သြစတြေးလျ-မြန်မာ ၂ နိုင်ငံ ဆက်ဆံရေး တိုးမြှင့်ဖို့ ဆွေးနွေး
ဇူလိုင်လ ၄ ရက်နေ့
သြစတြေးလျနိုင်ငံခြားရေး ဝန်ကြီး Julie Bishop ရဲ့ သုံးရက်ကြာ ခရီးစဉ် အတွင်း သမ္မတ ဦးသိန်းစိန် အပါအဝင် အစိုးရ အဖွဲ့ဝင် တို့ နဲ့ တရားဝင် တွေ့ဆုံခဲ့ပြီး ကုန်သွယ်ရေး၊ ရင်းနှီး မြုပ်နှံမှု ၊ နဲ့ ကာကွယ်ရေး ပူးပေါင်းဆောင်ရွက်မှုတွေ အကြောင်းဆွေးနွေးခဲ့ပါတယ်။ နောက်ပြီး လူ့အခွင့်အရေး ကိစ္စကိုလည်း ပြောဆိုခဲ့တဲ့ အကြောင်း Ms. Bishop က ပြောတယ်လို့ ABC သြစတြေးလျ သတင်းဌာနက ကိုးကားပါတယ်။
သြစတြေးလျ တက္ကသိုလ် က ကျောင်းသားတွေ မြန်မာနိုင်ငံ မှာ နောက် လာမယ့် နှစ်က စပြီး ပညာသင်ကြားဖို့ အတွက် ကိုလံဘို အစီအစဉ်မှာ ပါဝင် လက်မှတ်ထိုးမယ် လို့ မြန်မာနိုင်ငံခြားရေးဝန်ကြီး က အတည်ပြု ပြောကြားပါတယ်။
ဒီအလည်အပတ် ခရီးစဉ်မှာ Ms. Bishopက ဒေါ်အောင်ဆန်းစုကြည် နဲ့လည်း ၄၅ မိနစ်ကြာတွေ့ဆုံခဲ့ပါသေးတယ်။ မြန်မာနိုင်ငံရဲ့ ဖွဲ့စည်းပုံ အခြေခံ ဥပဒေကို ပြင်ဆင် ဖို့ အားလုံး ရဲ့ ထောက်ခံချက်ကို ရစေချင်ပါတယ် လို့ Ms. Bishop က ပြောသွားပါတယ်။ ပြီးခဲ့တဲ့ နှစ်က သြစတြေးလျနိုင်ငံခြားရေး ဝန်ကြီး Bob carr မြန်မာနိုင်ငံကို အလည်အပတ်ရောက်ခဲ့ပြီး ဒေါ်အောင်ဆန်းစုကြည်လည်း သြစတြေးလျနိုင်ငံကို လည်ပတ်ခဲ့ပါသေးတယ်။
ဗွီအိုအေ (မြန်မာပိုင်း)
0 comments:
Post a Comment