ဒေါ်အောင်ဆန်းစုကြည်ဟောပြောချက် ဖွဲ့စည်းပုံဥပဒေနဲ့ညီညွတ်တယ်လို့ NLD တုန့်ပြန်
ဂျွန်လ ၂ ရက်နေ့၊ ၂၀၁၄
ပုဒ်မ ၄၃၆ ပြင်ဆင်ရေးအတွက် အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ရဲ့ ဟောပြောချက်တွေထဲက တပ်မတော်အပေါ် တိုက်တွန်းချက်တွေဟာ ဖွဲ့စည်းပုံအခြေခံဥပဒေနဲ့ ညီညွတ်ကြောင်း အမျိုးသားဒီမိုကရေစီအဖွဲ့ချုပ်က ဒီနေ့ ကြေညာချက်ထုတ်ပြီး တုန့်ပြန်လိုက်ပါတယ်။
ပြီးခဲ့တဲ့ မေလ ၁၈ ရက်နေ့က မန္တလေးတိုင်းဒေသကြီး အောင်ပင်လယ်ကွင်းမှာ ဒေါ်အောင်ဆန်းစုကြည်က တပ်မတော်ဟာ အမှန်တရားကို ရင်ဆိုင်ရပါမယ်။ ရင်ဆိုင်ပြီးတော့ ဖွဲ့စည်းပုံ အခြေခံဥပဒေကို ပြည်သူလူထုအတွက် အကောင်းဆုံးဖြစ်အောင်လို့ ဥပဒေဘောင်အတွင်းက လွှတ်တော်အတွင်းကနေ ကျမတို့တွေ ပြင်ဆင်သွားမယ် လို့ ဟောပြောခဲ့ပါတယ်။ အဲ့ဒီဟောပြောချက်တွေဟာ ဖွဲ့စည်းပုံ အခြေခံဥပဒေက ခွင့်ပြုထားတဲ့ဘောင်ထက် ကျော်လွန်နေတယ်လို့ ပြည်ထောင်စု ရွေးကောက်ပွဲကော်မရှင်က ပြီးခဲ့တဲ့ မေလ ၂၂ ရက်နေ့စွဲနဲ့ အသိပေးအကြောင်းကြားစာ ပေးပို့တာဖြစ်ပါတယ်။
အမျိုးသားဒီမိုကရေစီအဖွဲ့ချုပ်က ဒီနေ့ထုတ်ပြန်တဲ့ ကြေညာချက်မှာ ဖွဲ့စည်းပုံ အခြေခံဥပဒေပုဒ်မ ၃၅၄ (က) အရ မိမိယုံကြည်ချက်၊ ထင်မြင်ယူဆချက်တွေကို လွတ်လပ်စွာထုတ်ဖော်ပြောဆိုခွင့်၊ ရေးသားဖြန့်ဝေခွင့်ကို လွတ်လပ်စွာသုံးစွဲဆောင်ရွက်ခွင့်ရှိကြောင်း ဖော်ပြထားပါတယ်။
ဒါ့အပြင် ပြည်ထောင်စု ရွေးကောက်ပွဲကော်မရှင်ဟာ နိုင်ငံရေးပါတီတွေကို ကြီးကြပ်တာနဲ့ ကြီးကြပ်ရမယ့် တာဝန်တွေကို ဥပဒေပါပြဌာန်းချက်တွေနဲ့သာ ဆောင်ရွက်ခွင့်ရှိပြီး ပြည်ထောင်စု ရွေးကောက်ပွဲ ကော်မရှင်အနေနဲ့ အခုလို ဝင်ရောက်သတိပေးတာဟာ လုံးဝမသင့်တော်ဘူးလို့ ပါရှိပါတယ်။
RFA
0 comments:
Post a Comment