ်လူ့အဖွဲ့အစည်းကို သီးသန့် အခွင့်အရေးပေးတဲ့ အနေနဲ့ အစ္စလာမ် လက်ထပ်ထိမ်းမြားခြင်းဆိုင်ရာ ရုံး နဲ့ ဥပဒေ ခွဲထားခြင်းသာ ဖြစ်တယ်။  ဗမာပြည်မှာ အလားတူ သဘော မွတ်ဆလင်တွေအတွက် သီးခြား ထိမ်းမြားခြင်း ဆိုင်ရာ တရားရုံး နဲ့ ဥပဒေ ခွဲဖို့လည်း လုပ်လို့ မရပါ။ 

အကြောင်းက မယားပြိုင်ယူခွင့် (Polygyny) ကိုပါ အရပ်ဘက် ဥပဒေ (Civil Law) အရ မွတ်ဆလင် အသိုင်းအဝန်းအတွက် သီးသန့် စင်္ကာပူမှာ ခွင့်ပြုသလို ခွင့်ပြုရမှာ ဖြစ်လို့ ဖြစ်တယ်။  ဒါဟာ လုံးဝ မဖြစ်သင့်တဲ့ အရာ ဖြစ်တယ်။  လက်ရှိ ဗမာပြည် အရပ်ဘက် ဥပဒေမှာကို Polygamy (လင်ပြိုင်/မယားပြိုင်) ကိစ္စနဲ့ ပတ်သက်ပြီး ဗမာအမျိုးသမီးတွေဟာ တရားမျှတမှု မဲ့၊ အမျိုးသမီးအခွင့်အရေး ဆုံးရှုံးနေတယ်။  လက်ရှိ ဗမာပြည်မှာ ဥပဒေအရ လင်ပြိုင်ထားခြင်း (Polyandry) ကိုသာ အမျိုးသမီးများအပေါ် ကွက်တားမြစ်ထားပြီး အမျိုးသားများအတွက်တော့ မယားပြိုင်ယူခွင့် (Polygyny) တဘက်စောင်းနင်း ခွင့်ပြုထားတယ်။  ဒါကိုသာ ပြုပြင်ပြီး Polygamy (လင်ပြိုင်/မယားပြိုင်) ကို ညီတူညီမျှ ကန့်သတ်တားမြစ်တဲ့ ဥပဒေထုတ်ဖို့ ကြံဆောင်ရမှာ ဖြစ်တယ်။  ဒီလိုသဘောဟာ အရပ်ဘက် ဥပဒေ (Civil Law) နဲ့ တည်ရှိနေပြီး လူမျိုး၊ ဘာသာအားလုံး၊ နိုင်ငံသားအားလုံးအပေါ် တပြေးညီ သက်ရောက်ရမှာ ဖြစ်တယ်။ 

၆) အမျိုး/ဘာသာ/သာသာနာ နဲ့ အမျိုးသမီးငယ်တွေကို အမှန်တကယ် လက်တွေ့ အကျိုးရှိ ကာကွယ်နည်း

အမျိုး၊ ဘာသာ ကို ကာကွယ်ချင်သလား။  ဗမာမိန်းကလေးတွေကို လူမျိုး/ဘာသာခြားက ငွေနဲ့ သိမ်းသွင်းနေတာမျိုး ကို ကာကွယ်ချင်သလား။  ဘာသာရေးမုန်းတီးမှု မှိုင်းတိုက်နေတာတွေ ရပ်ပါ။  လူမျိုးရေး၊ ဘာသာရေး ပဋိပက္ခတွေ ဖြစ်ပေါ်စေနိုင်တဲ့ လူပ်ရှားမှု “Campaign” တွေ (မွတ်ဆလင်ဆိုင် ဈေးမဝယ်ရေးလိုမျိုး) ရပ်ပါ။  တိုင်းပြည်မှာ တည်ငြိမ်၊ အေးချမ်းပြီး လူမှု၊ စီးပွား ဖွံ့ဖြိုးတိုးတက်လာအောင် ဝိုင်းဝန်းပါ။  အထူးသဖြင့် တိုင်းပြည်ရဲ့ ရာခိုင်နှုန်းအများစု သူဆင်းရဲမိသားစုက ဗမာမိန်းကလေးတွေရဲ့ လူမှု-စီးပွား ဘဝတိုးတက်အောင်၊ ပညာရေးတိုးတက်အောင် ဆောင်ရွက်နိုင်ဖို့ ကြိုးစားပါ။  ဒါမှသာ ဗုဒ္ဓဘာသာ အပါအဝင် ဘာသာပေါင်းစုံ က နိုင်ငံသား မျက်နှာမွဲ လူ့ဆင်းရဲ အမျိုးသမီးငယ်လေးတွေ ငွေကြေး အလို့ငှာ ဘဝတွေ ပေးဆပ်နေရတာတွေ၊ ပြည်တွင်းနဲ့ နိုင်ငံခြားမှာ လိင်အလုပ်သမ အဖြစ် လုပ်ကိုင်နေရတာတွေ၊ လူကုန်ကူးခြင်း၊ အိမ်နီးချင်း တိုင်းပြည်တွေကို ဇနီး/မယား အဖြစ် ရောင်းစားခံနေရာတွေ ပပျောက်မှာ ဖြစ်တယ်။  “သားဖောက်သာသနာပြုနေတယ်” ဆိုတာကို အခု ဇောင်းပေးနေသူများ ဒီလို ကျယ်ပြန့်တဲ့ ရှုထောင့်ကနေကြည့်ပြီး အမှန်တကယ် စိုးရိမ်သင့်တဲ့ အခြေအနေ နဲ့ အကြောင်း ကို အကျိုး/အကြောင်းညီ စိုးရိမ်တတ်ပါ။ 

ဗမာပြည်က လူမျိုးစုံ/ဘာသာစုံ အမျိုးသမီးငယ်လေးတွေ လူမှု-စီးပွားအတွက် ဘဝတွေ ရေတိမ်နစ်နေတာကိုသာ စာနာမှုထားပြီး အမျိုးသမီးငယ်အားလုံး လူမှုဘဝ လုံခြုံမှုရအောင် ဖန်တီးပေးနိုင်တဲ့ လူမှု၊ စီးပွား၊ နိုင်ငံရေး နဲ့ ဥပဒေ အခင်းအကျင်းမျိုး၊ အသိုင်းအဝန်းမျိုး ဖန်တီးနိုင်ဖို့ ဝိုင်းဝန်းကြံဆပါ။  ပထမဆုံး လုပ်သင့်တဲ့ အလုပ်ကတော့ ဆိုခဲ့တဲ့ အတိုင်း ဘာသာ/လူမျိုး မတူသူတွေအကြေား အမုန်းတရား တိုးပွားအောင် မှိုင်းတိုက်နေမှုတွေကို ရပ်တန်းက ရပ်ပါ။

၇)  “Theocracy” စနစ် ရဲ့ အန္တရာယ် ကို သတိပြုပါ။

ကိုလိုနီခေတ် လွတ်လပ်ရေးလှုပ်ရှားမှုတွေ စလို့  ခေတ်အဆက်ဆက် စစ်အာဏာရှင်စနစ်ဆန့်ကျင်ရေး လှုပ်ရှားမှုတွေမှာ ဗုဒ္ဓဘာသာ သံဃာတော် အရှင်သူမြတ်များ လှုပ်ရှားပါဝင်မှုသဘော၊ တိုင်းသူပြည်သား အတိဒုက္ခရောက်မှုကို သံဃာတော်တွေက ကူညီဖြေရှင်းပေးတဲ့ ပြည့်ဝတဲ့ သဘောကို စာရေးသူအနေနဲ့ လုံးဝထောက်ခံတယ်။  ဗမာ့လူမှုအသိုင်းအဝန်းမှာ သံဃာတော် တွေရဲ့ အရေးပါမှုသဘော၊ သြဇာ နဲ့ တန်ဖိုးကို စာရေးသူ အနေနဲ့ အပြည့်အဝ လေးစားတန်ဖိုးထား အသိအမှတ်ပြုတယ်။  ဒါပေမယ့် ဘာသာရေး အဖွဲ့အစည်းတွေ၊ ကျောင်းတော်တွေ နဲ့ ခေါင်ဆောင်တွေက တိုင်းပြည်ရဲ့ အုပ်ချုပ်ရေး၊ ဥပဒေပြုရေး၊ တရားစီရင်ရေး၊ ပညာရေး စနစ် စတဲ့ အဓိက အရေးပါတဲ့ မဏ္ဍိုင်ကြီးတွေမှာ လွှမ်းမိုး နေရာယူလာမှာမျိုးကို လုံးဝ လက်မခံပါ။  ဒါဟာ တိုင်းပြည်မှာ လူမှုမတည်ငြိမ်မှုတွေ ဖြစ်စေတဲ့ အကြောင်းရင်း ဖြစ်တယ်။

“Democracy Vs Theocracy” ဆိုပြီး နှိုင်းယှဉ် အမျိုး/ဘာသာ သာသာန အတွက် ဆိုပြီး စဉ်းစားနေစရာကို အကြောင်းမရှိပါ။  အထက်မှာလည်း ရှင်းပြခဲ့သလို ဘာသာရေးခေါင်းဆောင်တွေ ကြီးစိုးတဲ့ “Theocracy” တိုင်းပြည်တွေ၊ ဘာသာရေး အစွန်းရောက်တွေ ကြီးစိုးတဲ့ နိုင်ငံတွေ၊ ရှေးရိုးစွဲ မွတ်ဆလင် နဲ့ အာရပ် ကမ္ဘာ ဒေသတွေ ဘယ်လိုတွေ ဖြစ်ပျက်နေ၊ ဖြစ်ပျက်ခဲ့တယ်ဆိုတာ သမိုင်းသင်ခန်းစာ ယူတတ်ရပါမယ်။  တာလီဘန် အန္တရာယ် မကျရောက်ခင် အာဖဂန်နစ္စတန် ဟာ အလယ်အာရှ မှာ စီးပွား၊ ပညာ၊ ကျန်းမာ အရာရာ ထိပ်တန်းကျခဲ့ဖူးတယ်ဆိုတာ သတိပြုဆင်ခြင် သင်ခန်းစာ ယူပါ။  မွတ်ဆလင်တွေထဲက ဘာသာရေး အစွန်းရောက်၊ ဘာသာရေး အယူသီးတချို့ရန်ကို ကာကွယ်ချင်လို့ ဆိုပြီး သူတို့လို ပြင်းထန် အစွန်းရောက်တဲ့ အပြုအမူ၊ အကျင့်၊ အကြံ၊ ဥပဒေသ တွေ လိုက်ကျင့်သုံးမယ်ဆိုတာ ဓမ္မာဓိဋ္ဌာန်လုံးဝ မကျပါ။  အမှားတခု ကို နောက်ထပ် အမှားတခုနဲ့ လိုက်ချေဖျက်လို့ အမှန်မဖြစ်ပါ။  အမှားနှစ်ခုသာ ဖြစ်လာမှာ ဖြစ်တယ်။  အကြမ်းဖက်မှုကို အကြမ်းဖက်မှုနဲ့ ဖြေရှင်းလို့ ဘယ်လိုမှ ဆုံးခန်းတိုင် မဖြေရှင်းနိုင်သလိုမျိုးပဲ အစွန်းရောက်နေမှု သဘောတွေကို နောက်ထပ် အစွန်းရောက်မှု သဘောနဲ့ တန်ပြန် ချေလို့ မရပါ။  ရလဒ်ကောင်း ထွက်မလာနိုင်ပါ။

၈) ဥပဒေ ပြုရေးဟာ ဘာသာရေးခေါင်းဆောင်များ ရဲ့ ကျွမ်းကျင်မှု အလုပ် မဟုတ်ပါ။

အခုလို ဗုဒ္ဓဘာသာ သံဃာတော် အရှင်သူမြတ်တွေ မိမိ ဘာသာ၊ သာသနာအတွက် စိုးရိမ်မှုရှိတာ သဘာဝကျတယ်။  လက်ခံတယ်။  ဒါပေမယ့် တိုင်းပြည်ရဲ့ ကဏ္ဍ အသီးအသီး နဲ့ ကျယ်ကျယ်ပြန့်ပြန့် တွက်ချက် စဉ်းစားဖို့လိုတဲ့ ဥပဒေပြုရေးလို အကြောင်းအရာမျိုးမှာ ဖြစ်ပေါ်လာနိုင်တဲ့ အကျိုးဆက် နိုင်ငံရေး၊ လူမှုရေး၊ စီးပွားရေး ဘက်ပေါင်းစုံကို ဖြန့်ကြည့်မြင်ရပါမယ်။  ဒါမျိုးဟာ ဘာသာရေးတခုသာ ဇောက်ချ လေ့လာ၊ အားထုတ်နေတဲ့ ရဟန်း သံဃာတော်များရဲ့ အလုပ် တာဝန် မဟုတ်သလို လိုအပ်တဲ့ ကျွမ်းကျင်မှု ပညာအရည်အချင်းလည်း မရှိပါ။  ဘာသာရေး တတ်ကျွမ်းမှု တခုတည်းနဲ့ စဉ်းစား၊ ဘာသာ/သာသနာ အမြင် တခုတည်းနဲ့ပဲ မြင်ကြည့်ပြီး ဥပဒေ ထုတ်မယ်ဆိုလည်း ဆိုခဲ့သလို သီအိုကရေစီ နိုင်ငံပဲ ဖြစ်သွားမှာပါပဲ။  ဒီမိုကရေစီနိုင်ငံ မဟုတ်တော့ပါ။  လူမျိုးစုံပေါင်းစုံ၊ ဘာသာပေါင်းစုံ မှီတင်းနေထိုင်နေတဲ့ ပြည်ထောင်စုစနစ်တိုင်းပြည်မှာ သီအိုကရေစီ စနစ် ဖြစ်သွားရင် ဖြစ်ပေါ်လာမယ့် ဆိုးကျိုးတွေဟာ စဉ်းစာကြည့်ဖို့တောင် မဝံ့ပါ။  ဗုဒ္ဓဘာသာကို နိုင်ငံတော်ဘာသာ အဖြစ် ပြဋ္ဌာန်ဖို့ ကြံစည်ခဲ့ရုံလေးနဲ့ ကချင်အမျိုးသား ညီအကို များနဲ့  ဖြစ်ခဲ့ရတဲ့ ပြည်တွင်းစစ် အခုအထိ အပြီးအပြတ် မငြိမ်းသေးပါ။  သံဃာတော် အရှင်သူမြတ်များ အနေနဲ့ ဘာသာရေးရာ တရားဓမ္မနဲ့ ဆိုင်တဲ့ လမ်းညွှန်မှုတွေ၊ ဆိုဆုံးမမှုတွေ လူ့အဖွဲ့အစည်းအပေါ် လုပ်ပါ။  ဒါပေမယ့် ပိုမိုကျယ်ပြန့်တဲ့ သဘောဆောင်တဲ့ ဥပဒေပြုရေးလို တိုင်းပြည်ရဲ့ အရေးတွေမှာတော့ သက်ဆိုင်ရာ တတ်ကျွမ်းနားလည်သူ ပညာရှင်များကိုသာ ဆောင်ရွက်ခွင့်ပေးဖို့ သံဃာတော် အရှင်သူမြတ်များကို ရှိခိုးဦးတင် တောင်းပန်ပါရစေ။ 

၉)  ယနေ့ခေတ်မှာ ဘာသာတရား တခုခု ဟာ တနေရာမှာ လုံးဝ ကွယ်ပျောက်စရာ အကြောင်း အင်မတန် နည်းတယ်။

ဘာသာ၊ သာသနာ ကွယ်ပျောက်မှာ စိုးတယ်၊ သမိုင်းကို ကြည့်လိုက်၊ ဗုဒ္ဓဘာသာ ကွယ်ပျောက်သွားတဲ့ တိုင်းပြည်တွေ ရှိတယ် ဆိုတဲ့ အမြင်သဘောကို အကျိုး/အကြောင်း ပြန်စီစစ်ကြည့်ပါ။  ရှေးခေတ် တိုင်းပြည် တခု နဲ့ တခု၊ လူမျိုး တမျိုး နဲ့တမျိုး စစ်ပွဲကြီးတွေ ဖြစ်လေ့ရှိတယ်။  စစ်ပွဲပြီးရင် နိုင်သူရဲ့ ဘာသာတရား လွှမ်းမိုးမှု တွေရှိတယ်။  ဒါ့အပြင့် အကြီးအကျယ် အစုလိုက်၊ အပြုံလိုက်လူမျိုးစုတွေ ရွှေ့ပြောင်းမှု ရှိတယ်။  မျက်မှောက် ကမ္ဘာမှာ ဒီလို အချက် နှစ်ခုစလုံး မရှိတော့တဲ့ အတွက် လူမျိုးတမျိုး၊ ဘာသာတခု တနေရာရာမှာ လုံးလုံး ကွယ်ပျောက်သွားဖို့ဆိုတာ လက်ရှိမှာ လက်တွေ့ ဘယ်လိုမှ ဖြစ်မလာနိုင်တော့ပါ။  အထိုက်အလျောက် ရှိနိုင်တဲ့ နိုင်ငံခြားသား ရွှေ့ပြောင်း အခြေချ နေထိုင်မှုကိုလည်း နိုင်ငံတကာစံနှုန်း အညီ တန်းဝင်ပြီး နိုင်ငံတော်လုံခြုံရေးကိုလည်း အပြည့်အဝ ကာကွယ်ပေးနိုင်တဲ့ လူဝင်မှုကြီးကြပ်ရေး ဥပဒေတွေ ပြဋ္ဌာန်းထားပြီး အဂတိ ကင်းကင်း ဥပဒေအတိုင်း တရားမျှတ ဆောင်ရွက်ရင်း ထိန်းချုပ်နိုင်တယ်။  အဓိက ကတော့ မိမိဘာသာရဲ့ တရားစစ်၊ တရာမြတ် ဓမ္မ ကို သာ အခြေတည်ပြီး ကျင့်ကြံ၊ ပြောဟော နေရင် ဘယ်ဘာသာကိုးကွယ်မှုမှ ကမ္ဘာမှာ ကွယ်ပျောက်စရာ မရှိတော့ပါ။  အထူးသဖြင့် မဇ္ဈိမပဋိပဒါ ကျင့်ကြံမှုသဘော အလယ်အလတ်ကျ၊ လွတ်လပ်မှု အပြည့်ရှိ၊ ဒီမိုကရေစီ သဘော ကြွယ်ဝလွန်းလို့ အရှေ့အနောက် နေရာတိုင်းမှာ ရေပန်းစား လူကြိုက်များ စိတ်ဝင်တစား လေ့လာသူပေါ်များလာနေတဲ့ ဗုဒ္ဓဘာသာ လို ဘာသာကြီးတခုအနေနဲ့ ဘယ်လိုနည်းနဲ့မှ ကွယ်ပျောက်စရာမရှိပါ။.. အမျိုး/ဘာသာ လှိမ့်အော်နေပြီး တရားမဲ့မှုတွေ၊ အဓမ္မမှုတွေ ကျူးလွန်နေရင်သာ လူအကြည်အညိုလျော့လာစရာ အကြောင်းရှိတယ်။ 

၁၀)  “Islamophobia” ဟာ ပိုမို ကျယ်ပြန့်လာပြီ။

နောက်တချက် အနေနဲ့ အခု “မျိုးစောင့်ဥပဒေ” အငြင်းပွားမှု နဲ့ သံဃာအစည်းအဝေး ဆွေးနွေးချက်ပါ သဘောထားတချို့မှာ အရေးကြီးဆုံး အလေးထား သတိပြု၊ စဉ်းစားစရာ ဖြစ်လာတာ တခုက မွတ်ဆလင်တွေကို အန္တရာယ်တခု အနေနဲ့ မြင်၊ ပြုမူ၊ ပြောဆိုခြင်းဟာ ဟိုအရင် နိုင်ငံတကာ အသိုင်းအဝန်း အပါအဝင် အားလုံးက ယူဆထားသလို ပြင်းထန်တဲ့ အမြင်သဘောရှိသူ ရဟန်းတချို့ နဲ့ ခေတ်နောက်ပြန်ဆွဲလိုသူ (သို့) နိုင်ငံရေးပယောဂ နဲ့ လူပုဂ္ဂိုလ် တချို့သာ ပါလို့ ယူဆလို့ မရတော့တာပါ။  လူအများကြည်ညိုလေးစားရတဲ့ တိုင်းပြည်ရဲ့ ထိတ်တန်း သံဃာတော်အများစုရဲ့ အမြင်မှာလည်း (အစွန်းရောက်မှုသဘော မရှိပေမယ့်) စိုးရိမ်မှု အမြင်ကတော့ တသဘောတည်းပဲရှိနေတယ် ဆိုတာ သိလာရတယ်။  နိုင်ငံရဲ့ အုပ်ချုပ်ရေး၊ ဥပဒေပြုရေး၊ တရားစီရင်စနစ် မဏ္ဍိုင်ကြီးတွေကိုလည်း ဘာသာရေးခေါင်းဆောင်တွေက လွှမ်းမိုးလိုမှု သဘောရှိတယ် ဆိုတာ သိလာရတယ်။

ဆိုတော့ ဒီပြဿနာဟာ ပေ့ါပေါ့တန်တန် မဟုတ်ပါ။  လူမျိုး၊ ဘာသာ ပေါင်းစုံ မှီတင်းနေထိုင်နေတဲ့ ဗမာ့လူ့အဖွဲ့အစည်းရဲ့ အနာဂတ် တည်ငြိမ်အေးချမ်း၊ ဖွံ့ဖြိုးတိုးတက်မှုအတွက် အင်မတန် အလေးအနက်ထား စဉ်းစား အရေးယူရမယ့် အခြေအနေဖြစ်တယ်။  လက်ရှိ ဗမာပြည်ဟာ တခြား ကမ္ဘာ့နိုင်ငံတချို့လို မွတ်ဆလင်ဘာသာဝင်ထဲက အစွန်းရောက် တချို့ရဲ့ အကြမ်းဖက်မှု အန္တရာယ် ကျရောက်နေတာမျိုး မရှိပါ။  မွတ်ဆလင် ခွဲထွက်ရေး သူပုန်ဆိုတာမျိုးလည်း မရှိပါ။  ဒါပေမယ့် ဒီလို မွတ်ဆလင် ကို မကောင်းဆိုးဝါး အန္တရာယ် လို အမြင်တွေ ကြီးထွားပြီး မလိုလားအပ်တဲ့ အပြုအမူ၊ မူဝါဒ အမှားတွေ ပြုလုပ်မိရင် တိုင်းပြည်ဟာ အနာဂတ်မှာ တကယ့်ကို အကြမ်းဖက်မှု အန္တရာယ်ကျရောက်လာနိုင်ပါတယ်။  ဒါအပြင် တိုင်းပြည်မှာ လူမှုတည်ငြိမ်မှု မရှိ၊ ပြည်တွင်းစစ်တွေ မရပ်၊ လူမျိုး/ဘာသာ အဓိကရုဏ်းတွေ ပြည့်နေရင် ခေတ်မီ တိုးတက်ဖွံဖြိုး ချမ်းသာအောင်လည်း ဘယ်လိုမှ ဆောင်ရွက်နိုင်မှာ မဟုတ်ပါ။

၁၁) မှန်ကန်တဲ့ အလုပ်သဘောနဲ့ ကျယ်ပြန့်တဲ့ စဉ်းစားတွေးခေါ်၊ မျှော်မြင်နိုင်မှုကသာ ပြဿနာ ရဲ့ အဖြေဖြစ်တယ်။

ဒါကြောင့် “အချစ်ဂျီဟဒ်” အပါအဝင် မွတ်ဆလင်တွေအပေါ် ဖြစ်ပေါ်နေတဲ့ သံသယတွေကို ဆောင်းပါးမှာ ဆွေးနွေးအကြံပြု တင်ပြခဲ့သလို လွတ်လပ် မျှတ၊ ဘက်မလိုက် စုံစမ်းစစ်ဆေးပါ။  ဗမာမွတ်ဆလင် အသိုင်းအဝန်း နဲ့ ဘာသာရေး အဖွဲ့အစည်း၊ ခေါင်းဆောင်တွေကလည်း သဘောထားကြီးကြီးထား တိုင်းပြည် အကျိုးအတွက် ပူးပေါင်းဆောင်ရွက်ပါ။  ဘာသာတရားရဲ့ ဓမ္မ အစစ် နဲ့ အညီ တရားမျှတစွာ နေထိုင်နေမှုသဘော နဲ့ ဗမာ-မွတ်ဆလင်တွေရဲ့ ဗမာပြည်အပေါ် သစ္စာစောင့်သိ၊ ချစ်မြတ်နိုးမှု သဘောကို လူအများနားလည်အောင် ကျယ်ကျယ်ပြန့်ပြန့် ဖော်ထုတ်ပါ။  မတူကွဲပြားတဲ့ ဘာသာ အုပ်စုတွေအကြား လူမှုရေးလုပ်ငန်း ပူးပေါင်းလုပ်မှုတွေ၊ ဘာသာပေါင်းစုံချစ်ကြည်ရေး ဆွေးနွေးပွဲ၊ နှီးနှောဖလှယ်စတဲ့ ပူးပေါင်းဆောင်ရွက် ထိတွေ့ဆက်ဆံမှုတွေ အများအပြားလုပ်လာနိုင်ဖို့ ကြိုးစားပါ။  ပြဿနာ ကို ဖြေရှင်းနိုင်ဖို့ရာမှာ “ဘက်နှစ်ဘက်စလုံး”က မိမိ အမျိုး၊ ဘာသာ၊ သာသနာ တခုတည်း ကြည့်လို့မရပါ။  လူမျိုးပေါင်းစုံ၊ ဘာသာပေါင်းစုံ နေထိုင်နေတဲ့ တိုင်းပြည်တခုလုံးရဲ့ အရေးဖြစ်တဲ့အတွက် နောက်ဆက်တွဲ အကျိုးဆက်တွေကိုပါ ကျယ်ကျယ်ပြန့်ပြန် မျက်စိဖွင့်၊ နားဖွင့်၊ ရင်ဘတ်ဖွင့် အစွဲကင်းကင်းနဲ့ ဘက်ပေါင်စုံက ဆင်ခြင်၊ စဉ်းစား၊ သုံးသပ် အဖြေမှန်ရှာရပါမယ်။

နိဂုံး

နိဂုံးချုပ်ရရင် လက်ရှိ ဗမာပြည်ဟာ ဒီမိုကရေစီ ခရီးကြမ်းကို ဆယ်စုနှစ်ပေါင်းများစွာ နောက်ကျပြီး ခုမှ စလျှောက်ဖို့ ခြေလှမ်း လှမ်းနေဆဲ ဖြစ်တယ်။  အခက်အခဲ ပေါင်းစုံ ရှေ့မှာ ရင်ဆိုင်ရဦးမှာ ဖြစ်တယ်။  ပြဿနာပေါင်း သောင်းခြောက်ထောင် ဖြေရှင်းစရာတွေလည်း ရှိနေသေးတယ်။  ဖွံ့ဖြိုးတိုးတက်မှုမှာလည်း နိုင်ငံတကာမဆိုထားနဲ့ အိမ်နီးချင်းနိုင်ငံတွေကိုမီအောင်တောင် နှစ်များစွာ ကြိုးစားရဦးမှာ ဖြစ်တယ်။  တိုင်းပြည်မှာ မှီတင်းနေထိုင်နေတဲ့ လူမျိုးစုံ၊ ဘာသာစုံ ညီညွတ်မှ၊ စည်းလုံးမှ၊ ချစ်ခင်မှ အားလုံးရဲ့ အင်အားတွေကို စုစည်းပြီး တိုင်းပြည်တိုးတက်အောင် ကြံဆောင်နိုင်မှာ ဖြစ်တယ်။  မတူညီကွဲပြားမှုတွေဟာ ဒီမိုကရေစနစ်မှာ အန္တရာယ် မဟုတ်ပါ။  အားသာချက် အင်အားတရပ်သာ ဖြစ်တယ်။  အတွေးအခေါ်ပေါင်းစုံ စည်ပင်၊ ယဉ်ကျေးမှုပေါင်းစုံထွန်းကားတဲ့ ပန်းပေါင်းစုံပွင့်ဖူး ရှင်သန်ရာ အနာဂတ် ကသာ တိုင်းပြည်ရဲ့ ပြဿနာ အစုစုအတွက် အဖြေဖြစ်တယ်။ ဒီသော့ချက် သဘောကို ရဟန်းရှင်၊ လူ၊ ပြည်သူ အပေါင်း နားလည် သဘောပေါက် ဆင်ခြင်၊ စဉ်းစားနိုင်ဖို့ မိုးမခ ကနေတဆင့် တင်ပြဆွေးနွေးလိုက်ပါတယ်။

မိုးမခ စာဖတ်ပရိသတ် ရဲ့ အမြင်၊ သဘောထားတွေကိုလည်း တိုင်းပြည် အကျိုးအတွက် အပြုသဘောဆောင်၊ ယဉ်ကျေးစွာ ပြန်လည် ဆွေးနွေးပေးဖို့ ဖိတ်ခေါ်ပါတယ်။  မှတ်ချက် အနေဖြင့် ဖြစ်စေ၊ E-mail မှ တဆင့် ဖြစ်စေ ပြန်လည် ဆွေးနွေးချက်၊ အမြင် များကို ပေးပို့ ရေးသားနိုင်ပါတယ်။

ငြိမ်းချမ်းအေး

၁၆ ၊ ဇွန် ၊ ၂၀၁၃

(ဆက်သွယ်ရန် – nyeinchanaye81@gmail.com)

အလုပ်အကိုင် ဖန်တီးရေးသည် ပထမဟု ဒေါ်အောင်ဆန်းစုကြည်ပြော

June 6, 2013 | Hits:3,448

ကမ္ဘာ့စီးပွားရေး ဖိုရမ်တွင် ဒေါ်အောင်ဆန်းစုကြည်၏ သတင်းစာရှင်းလင်းပွဲ (ဓာတ်ပုံ – ရွှေအင်းသား ခင်မောင်ဝင်း / ဧရာဝတီ)

မြန်မာနိုင်ငံတွင် ဆင်းရဲမှုတိုက်ဖျက်ရေးနှင့် နိုင်ငံတိုးတက်ရေးအတွက် အလုပ်အကိုင်ဖန်တီးရေးသည် ပထမဦးစားပေးဖြစ်ကြောင်း အမျိုးသားဒီမိုကရေစီအဖွဲ့ချုပ်ဥက္ကဋ္ဌ ကော့မှူးမြို့နယ်ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်က ပြောဆိုလိုက်သည်။

နေပြည်တော်တွင် ယနေ့ ဇွန်လ ၆ ရက် ညနေပိုင်းတွင်ကျင်းပသော ကမ္ဘာ့စီးပွားရေးဖိုရမ် သတင်းစာရှင်းလင်းပွဲတွင် ဒေါ်အောင်ဆန်းစုကြည်က ထိုသို့ပြောဆိုလိုက်ခြင်းဖြစ်သည်။

၂၀၁၂ ခုနှစ် ထိုင်းနိုင်ငံဘန်ကောက်မြို့တွင် ကျင်းပခဲ့သော စီးပွားရေးဖိုရမ်တွင်လည်း အလုပ်အကိုင်ရရှိရေးသည် ပထမဦးစားပေးဟု ပြောဆိုသကဲ့သို့ ယခု ၂၀၁၃ ခုနှစ်တွင်လည်း အလုပ်အကိုင်ဖန်တီးရေးသည် ပထမဦးစားပေး တွင်ရှိနေဆဲဖြစ်ကြောင်း၊ မြန်မာနိုင်ငံတ၀န်းတွင် အလုပ်အကိုင်ရရှိရေးအပါအ၀င် ပြည်သူများ၏ လိုအပ်ချက် ၆ ချက်ရှိကြောင်း၊ အလုပ်အကိုင် လိုအပ်ချက်များကို မဖြည့်ဆည်းပေးနိုင်လျှင် အနာဂတ်လူမှုပြသနာများ ဖြစ်ထွန်းလာ မည်ဟု ဒေါ်အောင်ဆန်းစုကြည်က ပြောသည်။

“ကျမ ဘယ်နေရာကိုပဲသွားသွား နိုင်ငံရဲ့ နေရာတိုင်းမှာ ပြည်သူတိုင်းက ထပ်တလဲလဲ ထပ်တူထပ်ကျပြောနေတဲ့ လိုအပ်ချက် ၆ ချက်ရှိနေပါတယ်။ ဒါက အံ့သြဖို့လည်း ကောင်းပါတယ်။ မြန်မာနိုင်ငံရဲ့ တောင်ပိုင်းကိုပဲ သွားသွား၊ မြောက်ဘက်ကိုပဲ သွားသွား၊ အနောက်ဘက်ကိုပဲ သွားသွား၊ ပြည်သူတွေကို ဘာအလိုအပ်ဆုံးလဲလို့ မေးလိုက်ရင် အလုပ်လိုချင်တယ်ဆိုတာ ပြောကြတယ်။ သူတို့က လက်ဖြန့် မတောင်းချင်ဘူး။ သူတို့က ဂုဏ်သိက္ခာရှိရှိ သူတို့ရဲ့ ဘ၀ကို လုပ်ကိုင်စားသောက်နေထိုင်ချင်ကြတယ်။ နံပါတ်တစ် က အလုပ်အကိုင်၊ နံပါတ်နှစ်က ရေ၊ နံပါတ်သုံးက  လမ်း၊ နံပါတ်လေးက  လျှပ်စစ်မီး၊ နံပါတ်ငါးက ပညာရေးနဲ့ နံပါတ်ခြောက်က ကျန်းမာရေး ဖြစ်ပါတယ်။ ဒါက နေရာတိုင်းမှာ ထပ်တလဲလဲ ကြားနေရတယ်။ အလုပ်အကိုင်ဖန်တီးရေးက ကျမတို့အတွက် ပထမဦးစားပေးဖြစ်တယ်။ ကျမရဲ့ မဲဆန္ဒနယ် ကော့မှူးမှာလည်း ၇၅ ရာခိုင်နှုန်းက အလုပ်အကိုင်မရှိကြဘူး။ လေ့လာဆန်းစစ်သူတွေရဲ့ စစ်တမ်းတွေအရ  ၇၀ ရာခိုင်နှုန်းသော မြန်မာလူငယ်တွေက အလုပ်မရှိကြဘူး။ ဒါက အလုပ်အကိုင်မရှိဘူးလို့ဆိုတာထက် သူတို့က မျှော်လင့်ချက်မဲ့နေတယ်လို့ ကျမပြောချင်တယ်။ အလုပ်မရှိတဲ့ လူငယ်တွေက အနာဂတ်မှာ လူ့အဖွဲ့အစည်းအတွက် ပြဿနာတွေဖြစ်လာမယ်”ဟု ဒေါ်အောင်ဆန်းစုကြည်က ဆိုသည်။

အမျိုးသားဒီမိုကရေစီအဖွဲ့ချုပ်တွင် လူငယ်သွေးသစ်များ အရည်အချင်းမြှင့်တင်ရေးကိစ္စရပ်များနှင့် ပတ်သက်ပြီး ပြောဆိုရာတွင်လည်း ဒေါ်အောင်ဆန်းစုကြည်က မြန်မာလူငယ်များ၏ ပညာရေးပိုင်းတွင် အလွန်နိမ့်ကျသွားကြောင်း၊ နှစ်ပေါင်း ၅၀ ကျော်ကြာ ဆိုးရွားသော ပညာရေးစနစ် ကြောင့် မြန်မာလူငယ်များ၏ ပညာရေးနိမ့်ကျသွားခဲ့ကြောင်း၊ ပညာရေးနိမ့်ကျမှုသည် နိုင်ငံတခုလုံးနှင့်သက်ဆိုင်သော အမျိုးသားရေးပြဿနာတခုဖြစ်ကြောင်း၊ လူငယ်များ စွမ်းရည်မြှင့်တင်ရေး လုပ်ဆောင်မည်ဖြစ်ကြောင်း ပြောသည်။

ဆင်းရဲမွဲတေမှုတိုက်ဖျက်ရေးနှင့်ပတ်သက်ပြီး ပြောဆိုရာတွင် မြန်မာနိုင်ငံ၏ ၇၀ ရာခိုင်နှုန်းသော လူဦးရေမှာ ကျေးလက်ဒေသများတွင် နေထိုင်ကြကြောင်း၊ ဆင်းရဲမွဲတေမှု တိုက်ဖျက်ရေးဟု ဆိုလိုက်သည်နှင့် လယ်ယာစိုက်ပျိုးရေးနှင့် ပတ်သက်သော လယ်မြေသိမ်းဆည်းမှုပြသနာများကို မကြာခဏဆိုသလို ကြားနေရကြောင်း၊ လွှတ်တော်ကလည်း ယင်းကိစ္စကို ဖြေရှင်းနေရပြီး မြေယာဥပဒေရေးဆွဲပြီးဖြစ်ကြောင်း၊ ဥပဒေရှိနေရုံနှင့်မပြီးဘဲ ဥပဒေကို အကောင်အထည်ဖော်ရေးလည်း အရေးကြီးသည်ဟု ဒေါ်အောင်ဆန်းစုကြည်က ဆက်လက်ပြောသည်။

နိုင်ငံခြားရင်းနှီးမြုပ်နှံမှုနှင့်ပတ်သက်၍ ပြောဆိုရာတွင်လည်း နိုင်ငံခြားသားလုပ်ငန်းရှင်များသည် ရင်းနှီးမြုပ်နှံရေးထက် မြန်မာနိုင်ငံတွင် စီးပွားရေးလုပ်ဆောင်ရန် စုံစမ်းထောက်လှမ်းမှုဖြင့် လာရောက်နေကြကြောင်း၊ နိုင်ငံခြားရင်းနှီးမြုပ်နှံမှုများ အတွက် တရားဥပဒေစိုးမိုးရေး အရေးကြီးကြောင်း၊ တရားဥပဒေစိုးမိုးမှုမရှိဘဲ စီးပွားရေးဖွံ့ဖြိုးတိုးတက်မှုရှိမည် မဟုတ်ကြောင်း၊ အခြေခံအဆောက်အဦများဖြစ်သည့် ရေ၊ လျှပ်စစ်မီးနှင့် လမ်းပန်းဆက်သွယ်ရေးသည်လည်း နိုင်ငံခြားရင်းနှီးမြုပ်နှံမှုအတွက် အရေးကြီးသော အချက်များဖြစ်ကြောင်း ဒေါ်အောင်ဆန်းစုကြည်က ဆိုသည်။

သတင်းစာရှင်းလင်းပွဲတွင် ဖွဲ့စည်းပုံအခြေခံဥပဒေပြင်ဆင်ရေး၊ အမျိုးသားပြန်လည်သင့်မြတ်ရေးနှင့်တိုင်းရင်းသားအရေး၊ ဖက်ဒရယ်ပြည်ထောင်စုအရေး၊ ရခိုင်ပြည်နယ်တွင်ဖြစ်ပွားသော အကြမ်းဖက်မှုကိစ္စ၊ ၂၀၁၅ ရွေးကောက်ပွဲကိစ္စအပါအ၀င် နိုင်ငံရေး၊ စီးပွားရေးနှင့် လူမှုရေးသက်ဆိုင်သော အကြောင်းအရာများကို ဒေါ်အောင်ဆန်းစုကြည်က ရှင်းလင်းပြောဆိုသွားသည်။

ပဋ္ဋိပက္ခနောက်ကွယ်ဘယ်သူကြိုးကိုင်နေလဲ

June 13, 2013 | Hits:5,772

မိထ္တီလာ၊ ဥကံ္ကနှင့် လားရှိုးမြို့ အကြမ်းဖက် ဖြစ်စဉ်များသည် ယခင် စစ်အစိုးရ အုပ်ချုပ်ခဲ့စဉ်ကာလအတွင်း လူအများက ရွံကြောက်ဖြစ်ခဲ့ရသည့် စွမ်းအားရှင်အဖွဲ့၏ လုပ်ပုံကိုင်ပုံများနှင့် တူပြီး ၉၆၉ အဖွဲ့၏ မွတ်စလင်ဆန့်ကျင်ရေး လှုပ်ရှားမှုနှင့် ပေါင်းစည်းသွားမိခြင်းဟု စင်္ကာပူထုတ် သတင်းစာတစောင်က ရေးသားထားသည်။

ဇွန်လ ၂ ရက်နေ့ထုတ် The Straits Times သတင်းစာက အုပ်စုလိုက် လုယက်တိုက်ခိုက်ခြင်းများသည် “တောင်သာ တပ်ဖွဲ့”၏ လက်ရာခြေရာများနှင့် ဆင်တူသည်ဟု ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ခေါင်းဆောင်တဦးဖြစ်သူ ဦးအောင်သောင်း၏ မွေးရပ်ဇာတိ တောင်သာမြို့ကို အစွဲပြုပြီး ၂၀၀၃ ခုနှစ် ဒီပဲယင်းတွင် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်ဝင်များကို အကြမ်းဖက်တိုက်ခိုက်ခြင်း၊ ၂၀၀၇ ခုနှစ် ရွှေဝါရောင်တော်လှန်ရေးတွင် ဗုဒ္ဓဘာသာ ဘုန်းတော်ကြီးများကို ရိုက်နှက်ခြင်းတို့တွင် ပါဝင်ခဲ့ကြောင်း လူအများက ယုံကြည်သော စွမ်းအားရှင်အဖွဲ့ကို ရည်ညွှန်း ရေးသားထားသည်။

လားရှိုးမြို့နှင့် ၅၀ ကီလိုမီတာသာဝေးသော နေရာတွင် ၉၆၉ အဖွဲ့ ခေါင်းဆောင်တဦးဖြစ်သူ ဦးဝီရသူက တရားဟောခဲ့ပြီး မကြာမီ လားရှိုးအကြမ်းဖက်မှုပေါ်ပေါက်လာကြောင်းလည်း ရေးသားထားသည်။

စင်ကာပူသတင်းစာ၏ ရေးသားဖော်ပြချက်ကို ဦးဝီရသူက ငြင်းဆိုသော်လည်း ယင်းသတင်းစာတွင် ဖော်ပြပြီး ဇွန်လ ၂ ရက်နေ့ နောက်ပိုင်းမှစ၍ ဦးအောင်သောင်းကို ဧရာဝတီက အကြိမ်ကြိမ် ဆက်သွယ်ခဲ့သော်လည်း တွေ့ဆုံမေးမြန်းခွင့် မရခဲ့ပါ။

ဦးဝီရသူကမူ ဘာသာရေး လူမျိုးရေး အကြမ်းဖက်မှုများသည် ၉၆၉ လှုပ်ရှားမှုနှင့် လုံးဝမသက်ဆိုင်ကြောင်း ပြောဆိုပြီး ဦးအောင်းသောင်း လက်ချက်လည်း မဖြစ်နိုင်ဟု ပြောသည်။ ”ဟိုးအရင် အရေးအခင်းတွေမှာ ဦးအောင်သောင်းပါမပါတော့ ကျုပ်မသိဘူး။ ရခိုင်နောက်ပိုင်း ကိစ္စတွေမှာတော့ ဦးအောင်သောင်း မပါဘူးဗျ။ ဦးအောင်သောင်း ပြောတဲ့ သင်္ဃန်းဝတ် ထောင်ထွက်ဘုန်းကြီးတွေဆိုတာလဲ မဟုတ်ဘူး။ ကျုပ်ကတော့ သူမပါဘူးလို့ ထင်တယ်”ဟု ဦးဝီရသူက မိန့်သည်။

ရခိုင်ပြည်နယ်ရှိ အမျိုးသမီးလေးတဦး အဓ္ဓမပြုကျင့် အသတ်ခံရာမှ စတင်ဖြစ်ပွားခဲ့သော ဘာသာရေး လူမျိုးရေး အကြမ်းဖက်ပဋိပက္ခဖြစ်စဉ်များ၏ နောက်ကွယ်တွင် ကြိုးကိုင်ဆောင်ရွက်နေသူများရှိသည်ဟု အစိုးရက မကြာခဏ ထုတ်ဖော်ပြောဆိုခဲ့သော်လည်း ယနေ့အချိန်ထိ ခြေခြေမြစ်မြစ် ထုတ်ဖော်တင်ပြပြီး မည်သူတစ်ဦးတယောက်ကိုမျှ အရေးယူပေးနိုင်ခြင်း မရှိသေးပေ။

အကြမ်းဖက်ပဋိပက္ခများတွင် တိုက်ရိုက်ပါဝင်ပတ်သက်ခဲ့သူများကို ဖမ်းဆီးအရေးယူနိုင်ခဲ့သော်လည်း နောက်ကွယ်မှ ကြိုးကိုင်နေသူများကို ဖော်ထုတ်နိုင်ခြင်း မရှိသေးကြောင်း မြန်မာနိုင်ငံရဲတပ်ဖွဲ့ မှုခင်းဋ္ဌာနမှ ဒုရဲမှူးကြီး မင်းအောင်က ဧရာဝတီသို့ ပြောသည်။

သို့သော် ပဋိပက္ခဖြစ်စဉ်များတွင် တိုက်ရိုက်ပါဝင်ပတ်သက်သူ မိတ္ထီလာဒေသမှ ၅၉ ဦး၊ လားရှိုးဒေသမှ ၆၁ ဦး ဖမ်းဆီထားပြီး ဥက္ကံ၊ ကြို့ပင်ကောက် ဖြစ်စဉ်တွင် ဖမ်းဆီး အရေးယူထားသူ မရှိကြောင်း၊ မိတ္ထီလာတွင် ဗုဒ္ဓဘာသာဝင် ၄၃ ဦး ၊ မွတ်စလင် ၁၆ ဦး နှင့် လားရှိုးတွင် ဗုဒ္ဓဘာသာဝင် ၅၉ ဦး၊ မွတ်စလင် ၂ ဦးတို့ကို ဖမ်းဆီးအရေးယူထားကြောင်း ဒုရဲမှူးကြီး မင်းအောင်က ပြောသည်။

”နောက်ကွယ်က ကြိုးကိုင်တဲ့သူတွေကို ဖော်ထုတ်ဖို့က သီးသန့်ဆိုက်တစ်ခုက လုပ်နေတာ။ ကျနော်သိသလောက်တော့ ပေါ်ပေါ်ထင်ထင် ပေါ်လာတာ မရှိသေးဘူး။ ဒီကိစ္စကို ဒေသခံရဲတွေက ပိုသိလိမ့်မယ်”ဟု သူကဆိုသည်။

ရန်ကုန်မြို့တွင် ပဋိပက္ခဖြစ်အောင် လှုံဆော်သည်ဟု ဆိုကာ ကျောင်းသားခေါင်းဆောင်တဦးဖြစ်သူ ကိုရဲမင်းဦးကို ဆူပူအောင်လှုံဆော်မှု ၅၀၅(ခ)ဖြင့် အရေးယူထားခြင်းမှလွဲ၍ အခြားကြိုးကိုင်ဆောင်ရွက်သူများကို မဖော်ထုတ်နိုင်သေးကြောင်း ကျောက်တံတားမြို့နယ်မှ ရဲအရာရှိတစ်ဦးက ပြောသည်။

”ဘာသာတစ်ခုနဲ့ တစ်ခုကြားမှာ အထင်အမြင် လွဲမှားမှုတွေဖြစ်အောင် လုပ်တယ်ဆိုပြီး သူ့ကို တရားရုံးတင်ထားတယ်။ သူ လှုံဆော်တဲ့ အသံဖိုင်တွေလည်း ရှိတယ်။ နောက်ပြီးတော့ အစ္စလာမ်ဘက်က စတစ်လို့ခေါ်တဲ့တစ်ယောက်ကိုလည်း အရေးယူထားတယ်။ အသေးစိတ်တော့ ပြောမရဘူး”ဟု သူကဆိုသည်။

နောက်ကွယ်မှ ကြိုးကိုင်သူများမှာ “ပြည်ပသြဇာခံ အစွန်းရောက်မွတ်စလင်များ” နှင့် “သူများပစ္စည်းဥစ္စာကို အလကားလိုချင်နေသော အချောင်သမား တောကြောင်များ”ပင် ဖြစ်ကြောင်း၊ နိုင်ငံရေးပယောဂ အစိုးရလက်ချက်ပါဝင်သည်ဟု မထင်ကြောင်း မန္တလေးမြို့ မစိုးရိမ်တိုက်သစ်မှ ဦးဝီရသူက မိန့်သည်။

”ဒီတောကြောင်တွေကို နှိမ်နင်းဖို့ အစိုးရက ဘာလို့ဒီလောက် ပျော့ညံနေလဲမသိဘူး။ အစွန်းရောက် မွတ်စလင်တွေကိုလည်း ကိုယ့်ဘက်က အကြမ်းဖက် တုန့်ပြန်တဲ့ အခါကျတော့ နှစ်ခါနာတာပေါ့။ လူလည်း နာတယ်။ သိက္ခာလည်း နာတယ်”ဟု ဦးဝီရသူက မိန့်သည်။

အစွန်းရောက်မွတ်စလင်များကို ဥပဒေနှင့်အညီ တုန့်ပြန်ရမည့်အစား အခြားအပြစ်မရှိသူများကို သွားရောက်တုန့်ပြန် ခဲ့သောကြောင့် ပြဿနာပိုမိုကြီးထွား လာကာ နောက်ဆုံး၌ ပြည်ပသို့ပါ ကူးစက်ပြီး မြန်မာများသာ နစ်နာနေရကြောင်း၊ ယခုလဆန်းပိုင်းတွင်  တောကြောင်များက မန္တလေးမြို့တွင် ကောလဟလများ ဖန်တီးကာ ဆူပူအောင် ဖန်တီးနေကြောင်းလည်း ဆိုသည်။

ဒီမိုကရေစီအတွေ့အကြုံ နုနယ်သောမြန်မာနိုင်ငံကို ပြိုကွဲအောင်လုပ်ဆောင်ခြင်း ဖြစ်ပြီး ၄င်းလုပ်ဆောင်ချက်ကြောင့် အာဏာရပါတီအနေနှင့် အာဏာနှင့် အကျိုးအမြတ်ကို ထိန်းသိမ်းနိုင်မည်ဟု The Straits Times သတင်းစာက ရေးသည်။

ယခုအပတ်အတွင်း ရန်ကုန်တွင် ကျင်းပခဲ့သော  Buddism & Non-Violence ဟောပြောပွဲတွင် ချက်နိုင်ငံသား အသွင်ကူးပြောင်းရေး ပညာရှင် Igor Blazevic က ဘာသာရေးဆိုင်ရာ ပဋိပက္ခများမှာ အာဏာရှင်စနစ်အား လက်မလွတ်လိုသူများ၏ နိုင်ငံရေးအရ နောက်ကြောင်းပြန်လှည့်ရန် လုပ်ဆောင်မှုများ ဟု ဘော့စနီးယားအပါအဝင် နိုင်ငံရေးနှင့် စီးပွားရေး အသွင်ကူးပြောင်းသည့်  အခြားနိုင်ငံများနှင့် ယှဉ်ပြီး သုံးသပ်ပြောဆိုသည်။

ပြုပြင်ပြောင်းလဲရေး လုပ်ဆောင်ကြသည့် နိုင်ငံများတွင် အရာရာ လက်ဝါးကြီး အုပ်ထားသူများအဖို့ သူတို့၏ အရေးပါမှုကို ပြန်လည် အကြောင်းရှာ ပြသတတ်ကြကြောင်း၊ သူတို့၏ နောက်ဆုံးခံတပ်မှာ အမျိုးသားရေး ဖြစ်ကြောင်းလည်း Igor Blazevic က ပြောဆိုခဲ့သည်။

မျိုးစောင့်ဥပဒေအမျိုးသမီးအဖွဲ့ ၈ ဖွဲ့က ဆန့်ကျင်ကန့်ကွက်

ဗုဒ္ဓဘာသာဝင် အမျိုးသမီးများကို လက်ထပ်မည့်  ဘာသာခြားများ၊ လူမျိုးခြား အမျိုးသားများက ဗုဒ္ဓဘာသာသို့ ကူးပြောင်းပြီးမှသာ တရားဝင်လက်ထပ်ခွင့်ရမည့် ဥပဒေမူကြမ်းအား ရန်ကုန်မြို့ အခြေစိုက် အမျိုးသမီးအဖွဲ့ ၈ ဖွဲ့က ဆန့်ကျင်ကန့်ကွက်ကြောင်း ဇွန်လ၁၆ ရက် နေ့စွဲဖြင့် ကြေညာချက်ထုတ်ပြန်ခဲ့သည်။

ယင်းကြေညာချက်တွင် အမျိုးသမီးများ အခွင့်အရေး လှုပ်ရှားဆောင်ရွက်နေကြသော RAINFALL ၊ အက္ခရာ၊ Colourful Girls၊ ကရင်အမျိုးသမီးဖွံ့ဖြိုးရေးအဖွဲ့၊ ဖန်တီးအိမ်၊ ၈၈ မျိုးဆက် အမျိုးသမီးကွန်ရက်၊ တက္ကသိုလ် ကျောင်းသားများ သမဂ္ဂ(တ-က-သ) နှင့် Triangle Women Support Group အဖွဲ့များက “ဗုဒ္ဓဘာသာဝင် အမျိုးသမီးများ၏ တစ်ဦးချင်း လွတ်လပ်မှု အခွင့်အရေးကိုချုပ်ချယ်ရန် ကြိုးပမ်းမှုသည် ကုလသမဂ္ဂ အပြည်ပြည်ဆိုင်ရာ လူ့အခွင့်အရေး ကြေညာစာတမ်း အပိုဒ် ၁၆ ပါ အရွယ်ရောက်ပြီးသူ အမျိုးသား အမျိုးသမီးတိုင်း၏ လွတ်လပ်စွာ လက်ထပ်ထိမ်းမြားခွင့်ကို ချိုးဖောက်ခြင်း ဖြစ်သည်”ဟု ရေးသားဖော်ပြထားသည်။

“ဒီဥပဒေကြမ်းရဲ့ ပစ်မှတ်က ဗုဒ္ဒဘာသာအမျိုးသမီးထု ဖြစ်နေပြီးတော့ ဘယ်အမျိုးသမီးမှလည်း မသိလိုက်ရဘဲ ဖြစ်နေတယ်။ ရေးဆွဲတဲ့ တင်သွင်းတာကလည်း ဘုန်းတော်ကြီးတွေ ဖြစ်နေတယ်။ ဒါကြောင့် ကျမတို့ အမျိုးသမီးတွေကို ကိုယ်စားမပြုဘူးဆိုတော့ ကန့်ကွက်တာပါ ” ဟု RAINFALL အဖွဲ့မှ ဒေါ်ဇင်မာအောင်က ပြောသည်။ ဒေါ်ဇင်မာအောင်သည် နေပြည်တော် ကမ္ဘာ့ စီးပွားရေးဖိုရမ်တွင် ဘီဘီစီမှ ကမကထလုပ်သည့် စကားဆွေးနွေးဝိုင်း၌ ဒေါ်အောင်ဆန်းစုကြည်နှင့် ဝန်ကြီး ဦးစိုးသိန်းတို့နှင့်အတူ ယှဉ်တွဲပြီး ပါဝင် ဆွေးနွေးခဲ့သူ ဖြစ်သည်။

“မျိုးစောင့်ဥပဒေ” ဟုခေါ်ဆိုနေကြသော  အဆိုပါ ထိမ်းမြားလက်ထက်ခြင်းဆိုင်ရာ ဥပဒေမူကြမ်းအား မန္တလေးမြို့ မစိုးရိမ်တိုက်သစ်မှ ဦးဝီရသူက ယခုလ ၁၃ ရက်နေ့က မှော်ဘီမြို့ ဓမ္မဒူတ ဇေတ၀န် တောရ ဆေကိန္ဒာရာမကျောင်းတိုက်၌ ပြုလုပ်ခဲ့သည့် ဗုဒ္ဒသာသနာတော်ဆိုင်ရာ သြ၀ါဒခံယူပွဲနှင့် အကြိုညှိနှိုင်းဆွေးနွေးပွဲတွင် ဖြန့်ဝေပြီး မီဒီယာသို့ ထုတ်ပြန်တင်ပြသွားခဲ့သော်လည်း ယခုကဲ့သို့ အပြင်းအထန် ကန့်ကွက်မှုများနှင့် ကြုံနေရသည်။

အဆိုပါ ဥပဒေမူကြမ်းတွင် ဘာသာခြား၊ လူမျိုးခြားများမှ ဗုဒ္ဒဘာသာဝင် အမျိုးသမီးတဦးအား လက်ထပ်နိုင်ရန် ၎င်းတို့ထံတွင် ဗုဒ္ဒဘာသာဝင်ဖြစ်ကြောင်း တရားဝင်လတ်မှတ်ရှိရန် နှင့် လက်ထပ်မည့် အမျိုးသမီး၏ မိဘ ၊ အုပ်ထိန်းသူ ထံမှ တရားဝင်ခွင့်ပြုချက်ရရှိပြီးမှသာ လက်ထပ်ခွင့်ရှိကြောင်း၊ လိုက်နာခြင်း မရှိပါက ထောင်ဒဏ်၁၀ နှစ်အပြင် ထိုသူပိုင်ဆိုင်သော ပစ္စည်းများအား သိမ်းယူ၍ အမျိုးသမီးအားပေးရန် ၊ ရာဇသတ်ကြီးဥပဒေ၏ ထိမ်းမြားခြင်းဆိုင်ရာ ဥပဒေပုဒ်မ ၄၉၃ အပြင် အခြားပုဒ်မများနှင့်ပါ အရေးယူမည် ဆိုသော အချက်များအား ထည့်သွင်းထားသည်။

“ဘာသာရေး ပဋိပက္ခတွေဖြစ်ချိန်မှာ ဒီဥပဒေပေါ်လာတာက ကျယ်ကျယ်ပြန့်ပြန့်မကြည့်ဘဲ လတ်တလောဖြစ်ရပ်တွေကို ကြည့်ပြီးတော့ ဖြေရှင်းဖို့လုပ်တယ်လို့ မြင်တယ်၊ ဒါတွေအားလုံးကို သေချာလေ့လာစမ်းစစ် ချက်တွေ လုပ်ပြီးမှ လုပ်ရင်ကောင်းမယ်” ဟု ကရင်အမျိုးသမီးဖွံ့ဖြိုးရေးအဖွဲ့ ဥက္ကဌ ဒေါ်စူဆန်နာလှလှစိုးကလည်း ပြောသည်။

အမျိုးသမီးအဖွဲ့များ၏ ထုတ်ပြန်ချက်တွင် ဘာသာရေး၊ လူမျိုးရေးများ ပြဿနာများဖြစ်ပွားနေချိန်တွင် ပြည်သူတရပ်လုံး အပြန်အလှန် လေးစားညီညွတ်ရမည့် အချိန်တွင် အဆိုပါ မျိုးစောင့်ဥပဒေသာ အတည်ပြုဖြစ်ခဲ့လျှင် “ဗုဒ္ဒဘာသာသည် အခြားဘာသာဝင်များနှင့် ယှဉ်တွဲနေထိုင်ရန် ယုံကြည်မှု ကိုယ်ခံအားနည်းသော၊ နိမ့်ကျစိတ်ကို အခြေခံသော၊ မလုံမခြုံခံစားနေရသော ဘာသာ သာသနာ တခုဖြစ်ကြောင်း ဆိုလိုရာရောက်နိုင်သည်”ဟုလည်း ထည့်သွင်းဖော်ပြထားသည်။

ဥပဒေမူကြမ်းတွင် ဗုဒ္ဒဘာသာဝင်အမျိုးသမီးများ၏ ထိမ်းမြားလက်ထပ်ခွင့် နှင့်ပတ်သက်၍သာ ထည့်သွင်းရေးဆွဲထားပြီး အမျိုးသားများအတွက် ပါဝင်ခြင်း မရှိခြင်းကြောင့် အမျိုးသားများအနေဖြင့် မည်သည့်ဘာသာဝင်အမျိုးသမီးများနှင့် မဆို လက်ထပ်ခွင့်ရှိကြောင်း ဆိုလိုရာရောက်သည်။

ဒေါ်စူဆန်နာလှလှစိုးက “ အရင်ထဲက တရားမ၀င် ကြားဖူးတာက မွတ်စလင်အမျိုးသားက  အမျိုးသမီးတယောက်နဲ့ယူရင် ဘာသာပြောင်းရတယ်၊ မပြောင်းလို့ မရဘူးပေါ့။ အဲဒါဟာ ဂျန်ဒါ(လိင်ခွဲခြားဆက်ခံမှု) ဆိုတဲ့အချက်ကို ထည့်မစဉ်းစားတော့ဘဲနဲ့ လုပ်လိုက်သလို ဖြစ်နေတယ်။ အခုလည်း အမျိုးသမီးတွေအတွက်ပဲဆိုတာကလည်း လုံးဝမဖြစ်သင့်ပါဘူး”  ဟု ပြောဆိုသည်။

အဆိုပါဥပဒေက စင်ကာပူနှင့် မလေးရှား နိုင်ငံမှ လက်ထပ်ထိမ်းမြားခြင်းဆိုင်ရာ ဥပဒေကို နမူနာယူပြီး ဘုန်းတော်ကြီးများနှင့် ဥပဒေပညာရှင်များက ပူးပေါင်းရေးဆွဲထားခြင်းကြောင်း၊ ယင်းဥပဒေမူကြမ်းကို တရားဝင်အတည်ပြုနိုင်ရန် လွှတ်တော်တွင် တင်ပြမည့် ကိုယ်စားလှယ်များကိုလည်းရွေးချယ်ထားပြီးဖြစ်ကြောင်း၊ တနိုင်ငံလုံး၏ သဘောထား ထောက်ခံချက်လက်မှတ်များကိုလည်း ကောက်ယူသွားရန် စီစဉ်နေကြောင်း ဦးစီးရေးဆွဲထားသော ဘုန်းတော်ကြီးများက ဆိုကြသည်။

မစိုးရိမ်တိုက်သစ်ဆရာတော် ဦးဝီရသူက ၎င်း၏ဖေ့ဘုတ်စာမျက်နှာတွင်လည်း “ အထူးသဖြင့် မြန်မာတိုင်းရင်းသားများနှင့် ဗုဒ္ဓဘာသာကို ကာကွယ်စောင့်ရှောက်လိုသည့် ရည်ရွယ်ချက်ဖြင့် ကြိုးပမ်းခြင်း ဖြစ်ပြီး  ဥပဒေပေါ်ပေါက်လာပါက မွတ်စလင်တို့ ၀ါးမြိုလိုမှု၊ ဖျက်စီးလိုမှု၊ ကျူးကျော်လိုမှုများအား ကာကွယ်တားဆီးနိုင်မည် ဖြစ်သည်။ အမျိုးစောင့် ဥပဒေ ကမ်ပိန်း လာလေပြီ။ မြန်မာပြည် အပြည့်အ၀ လုံခြုံမှု ရှိတော့မည်” ဟု ရေးသားခဲ့သည်။

“ ဦးဝီရသူက ဒီဥပဒေကို လုပ်ဖို့ မန္တလေးမှာကတည်းက သူကြိုးစားနေခဲ့တာ ကြာပြီ။ အခုလိုမျိုး မှော်ဘီ သံဃာ့ညီလာခံနဲ့ တိုက်ဆိုင်သွားတဲ့အခါမှာ သူက သွားတတ်ပြီးတော့ ဘယ်ဆရာတော်ကြီးတွေရဲ့ သဘောထားမှ မပါဘဲနဲ့ သူသဘောနဲ့ သူ ထုတ်ခဲ့တာလို့ ဆရာတော်ကြီးတွေက ပြောတယ်” ဟု ၈၈ မျိုးဆက် အမျိုးသမီးများကွန်ရက်မှ မမီးမီးက ပြောဆိုသည်။

အဆိုပါ ဥပဒေအား ယခုကဲ့သို့ ကန့်ကွက်ကြောင်း ထုတ်ပြန်ချက်သာမက လူမှုရေးအဖွဲ့များနှင့်ဆက်သွယ်၍ အများပြည်သူများ၏ သဘောထားမှတ်ချက်များကို စုဆောင်းသွားမည်ဖြစ်ကြောင်း RAINFALL မှ ဒေါ်ဇင်မာအောင်က ဆိုသည်။

ဗလီများကို ဗလီဖွင့်ချိန်မှာ ဝင်လေ့လာနိုင်ပြီ

အစ္စလာမ်ဘာသာဝင်များအတွက် ဗလီဝတ်ကျောင်းသည် သန့်စင်မွန်မြတ်သည့် နေရာဖြစ်သည့်အတွက် ယုံမှတ်မှားနေသကဲ့သို့ အက်ဆစ်များ လက်နက်များ သိုလှောင်ထားခြင်းမရှိဘဲ မည်သည့်အချိန်တွင်မဆို ဘာသာကွဲများအနေဖြင့် လာရောက် လေ့လာနိုင်ကြောင်း မြန်မာမွတ်စလင် ကွန်ယက်ပေါင်းစုက ပြောဆိုလိုက်သည်။

“ဗလီကျောင်းထဲမှာ ဓါး အတိုလေး တချောင်းတောင် မရှိဘူး။ ဗလီမှာ အဖိုးအတန်ဆုံးက နာရီပဲရှိတယ်။ နောက် ကိုယ် လက် သန့်စင်ရတဲ့ ရေကန်ရှိတယ်။ အပြင်လူတွေပြောနေသလို ဗလီမှာ အန္တရာယ်ရှိတဲ့ ပစ္စည်းတွေက အခုလည်း မရှိဘူး နောင်လဲရှိလာမှာမဟုတ်ဘူး။ ဒါကို စဉ်းစားတွေးခေါ်တတ်တဲ့သူတွေကတော့ သိမှာပါ”ဟု မြန်မာမွတ်စ်လင် ကွန်ယက်မှ သဘာပတိဖြစ်သူ ဒေါက်တာမြင့်သိန်းက အစ္စလာမ်ဘာသာနှင့် မွတ်စ်လင်မ်များကို အထင်လွဲမှုများနှင့် ပတ်သက်သည့် သတင်းစာရှင်းလင်းပွဲတွင်  ပြောသည်။

ထိုသတင်းစာရှင်းလင်းပွဲသည် အစ္စလာမ်ဘာသာနှင့် မွတ်စ်လင်မ်များအပေါ် အထင်အမြင် နားလည်မှုလွဲမှားမှုများနှင့် ပတ်သက်၍ မွတ်စ်လင်မ် ပညာရှင်ကြီးများနှင့် မြန်မာနိုင်ငံသား အစ္စလာမ်ဘာသာဝင်ကွန်ယက်ပေါင်းစု ( Unity For Peace Network )က ယနေ့ နံနက် ၁၀ နာရီခန့်တွင် ဗိုလ်တထောင်မြို့နယ်ရှိ YMCA ခန်းမ၌ ပြုလုပ်ခဲ့သည်။

ထိုပွဲကို အစ္စလာမ်ဘာသာရေးခေါင်းဆောင်များ တက်ရောက်ခဲ့ပြီး ဘာသာပေါင်းစုံ ငြိမ်းချမ်းရေး အဖွဲ့မှ နာယကဖြစ်သူ ဦးကိုလေး၊ မြန်မာမွတ်စ်လင်မ် အဖွဲ့ချုပ်မှ ဓမ္မသတ်မှူး ဦးတင်မြင့်၊ မြန်မာနိုင်ငံလုံးဆိုင်ရာ ရှိအာဟ် သာသနာ့ ဝန်ဆောင်မှု အဖွဲ့ချုပ်မှ ဦးခင်မောင်ဦး၊ ဘာသာပေါင်းစုံငြိမ်းချမ်းရေးအဖွဲ့မှ ဦးအေးလွင်၊ မြန်မာ မွတ်စ်လင်မ် ကွန်ယက်မှ သဘာပတိ ဖြစ်သူ ဒေါက်တာမြင့်သိန်းနှင့် အထူးဧည့်သည်ဖြစ်သူ အလင်းတန်းဂျာနယ်မှ အယ်ဒီတာချုပ် ဦးဝင်းငြိမ်းတို့က ရှင်းလင်း ပြောကြားခဲ့ကြသည်။

ဗလီကျောင်းထဲသို့ အစ္စလာမ်ဘာသာဝင်ဖြစ်သော်လည်း သန့်ရှင်းမှုမရှိသူများကို ဝင်ခွင့်မပေးထားကြောင်း၊ ယခင်က ဗလီသို့ မည်သည့်ဘာသာခြားမှ မလာကြောင်း၊ မိမိတို့ ဘာသာဝင်များထဲတွင် သန့်ရှင်းသူများသာ လာရောက်ရသည့် နေရာဖြစ်သည့်အတွက် အခြားဘာသာခြားများ ဗလီသို့လာလျှင် အစ္စလာမ်ဘာသာဝင်များ၏ စိတ်တွင် တမျိုးတမည် ဖြစ်ကြကြောင်း၊ ထို့ပြင် ဗလီအချိန်ပြည့်ဖွင့်ထားပါက အချို့သူများက အပေါ့အလေးသွားရန်အတွက် လာခြင်းတို့ကြောင့် ဗလီအား အချိန်ပြည့် ဖွင့်ထားခြင်းမရှိကြောင်း သိရသည်။

“အခုလို စွပ်စွဲချက်တွေ၊ သံသယတွေ ဖြစ်လာတဲ့အတွက် ကျနော်တို့ တံခါးဖွင့်လိုက်ပါပြီ။ လာလေ့လာပါ ကြည့်ပါ။ ဒါပေမယ့် သန့်သန့်ရှင်းရှင်းဖြစ်အောင် ခြေလက်ဆေးတာတွေ လုပ်စေချင်တယ်။ တချို့ဆို ဗလီထဲက ပစ္စည်းတွေကို ဖြုတ်ယူသွားတာတွေရှိတယ်။ ဒါကြောင့် ဗလီတာဝန်ရှိသူတွေက  ဗလီကို ပိတ်ထားတယ်။ ဒါပေမယ့် ဗလီဖွင့်ချိန်မှာ ဝင်လေ့လာနိုင်တယ်”ဟု မြန်မာမွတ်စ်လင်မ်အဖွဲ့ချုပ်မှ သဘာပတိဖြစ်သူ ဦးတင်မြင့်က ပြောသည်။

အဆိုပါပွဲတွင် ၇၈၆ သည် အစ္စလာမ်ဘာသာက ကမ္ဘာကို လွှမ်းရမည် ဆိုသော ဖွင့်ဆိုချက်မှာ မဟုတ်ကြောင်း၊ အနှိုင်းမဲ့ ကိုးကွယ်ရာ အရှင်ထံမှ ကောင်းချီးမင်္ဂလာရယူရန်၊ အခြားသူများကို ကရုဏာထားဆက်ဆံရန် အစားအသောက်များကို စည်းကမ်းနဲ့အညီ စီရင်ထားခြင်းကို ရည်ညွှန်းထားခြင်းသာ ဖြစ်ကြောင်း၊ နောက် တရားတော်အရ ယုံကြည်ချက် တူသူခြင်းသာ လက်ထက်နိုင်ပြီး အိမ်ထောင်ပြုရန်သက်သက်  ဘာသာကူးပြောင်းမှုအား လက်မခံကြောင်း၊ ယောက်ျားတွေကို ခြွင်းချက်အနေဖြင့် မိန်းမ ၄ ယောက် ယူခွင့်ပေးထားကြောင်း၊ သို့သော် တလင်တမယားစနစ်ကိုသာ အားပေးကြောင်း အစ္စလာမ် ဘာသာရေးပညာရှင်များက ရှင်းပြသည်။

ဗလီဝတ်ကျောင်းသည် တရားမဝင် ကာမမှုတို့ ကျူးလွန်ရန် အားပေးသည့် နေရာမဟုတ်သကဲ့သို့ ဘာသာမတူသူ မိန်းမများအား လက်ထပ်နိုင်သူတို့ကို ထိုဇနီး၏ အဆင့်အလိုက် ထောက်ပံ့ကြေးပေးနေသည်ဟူသော စွပ်စွဲချက်သည် အခြေအမြစ်မရှိသော လိမ်ညာမှုသာဖြစ်ကြောင်း ပြောဆိုကြသည်။

“ဂျီဟာဒ်ဆိုတဲ့ အဓိပ္ပါယ်က အစွမ်းကုန်ကြိုးပမ်းမှုဖြစ်တယ်။ သာနာပြုဖို့ သာသနာ့စစ်ပွဲ ဆင်နွှဲဖို့ လမ်းညွှန်ချက် မဟုတ်ဘူး။ အစ္စလာမ်ဘာသာမှာ ကျူးကျော်စစ်ကို လုံးဝ ခွင့်မပြုထားဘူး။ ခုခံစစ်ကိုတော့ ခွင့်ပြုထားတယ်။ ဘာသာခြားတို့ အစ္စလာမ် သာသနာထဲကို ဝင်ရောက်ဖို့ အတင်းလုပ်တာကို ခွင့်မပြုထားဘူး”ဟု Unity For Peace Network မှာ တာဝန်ရှိသူ တဦး ဖြစ်သူ ဦးကျော်ဝင်းက ပြောသည်။

အစ္စလာမ်သာသနာ၏ မှတ်ကျောက်ဖြစ်သော ကုရ်အာန်ကျမ်းကို မွတ်စလင်တို့က ယုံကြည်ကြပြီး ၎င်းကို စနစ်တကျ ရွတ်ဆိုနည်း၊ ဘာသာပြန်နည်း၊ ဖွင့်ဆိုနည်းများ ရှိသော်လည်း ဘာသာကွဲတို့က မိမိတို့ လိုသလို အချိန်အဆက် လွဲမှားစွာ စစ်မက်ဆိုင်ရာ စစ်စည်းကမ်း၊ စစ်ဗျူဟာဆိုင်ရာ လမ်းညွှန်ချက်များကို  စစ်မက်ကင်းစင်သည့် ကာလဆိုင်ရာ လမ်းညွှန်ချက်များအဖြစ် ဖော်ပြကာ မွတ်စလင်တို့သည် ၎င်းဘာသာတူမဟုတ်သူများကို  သတ်ပစ်ကြရန်၊ ထိုသို့ ဘာသာခြားကို သတ်လျှင် ကုသိုလ်ရသည်ဟု လွဲမှားစွာ ဘာသာပြန်နေကြပြီး ထိုသို့ ကုရ်အာန်ကျမ်းတွင် လမ်းညွှန်ထားသည်မှာ မဟုတ်ဟုလည်း ဆိုကြသည်။

ပထမ၊ ဒုတိယကမ္ဘာစစ်တွင် လူသန်းပေါင်းများစွာ သေခဲ့ခြင်းမှာ မွတ်စလင်တို့ကြောင့် မဟုတ်ကြောင်း၊ အိန္ဒိယတွင် မဟတ္ထမ ဂန္ဒီအား ဟိန္ဒူအစွန်းရောက်က သတ်ခြင်း၊ ရာဂျစ်ဂန္ဒီကို တမိလ်တိုက်ဂါးအမျိုးသမီး အသေခံဗုံးခွဲခြင်း၊ အင်ဒီရာ ဂန္ဒီကို ဆစ်ခ်(ပန်ချာပီ) သက်တော်စောင့် သတ်ခြင်း၊ အစ္စရေးနိုင်ငံရေးခေါင်းဆောင်ရာဘင်ကို ဂျုးအစွန်းရောက်က သတ်ခြင်း၊ အမေရိကန်သမ္မတ အေဗရာဟမ်လင်ကွန်းအား အမေရိကန်လူမျိုးက သတ်ခြင်း၊ ဗြိတိန်မှ IRA အကြမ်းဖက်သမားများ၊ ယနေ့ထိ ဥရောပနှင့် ဂျပန်ဒုစရိုက်မှောင်ခို မူးယစ်ဂိုဏ်းတို့ အကြမ်းဖက်နေခြင်း၊ သေနတ်ကိုင်ခွင့်ကို တရားဝင် ဥပဒေက ခွင့်ပြုထားသော အမေရိကန်နိုင်ငံမှ ကျောင်းသား လူငယ်များပါ လူမမယ်များပါ မကျန် ပစ်ခတ်သတ်ဖြတ်နေခြင်းတို့မှာ အကြမ်းဖက် လုပ်ရပ်များပင်ဖြစ်ကြောင်း၊ အကြမ်းဖက်သမားများသည် ဘာသာတိုင်း လူမျိုးတိုင်းတွင် ရှိနေသောကြောင့် မွတ်စလင်တိုင်းသည် အကြမ်းဖက်သမားမဟုတ်၊ သို့သော် အကြမ်းဖက်သမားတိုင်းသည် မွတ်စ်လင်မ်ဖြစ်သည်ဟု မစွပ်စွဲသင့်ကြောင်း အစ္စလာမ်ဘာသာရေးပညာရှင်များက ပြောသည်။

ထို့ပြင် အစိုးရအသိအမှတ်ပြု အစ္စလာမ် ဘာသာရေးအဖွဲ့အစည်းများက လတ်တလော ဖြစ်ပျက်ခဲ့သော ပဋိပက္ခများနှင့် ပတ်သက်၍ ထိရောက်အောင် မလုပ်နိုင်ခြင်းမှာ ဘာသာရေးအဖွဲ့အစည်းများ၏ အထက်တွင် သာသနာရေး ဝန်ကြီးဌာနရှိနေသောကြောင့်ဖြစ်ပြီး မိမိတို့အနေဖြင့် ပြုလုပ်ရမည်များကို ပြုလုပ်ခဲ့သော်လည်း အကောင်မထည်ပေါ်ခြင်းမရှိသည်မှာ ထိုသို့ဖြစ်ရန် ဖန်တီးသူများကြောင့်ဟု ဒေါက်တာမြင့်သိန်းက ပြောသွားခဲ့သော်လည်း အတိအကျ ရှင်းလင်းခဲ့ခြင်း မရှိပေ။

မလေးရှားနိုင်ငံတွင် ရောက်ရှိနေသည့် မြန်မာနိုင်ငံသား တွေကို ကာကွယ်စောင့်ရှောက်သမတစေလွတ်လိုက်သည့်အထူးကိုယ်စားလှယ် အဖွဲ့နှင့်အမေးအဖြေ

ဘယ်နိုင်ငံမှာပဲရောက်ရောက် မြန်မာနိုင်ငံသား တွေကို ကာကွယ်စောင့်ရှောက် ပေးရမယ့် အဓိက တာဝန်ဟာ သံရုံးရဲ့တာဝန်ပဲ ဆိုပြီးတော့မှ ပြောကြားထားတာ ရှိပါတယ်။ မြန်မာသံရုံးတွေရဲ့ တာဝန်ကလည်း အဲဒါ အဓိက ဖြစ်ပါတယ်။ မြန်မာ နိုင်ငံသားများကို အတတ်နိုင်ဆုံး ကာကွယ်စောင့်ရှောက် ပေးဖို့ အတွက် ညှိနှိုင်းဆွေးနွေးမှု လက်တွေ့လုပ်ဆောင်ဖို့ ဖြစ်ပါ တယ်။ [ဦးဇင်ယော်၊ ဒုတိယဝန်ကြီး]
--------------------------------------------------------------------------------------
တရားမဝင်သည်ဖြစ်စေ၊ တရားဝင်သည်ဖြစ်စေ၊ ကိုယ့် နိုင်ငံသား အားလုံးကို ကူညီပါမယ်။
[ဒေါ်ဝင်းမော်ထွန်း၊ ဒုတိယဝန်ကြီး]
--------------------------------------------------------------------------------------

ရန်ကုန် ဇွန် ၁၁

မလေးရှားနိုင်ငံတွင် ရောက်ရှိနေသည့် မြန်မာနိုင်ငံသား ရွှေ့ပြောင်း လုပ်သားများ၏ လတ်တလော ဖြစ်ပေါ်နေသည့် အခြေအနေများနှင့် စပ်လျဉ်း၍ မြေပြင်ကွင်းဆင်း စုံစမ်းရန်နှင့် သက်ဆိုင်ရာ ဝန်ကြီးဌာနများနှင့် တွေ့ဆုံဆွေးနွေးရန် နိုင်ငံခြားရေး ဝန်ကြီးဌာန ဒုတိယဝန်ကြီး ဦးဇင်ယော်၊ အလုပ်သမား၊အလုပ်အကိုင်နှင့် လူမှုဖူလုံရေး ဝန်ကြီးဌာန ဒုတိယ ဝန်ကြီး ဒေါ်ဝင်းမော်ထွန်း ခေါင်းဆောင်သည့် အထူးကိုယ်စားလှယ် အဖွဲ့သည် ယနေ့ညနေပိုင်းတွင် လေကြောင်းခရီးဖြင့် မလေးရှားနိုင်ငံသို့ ထွက်ခွာသွားရာ တာဝန်ရှိသူများက ရန်ကုန်အပြည်ပြည်ဆိုင်ရာ လေဆိပ်၌ ပို့ဆောင်နှုတ်ဆက်ကြသည်။

ယင်းသို့ မထွက်ခွာမီ ဒုတိယဝန်ကြီးများအား ရန်ကုန်အပြည်ပြည်ဆိုင်ရာလေဆိပ် ဧည့်ခန်းမ၌ တွေ့ဆုံကာ ယင်းတို့၏ အမြင် သဘောထားများကို မြန်မာ့သတင်းစဉ် သတင်းအဖွဲ့က မေးမြန်းခဲ့သည်။

မေး ။ ။ မလေးရှားနိုင်ငံကို သွားရတဲ့ ရည်ရွယ်ချက်ကို သိပါရစေ။

ဖြေ ။ ။ မလေးရှားနိုင်ငံကိုသွားရတဲ့ ရည်ရွယ်ချက်က မလေးရှားနိုင်ငံမှာ ရောက်ရှိနေတဲ့ မြန်မာနိုင်ငံသားတွေကို အကြမ်းဖက် တိုက်ခိုက်မှုခံနေရတယ်။ အဲဒီကိစ္စအတွက် မလေးရှားအစိုးရနဲ့တော့ ပူးပေါင်းဆောင်ရွက်နေတယ။် ဒါပေမယ့် ကိုယ်တိုင် ကိုယ်ကျ သွားရောက်ြပီးတော့မှ တွေ့ဆုံပြီးတော့ ပိုပြီးထိရောက်တဲ့ အကာအကွယ်ပေးမှုတွေ ရရှိနိုင်ဖို့ သွားရောက်ခြင်း ဖြစ်ပါတယ်။ နောက် ဆေးရုံတက်နေရတဲ့ မြန်မာ နိုင်ငံသားတွေ ရှိတယ်။ သူတို့ကိုလည်းဝင်ပြီး အားပေးချင်တယ်။ အဲဒီမှာ ရောက်နေတဲ့ နိုင်ငံသားတွေ အနက် တရားမဝင် လာရောက်ပြီး အလုပ်လုပ်ကိုင်တယ်ဆိုလို့ရှိရင် သူတို့ဖမ်းပြီးတော့မှ စိစစ်နေတာပေါ့၊ စိစစ်နေတဲ့ အခါမှာ မြန်မာနိုင်ငံသားတွေလည်း ပါတယ။် သူတို့တွေအတွက် ရှေ့ဆက်ပြီးတော့ ဘယ်လိုဆောင်ရွက်မလဲ၊ ဘယ်လောက်ထိ ဒုက္ခရောက်နေသလဲ။ ကူညီနိုင်မလဲ။ ဒါတွေကို မလေးရှားနိုင်ငံခြားရေးဝန်ကြီးဌာန၊ မလေးရှား ပြည်ထဲရေးဝန်ကြီးဌာန၊ မလေးရှားအလုပ်သမားဝန်ကြီးဌာန စသည်ဖြင့် သွားရောက်ပြီး တွေ့ဆုံပြီးတော့ ညှိနှိုင်းဆွေးနွေးဖို့ ဖြစ်ပါတယ်။ ညှိနှိုင်းဆွေးနွေးမှုက နေပြီးတော့ ရရှိလာမယ့် အချက် အလက်တွေ နောက် တကယ့် လက်တွေ့ တွေ့ကြုံမှုတွေကိုမြင်ပြီး အဖွဲ့ဝင်အဖြစ် အတူလိုက်ပါမယ့် မြန်မာအလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာန ဒုတိယ ဝန်ကြီးနဲ့အတူ မလေးရှားမှာရှိနေတဲ့ မြန်မာသံအမတ်ကြီး၊ မလေးရှားမှာ ရှိနေတဲ့ မြန်မာအသိုင်းအဝိုင်း အားလုံးနဲ့ တွေ့ဆုံ ဆွေးနွေးပြီးတော့မှ အကောင်းဆုံး အခြေအနေဖြစ်အောင် ဖန်တီးပေးဖို့ပဲ ဖြစ်ပါတယ်။ အတိ ဒုက္ခရောက်နေတယ်ဆိုတာကို သိရဲ့သားနဲ့ နိုင်ငံတော်အစိုးရအနေနဲ့ ပစ်ထားခြင်း မရှိပါဘူး။

ယခင်တုန်းကလည်း ရရှိတဲ့ သတင်းတွေအပေါ် ဖြစ်ခဲ့တာတော့ အရင်လ ၂၉ ရက်နေ့ ကတည်းက စတာပေါ့၊ ပြီးတော့မှ အကြမ်းဖက်တိုက်ခိုက်မှုခံရတာတွေ ရှိတယ်။ ခဏ ရပ်ဆိုင်းသွားတယ်။ အဲဒီနောက်ပိုင်းမှ မလေးရှားနိုင်ငံကို အကူအညီပေး ဖို့ပြောတယ်။ နောက်တစ်ခါ မြန်မာနိုင်ငံသားတွေကို ကာကွယ်ပေးဖို့ ပြောလိုက်တဲ့အခါမှာ သူတို့အနေနဲ့လည်း ခွဲခြား တာပေါ့၊ ခွဲခြားတယ်ဆိုတဲ့ အကြောင်းရင်းကတော့ တရားဝင် လာတာလား၊ တရားမဝင်လာတာလား၊ ခွဲခြားတဲ့ အခြေ အနေတွေ ဖြစ်ပေါ်လာပြီးတော့ ယနေ့ထိ ဖြစ်နေတဲ့ အခြေအနေကတော့ ဆက်ပြီးတော့ ခွဲခြားမယ့် အခြေအနေတွေ ရှိနေသေးတယ်။ နောက်အလားတူကိစ္စမျိုးတွေ အကြမ်းဖက်တိုက်ခိုက်မှုတွေ ထပ်မဖြစ်အောင် ဒီဟာတွေကိုပဲ ဦးစားပေး ပြီးတော့ ဆောင်ရွက်သွားဖို့ပဲ ဖြစ်ပါတယ်။

မေး။ ။ အခု အဲဒီမှာ သေဆုံးသွားတဲ့ မြန်မာလူမျိုးတွေရဲ့ ရုပ်အလောင်းတွေကို ဒီဘက်အစိုးရအနေနဲ့ ဘယ်လိုစီမံထားမလဲ ဆိုတာ သိပါရစေ။

ဖြေ။ ။ သူတို့ မလေးရှားနိုင်ငံရဲ့ ဥပဒေအရ သေမှုသေခင်းဖြစ်တယ်ဆိုပါစို့၊ ရဲအရေးပိုင်တဲ့ အမှုတွေဖြစ်ပါတယ်၊ ရဲလုပ်ထုံး လုပ်နည်းအရ ဘယ်သူ ဘယ်ဝါဆိုတာ စိစစ်တာပေါ့၊ စိစစ်တဲ့အခါမှာ သူတို့လည်း စိစစ်လို့မရဘူး။ ဒါပေမယ့် မြန်မာနိုင်ငံသား ဖြစ်တယ်လို့ ယူဆရတာပေါ့။ နောက်ြပီးတော့မှ ဘေးကပြောတဲ့ အရရော စိစစ်ချက်အရရော ဖြစ်တယ်လို့ယူဆရင် သံရုံးကို လာပြီးတော့မှ မြန်မာနိုင်ငံသား ဟုတ်မဟုတ် စိစစ်ပေး ပါဆိုပြီး ညှိနှိုင်းတယ်။ နောက် စိစစ်လို့ရလို့ရှိရင်လည်း သူတို့ သင်္ဂြိုဟ် ချင်ပါတယ်။ သင်္ဂြိုဟ်ခွင့်ရှိလို့ရှိရင် သံရုံးကနေပြီးတော့ သင်္ဂြိုဟ်ခွင့်ပေးတဲ့ အခါမှာ သင်္ဂြိုဟ်လို့ ရပါတယ်။ ခု လောလော ဆယ်တော့ သေဆုံးတယ်ဆိုတဲ့အနေနဲ့ ရဲကလာပြီးတော့ ပြောဆိုတာကတော့ လေးဦးပဲ ရှိပါတယ်။ အဲဒီအနက် တစ်ဦး ကိုတော့ သဂြီုဟ်ခွင့် တောင်းတဲ့အတွက် သင်္ဂြိုဟ်ခွင့် ပြုပြီးပါပြီ။

မေး။ ။ ဘယ်မှာ သင်္ဂြိုဟ်ဖြစ်လဲ။

ဖြေ။ ။ မလေးရှားနိုင်ငံမှာပါ။

မေး။ ။ သင်္ဂြိုဟ်တယ်ဆိုတော့ ကုမ္ပဏီ အစီအမံနဲ့လား၊ သံရုံး အစီအစဉ်နဲ့လား။

ဖြေ။ ။ သံရုံးအစီအစဉ်နဲ့ မဟုတ်ပါဘူး။ သူတို့ရဲ့ ရဲအစီအစဉ်ဖြစ်မယ်။ နာရေးကူညီမှု အစီအစဉ်ဖြစ်မယ်။ သံရုံးက လိုတဲ့ကိစ္စ ကိုပဲ ကူညီနိုင်ပါတယ်။

မေး။ ။ တကယ်လို့ မြန်မာပြည်ကိုပြန်လာမယ့် အလုပ်သမားတွေနဲ့ ပတ်သက်ပြီးတော့ ဘယ်လိုမျိုး ဆက်ပြီး ကူညီပေးသွားမလဲ။

ဖြေ။ ။ မြန်မာနိုင်ငံကို ပြန်လာရမယ့် အခြေအနေ ရောက်နေတဲ့လူတွေ ရှိနေပြီဆိုတာ သိရပါတယ်။ အဲဒီတော့ မြန်မာ နိုင်ငံကိုပြန်လာဖို့ ဘယ်လိုအစီအစဉ် ရှိမလဲ၊ ဘယ်လို ဆောင်ရွက်မလဲ၊ ညှိနှိုင်းရမှာ ဖြစ်ပါတယ်။ ခုလောလောဆယ် မလေးရှား နိုင်ငံမှာ အလုပ်သမား တရားဝင် ဟုတ်မဟုတ် စိစစ်တာတွေက များပြားတဲ့အတွက် ပထမဦးဆုံး လူတစ်ထောင် ဖမ်းတယ်ဆိုပြီးတော့ သတင်းရတာပေါ့၊ ဒါပေမယ့် အကုန်လုံးကို စိစစ်ပြီးတော့ ပြန်လွှတ်လိုက်တဲ့ အခါမှာ ၁၉၆ ဦးပဲ ကျန်နေတာတို့၊ နောက်တစ်ခါ စိစစ်တဲ့ အထဲမှာ UNHCR ရဲ့ ကတ်ပေါ့။ သူရဲ့ တရားဝင်ကတ် ကိုင်ဆောင်တယ်ဆိုပေမယ့် အတုတွေ ကိုင်ဆောင်သူတွေ ရှိနေတာပေါ့၊ ရှိနေတော့ အဲဒီလူတွေအတွက် ထပ်ပြီးတော့ စိစစ်နေတယ်။ စိစစ်ပြီးတော့ ပုံမှန်အားဖြင့် သူတို့ ဆက်လက် ထိန်းသိမ်းထားတယ်။ တရားမဝင် ဝင်ရောက်တဲ့သူတွေ ဖြစ်တွေအတွက် ပြန်ပို့ဖို့ဆို ပြီးတော့ စီစဉ်ပါတယ်။ ဟိုတုန်းကလည်း အဲဒီလိုအစီအစဉ်မျိုးတွေရှိခဲ့ပါတယ်။ သူတို့က ဒီတရားဝင် ဟုတ် မဟုတ် စိစစ်တာ များတဲ့အတွက် နည်းနည်းပိုပြီးတော့ လူဦးရေ ပိုပြီးတော့ များလာမယ်လို့ ယူဆပါတယ်။ အဲဒီအတွက် နှစ်ဖက် ညှိနှိုင်းပြီးတော့ ဆောင်ရွက်ပေးဖို့တို့၊ နောက်တစ်ခါ သယ်ယူပို့ဆောင်ရေး စီစဉ်ပေးဖို့တို့ နောက်မြန်မာနိုင်ငံသား ဖြစ်ကြောင်းပေါ့၊ ဒီ (စီရောဖိုင်) လို့ ခေါ်တဲ့လက်မှတ်ပေါ့၊ Identity ကတ်ထုတ်ပေးဖို့အတွက် ဆက်လက် ပြီးတော့ စီစဉ်ဆောင်ရွက်သွားမှာ ဖြစ်ပါတယ်။

မေး။ ။ နောက်အလားတူ ဒီလိုမျိုး ပြဿနာတွေ ထပ်ဖြစ်လာမယ်ဆိုရင် နောက်ထပ် ဒီလိုမျိုး အလုပ်သမားတွေကို ဘယ်လိုဆက်ပြီး ကာကွယ်ပေးသွားမလဲ သိပါရစေ။

ဖြေ။ ။ ဒီလိုပြဿနာတွေကို စဖြစ်ပြီဆိုကတည်းက ကျွန်တော်တို့ နိုင်ငံခြားရေးဝန်ကြီးဌာန အနေနဲ့ မလေးရှား နိုင်ငံခြားရေး ဝန်ကြီးဌာနကို ကွာလာလမ်ပူမှာရှိတဲ့ သံအမတ်ကြီးကို သွားပြီး တွေ့ဆုံပြီးတော့မှ အကာအကွယ်ပေးဖို့ တရားဝင် ပြော ဆိုပါတယ်။ ကျွန်တော် တို့လည်း ဒီကနေပြီးတော့မှ မြန်မာနိုင်ငံဆိုင်ရာ မလေးရှားသံအမတ်ကြီး ခေါ်ပြီးတော့ မြန်မာ နိုင်ငံသားတွေကို အကာအကွယ်ပေးဖို့ ဒီလိုတိုက်ခိုက်မှုမျိုးတွေ ထပ်မံမဖြစ်ပွား ဖို့ရာ စောင့်ရှောက်ဖို့ နောက်တစ်ခါ ကျူးလွန် တဲ့သူတွေကိုလည်း ဖော်ထုတ်ပြီးတော့ ထိထိရောက်ရောက် အရေးယူဖို့ဆိုတဲ့ အချက်အလက်လေးတွေ တောင်းဆိုပြီးသား ဖြစ်ပါတယ်။ အဲတော့ ဒီလိုတောင်းဆိုတာဟာ သံတမန်အနေနဲ့ နှစ်နိုင်ငံချင်းအနေဲ့ အဆင့်မြင့် ဆောင်ရွက်ခြင်း ဖြစ်ပါတယ်။ အဲဒီအတွက်လည်း မလေးရှားနိုင်ငံအနေနဲ့ ကာကွယ်ပေးဖို့ ဆိုပြီးတော့မှ ရဲကင်းတွေတိုးပြီးတော့ လှည့်တာ၊ တိုးမြှင့် ပြီးတော့ စောင့်ရှောက်တာ၊ သံရုံးကို ကာကွယ်စောင့်ရှောက်ပေးတာမျိုး ဆောင်ရွက်ပါတယ်။ အဲဒီတစ်ပိုင်းထဲ မှာပဲ အော်ပရာစီ လို့ ခေါ်တဲ့ အော်ပရေးရှင်း စစ်ဆင်ရေးသဖွယ် လုပ်ပြီးတော့မှ ဒုစရိုက် ရပ်ကွက်ထဲမှာ နေထိုင်နေတဲ့ နိုင်ငံခြားသား၊ ခုနပြောတဲ့ ဒီအဖွဲ့တွေကို ဖမ်းဆီးပြီး တရားဝင်လာရောက်တာ ဟုတ်၊ မဟုတ် စိစစ် ဆောင်ရွက်တဲ့ ဟာတွေ ဆောင်ရွက်ပါ တယ်။ ဒီလိုဆောင်ရွက်ခြင်းအားဖြင့် ဒီတရားမဝင် ရောက်နေတဲ့ ကြားမှာ ဖြစ်ပွားနေတဲ့ ပဋိပက္ခတွေပြီး သွားအောင် ၊ လျော့နည်း သွားအောင် တစ်ဖက်တစ်လမ်းက ဆောင်ရွက်နေတာလည်း ရှိပါတယ်။ အဲတော့ သူတို့အနေအထား အရ သူတို့နိုင်ငံမှာ တရားဝင် လာရောက်နေထိုင်တဲ့ ပြည်သူတွေကို ဥပဒေအကြောင်းအရ ကာကွယ်ဖို့ရှိတယ်။ တရားမဝင် ဝင်ရောက်တဲ့သူတွေကိုလည်း သင့်တော်တဲ့နည်းနဲ့ ထိန်းသိမ်းပြီးတော့ ဘေးအန္တရာယ် မရောက်အောင် ကာကွယ်နိုင်တဲ့ နည်းလမ်းရှိတယ်။ ပြန်ပို့ခြင်းအားဖြင့် ဘေးအန္တရာယ် မရောက်အောင် နည်းလမ်းတွေ ရှိပါတယ်။ အဲတော့ အားလုံးကို သံရုံးနဲ့ အဆက်မပြတ် မလေးရှားနိုင်ငံ ရဲတပ်ဖွဲ့နဲ့ သက်ဆိုင်ရာက နေပြီးတော့ သူတို့ ဆောင်ရွက်နေတာ သတင်းပို့နေ တယ်။ အတတ်နိုင်ဆုံး ကူညီဆောင်ရွက်ပေးနေတယ် ဆိုတာကိုလည်း လက်တွေ့လည်း ပြသတယ်။ သတင်းလည်း ပို့တယ်။ ပူးပေါင်းလည်း ဆောင်ရွက်နေတာကို တွေ့ရပါတယ်။

မေး။ ။ အခုသွားမယ့် ဒီခရီးကို ဘယ်လိုမျှော်လင့်ထားပါသလဲ။

ဖြေ။ ။ ကျွန်တော်တို့ နိုင်ငံသားတွေအတွက် အကောင်းဆုံး ဖြစ်အောင်ပေါ့၊ နိုင်ငံတော်သမ္မတကြီးက ဘယ်နိုင်ငံမှာပဲရောက်ရောက် မြန်မာနိုင်ငံသား တွေကို ကာကွယ်စောင့်ရှောက် ပေးရမယ့် အဓိက တာဝန်ဟာ သံရုံးရဲ့တာဝန်ပဲ ဆိုပြီးတော့မှ ပြောကြားထားတာ ရှိပါတယ်။ မြန်မာသံရုံးတွေရဲ့ တာဝန်ကလည်း အဲဒါ အဓိက ဖြစ်ပါတယ်။ မြန်မာ နိုင်ငံသားများကို အတတ်နိုင်ဆုံး ကာကွယ်စောင့်ရှောက် ပေးဖို့ အတွက် ညှိနှိုင်းဆွေးနွေးမှု လက်တွေ့လုပ်ဆောင်ဖို့ ဖြစ်ပါ တယ်။ ခုဟာ နိုင်ငံရပ်ခြားဖြစ်တဲ့ အတွက် နှစ်နိုင်ငံ သဘောတူညီချက်အရသာ ဆောင်ရွက်ရတာ ဖြစ်ပါတယ်။ တခြားနိုင်ငံမှာ ကိုယ်က ဧည့်သည် ဖြစ်တဲ့ အတွက် အိမ်ရှင်နိုင်ငံရဲ့ ဥပဒေဘောင် အတွင်းကသာ ပေးနိုင်မှုတွေ၊ အကူအညီပေး နိုင်မှုတွေ၊ လုပ်လို့ရပါတယ်။ ကျွန်တော်တို့ အပိုင်းက သွားပြီးတော့မှ ပြောတယ်၊ ဆိုတယ်၊ တောင်းဆိုတယ်၊ ကိုယ်တိုင် ဒီအဆင့်ပဲ ရှိတယ်။ ကိုယ်တိုင် သွားစောင့်ရှောက်ဖို့အတွက် ဒီလူတွေကို တစ်နေရာမှာ ထိန်းသိမ်း ထားဖို့ ကျွေးမွေးထားဖို့ ဒီကိစ္စတွေ မြန်မာနိုင်ငံက အလှူရှင်များ အနေဖြင့် ဒုက္ခ ရောက်နေတဲ့သူတွေ၊ ဆေးရုံတက်နေတဲ့သူတွေ ကူညီဖို့ စနေပါပြီ။ ပြန်ခေါ်မယ် ဆိုလို့ ရှိရင်လည်း လေယာဉ်ပျံစရိတ်ကို လျှော့ပေါ့ပြီးတော့မှ ကူညီမယ်ဆိုတဲ့ အဖွဲ့တွေလည်း ပေါ်ပေါက်နေပါပြီ။ မလေးရှား နိုင်ငံမှာ ရောက်ရှိနေလို့ ရှိရင်တော့ ဒါတွေကို ဘယ်လို စီစဉ်ဆောင်ရွက် သွားမလဲဆိုတာ သက်ဆိုင်ရာ အဖွဲ့အစည်းများနဲ့ တိုင်ပင် ပြီးတော့မှ စဉ်ဆက်မပြတ် ဆောင်ရွက်သွားဖို့ အခြေအနေ ရှိပါတယ်။

မေး။ ။ ဆိုရှယ်နက်ဝပ်တွေမှာ မလေးရှား နိုင်ငံမှာရှိတဲ့ မြန်မာသံရုံးရဲ့ လုပ်ဆောင်ချက် တွေကို အားမလို အားမရ ဖြစ်နေတယ်လို့ သိရပါတယ်။ အဲဒီအပေါ်မှာ ဘယ်လို ထင်မြင်သုံးသပ် ပါသလဲ။

ဖြေ။ ။ သံရုံးရဲ့ လုပ်ဆောင်ချက်တွေမှာ သံရုံးအနေနဲ့ကတော့ တရားဝင် အဖွဲ့အစည်းလည်း ဖြစ်ပြီးတော့ တရားဝင် နိုင်ငံတော်ကို သတင်းပို့ရတာ ဖြစ်ပါတယ်။ ကျွန်တော်တို့ နိုင်ငံခြားရေး ဝန်ကြီးဌာနကို ပို့တယ်ဆိုလို့ရှိရင် ကျွန်တော်တို့ကလည်း နိုင်ငံခြားရေး ဝန်ကြီးဌာနကနေ ပြီးတော့မှတစ်ဆင့် နိုင်ငံတော်သမ္မတရုံးကို တင်ပြပါတယ်။ အဲဒီလို တင်ပြတဲ့အခါမှာ သတင်းအချက်အလက်က ခိုင်မာတိကျဖို့လိုပါတယ်။ ခိုင်မာတိကျ ဖို့လိုတဲ့ အတွက် ဘာကိုစောင့်ရလဲဆိုလို့ရှိရင် အချိန်က Delay ဖြစ်သွားပါတယ်။ ဖြစ်လိုက်တယ်။ အခုချက်ချင်း မပြောနိုင်ပါဘူး။ မောင်ဖြူဖြစ်တယ်၊ မောင်ဖြူ သေချာလား၊ မောင်ဖြူ ဆိုတာ ဘယ်တုန်းက ရောက်လဲ၊ ဒဏ်ရာရတယ်၊ ဘယ်လောက်ရတာ လဲ။ ဆေးရုံတက်တယ်၊ ဘယ်မှာတက်တာလဲ စသည် ဖြင့်ပေါ့၊ အဆင့်ဆင့်ကို ကိုယ်တိုင်သွား မကြည့်နိုင်တာလဲ ရှိတယ်။ သက်ဆိုင်ရာ ရဲပေါ့နော်၊ ရဲဌာန၊ ပြည်ထဲရေး ဌာန၊ နောက် ဆေးရုံ၊ ဒီဟာတွေနဲ့ ဆက်ပြီးတော့ အတည်ပြုတာပေါ့၊ အတည်ပြုလို့ရတဲ့ တိုက်ခိုက်ခံရလို့ ဆေးရုံတက်တဲ့ သူတွေကို သံအမတ်ကြီးကိုယ်တိုင် သွားကြည့်ပြီးတော့ အလှူငွေတွေ ပေးအပ်ခဲ့တာ ရှိပါတယ်။ ခု ဒီမှာပေါ်လာတယ်၊ ဒီမှာ ဖြစ်နေပြီ၊ မသိသေးဘူး၊ ဒါဟာ ဘာမှ အကူအညီ မပေးသေးဘူးလား၊ အကာအကွယ် မပေးသေးဘူးလားလို့ ပြောတဲ့သူတွေ ကိုလည်း အပြစ် မတင်ချင်ပါဘူး။ ဘာဖြစ်လို့လဲဆိုတော့ သူတို့က ကိုယ့်နိုင်ငံသားကို ကာကွယ်ပေးချင်တဲ့ ဆန္ဒနဲ့ ပြောတာပဲ ဖြစ်ပါတယ်။ ဒါပေမယ့် သိစေချင်တဲ့ အချက်လေးကတော့ တရားဝင် လုပ်ဆောင်ရတယ်။ အတည်ပြုချက် ယူရတယ်၊ တာဝန်အရ လုပ်ရတာ ဖြစ်တဲ့အတွက် အချိန်ကို စောင့်ပါတယ်။ စောင့်တဲ့အတွက်လည်း ဒီသတင်းပို့မှု စနစ်တွေ နှောင့်နှေး သွားပါတယ်။ သတင်းထဲမှာ ပါတဲ့ဟာတွေက Live မဖြစ်ဘူး။ Live မလွှင့်နိုင်ဘူး။ မပြောနိုင်ဘူး၊ မဆိုနိုင်ဘူး၊ အဲတော့ သံရုံးအနေနဲ့က ဖြစ်တဲ့ အဖြစ်အပျက် အနေအထား အားလုံးကို မေ ၂၉ ရက်က စပြီးတော့ ၃ဝ ရက် ဖြစ်တယ်၊ ၃၁ ရက်ဖြစ်တယ်။ ၁ ရက်ဖြစ်တယ်၊ ၂ ရက်ဖြစ်တယ်၊ ၃ ရက်ဖြစ်တယ် တင်ပါတယ်။ ကျွန်တော်တို့ အနေနဲ့လည်း တင်ပြရတဲ့ ကြားခံအဆင့်လည်း မဟုတ်ပါဘူး။ သံအမတ်ကြီးကို ဆေးရုံကို သွားရောက်ကြည့်ရှုဖို့၊ ဘုန်းတော်ကြီးကျောင်းမှာ ဘုန်းတော် ကြီးနဲ့ စဉ်ဆက်မပြတ် ဆက်သွယ်ပြီးတော့မှ ဆောင်ရွက်နေဖို့ စသည်ဖြင့် ညွှန်ကြားချက်တွေ ပေးပါတယ်။ သတင်းထုတ်ပြန်ဖို့ လည်း ပြန်ကြားရေး ဝန်ကြီးဌာနနဲ့ သတင်းတွေထုတ်ပြန်ဖို့ ဆိုပြီးတော့မှ အချိန်မီ ဆောင်ရွက်ပေးတာ ရှိပါတယ်။ Delay ဖြစ်တယ် ဆိုတာမှန်ပါတယ်။ ဖြစ်ရတဲ့ အကြောင်းရင်းက ခုနကလို တိကျသေချာအောင် ကျွန်တော်တို့ ဆောင်ရွက်ရခြင်း ဖြစ်ပါ တယ်။

မေး။ ။ မြန်မာပြည်တွင်းမှာ စိုးရိမ်ပူပန်နေတဲ့ မိဘတွေကို နှစ်သိမ့်အားပေးတဲ့ စကားလေး ပြောပေးပါဦး ခင်ဗျာ။

ဖြေ။ ။ ကျွန်တော်တို့ အနေနဲ့ကတော့ ဒီမိဘကလည်း မိဘတာဝန်၊ နိုင်ငံတော်အစိုးရ အနေနဲ့ တိုင်းသူပြည်သားဆိုတာ သားသမီးလိုပါပဲ။ သူတို့ကို ကာကွယ်စောင့်ရှောက်ဖို့ အတွက် တန်းတူရည်တူပေါ့၊ တာဝန်ရှိပါတယ်။ ဆောင်ရွက်ပေးရမှာ ရှိပါတယ်။ ကျွန်တော်တို့ အနေနဲ့ကတော့ အကောင်းဆုံးဖြစ်အောင် ဆောင်ရွက်ပေးမယ်။ သန္နိဋ္ဌာန်ချ ထားပါတယ်။ သက်ဆိုင်ရာ အဖွဲ့အစည်းတွေနဲ့ ညှိပြီးနောက် သူရဲ့ ဥပဒေတွေရှိတယ်။ ဒီဟာတွေနဲ့အညီ လိုက်လျောညီထွေအောင် လုပ်တဲ့အခါမှာ မျှော်လင့်ထားတာတွေ အတိုင်း ဖြစ်ချင်မှလည်း ဖြစ်မယ်။ ဒါပေမယ့်လည်း တရားဥပဒေဘောင် အတွင်းက နှစ်နိုင်ငံ ဆက်ဆံရေး မထိခိုက်စေဘဲနဲ့ ဆောင်ရွက်ပေးနိုင်မယ်။ တရားမဝင် နေထိုင်တဲ့ သူတွေကို ပြန်လည် ပြီးတော့ ခေါ်ဆောင်ပေးနိုင်မယ်။ ဆက်ပြီးတော့ အလုပ်လုပ်မယ့် သူတွေရှိ ပါတယ်။ ဆက်ပြီး အလုပ်လုပ်မယ့်သူတွေ တရားဝင် အလုပ်လုပ်မယ့် သူတွေကိုလည်း ဂရုတစိုက် ဆောင်ရွက်ပေးဖို့ပေါ့၊ ကျွန်တော်တို့ ဒါတွေတိုက်တွန်းတယ်။ နောက် သူတို့ကို အလုပ်ခန့်ထားတဲ့ သူတွေရှိပါတယ်။ အခု မလေးရှားနိုင်ငံမှာ ကျယ်ကျယ် ပြန့်ပြန့် ပြောနေပါ တယ်။ ပြောနေ တာကတော့ အလုပ်ရှင်နဲ့ အလုပ်သမားတွေကို ကာကွယ်ပေးဖို့ပေါ့၊ ဘာဖြစ်လို့လဲဆိုတော့ အဲဒီရဲ့လုပ်အားဟာ ခုနက ဆောက်လုပ်ရေး လုပ်ငန်း၊ စိုက်ပျိုးရေး လုပ်ငန်း၊ စားသောက်ဆိုင် လုပ်ငန်းကြီးတွေမှာ မရှိမဖြစ် အရေးပါနေ တယ်ဆိုတာ လုပ်ငန်းရှင်တွေက သိရှိပြီးဖြစ်ပါတယ်။ အလုပ်ရှင် ကိုယ်တိုင်က တစ်တပ်တစ်အား ပါဝင်ပြီးတော့မှ ကာကွယ်နိုင် မယ်၊ စောင့်ရှောက်နိုင်မယ် ဆိုရင် လက်ရှိလုပ်နေတဲ့သူတွေ ကျန်ခဲ့မယ့် သူတွေအတွက် စိတ်ချရမှာ ဖြစ်ပါတယ်။

မေး။ ။ သေဆုံးတဲ့ သူတွေကို မလေးရှားနိုင်ငံမှာ သင်္ဂြိုဟ်မယ်လို့ သိရပါတယ်။ ဒီမှာ ကျန်ခဲ့တဲ့ မိသားစုတွေနဲ့ ဆက်သွယ်ပေးနိုင်ဖို့ ဘယ်လိုအစီအစဉ် ရှိပါသလဲ။

ဖြေ။ ။ မလေးရှားနိုင်ငံမှာ သေဆုံးတယ် ဆိုလို့ရှိရင် ခုနက ရဲအမှုပိုင်တဲ့ အမှုရှိပါတယ်။ နောက်တစ်ခါ အက်ဆီးဒင့် နဲ့ သေဆုံးတာမျိုးလည်း ရှိပါတယ်။ ဘာပဲဖြစ်ဖြစ် အလုပ်လုပ်ရင်း သေဆုံးတယ် ဆိုတဲ့အခါ မလေးရှား ဥပဒေအရ သူတို့ ချက်ချင်း သင်္ဂြိုဟ်လို့မရပါဘူး။ မရတဲ့ အကြောင်းရင်းကတော့ အထူးသဖြင့် အလုပ်သမားပေါ့၊ အလုပ်သမားကို ဒီဘက်က မြန်မာပြည်မှာ ရှိနေတဲ့ မိဘဆွေမျိုး အသိုင်းအဝိုင်းရဲ့ ခွင့်ပြုချက် မရဘဲနဲ့ သင်္ဂြိုဟ်တယ် ဆိုလို့ရှိရင် တရားစွဲတာတို့ လုပ်နိုင်ပါတယ်။ အဲလို အလုပ်သမားတွေ ဆုံးပြီဆိုလို့ရှိရင် တစ်နည်းနည်းနဲ့ပဲ ပတ်ဝန်းကျင်က သတင်းပို့တယ်။ သူတို့ကပဲ ဆက်သွယ်တဲ့အတွက် ဒီနိုင်ငံမှာ ရှိနေတဲ့ မိသားစုက သိသွားတာပါပဲ။ သိသွားတော့ခုန အလုပ်ရှင်နဲ့ ပတ်သက် ပြီး လျော်ကြေးကိစ္စတို့ ကျန်တဲ့ကိစ္စတို့ ဆောင်ရွက်နိုင်ဖို့အတွက် ပြောဆိုညှိနှိုင်းတဲ့ ဟာတွေရှိပါတယ်။ ပြီးတော့ ဒီဟာ အတွက် ဆောင်ရွက်ပြီးတဲ့ အခါမှာ၊ ဒါမှမဟုတ်လဲ ဆောင်ရွက်နေဆဲအခါ မိဘတွေက ဆွေမျိုး အသိုင်းအဝိုင်းတွေက သင်္ဂြိုဟ် စေချင်တယ်ဆိုရင် နိုင်ငံခြားရေး ဝန်ကြီးဌာနကို အကြောင်းကြားပါတယ်။ ဒီလူကတော့ ဒီမှာ ဆုံးပါးနေပါပြီ။ တစ်ခါတလေ နိုင်ငံခြားရေးဝန်ကြီးဌာန မသိပါဘူး။ ဆုံး-မဆုံးဆိုတာ ဒီက မိသားစု မသိတော့ ဒီလူတော့ ဘယ်နေ့ဘယ်ရက်က ဆုံးသွားတယ်၊ သူ့ကို သင်္ဂြိုဟ်ဖို့ အတွက် မြှုပ်ပေးပါ ဆိုလို့ရှိရင် ဒီမြန်မာသံရုံးကို လှမ်းအကြောင်းကြား ပြီးတော့မှ ဒါသင်္ဂြိုဟ်ခွင့် တောင်းလာတဲ့အခါမှာ သင်္ဂြိုဟ်ခွင့် ပြုလိုက်ပါတယ်။

မေး။ ။ မိသားစုတွေထံ အကြောင်းကြား ပေးနိုင်ခြင်း၊ စီစဉ်ပေးနိုင်ခြင်း ရှိ-မရှိ သိပါရစေ။

ဖြေ။ ။ ဘယ်သူ ဘယ်ဝါဆိုတာကို နဂိုကတည်းက သိတယ်ပေါ့၊ ဒီဟာ ဖြစ်တယ်ဆိုလို့ရှိရင် ကျွန်တော်တို့ အကြောင်းကြားပေးနိုင်ပါတယ်။ ဥပမာ ဒီနေရာမှာ ဆုံးသွားတယ်၊ မောင် ဘယ်သူပေါ့၊ သူ့ ဒေသက ဘယ်အရပ်၊ ဘယ်ဒေသကပါ ဆိုလို့ရှိရင် အကြောင်းကြား ပေးနိုင်ပါတယ်။ ကျွန်တော်တို့အနေနဲ့ သိနေတဲ့သူတွေ အကြောင်းကြား ပေးနိုင်ဖို့ ဘာမျှ ဝန်လေးစရာ မရှိပါဘူး။

မေး။ ။ မလေးရှားမှာ တိုက်ခိုက်တဲ့ တရားခံတွေကို ဖမ်းဆီးမိခြင်း ရှိ-မရှိ သိပါရစေ။

ဖြေ။ ။ လောလောဆယ် အရတော့ ဖမ်းဆီးနိုင်ခြင်း မရှိသေးပါဘူး။ တိုက်ခိုက်မှုတွေမှာ CCTV ကင်မရာ ကနေပြီးတော့မှ ရိုက်ထားတာတွေ ရှိပါတယ်။ ဒီဟာတွေကို စုံစမ်း ဖော်ထုတ် ပြီးတော့မှ အရေးယူပေး ပါမယ်ဆိုပြီး သက်ဆိုင်ရာ အခင်းဖြစ်ပွားတဲ့ ရဲမှူးကိုယ်တိုင် သံရုံးမှာ လာပြီးတော့ ပြောလည်းပြောပါတယ်။ သတင်းလည်း ပို့သွား ပါတယ်။ အခုလောလောဆယ် ဖမ်းဆီးရမိခြင်း မရှိသေးဘူး။

ဒေါ်ဝင်းမော်ထွန်း
(ဒုတိယဝန်ကြီး၊ အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန)

မေး။ ။ တရားမဝင် ရောက်ရှိနေတဲ့ သူတွေအတွက် စာရင်းကောက်ပြီးတော့ မြန်မာနိုင်ငံကို ပြန်လိုပါက ဆောင်ရွက်ပေး နိုင်မယ့် အစီအစဉ်ရှိ-မရှိ သိပါရစေ။

ဖြေ။ ။ ရှိပါတယ်။ သံရုံးနဲ့ညှိမယ်။ တရားမဝင်သည်ဖြစ်စေ၊ တရားဝင်သည်ဖြစ်စေ၊ ကိုယ့် နိုင်ငံသား အားလုံးကို ကူညီပါမယ်။ တရားဝင် အထောက်အထား ရှိတဲ့သူတွေရော၊ မရှိတဲ့သူတွေရော ပြန်ချင်ရင် ပြန်နိုင်အောင် အကူအညီပေးမယ်။ ပြန်ဖို့ အတွက်ကိုလည်း လုပ်ပေးမယ်။ စာရင်းကတော့ ကောက်မယ်။ မကောက်လို့လည်း မဖြစ်ဘူး။ တကယ်တမ်း ရောက်နေ တယ်ဆိုတဲ့ တရားဝင် စာရင်းထက် တရားမဝင် ရောက်နေတာတွေက အရမ်းများတယ်။ အဲဒါတွေကလေ မှန်တာပြော ရင် ရေရှည်မှာ လူမှုရေး ပြဿနာမသေးရင် ကြိုတင်ကာကွယ်တာက ပိုကောင်းတယ်။ သူ ပြန်ချင်တဲ့ ဆန္ဒရှိရင် ပြန်ဖို့လုပ်ပေး မယ်။

Hmuu Zaw

အစိုးရသစ် တက်လာပြီး တပ်မတော်၏ လုပ်ဆောင်ချက်များလည်း ပြောင်းလဲလာ

အစိုးရသစ် တက်လာပြီး မြန်မာနိုင်ငံ၏ ပြုပြင်ပြောင်းလဲမှု အသစ်များတွင် တပ်မတော်ခေါင်းဆောင် များနှင့် တပ် မတော်၏ လုပ်ဆောင်ချက်များလည်း သိသာပြောင်းလဲလာခဲ့သည်။ ထိုပြောင်းလဲမှုများအနက် အဆင့် ဆင့် အမိန့်နာခံတတ်သော တပ်မတော်၏ သဘောထားအား တပ်မတော် ကာကွယ်ရေး ဦးစီးချုပ်၏ မိန့် ခွန်း များ၊ ညွှန်ကြားချက်များ မှ တစ် ဆင့် သိမြင်နိုင်ပေသည်။

၆၇ နှစ်မြောက် တပ်မတော်နေ့ မိန့်ခွန်းတွင် တပ်မတော်ကာကွယ်ရေး ဦးစီးချုပ်မှ လွှတ်တော်အသီးသီးတွင် တပ်မတော် သားများ ပါဝင်နေခြင်းနှင့် ပတ်သက်၍ ဖြတ်သန်းလာသည့် သမိုင်းကြောင်းများ အရ တပ် မတော်မှ နိုင်ငံတော်၏ အကျိုးကို ဖော်ဆောင်ရန် ပါဝင်နေခြင်း ဖြစ်ကြောင်း၊ တစ်နည်းအားဖြင့် အမျိုးသား နိုင် ငံရေး တာဝန် တစ်ရပ်ကို ထမ်းဆောင်နေခြင်း ဖြစ်ကြောင်း၊ ဖွဲ့စည်းပုံ အခြေခံ ဥပဒေ ပုဒ်မ ၂၀၊ ပုဒ်မခခွဲ(စ) အရ “တပ်မတော်သည် နိုင်ငံတော် ဖွဲ့စည်းပုံ အခြေခံ ဥပဒေကို ကာကွယ်စောင့်ရှောက် ရန် အဓိက တာဝန်ရှိတယ်” ဟု အတိအကျ ဖော်ပြတာဝန်ပေးအပ်ထားကြောင်း ပြောကြားခဲ့ပါသည်။

ဤတွင် အခြေခံ ဥပဒေပါ ၂၅% သော တပ်မတော်သားများကို နိုင်ငံရေး အဖွဲ့အစည်းအချို့နှင့် မီဒီ ယာများ ၏ ဝေဖန်မှုများ ရှိသော်လည်း စစ်ကျောင်းကြီးများ၊ စစ်ဦးစီး တက္ကသိုလ်များ၊ နိုင်ငံတော် ကာကွယ်ရေး တ က္က သိုလ် များ စသည့် တက္ကသိုလ် အဆင့်ဆင့်တွင် ပညာသင်ကြားခဲ့ပြီး ပြည်သူလူထုနှင့် အနီးကပ် ဆက် ဆံ ရသည့် နယ်မြေ အသီးသီးတွင် တာဝန်ထမ်းဆောင်ဖူးသူများ ဖြစ်သောကြောင့် လွှတ်တော်တွင်း အဆင် မပြေမှု များ မရှိ ခဲ့။ အတိုက်အခံဟု ဆိုထားသည့် ဒေါ်အောင်ဆန်းစုကြည်ပင်လျှင် ၄င်းတို့နှင့် လက် တွဲလုပ်ရ သည်ကို ၀မ်းသာ သည်ဟု သတင်းထောက်များအား ပြောဆိုခဲ့သည်။ နိုင်ငံတော် သမ္မတကြီးနှင့် ကာကွယ်ရေး ၀န်ကြီးတို့မှလည်း အနာဂတ် နိုင်ငံတော်တွင် အခြေခံဥပဒေအတိုင်း တပ်မတော်သား ၂၅% ကို ပြင်ဆင် သွားမည်ဖြစ်ကြောင်း ကို လည်း မီဒီယာများမှ တစ်ဆင့် ရှင်းပြခဲ့သည်။

တပ်မတော်သား ၂၅ % အား ပြည်တွင်း နိုင်ငံရေး အဖွဲ့အစည်းအချို့နှင့် မီဒီယာများ အာရုံ စိုက်နေကြသည့် ကာ လတွင် တပ်မတော်သား ၈၀ % မှာ နယ်စပ်ကျေးလက်အထိ လှည့်လည်ပြီး ပြည်သူလူထုအား ကျန်း မာရေး စောင့်ရှောက်ခြင်း၊ လုံခြုံရေး ဆောင်ရွက်ပေးခြင်းနှင့် ပြည်သူ့အကျိုးပြု လုပ်ငန်း များ ဆောင်ရွက် လျှက် ရှိ သည်။ ထိုသို့ နယ်လှည့်ရင်း ပြည်နယ် တစ်ခုအတွင်းမှ တောင်ပြိုကျနိုင်သည့် အန္တရာယ်များကို ပြည် နယ် အစိုးရသို့ သတိပေးခြင်း၊ ကျန်သည့် ပြည်နယ်များရှိ သဘာဝဘေးအန္တရာယ်များ ကို ကြိုတင် တား ဆီးနိုင် မည့် နည်းလမ်းများကို အကြံပေးခြင်းတို့ ကိုလည်း ပြုလုပ်ခဲ့ကြသည်။ တပ်မတော်နေ့ မိန့်ခွန်းမှ လူမျိုး တုန်း သတ်ဖြတ်မှု တပ်မတော်သမိုင်းတွင် မရှိကြောင်း၊ စိုက် ပျိုးရေး များ ကို ဆောင်ရွက်၍ တပ် ရင်း မှ ဒေသအတွင်း ကုန်ဈေးနှုန်းတက်ခြင်းကိုပင် ကာကွယ်စေလို သည့် အကြီးအကဲများ ၏ ဆန္ဒကို ပထမဆုံး ထုတ်ဖော်ပြောခြင်းဖြင့်လည်း နေရာအနှံ့တွင် တပ်ရင်းအ လိုက် ဆောင်ရွက်သည့် စိုက် ပျိုး ရေး လုပ်ငန်း များ ဖြစ်စေခဲ့သည်။

အစိုးရသစ် တာဝန်ယူပြီး နောက်ပိုင်း ဖြစ်ပေါ်လာသည့် သဘာဝ ဘေးအန္တရာယ် များကြောင့် ထိခိုက် ပျက် စီး မှု များအား လိုက်လံ ကူညီရာတွင် နိုင်ငံတော် သမ္မတကြီးနှင့် အတူ တပ်မတော် ကာကွယ် ရေး ဦးစီးချုပ် ကို လည်း မြင်တွေ့ ရမည် ဖြစ်သည်။ အဆိုပါ အချက်မှာ နောက်ကြောင်းပြန်လှည့်မည် ဆိုသော စကားဖြင့် ပြည် သူ လူထု ကို စိုးရိမ် ထိတ်လန့်မှုများ ပေးနေသည့် အဖွဲ့အစည်းအချို့၏ သွေးထိုးမှုကို လက်တွေ့ လုပ် ရပ်ဖြင့် ချေပခြင်း လည်း ဖြစ်သည်။ တပ်မတော်သည် အမျိုးသားနိုင်ငံရေးကို ဆောင်ရွက်ခြင်း ဖြစ်ပြီး ပါ တီနိုင် ငံရေး တွင် ပါဝင်မှု မရှိသဖြင့် မည်သည့်အစိုးရ တက်တက် နိုင်ငံတော်အတွက် ပူးပေါင်းဆောင် ရွက် မည် သာ ဖြစ်လေသည်။

ပြီးခဲ့သည့် ကချင်ပြည်နယ်မှ စစ်ပွဲများ ကာလအတွင်း တပ်မတော်ကာကွယ်ရေး ဦးစီးချုပ်မှ ထုတ်ပြန်ခဲ့ သည့် ကြေငြာချက်မှာလည်း နိုင်ငံတော် တည်ငြိမ်အေးချမ်းရေး အတွက် အစိုးရနှင့် တစ်သားတည်း ရှိနေေ ကြာင်း ဖော်ပြနိုင်ခဲ့သည်။ ဆွေးနွေးပွဲ တစ်ခု ပြုလုပ်ရန် တပ်မတော်မှ မည်မျှ လိုလားကြောင်း၊ အကြမ်းဖက် မှုကို လက် မခံကြောင်း၊ တည်ငြိမ်အေးချမ်းစွာဖြင့် နေထိုင်လိုပါက ချက်ချင်းအပစ်ရပ်ကာ ဆက်ဆံမည် ဖြစ်ေ ကြာင်း တို့ကို လက်တွေ့ ပြနိုင်ခဲ့သည်။ တပ်မတော်သား များစွာ အသက်နှင့် ကိုယ်လက်အင်္ဂါများ ပေး ဆပ် ခဲ့သော်လည်း ငြိမ်း ချမ်းရေးအတွက် ဆွေးနွေးပွဲများ စတင်ချိန်တွင် တိုက်ပွဲများကို ရပ်ဆိုင်းပေး ခဲ့သည်။ တစ်ချိန်တည်းတွင် နေပြည်တော်သို့ လာရောက်တွေ့ဆုံသည့် KNU အဖွဲ့ ခေါင်းဆောင်များနှင့် လည်း တရင်းတနှီး ပွေ့ဖက် နှုတ်ဆက်ခဲ့သည်။

အချိန်မရွေး ဖြစ်ပေါ်နိုင်သည့် ပြည်တွင်း အဓိကရုဏ်းများတွင် ၀င်ရောက်ဖြေရှင်းရန်အတွက် တပ်မတော် အနြေ ဖင့် အချိန်ကာလ အတိုင်းအတာ တစ်ခုထိ လိုအပ်လျှက်ရှိသည်။ ရခိုင်ပြည်နယ်မှ ဘင်္ဂလီ ပြဿနာ၊ မိထ္ထီ လာမှ စခဲ့သော အဓိက ရုဏ်း များတွင် တပ်မတော်၏ အရေးပါမှုကို သိစေခဲ့သည်။တရားဝင် လက် နက် ကိုင်ဆောင်ထားခြင်း၊ ဥပဒေနှင့်အညီ ဆောင်ရွက်ခြင်း၊ နေ့ည မရွေး ကင်းလှည့်စောင့် ကြည့်ခြင်း တို့ကြောင့် ပြည်သူလူထုအား လုံခြုံမှုများ ပေးခဲ့သည်။

ထိုနောက်ပိုင်း ရေကြီးသည့် နေရာများတွင် ရေဘေးကယ်ဆယ်ရေးများ ဆောင်ရွက်ခြင်း၊ နွေရာသီ ရေခမ်း

 ခြောက် သည့် ဒေသများတွင် သောက်သုံးရေကန်များ တူးဖော်ခြင်း၊ သောက်သုံးရေများ ဝေငှခြင်းများ ဆက် တိုက် လုပ်ဆောင်ခဲ့သည်။ တရားဥပဒေ စိုးမိုးရေးနှင့် ပတ်သက်၍ ပြည်မြို့တွင် ဖြစ်ပွားခဲ့သော တပ် မတော် သား (၃) ဦး အစွပ်စွဲခံရသည့် ကိစ္စတွင် တပ်မတော်မှ တာဝန်ရှိသူများ သွားရောက်ပြီး ဖြေရှင်းပေး ခဲ့သည်။

အစစ အရာရာ ပြုပြင်ပြောင်းလဲမှုများအား အစိုးရအဖွဲ့နှင့်အတူ ကန့်လန့်ကာ နောက်ကွယ်မှ တပ်မတော် ကာ ကွယ်ရေး ဦးစီးချုပ်၏ လမ်းညွှန်ချက်နှင့် အညီ တပ်မတော်မှ ဆောင်ရွက်လျှက် ရှိသည်။ မိထ္ထီလာတွင် ပဋိ ပက္ခများ ဖြစ်နေချိန်၌ တပ်မတော်နေ့ စစ်ကြောင်းများ၏ လုံခြုံရေး ယူနေသည့် တပ်ဖွဲ့များအား စေ လွှတ် ကာ ပြည်သူလူထုကို လုံခြုံစေခဲ့သည်။ မဟာစင် မုန်တိုင်း သတိပေးချက်နှင့်အတူ အရေးကြီး အစည်း အဝေး များမှ တပ်မတော် အရာရှိကြီးများကို စေလွှတ်ပြီး ကွပ်ကဲစေခဲ့သည်။

ထို့ကြောင့် ရေလိုကြောင်း သတင်းကြားသည့် နေရာတွင် ရေ ရစေရမည်။ နောက်ထပ် ဘာများ လိုချင် ပါသေး သလဲ ဟု…

Tuesday, June 18, 2013

၂၀၁၅ မှာ သမတအဖြစ်ရွေးချယ်သင့်သူ

အမျိုးသား ဒီမိုကရေစီအဖွဲ့ချုပ် ဥက္ကဋ္ဌနှင့် ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ် အေးချမ်းရေးကော်မတီ ဥက္ကဋ္ဌ ဒေါ်အောင်ဆန်းစုကြည် သည် ပြည်ပ ခရီးစဉ်တစ်ခုတွင် ၎င်းအနေနှင့် ၂၀၁၅ ခုနှစ်တွင် သမ္မတဖြစ်လိုကြောင်း ပြောကြားခဲ့ပြီး၂၀၁၃ ခုနှစ် ဇွန် လဆန်းက နေပြည်တော်တွင် ကျင်းပခဲ့သည့် ကမ္ဘာ့စီးပွားရေး ဖိုရမ်၌ သတင်းဌာန တစ်ခု၏ မေးမြန်းချက်ကို ဖြေကြားရာတွင်လည်း အလားတူ ဖြေကြားခဲ့ပါသည်။ ထို့အပြင် ပြည်သူ့လွှတ်တော် ဥက္ကဋ္ဌ သူရဦးရွှေမန်းကလည်း ၎င်း၏ အမေရိကန် ခရီးစဉ်တွင် RFA သတင်းဌာန၏ အမေးကို ဖြေကြားရာ၌ ၎င်းအနေနှင့် သမ္မတလုပ်ရန် ဆန္ဒရှိကြောင်း ထုတ်ဖော် ပြောဆိုခဲ့သည်ဟု သိရှိရပါသည်။

ကျွန်တော်တို့ငယ်စဉ် လူမှန်း မသိတသိ အချိန်တွင် မိဘ ဆွေမျိုးသားချင်း များက “လူလေးကြီးရင် ဘာလုပ်မယ်” ဟူသော မေးခွန်းမျိုး မကြာခဏ အမေးခံခဲ့ရဖူးပါသည်။ ထိုစဉ်က ငယ်လည်း ငယ်သေး သဖြင့် မည်မည်ရရ အဖြေ မပေးနိုင်ခဲ့ပါ။ ကိုယ်နှင့် နီးစပ်ရာများကိုသာ ကြည့်၍ အားကျမိကျရာ “ဆရာဝန်ကြီး လုပ်ချင်တယ်” ၊ “စစ်ဗိုလ်ကြီးလုပ်မယ်” ၊ “ အင်ဂျင်နီယာကြီးဖြစ်ချင်တယ်” ဟူ၍သာ ဖြေကြားခဲ့ကြပါသည်။ သို့သော် အရွယ်ရောက်လာ၍ အတန်းပညာ အသင့်အတင့် ရှိလာသောအချိန် တွင် ကိုယ်ဝါသနာပါရာ လုပ်ငန်း၊ သို့မဟုတ် ဘဝတွင် တက်လမ်းရှိရာ လုပ်ငန်း၊ သို့မဟုတ် ဝင်ငွေ ကောင်းသည့် လုပ်ငန်းတို့ကို စိတ်ကူးယဉ် အိပ်မက် မက်ကြပြန်ပါသည်။

လောကတွင် စိတ်ကူးယဉ် အိပ်မက်အဆင့်ကိုလည်း မကျော်လွန်နိုင်၊ မိမိ ဖြစ်ချင် လုပ်ချင်သည်တို့ကို လည်း လက်တွေ့ အကောင်အထည် မဖော်နိုင်ဘဲ စိတ်ကူးယဉ် သံသရာထဲမှာပင် ဘဝကို ရေစုံမျော လိုက်နေကြသူ အမြောက်အမြား ရှိကြသကဲ့သို့ မိမိဖြစ်ချင်သည်ကို ကြီးမားသော ရည်မှန်းချက်ထား ရှိကာ မဖြစ်မနေ တစိုက်မတ်မတ် အောင်မြင်အောင် ကြိုးပမ်းအားထုတ် အကောင်အထည်ဖော်ကြသူ အနည်းစုလည်း ရှိကြပါသည်။

အောင်မြင်လိုသူ အများစုမှာ မိမိ တစ်ကိုယ်ရေအတွက်နှင့် မိမိ၏ မိသားစု ဆွေမျိုးအသိုင်းအဝိုင်း အတွက် မျှလောက်သာ ရည်ရွယ်ချက် ထားရှိကြပြီး အောင်မြင်မှုနှင့် အတူ ကျော်ကြားမှုကိုလည်း မက်မောစွာ လိုချင်ကြပါသည်၊ သို့သော် မည်သူ တစ်စုံတစ်ယောက်ကမျှ “ကျွန်တော်၊ ကျွန်မ ကျော်ကြားချင်ပါတယ်” ဟူ၍ မပြောပါ၊ အလွန်နည်းသော အရေအတွက်သာလျှင် ရရှိလာသော အောင်မြင်မှုကို အများ အကျိုးအတွက် ကြီးမားသော ရည်ရွယ်ချက်ထားရှိကာ မိမိ၏ ကိုယ်ကျိုးကို စွန့်လွှတ်၍ အနစ်နာခံနိုင်ကြပါသည်။ ၎င်းတို့သည် ကျော်ကြားမှုကိုလည်း မက်မောသူများ မဟုတ် ကြပါ။

အချို့သော ရည်မှန်းချက် ပန်းတိုင်တို့သည် မိမိကိုယ်တိုင် ဝါယမစိုက်ထုတ် ကြိုးပမ်းဆောင်ရွက် ရန်သာ လိုအပ်သော်လည်း အနုပညာရှင်များနှင့် နိုင်ငံရေးသမားများအတွက်မူ အောင်မြင်မှု ရရှိရန် အများ၏ ထောက်ခံအားပေးမှု လိုအပ်ပါသည်။ အောင်မြင်မှုပန်းတိုင်ဟု ဆိုရာတွင်လည်း သာမန် အားဖြင့် လူတစ်ဦးသည် သူဖြစ်ချင်သည့် အခြေအနေ၊ အဆင့်အတန်း၊ ဝင်ငွေ၊ ပရိသတ် ရရှိလျှင် အောင်မြင်ပြီဟု ဆိုနိုင်သော်လည်း တိုင်းကျိုးဆောင်၍ ပြည်ကျိုးပြုရန် ဆန္ဒရှိသူ နိုင်ငံရေးသမား တစ်ဦး အတွက်မူ လွှတ်တော် ကိုယ်စားလှယ် ဖြစ်ရုံ၊ ဝန်ကြီးဖြစ်ရုံ၊ သမ္မတ ဖြစ်ရုံမျှဖြင့် ပြည့်စုံ လုံလောက်သည် မဟုတ်ပါ။ ၎င်း၏ အန္တိမ ရည်မှန်းချက်ဖြစ်သော နိုင်ငံတော် ဖွံ့ဖြိုးတိုးတက်ရေး၊ ပြည်သူများ၏ စားဝတ်နေရေး ပြေလည်စေရေး၊ လူနေမှု အဆင့်အတန်း မြင့်မားရေး စသည်တို့ကဲ့သို့ နိုင်ငံရေး ရည်မှန်းချက်များကို အောင်မြင်စွာ အကောင်အထည်ဖော် ဆောင်ရွက်နိုင်မှသာလျှင် ၎င်းအနေနှင့် အောင်မြင်မှု ပန်းတိုင်သို့ ရောက်ရှိသည်ဟု ဆိုနိုင်ပါသည်။

ပြည်သူ့လွှတ်တော် ဥက္ကဋ္ဌ သူရဦးရွှေမန်းက သမ္မတဖြစ်မှ ပြည်သူ၏ အကျိုးကို ပိုမိုဆောင်ရွက်နိုင်မည် ဆိုလျှင် သမ္မတဖြစ်ချင်ကြောင်း ပြောကြားသကဲ့သို့ ဒေါ်အောင်ဆန်းစုကြည်ကလည်း တိုင်းပြည် အကျိုး ပြည်သူ့ အကျိုးကို သယ်ပိုး ဆောင်ရွက်နိုင်ရန်အတွက် ပိုမို လုပ်ပိုင်ခွင့်ရှိသည့် သမ္မတအဖြစ် ကို ရလိုကြောင်း ပြောကြားခဲ့ဖူးပါသည် (စကားလုံး အတိအကျ မဟုတ်ပါ)။

ဤသို့ဆိုလျှင်၂၀၁၅ ခုနှစ်တွင် သမ္မတဖြစ်ရန် ဆန္ဒရှိသူ နှစ်ဦးမှာ သမ္မတဖြစ်ချင်ရုံ သက်သက် မဟုတ်ဘဲ နိုင်ငံနှင့် ပြည်သူ့အကျိုးကို သယ်ပိုးရန်ဖြစ်ရာ ပြည်သူ တစ်ဦးအနေနှင့် ကြိုဆိုပါသည်။ လက်ရှိသမ္မတကြီး ဦးသိန်းစိန်ကလည်း ကျန်းမာရေးကောင်း၍ ပြည်သူကလည်း လိုအပ်လျှင် ဆက်လက် တာဝန် ထမ်းဆောင်သွားရန် ဆန္ဒရှိကြောင်း ယခင်က အမေးအဖြေ တစ်ခုတွင် ဖြေကြား ခဲ့ဖူးပါသည်။ သို့ရာတွင် ဖွဲ့စည်းပုံ အခြေခံဥပဒေအရ ကျွန်တော်တို့ နိုင်ငံတွင် ပြည်သူက ကြိုက်တိုင်း လည်း သမ္မတ မဖြစ်နိုင်ပါ။ သမ္မတရွေးချယ်ရေးအဖွဲ့ သုံးဖွဲ့က ဒု-သမ္မတ သုံးဦးကို ရွေးချယ်၍ ပြည်ထောင်စု လွှတ်တော်က နိုင်ငံတော်သမ္မတကို ထပ်ဆင့် ရွေးချယ်ပါသည်။

ဒေါ်အောင်ဆန်းစုကြည်မှာ ဖွဲ့စည်းပုံ အခြေခံဥပဒေပုဒ်မ (၅၉)၊ ပုဒ်မခွဲ (စ) အရ သမ္မတအဖြစ် ရွေးချယ်ခံ ပိုင်ခွင့်မရှိပါ။ သူ၏ သားနှစ်ဦးမှာ အင်္ဂလန်နိုင်ငံသားများ ဖြစ်နေသည့်အတွက်ကြောင့် ဖြစ်ပါသည်။ ဖွဲ့စည်းပုံ အခြေခံဥပဒေ ပြင်ဆင်ရေး ကိစ္စမှာ ပြည်ထောင်စုလွှတ်တော်နှင့် ပြည်သူတို့၏ ဆန္ဒသာ ဖြစ်ပါသည်။ အကယ်၍ သမ္မတဖြစ်မည့်သူ၏ သား၊ သမီးတို့သည် မြန်မာနိုင်ငံသားများ ဖြစ်ကြသော်လည်း နိုင်ငံနှင့် ပြည်သူကို အကျိုး မပြုသည့်အပြင် ပြည်သူ့ အကျိုးစီးပွားကို မျက်ကွယ် ပြုကာ ကိုယ်ကျိုး စီးပွားကို ရှေ့တန်း တင်လွန်းသူများ ဖြစ်ပါက မည်သို့ စဉ်းစားကြမည်နည်း။ မည်သို့ပင်ဖြစ်စေ နိုင်ငံ၏ ဦးသျှောင်ဖြစ်မည့်သူကို ရွေးချယ်ရာတွင် သား၊ သမီးကိစ္စကို ထည့်သွင်း စဉ်းစားသင့်သည်ဟု ယူဆပါသည်။ ယနေ့ မြန်မာနိုင်ငံတွင် ဥပဒေကို မထေမဲ့မြင်ပြုသူများ၊ ပြည်သူကို အလေးမထား စော်ကားမော်ကား ပြုနေကြသူများမှာ မည်သူတွေ ဖြစ်သည်ကို ပြည်သူများ သိကြ ပါသည်။ လက်ရှိ ဖွဲ့စည်းပုံ အခြေခံဥပဒေအရ ပြည်သူက ကြိုက်နှစ်သက်သောသူကို သမ္မတအဖြစ် တိုက်ရိုက် တင်မြှောက်ခွင့် မရှိသည်ကိုလည်း အခြေခံဥပဒေကို ပြင်ဆင်ရန် ကြိုးစားနေသူများ သတိပြုဖွယ် ဖြစ်ပါသည်။

ထို့အပြင် ဖွဲ့စည်းပုံ အခြေခံဥပဒေတွင် နိုင်ငံတော်သမ္မတ ဖြစ်ရန်အတွက် ကန့်သတ်ချက်များ ရှိပါသေးသည်။ ဖွဲ့စည်းပုံ အခြေခံဥပဒေ အခန်း (၃)၊ ပုဒ်မ(၅၉)၊ ပုဒ်မခွဲ(ဃ)တွင် နိုင်ငံတော် သမ္မတသည် ‘နိုင်ငံရေး၊ အုပ်ချုပ်ရေး၊ စီးပွားရေးနှင့် စစ်ရေး အမြင်’ ရှိရမည် ဟူ၍ ပြဋ္ဌာန်းထားပါသည်။ ဤနေရာတွင် ‘စစ်ရေးအမြင်’ နှင့် ပတ်သက်၍ ကျွန်တော် နားလည်သလောက် ဆွေးနွေးရလျှင် နိုင်ငံ တစ်နိုင်ငံသည် စစ်အင်အား ကြီးမားရမည်၊ စစ်လက်နက်ပစ္စည်း အထူးသဖြင့် ခေတ်မီ စစ်လက်နက် ပစ္စည်း တပ်ဆင်နိုင်ရမည်၊ သို့မှသာ အိမ်နားနီးချင်း နိုင်ငံများ အပါအဝင် ဒေသတွင်း နိုင်ငံများအလယ် တွင် ခံ့ညားမည်ဟူသော ၁၈ ရာစု၊ ၁၉ ရာစုက အယူအဆကို ကျွန်တော်တို့နိုင်ငံ ခေါင်းဆောင်ဟောင်း များ လက်ခံ နားလည် ကျင့်သုံးကြသည်ဟု ကျွန်တော် ယူဆပါသည်။ အဘယ်ကြောင့်ဆိုသော် မြန်မာနိုင်ငံတွင် ၁၉၆၂ ခုနှစ်မှစ၍ စစ်ရေးအမြင်ရှိသူများက နိုင်ငံကို အုပ်ချုပ်ခဲ့ရာ စစ်ရေး အသုံးစရိတ် များ တိုးမြှင့် သုံးစွဲခဲ့ပြီး စစ်အင်အားများ တိုးချဲ့ ဖွဲ့စည်းခဲ့ခြင်း၊ ခေတ်မီ (မြန်မာနိုင်ငံအတွက် ခေတ်မီ သော်လည်း အခြားနိုင်ငံများအတွက် ခေတ်မမီတော့သော) လက်နက်များကို ဈေးနှုန်း မြင့်မားစွာဖြင့် ဝယ်ယူ တပ်ဆင်ခဲ့ခြင်း စသည်တို့ကြောင့် ပညာရေး၊ ကျန်းမာရေး၊ လူမှုရေး အဘက် ဘက်က နိမ့်ကျခဲ့ပြီး ကမ္ဘာ့အဆင်းရဲဆုံး နိုင်ငံအဖြစ် စာရင်းဝင် ဖြစ်ခဲ့ရသည့်အတွက်ကြောင့် ဖြစ်ပါသည်။ ရှေးယခင်က နိုင်ငံရေးအရ ဖြစ်စေ၊ စီးပွားရေးအရ ဖြစ်စေ အင်ပါယာ ချဲ့ထွင်လိုပါက စစ်အင်အားကို သာလျှင် အသုံးပြုခဲ့ကြပါသည်။ ပထမကမ္ဘာစစ်၊ ဒုတိယကမ္ဘာစစ် အပါအဝင် ကြီးမားသော စစ်ပွဲကြီး များကို ကမ္ဘာ့ပြည်သူများ ခါးသီးစွာ ခံစားခဲ့ကြရပါသည်။

သို့ဖြစ်၍ ၂၀ ရာစု နှောင်းပိုင်း ကာလများမှစ၍ နိုင်ငံ တစ်နိုင်ငံမှ အခြားနိုင်ငံ တစ်နိုင်ငံသို့ အကြောင်းမဲ့ စစ်အင်အား အသုံးပြု၍ ဝင်ရောက်ကျူးကျော် သိမ်းပိုက်ခြင်းမျိုး မရှိတော့ပါ။ စီးပွားရေး စစ်ပွဲ၊ ယဉ်ကျေးမှု စစ်ပွဲများ ဆင်နွှဲ၍ သာလျှင် နိုင်ငံ တစ်နိုင်ငံကို ဝါးမျိုခြင်း ပြုကြသည်။

တစ်ဖက်တွင်လည်း အိမ်နီးနားချင်း ဆွေမျိုးပေါက်ဖော် နိုင်ငံကြီးက မြန်မာနိုင်ငံကို အနီးကပ် စီးပွားရေး စစ်ပွဲ ဆင်နွှဲခဲ့ရာ မြန်မာနိုင်ငံမှ သစ်တောကြီးများ၊ ကျောက်သံ ပတ္တမြားနှင့် သဘာဝဓာတ်ငွေ့များ ကုန်ခန်းလုနီးပါး ဖြစ်ခဲ့ရပြီး အပြန်အလှန် အကျိုးအမြတ်အဖြစ် စားသုံးရန် မသင့်လျော်သော စားသောက်ကုန်များ၊ အရည်အသွေး နိမ့်ကျသည့် လူသုံးကုန် ပစ္စည်းများ၊ လမ်းပေါ်တွင် မကြာခဏ ပျက်နေသည့် လူစီးနှင့် ကုန်တင်ယာဉ်များ၊ သတ်မှတ်ထားသည့် မဂ္ဂါဝပ်အတိုင်း မထွက်ရှိသည့် ရေအားလျှပ်စစ် ဓာတ်အားပေး စက်ရုံများနှင့် ယခုနောက်ဆုံး မိုင်းဆတ်နှင့် ကော့သောင်းမြို့တို့တွင် ပြေးလမ်းချော်သည့် ဖြစ်စဉ် ပေါ်ပေါက်ခဲ့သည့် MA 60 အမျိုးအစား လေယာဉ်များပင် ဖြစ်ပါသည်။ မြန်မာနိုင်ငံသည် နှစ်၂၀ ခန့်ကြာ စီးပွားရေး စစ်ပွဲတွင် အရှုံးကြီး ရှုံးခဲ့ရပါသည်။ မည်သည့် စစ်ရေး အမြင်ရှိသူ တစ်ဦးကမျှ စီးပွားရေး စစ်ပွဲကို နိုင်အောင် မစွမ်းဆောင်နိုင်ခဲ့ကြပါ။

ယဉ်ကျေးမှု စစ်ပွဲတွင်လည်း မြန်မာတို့ အရှုံးကြီးရှုံး၍ မယားငယ်၊ လင်ငယ် ပြဿနာများ၊ မိန်းကလေး တန်မဲ့ အရက်၊ ဘီယာ သောက်စားလာမှုများ၊ ဒူးပေါ်၊ ပေါင်ပေါ် ဝတ်ဆင်လာမှုများသည် သက်သေ အထင်အရှားပင် ဖြစ်ပါသည်။ စိတ်ဓာတ် သေဆုံးခြင်းနှင့် ယဉ်ကျေးမှု ကွယ်ပျောက်ခြင်းတို့ကို စစ် မြေပြင်တွင် ကျရှုံးခြင်းနှင့် နှိုင်းယှဉ် ကြည့်နိုင်ပါသည်။

စီးပွားရေး အမြင်ရှိခြင်းနှင့် ပတ်သက်၍ ဆွေးနွေးရပါလျှင်လည်း မြန်မာ့ ဆိုရှယ်လစ်လမ်းစဉ် ပါတီက ကျင့်သုံး ဆောင်ရွက်ခဲ့သည့် ဗဟိုဦးစီး စီမံကိန်း စီးပွားရေးစနစ် မအောင်မမြင်ဖြစ်ကာ ဆုံးရှုံးမှုများစွာ ကြုံတွေ့ခဲ့ရပြီး ၁၉၈၈ ခုနှစ် နောက်ပိုင်းတွင် မပီပြင်သော တံခါးဖွင့် စီးပွားရေးဝါဒ (ဝါ)လက်ဝါးကြီး အုပ် ဈေးကွက် စီးပွားရေးဝါဒကို ဆက်လက် ကျင့်သုံးခဲ့ရာ လုပ်ပိုင်ခွင့်ရှိသူနှင့် ရင်းနှီးသူ(ခရိုနီ)များ သာလျှင် လုပ်ပိုင်ခွင့် ရှိသူများနှင့်အတူ များပြားသော ဓနဥစ္စာများကို ပိုင်ဆိုင်သွားကြပြီး ပြည်သူများ မှာ ဆင်းရဲသည်ထက် ပိုမို ဆင်းရဲသော ဘဝများသို့သာ ရောက်ရှိခဲ့ရပါသည်။

၁၉၈၈ ခုနှစ်မှသည် ၂၀၁၁ ခုနှစ်အတွင်း အုပ်ချုပ်ခဲ့ကြသော အုပ်ချုပ်ရေး အမြင်ရှိသူများ ကြောင့်လည်း အဂတိ လိုက်စားမှုများ၊ လာဘ်ပေး လာဘ်ယူမှုများမှာ နိုင်ငံ ၁၇၆ နိုင်ငံအနက် အဆင့် ၁၇၀ ကျော် တွင် ရှိနေကြောင်း ၁၁.၆.၂၀၁၃ ရက်နေ့ထုတ် ကြေးမုံ သတင်းစာတွင် ဖတ်ရှုလိုက်ရပါသည်။

ဤသို့ဆိုလျှင်... ၂၀၁၅ ခုနှစ်၌ ... (အကယ်၍သာ နိုင်ငံတော်သမ္မတကို ပြည်သူက လွတ်လပ်စွာ တိုက်ရိုက် ရွေးချယ် တင်မြှောက်ခွင့်သာ ရမည်ဆိုပါက)... သမ္မတတစ်ဦးအဖြစ် မည်ကဲ့သို့သော ပုဂ္ဂိုလ်မျိုးကို ရွေးချယ်သင့်ကြောင်း အကြံပြု တင်ပြရမည်ဆိုပါက...
-အဂတိ လိုက်စားမှုနှင့် လာဘ်ပေး လာဘ်ယူ ကင်းရှင်းပြီး ကောင်းမွန်သော အုပ်ချုပ်ရေးနှင့် သန့်ရှင်းသော အစိုးရမျိုးကို ဖော်ဆောင်နိုင်မည့် ပြည်သူကို ဗဟိုပြုသော ‘အုပ်ချုပ်ရေးအမြင်’ ရှိသည့် ပုဂ္ဂိုလ်မျိုးကို သမ္မတအဖြစ် ရွေးချယ်သင့်ပါသည်။
-အိမ်နီးချင်း နိုင်ငံများနှင့်လည်း အဆင်ပြေ၊ ကမ္ဘာ့နိုင်ငံများနှင့်လည်း သဟဇာတဖြစ်ပြီး ပြည်တွင်းရှိ တိုင်းရင်းသားများကလည်း လေးစားသူ၊ ပြည်တွင်းပြည်ပ ငြိမ်းချမ်းရေးကို ဖော်ဆောင်နိုင်မည့် ‘နိုင်ငံရေးနှင့် စစ်ရေးအမြင်’ ရှိသူမျိုးကို ရွေးချယ်သင့်ပါသည်။
-မြေပေါ် မြေအောက် သယံဇာတများကို အဆင်အခြင် ကင်းမဲ့စွာ ထုတ်ယူသုံးစွဲခြင်း မပြုဘဲ၊ အလုပ်အကိုင် အခွင့်အလမ်းများစွာ ဖန်တီးနိုင်၍ နိုင်ငံအတွင်းရှိ လူ့စွမ်းအား အရင်းအမြစ်များကို အပြည့်အဝ အသုံးချကာ ပြည်သူများကို ဆင်းရဲတွင်းမှ ကယ်တင်နိုင်သူ၊ တန်းတူရည်တူ ယှဉ်ပြိုင်နိုင် စွမ်း ရှိစေမည့် ဈေးကွက်စီးပွားရေး စနစ်ကို ဖော်ဆောင်နိုင်သော စီးပွားရေး အမြင် ရှိသူမျိုးကို ရွေးချယ်ကြရပါမည်။

အချုပ်ဆိုရလျှင် နဂါးနီ သီချင်းထဲကလို ‘ဆင်းရဲခြင်း လွတ်ကင်းအောင် လမ်းပြဆောင်နိုင်သူ’၊ ‘ကိုယ့်အမျိုးသား တိုင်းပြည်ကို ရတနာရွှေငွေ အထွေထွေ တိုးစေမည့်သူ’၊ ‘တရားဥပဒေ စိုးမိုး၍ အေးချမ်း တည်ငြိမ် သာယာသော ပြည်သူတို့၏ လူနေမှုဘဝကို ဖော်ဆောင်နိုင်သူ’၊ ပြည်တွင်း၊ ပြည်ပ ငြိမ်းချမ်းရေးကို ရှေးရှုသော စစ်ရေးအမြင် ရှိသူကိုသာ ၂၀၁၅ ခုနှစ်တွင် သမ္မတအဖြစ် ရွေးချယ် သင့်သည်ဟု ယုံကြည်မိကြောင်းပါ။

(သိန်းထက်အောင်) - The Voice Weekly 

                                                                                                                  Older Post